Rain Alert: ರಾಜ್ಯದ ಕರಾವಳಿ ಜಿಲ್ಲೆಗಳಲ್ಲಿ ಭಾರೀ ಮಳೆ: ರೆಡ್ ಅಲರ್ಟ್ ಘೋಷಣೆ ಮತ್ತು ಶಾಲಾ-ಕಾಲೇಜುಗಳಿಗೆ ರಜೆ.!

ಕರ್ನಾಟಕದ ಕರಾವಳಿ ಪ್ರದೇಶಗಳಲ್ಲಿ ಮುಂದಿನ ಎರಡು ದಿನಗಳ ಕಾಲ ಭಾರೀ ಮಳೆ ಸುರಿಯುವ ಸಾಧ್ಯತೆಯಿದ್ದು, ಭಾರತೀಯ ಹವಾಮಾನ ಇಲಾಖೆ (IMD) ರೆಡ್ ಅಲರ್ಟ್ ಘೋಷಿಸಿದೆ. ಈ ಹಿನ್ನೆಲೆಯಲ್ಲಿ ಉಡುಪಿ, ಉತ್ತರ ಕನ್ನಡ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿ ಶಾಲೆ-ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ. ಹವಾಮಾನ ವಿಜ್ಞಾನಿಗಳು ಕರಾವಳಿ ಪ್ರದೇಶಗಳಲ್ಲಿ 200ಮಿಮೀಗೂ ಹೆಚ್ಚು ಮಳೆ ಬೀಳುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.ಈ ಕುರಿತು ಸಂಪೂರ್ಣ ಮಾಹಿತಿ ಕೆಳಗೆ ಕೊಡಲಾಗಿದೆ.ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಆರೆಂಜ್ ಮತ್ತು ಯೆಲ್ಲೋ ಅಲರ್ಟ್ ಜಾರಿ

ಚಿಕ್ಕಮಗಳೂರು, ಹಾಸನ, ಕೊಡಗು ಮತ್ತು ಶಿವಮೊಗ್ಗ ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್ ಜಾರಿ ಮಾಡಲಾಗಿದೆ. ಇಲ್ಲಿ 115 ರಿಂದ 200 ಮಿಮೀ ಮಳೆ ಬೀಳುವ ಸಾಧ್ಯತೆ ಇದೆ. ಮೈಸೂರು, ದಾವಣಗೆರೆ, ಯಾದಗಿರಿ, ವಿಜಯನಗರ, ರಾಯಚೂರು, ಕೊಪ್ಪಳ, ಕಲಬುರಗಿ, ಹಾವೇರಿ, ಗದಗ, ಧಾರವಾಡ, ಬೀದರ್ ಮತ್ತು ಬೆಳಗಾವಿ ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್ ಘೋಷಿಸಲಾಗಿದೆ. ಇಲ್ಲಿ ಸಾಧಾರಣದಿಂದ ತೀವ್ರ ಮಳೆ ಸಾಧ್ಯತೆಗಳಿವೆ.

ಬೆಂಗಳೂರು ಸೇರಿದಂತೆ ಇತರ ಜಿಲ್ಲೆಗಳ ಹವಾಮಾನ

ಬೆಂಗಳೂರು ಗ್ರಾಮಾಂತರ, ಬೆಂಗಳೂರು ನಗರ, ಚಾಮರಾಜನಗರ, ಚಿಕ್ಕಬಳ್ಳಾಪುರ, ಚಿತ್ರದುರ್ಗ, ಕೋಲಾರ, ಮಂಡ್ಯ, ರಾಮನಗರ, ತುಮಕೂರು ಮತ್ತು ವಿಜಯನಗರ ಜಿಲ್ಲೆಗಳಲ್ಲಿ ಸಾಧಾರಣ ಮಳೆ ಸಾಧ್ಯತೆ ಇದೆ. ಬೆಂಗಳೂರಿನಲ್ಲಿ ಇಂದು ಮೋಡಕವಿದ ವಾತಾವರಣವಿದ್ದು, ಕೆಲವು ಪ್ರದೇಶಗಳಲ್ಲಿ ಸಾಧಾರಣ ಮಳೆ ಆಗಬಹುದು.

ರಾಜ್ಯದ ವಿವಿಧ ಭಾಗಗಳಲ್ಲಿ ಮಳೆ ದಾಖಲಾಗಿದೆ

ಕರಾವಳಿ ಮತ್ತು ಮಲೆನಾಡು ಪ್ರದೇಶಗಳಾದ ಮಂಕಿ, ಕುಮಟಾ, ಕಾರವಾರ, ಗೇರುಸೊಪ್ಪ, ಶಿರಾಲಿ, ಹೊನ್ನಾವರ, ಆಗುಂಬೆ, ಗೋಕರ್ಣ, ಸುಳ್ಯ, ಕೋಟಾ, ಸಿದ್ದಾಪುರ, ಕದ್ರಾ, ಮಂಗಳೂರು, ಕ್ಯಾಸಲ್ ರಾಕ್, ಶಕ್ತಿನಗರ, ಕೊಟ್ಟಿಗೆಹಾರ, ಕಮ್ಮರಡಿ, ಶೃಂಗೇರಿ, ಮೂಡುಬಿದಿರೆ, ಬೆಳ್ತಂಗಡಿ, ಕಾರ್ಕಳ, ಬಂಟವಾಳ, ಉಡುಪಿ, ಚಿಟಗುಪ್ಪ, ಯಡ್ರಾಮಿ, ಸೇಡಂ, ಚಿಂಚೋಳಿ, ಸಿಂದಗಿ, ಅಫ್ಜಲ್ಪುರ, ನೆಲೋಗಿ, ಆಳಂದ, ಮಾಣಿ, ಧರ್ಮಸ್ಥಳ, ಜೋಯ್ಡಾ, ಪುತ್ತೂರು, ದುರ್ಗಾ, ಹಡಗಲಿ, ಜಯಪುರ, ಹುಂಚದಕಟ್ಟೆ, ತ್ಯಾಗರ್ತಿ, ಹೊನ್ನಾಳಿ, ಸೋಮವಾರಪೇಟೆ, ಕೊಟ್ಟೂರು, ಕೂಡ್ಲಿಗಿ, ಸಂಡೂರು, ಕಂಪ್ಲಿ, ನಾಪೋಕ್ಲು ಮತ್ತು ಮುಲ್ಕಿ ಪ್ರದೇಶಗಳಲ್ಲಿ ಮಳೆ ದಾಖಲಾಗಿದೆ.

ಉತ್ತರ ಕರ್ನಾಟಕದಲ್ಲಿ ಮಳೆ

ಯಲ್ಲಾಪುರ, ಬಾದಾಮಿ, ಜೇವರ್ಗಿ, ಶಾಹಪುರ, ಸಿಂಧನೂರು, ಹುಬ್ಬಳ್ಳಿ, ಶೋರಾಪುರ, ಕೂಡಲಸಂಗಮ, ಲೋಂಡಾ, ಲೋಕಾಪುರ, ಅಣ್ಣಿಗೆರೆ, ಕೆಂಭಾವಿ, ಗಬ್ಬೂರು, ಮುದಗಲ್, ಬನವಾಸಿ, ಮುಂಡಗೋಡು, ಎನ್.ಆರ್.ಪುರ, ಕಳಸ, ಚಿತ್ರದುರ್ಗ, ಚನ್ನಗಿರಿ ಮತ್ತು ಭದ್ರಾವತಿ ಪ್ರದೇಶಗಳಲ್ಲೂ ಮಳೆ ದಾಖಲಾಗಿದೆ.

ರಾಜ್ಯದ ಪ್ರಮುಖ ನಗರಗಳ ಉಷ್ಣಾಂಶ

• ಬೆಂಗಳೂರು:
• ಹಾಲ್ ಏರೋಸ್ಪೇಸ್ (HAL): ಗರಿಷ್ಠ 27.4°C, ಕನಿಷ್ಠ 19.7°C
• ನಗರ: ಗರಿಷ್ಠ 27.2°C, ಕನಿಷ್ಠ 20.2°C
• ಕೆಂಪೇಗೌಡ ಏರ್‌ಪೋರ್ಟ್ (KIAB): ಗರಿಷ್ಠ 27.6°C, ಕನಿಷ್ಠ 20.1°C
• ಜಿ.ಕೆ.ವಿಕೆ: ಗರಿಷ್ಠ 26.0°C, ಕನಿಷ್ಠ 18.2°C
• ಕರಾವಳಿ ಪ್ರದೇಶಗಳು:
• ಹೊನ್ನಾವರ: ಗರಿಷ್ಠ 27.3°C, ಕನಿಷ್ಠ 22.5°C
• ಕಾರವಾರ: ಗರಿಷ್ಠ 26.0°C, ಕನಿಷ್ಠ 23.6°C
• ಮಂಗಳೂರು ಏರ್‌ಪೋರ್ಟ್: ಗರಿಷ್ಠ 25.8°C, ಕನಿಷ್ಠ 22.6°C
• ಶಕ್ತಿನಗರ: ಗರಿಷ್ಠ 26.3°C, ಕನಿಷ್ಠ 22.5°C
• ಉತ್ತರ ಕರ್ನಾಟಕ:
• ಬೆಳಗಾವಿ ಏರ್‌ಪೋರ್ಟ್: ಗರಿಷ್ಠ 25.9°C, ಕನಿಷ್ಠ20.2°C
• ಬೀದರ್: ಗರಿಷ್ಠ 30.2°C, ಕನಿಷ್ಠ 21.8°C
• ವಿಜಯಪುರ: ಗರಿಷ್ಠ 30.2°C
• ಧಾರವಾಡ: ಗರಿಷ್ಠ 25.8°C, ಕನಿಷ್ಠ 19.8°C
• ಕಲಬುರಗಿ: ಗರಿಷ್ಠ 32.4°C, ಕನಿಷ್ಠ 22.2°C

ಸಾರ್ವಜನಿಕರಿಗೆ ಎಚ್ಚರಿಕೆ

ಹವಾಮಾನ ಇಲಾಖೆಯು ರಾಜ್ಯದ ನಾಗರಿಕರಿಗೆ ಮಳೆ-ಸಂಬಂಧಿತ ಅಪಾಯಗಳಿಂದ ಎಚ್ಚರವಾಗಿರುವಂತೆ ಸೂಚಿಸಿದೆ. ಕರಾವಳಿ ಮತ್ತು ಮಲೆನಾಡು ಪ್ರದೇಶಗಳಲ್ಲಿ ನೀರು ಕಟ್ಟುವಿಕೆ, ಮಣ್ಣಿನ ಕುಸಿತ ಮತ್ತು ವಿದ್ಯುತ್ ಸಮಸ್ಯೆಗಳ ಸಾಧ್ಯತೆ ಇದೆ. ಅಗತ್ಯವಿಲ್ಲದೆ ಹೊರಗೆ ಹೋಗದಂತೆ ಸೂಚಿಸಲಾಗಿದೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.