ದೀಪಾವಳಿ ಹಬ್ಬದ ದಿನ ಲಕ್ಷ್ಮೀ ದೇವಿ ಮುಂದೆ ಹಣ ಇಟ್ಟು ಪೂಜಿಸುವ ಮುನ್ನ ಈ ವಿಷ್ಯ ತಿಳಿದುಕೊಳ್ಳಿ.!

ದೀಪಾವಳಿಯಂದು ಸಂಪತ್ತಿನ ಅಧಿದೇವತೆ ಲಕ್ಷ್ಮೀ ದೇವಿಯನ್ನು ಪೂಜಿಸುವಾಗ ಹಣ, ಹೂವು, ಸಿಹಿ ತಿಂಡಿಗಳನ್ನು ಯಾವ ದಿಕ್ಕಿನಲ್ಲಿ ಇಡಬೇಕು? ಶುಭ ಮತ್ತು ಅಶುಭ ಫಲಿತಾಂಶಗಳನ್ನು ನೀಡುವ ದಿಕ್ಕುಗಳ ಬಗ್ಗೆ ಇಲ್ಲಿದೆ ಮಾಹಿತಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ದೀಪಾವಳಿ ಹಬ್ಬವನ್ನು ಆಚರಿಸದವರು ಬಹಳ ವಿರಳ. ಪ್ರತಿಯೊಬ್ಬರೂ ತಮ್ಮ ಮನೆ, ಕಚೇರಿಗಳಲ್ಲಿ ಲಕ್ಷ್ಮೀ ದೇವಿಯ ಮೂರ್ತಿ ಅಥವಾ ಫೋಟೋವನ್ನು ಪ್ರತಿಷ್ಠಾಪಿಸಿ, ಪೂಜಾ ಕೈಂಕರ್ಯಗಳನ್ನು ನೆರವೇರಿಸುತ್ತಾರೆ. ಈ ಶುಭ ಸಂದರ್ಭದಲ್ಲಿ, ಪೂಜಾ ಸ್ಥಳದಿಂದ ಮನೆಯಂಗಳ, ಕಚೇರಿಯವರೆಗೂ ದೀಪಗಳನ್ನು ಬೆಳಗಿಸಲಾಗುತ್ತದೆ. ದೀಪಗಳು ಅಜ್ಞಾನದ ಕತ್ತಲೆಯನ್ನು ಹೋಗಲಾಡಿಸಿ ಜ್ಞಾನದ ಬೆಳಕನ್ನು ಸ್ವಾಗತಿಸುವುದನ್ನು ಸೂಚಿಸುತ್ತವೆ. ಇದು ಕೆಟ್ಟದ್ದರ ಮೇಲೆ ಒಳ್ಳೆಯದರ ವಿಜಯ, ಅಂಧಕಾರದ ಮೇಲೆ ಬೆಳಕಿನ ವಿಜಯದ ಸಂಕೇತವಾಗಿದೆ. ಈ ಹಬ್ಬವು ಆಧ್ಯಾತ್ಮಿಕ ಪ್ರಗತಿ, ಸಮೃದ್ಧಿ ಮತ್ತು ಹೊಸ ಪ್ರಾರಂಭವನ್ನು ಆಚರಿಸುತ್ತದೆ.

ಈ ಬಾರಿ ಹಬ್ಬದ ಸಡಗರವು ಮುಗಿಲು ಮುಟ್ಟಿದ್ದು, ದೀಪಾವಳಿ ತಯಾರಿಗಳು ಈಗಾಗಲೇ ಶುರುವಾಗಿವೆ. ಈ ಸಿದ್ಧತೆಗಳ ನಡುವೆ, ಲಕ್ಷ್ಮೀ ಪೂಜೆಯ ಸಮಯದಲ್ಲಿ ಅರಿವಿಲ್ಲದೆ ಮಾಡುವ ಒಂದು ಸಣ್ಣ ತಪ್ಪು ಸಹ ನಿಮ್ಮ ಜೀವನದುದ್ದಕ್ಕೂ ಸಮಸ್ಯೆಗಳನ್ನು ತರಬಹುದು. ಹಾಗಾದರೆ, ವಾಸ್ತು ಶಾಸ್ತ್ರದ ಪ್ರಕಾರ ಲಕ್ಷ್ಮೀ ಪೂಜೆಗೆ ಹಣವನ್ನು ಎಲ್ಲಿ ಇಡಬೇಕು? ಹಣ್ಣುಗಳು, ಹೂವುಗಳು, ಸಿಹಿತಿಂಡಿಗಳು ಮತ್ತು ಬಾಳೆ ಎಲೆಯನ್ನು ಯಾವ ದಿಕ್ಕಿನಲ್ಲಿ ಇಡುವುದು ಶ್ರೇಯಸ್ಕರ? ಎಲ್ಲದರ ಬಗ್ಗೆ ತಿಳಿಯೋಣ.

ದೀಪಾವಳಿಯಂದು ಹಣ ಇಡುವ ಶುಭ ದಿಕ್ಕು

ಲಕ್ಷ್ಮೀ ಪೂಜೆಯ ಸಮಯದಲ್ಲಿ ಹಣವನ್ನು ಇಟ್ಟು ಪೂಜಿಸುವುದು ಹಿಂದಿನಿಂದಲೂ ಇರುವ ಸಂಪ್ರದಾಯ. ಪೂಜೆಯ ಶುದ್ಧತೆಯನ್ನು ಕಾಪಾಡುವುದು ಇಲ್ಲಿ ಅತ್ಯಂತ ಮುಖ್ಯ. ಲಕ್ಷ್ಮೀ ಪೂಜೆಗೆ ಹಣ ಇಡುವುದು ಕಡ್ಡಾಯವಲ್ಲವಾದರೂ, ಒಂದು ವೇಳೆ ಇಡುವುದಾದರೆ ಅದು ಸಂಪೂರ್ಣ ಶುದ್ಧವಾಗಿರಬೇಕು ಮತ್ತು ಸರಿಯಾದ ದಿಕ್ಕಿನಲ್ಲಿ ಇಡಬೇಕು.

ವಾಸ್ತು ಪ್ರಕಾರ, ಈಗಾಗಲೇ ಬಳಸಿದ ಹಳೆಯ ನಾಣ್ಯಗಳು ಅಥವಾ ನೋಟುಗಳನ್ನು ಪೂಜೆಯಲ್ಲಿ ಇಡಬಾರದು. ಇದು ಅಶುದ್ಧತೆಯನ್ನು ಸೂಚಿಸಿ, ಮನೆಗೆ ನಕಾರಾತ್ಮಕ ಶಕ್ತಿಯನ್ನು ಆಹ್ವಾನಿಸುತ್ತದೆ. ಹೊಸ ಅಥವಾ ಶುದ್ಧವಾದ ನೋಟುಗಳನ್ನು ಮಾತ್ರ ಪೂಜಾ ಸ್ಥಳದಲ್ಲಿ ಇರಿಸಬೇಕು.

ಪ್ರಮುಖವಾಗಿ: ವಾಸ್ತು ತಜ್ಞರ ಪ್ರಕಾರ, ಉತ್ತರ ದಿಕ್ಕಿಗೆ ಹಣ ಇಡುವುದರಿಂದ ಪೂಜೆಯ ಫಲವು ಹೆಚ್ಚುತ್ತದೆ. ಉತ್ತರ ದಿಕ್ಕು ಕುಬೇರನ (ಸಂಪತ್ತಿನ ದೇವರು) ದಿಕ್ಕು ಮತ್ತು ಸಂಪತ್ತಿನ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ. ಈ ದಿಕ್ಕಿನಲ್ಲಿ ಶುದ್ಧವಾದ ನೋಟುಗಳನ್ನು ಇಟ್ಟು ಪೂಜೆ ಮಾಡುವುದು ಅತ್ಯಂತ ಮಂಗಳಕರ. ಆದರೆ, ಅಶುದ್ಧವಾದ ನೋಟುಗಳನ್ನು ತಪ್ಪಾದ ದಿಕ್ಕಿನಲ್ಲಿ ಇಟ್ಟು ಪೂಜಿಸುವುದರಿಂದ ಮನೆಗೆ ದಾರಿದ್ರ್ಯ, ಅಶಾಂತಿ, ವಾದ-ವಿವಾದ ಮತ್ತು ಸಂಪಾದನೆಗೆ ಅಡೆತಡೆಗಳು ಉಂಟಾಗಬಹುದು.

ಪೂಜೆ ಸ್ಥಳದಲ್ಲಿ ಗಾಜಿನ ವಸ್ತುಗಳ ಇಡುವಿಕೆ

ಲಕ್ಷ್ಮೀ ದೇವಿಯ ವಿಗ್ರಹ ಅಥವಾ ಫೋಟೋದ ಮೇಲ್ಭಾಗದಲ್ಲಿ ಕನ್ನಡಿಯನ್ನು ಇಡುವುದು ಶುಭಕರವಲ್ಲ. ದೇವರನ್ನು ಪೂಜಿಸುವಾಗ, ವಿಶೇಷವಾಗಿ ಹಬ್ಬದ ಸಮಯದಲ್ಲಿ ವಿಗ್ರಹವನ್ನು ಇಟ್ಟು ಪೂಜಿಸುವಾಗ ಈ ವಿಷಯದಲ್ಲಿ ಜಾಗರೂಕರಾಗಿರಬೇಕು. ವಿಗ್ರಹದ ಮೇಲ್ಭಾಗದಲ್ಲಿ ಕನ್ನಡಿ ಅಥವಾ ಇನ್ನಾವುದೇ ಗಾಜಿನ ವಸ್ತುಗಳನ್ನು ಇಡುವುದು ಮಂಗಳಕರವಲ್ಲ; ಇದು ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ.

ಹಣ್ಣು ಮತ್ತು ಬಾಳೆ ಎಲೆ ಇಡುವ ಶುಭ ದಿಕ್ಕು

ವಾಸ್ತು ಶಾಸ್ತ್ರದ ಪ್ರಕಾರ, ದೀಪಾವಳಿ ಪೂಜೆಯಲ್ಲಿ ಸ್ವಚ್ಛತೆಗೆ ಮೊದಲ ಆದ್ಯತೆ ನೀಡಬೇಕು. ಪೂಜಾ ಸ್ಥಳದ ಜೊತೆಗೆ, ಪೂಜೆಗೆ ಬಳಸುವ ಪ್ರತಿಯೊಂದು ವಸ್ತುವನ್ನೂ ಸ್ವಚ್ಛಗೊಳಿಸಿ ಬಳಸಬೇಕು. ಅಂಗಡಿಯಿಂದ ತಂದ ಹಣ್ಣು ಮತ್ತು ಬಾಳೆ ಎಲೆಯನ್ನು ನೇರವಾಗಿ ಪೂಜೆಗೆ ಬಳಸುವುದು ಶುಭವಲ್ಲ.

ಪ್ರಮುಖವಾಗಿ: ನೈಋತ್ಯ ದಿಕ್ಕಿನಲ್ಲಿ ಹಣ್ಣು ಮತ್ತು ಬಾಳೆ ಎಲೆಯನ್ನು ಇಡುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ದಿಕ್ಕನ್ನು ಭೂಮಿಯ ಅಂಶ ಎಂದು ಕರೆಯಲಾಗುತ್ತದೆ. ವಾಸ್ತು ಪ್ರಕಾರ, ಈ ದಿಕ್ಕಿನಲ್ಲಿ ಹಣ್ಣು ಮತ್ತು ಬಾಳೆ ಎಲೆಯನ್ನು ಇಡುವುದರಿಂದ ಉತ್ತಮ ಫಲಗಳು ದೊರೆಯುತ್ತವೆ.

ಹೂವು ಮತ್ತು ಸಿಹಿ ತಿಂಡಿ ಇಡುವ ಶುಭ ದಿಕ್ಕು

ವಾಸ್ತು ಶಾಸ್ತ್ರದ ಪ್ರಕಾರ, ದೀಪಾವಳಿ ಪೂಜೆಗೆ ತಾಜಾ ಹೂವುಗಳನ್ನು ಮಾತ್ರ ಬಳಸಬೇಕು. ಒಣಗಿದ ಹೂವುಗಳು ಮನೆಯಲ್ಲಿ ಅಶಾಂತಿಯನ್ನು ಸೃಷ್ಟಿಸಬಹುದು. ಅಲ್ಲದೆ, ಬಿಡಿಸಿದ ಹೂವುಗಳನ್ನು ಸಾಧ್ಯವಾದಷ್ಟು ಪೂಜೆಗೆ ಇಡುವುದನ್ನು ತಪ್ಪಿಸುವುದು ಸೂಕ್ತ. ಇದಲ್ಲದೆ, ಅಂಗಡಿಯಿಂದ ಖರೀದಿಸಿದ ಸಿಹಿ ತಿಂಡಿಗಳ ಬದಲಿಗೆ, ಮನೆಯಲ್ಲಿ ಶುದ್ಧವಾಗಿ ತಯಾರಿಸಿದ ಸಿಹಿ ತಿಂಡಿಗಳನ್ನು ಮಾತ್ರ ನೈವೇದ್ಯಕ್ಕೆ ಬಳಸುವುದು ಶ್ರೇಯಸ್ಕರ.

ಪ್ರಮುಖವಾಗಿ: ಹೂವು ಮತ್ತು ಸಿಹಿ ತಿಂಡಿಗಳನ್ನು ಇಡಲು ಪಶ್ಚಿಮ ದಿಕ್ಕನ್ನು ಆಯ್ದುಕೊಳ್ಳುವುದು ಮಂಗಳಕರ. ಈ ದಿಕ್ಕಿನಲ್ಲಿ ಆಹಾರ ಪದಾರ್ಥಗಳನ್ನು ಇಟ್ಟರೆ ಅವು ಮನೆಯಲ್ಲಿ ಉಳಿಯುತ್ತವೆ ಮತ್ತು ದ್ವಿಗುಣವಾಗುತ್ತವೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ.

ದೀಪಾವಳಿ ಪೂಜೆಯ ಸಮಯದಲ್ಲಿ ಈ ವಾಸ್ತು ಸಲಹೆಗಳನ್ನು ಅಳವಡಿಸಿಕೊಳ್ಳುವುದರಿಂದ ನಿಮ್ಮ ಹಬ್ಬದ ಕಳೆಯನ್ನು ಮತ್ತಷ್ಟು ಹೆಚ್ಚಿಸಿ, ಸಂಪತ್ತು ಮತ್ತು ಸಮೃದ್ಧಿಯನ್ನು ಆಹ್ವಾನಿಸಬಹುದು.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ಕೃಷ್ಣಸಾಗರಿ

ಕೃಷ್ಣಸಾಗರಿ ಅವರು NeedsOfPublic.in ನ ‘ಉದ್ಯೋಗ ಮತ್ತು ವೃತ್ತಿ ಮಾರ್ಗದರ್ಶನ’ (Job Updates & Career) ವಿಭಾಗದ ಮುಖ್ಯಸ್ಥರಾಗಿದ್ದಾರೆ. ತುಮಕೂರಿನ ಸರ್ಕಾರಿ ನರ್ಸಿಂಗ್ ಕಾಲೇಜಿನಿಂದ B.Sc (Nursing) ಪದವಿ ಪಡೆದಿರುವ ಇವರು, ಸಾರ್ವಜನಿಕ ಜಾಗೃತಿ ಮತ್ತು ಮಾಹಿತಿ ನೀಡುವ ಆಸಕ್ತಿಯಿಂದಾಗಿ ಡಿಜಿಟಲ್ ಪತ್ರಿಕೋದ್ಯಮ ಕ್ಷೇತ್ರವನ್ನು ಆಯ್ದುಕೊಂಡಿದ್ದಾರೆ. ಡಿಜಿಟಲ್ ಮಾಧ್ಯಮ ರಂಗದಲ್ಲಿ 3 ವರ್ಷಗಳ ಅನುಭವ ಹೊಂದಿರುವ ಇವರು, ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳು (Govt Job Notifications), ಖಾಸಗಿ ನೇಮಕಾತಿಗಳು ಮತ್ತು ಶೈಕ್ಷಣಿಕ ಅಪ್‌ಡೇಟ್‌ಗಳನ್ನು ಒದಗಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ನಿರುದ್ಯೋಗಿ ಯುವಕ-ಯುವತಿಯರಿಗೆ ಯಾವುದೇ ಗೊಂದಲವಿಲ್ಲದೆ, ಕೇವಲ ಅಧಿಕೃತ ಮೂಲಗಳಿಂದ ಪರಿಶೀಲಿಸಿದ (Verified) ನಿಖರ ಮಾಹಿತಿಯನ್ನು ಸಕಾಲದಲ್ಲಿ ತಲುಪಿಸುವುದೇ ಇವರ ಬರವಣಿಗೆಯ ಶೈಲಿಯಾಗಿದೆ.