VITM Recruitment 2025 : ಆಫೀಸ್ ಅಸಿಸ್ಟೆಂಟ್ ಮತ್ತು ವಿವಿಧ ಹುದ್ದೆಗಳಿಗೆ ಅರ್ಜಿ ಅಹ್ವಾನ, ಅಪ್ಲೈ ಮಾಡಿ

ಭಾರತದಲ್ಲಿ ಸರ್ಕಾರಿ ಉದ್ಯೋಗಕ್ಕೆ ತವಕದಿಂದ ಕಾಯುತ್ತಿರುವ ಅಭ್ಯರ್ಥಿಗಳಿಗೆ ವಿಶ್ವೇಶ್ವರಯ್ಯ ಕೈಗಾರಿಕಾ ಮತ್ತು ತಾಂತ್ರಿಕ ವಸ್ತುಸಂಗ್ರಹಾಲಯ (VITM) ಮತ್ತು ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ (NCLT) ಸಂಸ್ಥೆಗಳು ಎರಡು ಮಹತ್ವದ ನೇಮಕಾತಿ ಅಧಿಸೂಚನೆಗಳನ್ನು ಪ್ರಕಟಿಸಿವೆ. ಬೆಂಗಳೂರು ಸೇರಿದಂತೆ ದಕ್ಷಿಣ ಭಾರತದ ಹಲವು ನಗರಗಳಲ್ಲಿ ಹುದ್ದೆಗಳು ಲಭ್ಯವಿದ್ದು, ಅಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆ ಹಾಗೂ ಅನುಭವದ ಆಧಾರದ ಮೇಲೆ ಆನ್‌ಲೈನ್ ಅಥವಾ ಆಫ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು. ಈ ವರದಿಯಲ್ಲಿ ಎರಡು ನೇಮಕಾತಿಗಳ ಕುರಿತು ಸಂಪೂರ್ಣ ಮಾಹಿತಿ ನೀಡಲಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

VITM ನೇಮಕಾತಿ 2025 – ಪ್ರಮುಖ ವಿವರಗಳು

ವಿಶ್ವೇಶ್ವರಯ್ಯ ಕೈಗಾರಿಕಾ ಮತ್ತು ತಾಂತ್ರಿಕ ವಸ್ತುಸಂಗ್ರಹಾಲಯ (VITM), ಬೆಂಗಳೂರು ಇದು ಸಂಸ್ಕೃತಿ ಸಚಿವಾಲಯದ ಅಧೀನದಲ್ಲಿರುವ ರಾಷ್ಟ್ರೀಯ ವಿಜ್ಞಾನ ಸಂಗ್ರಹಾಲಯಗಳ ಪರಿಷತ್ತು (NCSM) ಯ ಒಂದು ಘಟಕ. ದೇಶಾದ್ಯಂತ ವಿಜ್ಞಾನ ಸಂಸ್ಕೃತಿ ಹರಡುವ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಈ ಸಂಸ್ಥೆ ಇದೀಗ ಪ್ರದರ್ಶನ ಸಹಾಯಕ ‘A’, ಟೆಕ್ನೀಷಿಯನ್ ‘A’, ಮತ್ತು ಕಚೇರಿ ಸಹಾಯಕ (Group-3) ಹುದ್ದೆಗಳ ಭರ್ತಿಗಾಗಿ ಅರ್ಜಿ ಆಹ್ವಾನಿಸಿದೆ.

ಒಟ್ಟು ಹುದ್ದೆಗಳು: 12

ಉದ್ಯೋಗ ಸ್ಥಳಗಳು: ಬೆಂಗಳೂರು, ತಿರುಪತಿ, ಕಲಬುರಗಿ, ಕೋಳಿಕೋಡ್ (ಕೇರಳ)

ಅರ್ಜಿ ಸಲ್ಲಿಸುವ ವಿಧಾನ: ಆನ್‌ಲೈನ್

ಹುದ್ದೆಗಳ ವಿವರ:

ಪ್ರದರ್ಶನ ಸಹಾಯಕ ‘A’ – 1 ಹುದ್ದೆ, ಸ್ಥಳ: ಬೆಂಗಳೂರು, ಮೀಸಲಾತಿ: OBC ವರ್ಗಕ್ಕೆ ಮೀಸಲಾಗಿರುವುದು.

ಟೆಕ್ನೀಷಿಯನ್ ‘A’ – ಒಟ್ಟು 6 ಹುದ್ದೆಗಳು.

ಬೆಂಗಳೂರು: 4 ಹುದ್ದೆಗಳು (UR–3, EWS–1)

ತಿರುಪತಿ: 2 ಹುದ್ದೆಗಳು (UR–2)
ವಿಭಾಗಗಳು – ಫಿಟ್ಟರ್: 3, ಎಲೆಕ್ಟ್ರಿಕಲ್: 1, ಕಾರ್ಪೆಂಟರ್: 1, ಎಲೆಕ್ಟ್ರಾನಿಕ್ಸ್: 1

ಕಚೇರಿ ಸಹಾಯಕ (Group-3) – ಒಟ್ಟು 5 ಹುದ್ದೆಗಳು.

ಬೆಂಗಳೂರು: SC–1, OBC–1, EWS–1

ಕಲಬುರಗಿ: EWS–1

ಕೋಳಿಕೋಡ್: UR–1

ಅರ್ಹತೆ:

ಪ್ರದರ್ಶನ ಸಹಾಯಕ ‘A’ ಹುದ್ದೆಗೆ ಫೈನ್ ಆರ್ಟ್ಸ್, ಕಮರ್ಷಿಯಲ್ ಆರ್ಟ್ಸ್ ಅಥವಾ ವಿಷುಯಲ್ ಆರ್ಟ್ಸ್‌ನಲ್ಲಿ ಬ್ಯಾಚುಲರ್ ಪದವಿ ಹೊಂದಿರಬೇಕು.

ತಾಂತ್ರಿಕ ಹುದ್ದೆಯಾದ ಟೆಕ್ನೀಷಿಯನ್ ‘A’ ಸ್ಥಾನಕ್ಕಾಗಿ SSLC ಉತ್ತೀರ್ಣತೆ ಜೊತೆಗೆ ಸಂಬಂಧಿತ ವಿಭಾಗದಲ್ಲಿ ITI ಪ್ರಮಾಣಪತ್ರ ಅಗತ್ಯವಿದ್ದು, ಜೊತೆಗೆ ಕೋರ್ಸ್ ಅವಧಿಯ ಪ್ರಕಾರ 1 ರಿಂದ 2 ವರ್ಷಗಳ ಅನುಭವ ಇರಬೇಕು.

ಕಚೇರಿ ಸಹಾಯಕ (Group-3) ಹುದ್ದೆಗೆ 12ನೇ ತರಗತಿ ಉತ್ತೀರ್ಣರಾಗಿರುವುದು ಕಡ್ಡಾಯವಾಗಿದ್ದು, ಜೊತೆಗೆ ಇಂಗ್ಲಿಷ್ ಅಥವಾ ಹಿಂದಿ ಭಾಷೆಯಲ್ಲಿ ಟೈಪಿಂಗ್ ಕೌಶಲ್ಯವನ್ನು(Typing Skill) ಹೊಂದಿರಬೇಕು.

ವಯೋಮಿತಿ:

ಪ್ರದರ್ಶನ ಸಹಾಯಕ ‘A’ ಮತ್ತು ಟೆಕ್ನೀಷಿಯನ್ ‘A’: ಗರಿಷ್ಠ 35 ವರ್ಷ

ಕಚೇರಿ ಸಹಾಯಕ (Group-3): ಗರಿಷ್ಠ 25 ವರ್ಷ

ಮೀಸಲಾತಿ ಅಭ್ಯರ್ಥಿಗಳಿಗೆ ಸರ್ಕಾರದ ನಿಯಮಗಳಂತೆ ವಯೋಮಿತಿ ಸಡಿಲಿಕೆ ಅನ್ವಯ.

ವೇತನ ಶ್ರೇಣಿ:

ಪ್ರದರ್ಶನ ಸಹಾಯಕ ‘A’ ಹುದ್ದೆಗೆ ನಿಗದಿಪಡಿಸಿರುವ ವೇತನ ಶ್ರೇಣಿ ₹29,200ರಿಂದ ₹92,300ರವರೆಗೆ ಇರುತ್ತದೆ. ಇದು ಪೇ ಲೆವೆಲ್-5ಗೆ ಸೇರಿದೆ.

ಹಾಗೆಯೇ, ಟೆಕ್ನೀಷಿಯನ್ ‘A’ ಹಾಗೂ ಕಚೇರಿ ಸಹಾಯಕ (Group-3) ಹುದ್ದೆಗಳ ವೇತನವನ್ನು ₹19,900ರಿಂದ ₹63,200ರವರೆಗೆ ನಿಗದಿ ಮಾಡಲಾಗಿದ್ದು, ಪೇ ಲೆವೆಲ್-2 ಅಡಿಯಲ್ಲಿ ಬರುವಂತಿದೆ.

ಅರ್ಜಿ ಶುಲ್ಕ:

ಸಾಮಾನ್ಯ ಅಭ್ಯರ್ಥಿಗಳಿಗೆ: ₹885 (GST ಸೇರಿ)

ಮಹಿಳೆಯರು, SC/ST, ಅಂಗವಿಕಲರು ಮತ್ತು ಮಾಜಿ ಸೈನಿಕರಿಗೆ: ಶುಲ್ಕ ವಿನಾಯಿತಿ

ಆಯ್ಕೆ ವಿಧಾನ:

ಲೇಖಿ ಪರೀಕ್ಷೆ ಹಾಗೂ ಕೌಶಲ್ಯ ಪರೀಕ್ಷೆ (Typing Test ಕಡ್ಡಾಯವಾಗಿ ಕಚೇರಿ ಸಹಾಯಕರಿಗೆ).

ಆಯ್ಕೆಯಾದ ಅಭ್ಯರ್ಥಿಗಳನ್ನು NCSM ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಭಾರತದ ವಿವಿಧ ಕೇಂದ್ರಗಳಿಗೆ ವರ್ಗಾವಣೆ ಮಾಡುವ ಅಧಿಕಾರ ಸಂಸ್ಥೆಗೆ ಇರುತ್ತದೆ.

ಮುಖ್ಯ ದಿನಾಂಕಗಳು (VITM):

ಆನ್‌ಲೈನ್ ಅರ್ಜಿ ಪ್ರಾರಂಭ: 20.09.2025

ಕೊನೆಯ ದಿನಾಂಕ: 20.10.2025

NCLT ನಿಯೋಗದ ನೇಮಕಾತಿ 2025 – ಪ್ರಮುಖ ವಿವರಗಳು

ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ (NCLT) ತನ್ನ ವಿವಿಧ ನ್ಯಾಯಪೀಠಗಳಲ್ಲಿ ಡೆಪ್ಯೂಟಿ ರಿಜಿಸ್ಟ್ರಾರ್, ಕೋರ್ಟ್ ಆಫೀಸರ್, ಸೀನಿಯರ್ ಲೀಗಲ್ ಅಸಿಸ್ಟೆಂಟ್, ಅಸಿಸ್ಟೆಂಟ್, ಸ್ಟಾಫ್ ಕಾರ್ ಡ್ರೈವರ್ ಸೇರಿದಂತೆ ಹಲವಾರು ಹುದ್ದೆಗಳಿಗೆ 96 ಸ್ಥಾನಗಳನ್ನು ನಿಯೋಗದ ಆಧಾರದ ಮೇಲೆ ಭರ್ತಿ ಮಾಡುತ್ತಿದೆ.

ಒಟ್ಟು ಹುದ್ದೆಗಳು: 96

ಉದ್ಯೋಗ ಸ್ಥಳಗಳು: ನವದೆಹಲಿ, ಬೆಂಗಳೂರು, ಮುಂಬೈ, ಚೆನ್ನೈ ಹಾಗೂ ಇತರ ನಗರಗಳ ನ್ಯಾಯಪೀಠಗಳು

ಅರ್ಜಿ ಸಲ್ಲಿಸುವ ವಿಧಾನ: ಆಫ್‌ಲೈನ್ (ಸರಿಯಾದ ಚಾನೆಲ್ ಮೂಲಕ)

ಹುದ್ದೆಗಳ ವಿವರಗಳು:

ಡೆಪ್ಯೂಟಿ ರಿಜಿಸ್ಟ್ರಾರ್ – 4

ಕೋರ್ಟ್ ಆಫೀಸರ್ – 21

ಪ್ರೈವೇಟ್ ಸೆಕ್ರೆಟರಿ – 17

ಸೀನಿಯರ್ ಲೀಗಲ್ ಅಸಿಸ್ಟೆಂಟ್ – 23

ಅಸಿಸ್ಟೆಂಟ್ – 14

ಸ್ಟೆನೋಗ್ರಾಫರ್ / ಪರ್ಸನಲ್ ಅಸಿಸ್ಟೆಂಟ್ – 5

ಕ್ಯಾಷಿಯರ್ – 3

ರೆಕಾರ್ಡ್ ಅಸಿಸ್ಟೆಂಟ್ – 7

ಸ್ಟಾಫ್ ಕಾರ್ ಡ್ರೈವರ್ – 2

ಅರ್ಹತೆ:

ಸೀನಿಯರ್ ಲೀಗಲ್ ಅಸಿಸ್ಟೆಂಟ್ (Senior Legal Assistant) ಹುದ್ದೆಗಾಗಿ ಅಭ್ಯರ್ಥಿಗಳು ಕಾನೂನು ಪದವಿ(Law Degree)ಯನ್ನು ಪಡೆದಿರಬೇಕು. ಜೊತೆಗೆ, ಸರ್ಕಾರಿ ಸೇವೆಯಲ್ಲಿ ಕನಿಷ್ಠ 5 ರಿಂದ 8 ವರ್ಷದ ಅನುಭವ ಹೊಂದಿರುವುದು ಕಡ್ಡಾಯ.

ಸ್ಟಾಫ್ ಕಾರ್ ಡ್ರೈವರ್(Staff Car Drive) ಹುದ್ದೆಗಾಗಿ ಕನಿಷ್ಠ 10ನೇ ತರಗತಿ ಉತ್ತೀರ್ಣರಾಗಿರಬೇಕು. ಇದಲ್ಲದೆ ಮಾನ್ಯ ಚಾಲನಾ ಪರವಾನಗಿ (Driving license) ಹೊಂದಿದ್ದು, ವಾಹನ ಚಾಲನೆಯಲ್ಲಿ ಕನಿಷ್ಠ 3 ವರ್ಷದ ಅನುಭವ ಇರಬೇಕು.

ಇತರ ಹುದ್ದೆಗಳ ವಿಷಯದಲ್ಲಿ, ಸಂಬಂಧಿತ ಸರ್ಕಾರಿ ಇಲಾಖೆ ಅಥವಾ ನ್ಯಾಯಾಲಯಗಳಲ್ಲಿ ಸೇವೆ ಸಲ್ಲಿಸಿರುವ ಅನುಭವವನ್ನು ಮುಖ್ಯ ಅರ್ಹತೆಯಾಗಿ ಪರಿಗಣಿಸಲಾಗುತ್ತದೆ.

ವಯೋಮಿತಿ:

ಗರಿಷ್ಠ 56 ವರ್ಷ (ನಿಯೋಗ ಹುದ್ದೆಗಳಿಗೆ).

ವೇತನ ಶ್ರೇಣಿ:

ಡೆಪ್ಯೂಟಿ ರಿಜಿಸ್ಟ್ರಾರ್ ಹುದ್ದೆಗೆ ಲೆವೆಲ್–12 ಅಡಿಯಲ್ಲಿ ₹78,800 ರಿಂದ ₹2,09,200 ರವರೆಗೆ ಆಕರ್ಷಕ ವೇತನ ನಿಗದಿಯಾಗಿದೆ.

ಸೀನಿಯರ್ ಲೀಗಲ್ ಅಸಿಸ್ಟೆಂಟ್ ಹುದ್ದೆಗೆ ಲೆವೆಲ್–7 ಶ್ರೇಣಿಯಲ್ಲಿ ₹44,900 ರಿಂದ ₹1,42,400 ವರೆಗೆ ವೇತನ ಲಭ್ಯ.

ಇತರ ಹುದ್ದೆಗಳಾದ ಡ್ರೈವರ್, ಕ್ಯಾಷಿಯರ್ ಹಾಗೂ ರೆಕಾರ್ಡ್ ಅಸಿಸ್ಟೆಂಟ್‌ಗಳಿಗೆ ಲೆವೆಲ್–2ರಿಂದ ಲೆವೆಲ್–4ರ ನಡುವಿನ ಶ್ರೇಣಿಯಲ್ಲಿ ₹19,900 ರಿಂದ ₹81,100 ವರೆಗೆ ವೇತನ ಸಿಗಲಿದೆ.

ಆಯ್ಕೆ ಪ್ರಕ್ರಿಯೆ:

ಅಭ್ಯರ್ಥಿಗಳ ಆಯ್ಕೆ ಬಯೋಡೇಟಾ, ಸೇವಾ ದಾಖಲಾತಿಗಳಾದ APARs/ACRs ಹಾಗೂ ಹೊಂದಿರುವ ಅನುಭವವನ್ನು ಸಮಿತಿ ಪರಿಶೀಲಿಸುವ ಮೂಲಕ ನಡೆಯುತ್ತದೆ. ಆಯ್ಕೆಯಾದವರಿಗೆ ಮೊದಲು 3 ವರ್ಷದ ನಿಯೋಗ ಅವಧಿ ನಿಗದಿಯಾಗಿರುತ್ತದೆ.

ಮುಖ್ಯ ದಿನಾಂಕಗಳು (NCLT):

ಉದ್ಯೋಗ ಸುದ್ದಿ ಪ್ರಕಟಣೆ ದಿನಾಂಕದಿಂದ 90 ದಿನಗಳ ಒಳಗೆ ಅರ್ಜಿ ಸಲ್ಲಿಸಬೇಕು.

ಒಟ್ಟಾರೆ ನೋಡಿದರೆ, ಈ ಎರಡು ನೇಮಕಾತಿ ಪ್ರಕಟಣೆಗಳು ವಿಭಿನ್ನ ಹಿನ್ನೆಲೆ, ವಿದ್ಯಾರ್ಹತೆ ಮತ್ತು ಅನುಭವ ಹೊಂದಿರುವ ಅಭ್ಯರ್ಥಿಗಳಿಗೆ ಮಹತ್ವದ ಅವಕಾಶಗಳನ್ನು ನೀಡುತ್ತವೆ. ವಿಜ್ಞಾನ ಮತ್ತು ತಂತ್ರಜ್ಞಾನ ಮ್ಯೂಸಿಯಂ (VITM) ನಲ್ಲಿ ಪ್ರಕಟವಾದ ಹುದ್ದೆಗಳು ITI, ಪಿಯುಸಿ ಅಥವಾ ಪದವಿ ಪೂರ್ಣಗೊಳಿಸಿದ ಯುವಕರಿಗೆ ಉತ್ತಮ ಸರ್ಕಾರಿ ಉದ್ಯೋಗದ ದಾರಿ ತೆರೆದಿವೆ. ಇಂತಹ ಹುದ್ದೆಗಳು ಹೊಸದಾಗಿ ಉದ್ಯೋಗ ಲೋಕಕ್ಕೆ ಕಾಲಿಡಲು ಬಯಸುವವರಿಗೆ ಉತ್ತಮ ಆರಂಭವಾಗಬಹುದು.

ಇನ್ನೊಂದೆಡೆ, ರಾಷ್ಟ್ರೀಯ ಕಂಪನಿ ಕಾನೂನು ಟ್ರಿಬ್ಯುನಲ್ (NCLT) ಪ್ರಕಟಿಸಿರುವ ಹುದ್ದೆಗಳು, ಸರ್ಕಾರೀ ಸೇವೆಯಲ್ಲಿ ತೊಡಗಿರುವವರಿಗೂ, ಕಾನೂನು ಹಾಗೂ ಆಡಳಿತ ಕ್ಷೇತ್ರದಲ್ಲಿ ಅನುಭವ ಗಳಿಸಿರುವ ಅಧಿಕಾರಿಗಳಿಗೂ ಸೂಕ್ತವಾಗಿವೆ. ಇವು ಅನುಭವಸಂಪನ್ನರ ವೃತ್ತಿಜೀವನದಲ್ಲಿ ಮುಂದಿನ ಹಂತಕ್ಕೇರಲು ಸಹಕಾರಿ ಆಗುತ್ತವೆ. ಹೀಗಾಗಿ, ಆಸಕ್ತ ಅಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆ ಮತ್ತು ಅನುಭವಕ್ಕೆ ತಕ್ಕ ಹುದ್ದೆಯನ್ನು ಆಯ್ಕೆಮಾಡಿ, ಅಧಿಕೃತ ಅಧಿಸೂಚನೆಯನ್ನು ಗಮನವಾಗಿ ಓದಿ, ನಿಗದಿತ ಸಮಯದೊಳಗೆ ಅರ್ಜಿಯನ್ನು ಸಲ್ಲಿಸುವುದು ಅಗತ್ಯ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.