ಗ್ರಸ್ತೋದಯ ಚಂದ್ರಗ್ರಹಣ: ನಮ್ಮ ರಾಜ್ಯದಲ್ಲಿ ಎಲ್ಲೆಲ್ಲಿ, ಎಷ್ಟು ಹೊತ್ತು ಕಾಣುತ್ತೆ? ಆಚರಣೆ ನಿಯಮಗಳೇನು?

ಮನೆಗಳಲ್ಲಿ ಹಿರಿಯರು ಗ್ರಹಣ ಬಂತು ಅಂದ್ರೆ ಸಾಕು, “ಹೊರಗೆ ಹೋಗ್ಬೇಡಿ, ಊಟ ಮಾಡ್ಬೇಡಿ, ಪೂಜೆ ಮಾಡ್ಬೇಡಿ” ಅಂತ ಹೇಳ್ತಾರೆ ಅಲ್ವಾ? ಆದರೆ ಮಾರ್ಚ್ 3 ರಂದು ಮಂಗಳವಾರ ಬರುವ ‘ಚಂದ್ರಗ್ರಹಣ’ಕ್ಕೆ ಇದೆಲ್ಲಾ ಅನ್ವಯಿಸುತ್ತಾ? ಕಣ್ಣಿಗೆ ಕಾಣಿಸದ ಗ್ರಹಣಕ್ಕೂ ನಾವು ಉಪವಾಸ ಮಾಡಬೇಕಾ? ಎಂಬ ಗೊಂದಲ ನಿಮ್ಮಲ್ಲಿದ್ದರೆ, ಈ ಮಾಹಿತಿ ನಿಮಗಾಗಿ.

ಗ್ರಸ್ತೋದಯ ಚಂದ್ರಗ್ರಹಣ ಅಂದ್ರೆ ಏನು?

ಸಾಮಾನ್ಯವಾಗಿ ಹುಣ್ಣಿಮೆಯಂದು ಪೂರ್ಣ ಚಂದ್ರ ಬೆಳಗುತ್ತಾನೆ. ಆದರೆ ಈ ಬಾರಿ ಚಂದ್ರ ನಮ್ಮ ಕಣ್ಣಿಗೆ ಕಾಣುವ ಮುನ್ನವೇ (ಪೂರ್ವ ದಿಕ್ಕಿನಲ್ಲಿ ಉದಯಿಸುವ ಮುನ್ನ) ಆತನಿಗೆ ಗ್ರಹಣ ಹಿಡಿದಿರುತ್ತದೆ. ಅಂದರೆ ಗ್ರಹಣ ಹಿಡಿದಿರುವ ಚಂದ್ರನೇ ಉದಯಿಸುತ್ತಾನೆ. ಇದನ್ನೇ ಶಾಸ್ತ್ರಗಳಲ್ಲಿ ‘ಗ್ರಸ್ತೋದಯ ಚಂದ್ರಗ್ರಹಣ’ ಎಂದು ಕರೆಯುತ್ತಾರೆ.

ನಮ್ಮ ಕಡೆ ಗ್ರಹಣ ಎಷ್ಟು ಹೊತ್ತು ಕಾಣುತ್ತೆ?

ಫಾಲ್ಗುನ ಪೂರ್ಣಿಮೆಯ ದಿನ (ಮಾ.03) ಈ ಗ್ರಹಣವು ಭಾರತದಾದ್ಯಂತ ಗೋಚರಿಸಲಿದೆ. ನೀವು ದಾವಣಗೆರೆ, ಬೆಂಗಳೂರು, ಅಥವಾ ಹುಬ್ಬಳ್ಳಿ ಎಲ್ಲೇ ಇರಲಿ, ನಮ್ಮ ರಾಜ್ಯದಲ್ಲಿ ಸಂಜೆ 6:28 ರಿಂದ 6:48 ರವರೆಗೆ ಮಾತ್ರ (ಅಂದರೆ ಕೇವಲ 20 ನಿಮಿಷಗಳು) ಈ ಗ್ರಹಣ ಭಾಗಶಃ ಗೋಚರಿಸುತ್ತದೆ.

ಹಗಲಿನಲ್ಲಿ ಗ್ರಹಣ ಇದ್ರೆ ಪೂಜೆ, ಸ್ನಾನ ಮಾಡಬೇಕಾ?

ಖಂಡಿತಾ ಇಲ್ಲ! ಧರ್ಮಸಿಂಧು ಮತ್ತು ನಿರ್ಣಯಸಿಂಧು ಗ್ರಂಥಗಳಲ್ಲಿ ಸ್ಪಷ್ಟವಾಗಿ ಹೇಳಿರುವಂತೆ: “ಹಗಲಿನಲ್ಲಿ ಚಂದ್ರನಾಗಲಿ, ರಾತ್ರಿಯಲ್ಲಿ ಸೂರ್ಯನಾಗಲಿ ಕಣ್ಣಿಗೆ ಕಾಣಿಸದಿದ್ದರೆ ಯಾವುದೇ ದೋಷವಿರುವುದಿಲ್ಲ.” ಅಂದರೆ ಗ್ರಹಣ ನಮ್ಮ ಕಣ್ಣಿಗೆ ಕಾಣಿಸದ ಹೊರತು ಸ್ನಾನ, ದಾನ, ಜಪ-ತಪ ಮಾಡುವ ಅಗತ್ಯವೇ ಇಲ್ಲ. ಚಂದ್ರನು ಸಂಜೆ ಉದಯಿಸುವಾಗ ದರ್ಶನವಾದ ಕ್ಷಣದಿಂದ ಮಾತ್ರವೇ ಸೂತಕ ಆರಂಭವಾಗುತ್ತದೆ.

ಮುಖ್ಯ ಗಮನಿಸಿ: ಚಂದ್ರನು ಸಂಜೆ ಉದಯಿಸುವಾಗ ಗ್ರಹಣ ಇರುವುದರಿಂದ, ನಿಮಗೆ ಚಂದ್ರ ದರ್ಶನವಾದ ಬಳಿಕವಷ್ಟೇ ಸೂತಕ ಆರಂಭವಾಗುತ್ತದೆ. ಗ್ರಹಣ ಮುಗಿದ ನಂತರ (ಅಂದರೆ ಸಂಜೆ 6:48ರ ಮೋಕ್ಷ ಕಾಲದ ಬಳಿಕ) ಸ್ನಾನ ಮಾಡಿದರೆ ಸಾಕು.

ಗ್ರಹಣದ ಬಗ್ಗೆ ವಾಟ್ಸಾಪ್‌ಗಳಲ್ಲಿ ಬರುವ ಸುಳ್ಳು ಸುದ್ದಿಗಳನ್ನು ನಂಬಿ ಭಯಪಡುವ ಅಗತ್ಯವಿಲ್ಲ. ಕೇವಲ 20 ನಿಮಿಷಗಳ ಕಾಲ ಮಾತ್ರ ಈ ಗ್ರಹಣ ಗೋಚರಿಸುವುದರಿಂದ, ಸಂಜೆ 6:48ರ ನಂತರ ಒಮ್ಮೆ ಸ್ನಾನ ಮಾಡಿ, ದೇವರ ದೀಪ ಹಚ್ಚಿ ನಿಮ್ಮ ದಿನನಿತ್ಯದ ಕೆಲಸಗಳನ್ನು ಅಥವಾ ಊಟವನ್ನು ಆರಾಮಾಗಿ ಮಾಡಬಹುದು. ಸುಮ್ಮನೆ ಇಡೀ ದಿನ ಉಪವಾಸವಿದ್ದು ಆರೋಗ್ಯ ಕೆಡಿಸಿಕೊಳ್ಳಬೇಡಿ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ರಕ್ಷಿತ್ ಎಂ

“ರಕ್ಷಿತ್ ಅವರು NeedsOfPublic.in ನಲ್ಲಿ ಜ್ಯೋತಿಷ್ಯ, ಜೀವನಶೈಲಿ (Lifestyle) ಮತ್ತು ಆರೋಗ್ಯ ವಿಭಾಗದ ಹಿರಿಯ ಲೇಖಕರಾಗಿದ್ದಾರೆ. ಜೀವನಶೈಲಿ ಮತ್ತು ಆಧ್ಯಾತ್ಮಿಕ ವಿಷಯಗಳ ಲೇಖನ ಕ್ಷೇತ್ರದಲ್ಲಿ 4 ವರ್ಷಗಳ ಸುದೀರ್ಘ ಅನುಭವ ಹೊಂದಿರುವ ಇವರು, ದೈನಂದಿನ ರಾಶಿ ಭವಿಷ್ಯದ ಜೊತೆಗೆ ಚಾಣಕ್ಯ ನೀತಿಯ ಮೌಲ್ಯಗಳು, ಮನೆಮದ್ದುಗಳು (Health Tips), ಕಿಚನ್ ಟಿಪ್ಸ್ ಮತ್ತು ದೈನಂದಿನ ಜೀವನಕ್ಕೆ ಸಹಕಾರಿಯಾಗುವ ಉಪಯುಕ್ತ ಮಾಹಿತಿಗಳ ಬಗ್ಗೆ ಬರೆಯುತ್ತಾರೆ. ಪುರಾತನ ಜ್ಞಾನ ಮತ್ತು ಆಧುನಿಕ ಜೀವನಶೈಲಿಯನ್ನು ಸಮತೋಲನಗೊಳಿಸಿ ಓದುಗರಿಗೆ ಸರಳ ಹಾಗೂ ಪರಿಣಾಮಕಾರಿ ಸಲಹೆಗಳನ್ನು ನೀಡುವುದು ಇವರ ವೈಶಿಷ್ಟ್ಯವಾಗಿದೆ.”