ಗಜಕೇಸರಿ ಯೋಗದಲ್ಲಿ ಧನಾಗಮನಕ್ಕೆ ದಾರಿ ಬಂದ್! ಈ 5 ರಾಶಿಯವರು ಎಚ್ಚರ ವಹಿಸಿ.

ಜ್ಯೋತಿಷ್ಯ ಶಾಸ್ತ್ರದಲ್ಲಿ ಸಂಪತ್ತು, ಕೀರ್ತಿ ಮತ್ತು ಜ್ಞಾನಕ್ಕೆ ಕಾರಕ ಗ್ರಹವಾದ ಗುರು ಮತ್ತು ಮನಸ್ಸಿನ ಅಂಶವಾದ ಚಂದ್ರ ಗ್ರಹಗಳು ಕೇಂದ್ರ ಸ್ಥಾನಗಳಲ್ಲಿ ಸಂಯೋಗಗೊಂಡಾಗ ಗಜಕೇಸರಿ ಯೋಗ ಉಂಟಾಗುತ್ತದೆ. ಇದು ಸಾಮಾನ್ಯವಾಗಿ ಅತ್ಯಂತ ಮಂಗಳಕರ ಯೋಗವೆಂದು ಪರಿಗಣಿಸಲಾಗಿದ್ದರೂ, ಗ್ರಹಗಳ ಪ್ರಸ್ತುತ ಸ್ಥಾನ ಮತ್ತು ಇತರ ಗ್ರಹಗಳ ಪ್ರಭಾವದಿಂದಾಗಿ, ಕೆಲ ರಾಶಿಯವರಿಗೆ ಈ ಯೋಗದ ಸಂಪೂರ್ಣ ಲಾಭ ಸಿಗುವುದಿಲ್ಲ.

ಡಿಸೆಂಬರ್ 6 ರಂದು, ಚಂದ್ರನು ಮಿಥುನ ರಾಶಿಗೆ ಪ್ರವೇಶಿಸುತ್ತಾನೆ. ಇದೇ ಸಮಯದಲ್ಲಿ ಗುರುವು ವಕ್ರ ಸ್ಥಿತಿಯಲ್ಲಿ (ಹಿಮ್ಮುಖವಾಗಿ) ಕರ್ಕ ರಾಶಿಯಿಂದ ಮಿಥುನ ರಾಶಿಗೆ ಸಾಗುತ್ತಾನೆ. ಈ ಅಪರೂಪದ ಸಂಚಾರದಿಂದ ಮಿಥುನ ರಾಶಿಯಲ್ಲಿ ಗಜಕೇಸರಿ ಯೋಗ ರೂಪುಗೊಳ್ಳುತ್ತದೆ.

ಈ ಯೋಗದಿಂದ ಯಾವ 5 ರಾಶಿಯವರು ಜಾಗರೂಕರಾಗಿರಬೇಕು ಮತ್ತು ಹಣಕಾಸಿನ ವಿಚಾರದಲ್ಲಿ ಸಂಕಷ್ಟ ಎದುರಿಸಬಹುದು ಎಂಬುದರ ಮಾಹಿತಿ ಇಲ್ಲಿದೆ.

ಜಾಗರೂಕರಾಗಿರಬೇಕಾದ 5 ರಾಶಿಗಳು

ಮೇಷ ರಾಶಿ

ಮೇಷ ರಾಶಿಯ 3ನೇ ಮನೆಯಲ್ಲಿ ಗಜಕೇಸರಿ ಯೋಗ ರೂಪುಗೊಳ್ಳುತ್ತದೆ.ಆರ್ಥಿಕ ಸಂಕಷ್ಟ: ಈ ಸಮಯವು ಹೆಚ್ಚು ಶ್ರಮಕ್ಕೆ ಕಡಿಮೆ ದುಡ್ಡು ಸಿಗುವ ಪರಿಸ್ಥಿತಿ ತರಲಿದೆ. ಹೊಸ ವರ್ಷದ ಆರಂಭಕ್ಕೆ ಮುನ್ನ ನಿಮ್ಮ ಆರ್ಥಿಕ ನಿರ್ಧಾರಗಳು ಚಿಂತೆಗೀಡು ಮಾಡಬಹುದು.

ವೃತ್ತಿ: ಸ್ವಂತ ವ್ಯಾಪಾರ ಮಾಡುವವರಿಗೆ ಆದಾಯ ಬರುವುದು ಕಷ್ಟವಾಗಬಹುದು. ಉದ್ಯೋಗಿಗಳು ಕೆಲಸದ ಸ್ಥಳದಲ್ಲಿ ಒತ್ತಡ ಮತ್ತು ಕಿರಿಕಿರಿ ಎದುರಿಸಬಹುದು.

ಪರಿಹಾರ: ಕಳೆದುಕೊಂಡ ಹಣ ಮರಳಿ ಪಡೆಯುವುದು ಕಷ್ಟ. ದೀರ್ಘಕಾಲದ ಪ್ರಯೋಜನಗಳಿಗಾಗಿ ಈ ಸಮಯದಲ್ಲಿ ನೀವು ಶಾಂತವಾಗಿರುವುದು ಮುಖ್ಯ.

ವೃಷಭ ರಾಶಿ

ವೃಷಭ ರಾಶಿಯ 2ನೇ ಮನೆಯಲ್ಲಿ ಗುರು-ಚಂದ್ರನ ಸಂಯೋಗದಿಂದ ಗಜಕೇಸರಿ ಯೋಗ ರೂಪುಗೊಳ್ಳುತ್ತಿದೆ.

ಹಣಕಾಸು: ಈ ಯೋಗವು ವೃಷಭ ರಾಶಿಗೆ ಮಿಶ್ರ ಫಲಗಳನ್ನು ತರಲಿದ್ದು, ಆರ್ಥಿಕ ಲಾಭಗಳಿದ್ದರೂ ಅನಿರೀಕ್ಷಿತ ಖರ್ಚುಗಳು ಹೆಚ್ಚಾಗುವ ಸಾಧ್ಯತೆ ಇದೆ.

ಸಾಲ ಮತ್ತು ಹೂಡಿಕೆ: ಹಣದ ವ್ಯವಹಾರ ಮತ್ತು ಹೂಡಿಕೆ ಮಾಡುವಾಗ ಎಚ್ಚರವಿರಲಿ. ಈ ಸಮಯದಲ್ಲಿ ಯಾರಿಗೂ ಸಾಲವಾಗಿ ಹಣ ನೀಡುವುದನ್ನು ತಪ್ಪಿಸಿ, ಏಕೆಂದರೆ ಅದನ್ನು ಮರಳಿ ಪಡೆಯುವುದು ಕಷ್ಟವಾಗಬಹುದು.

ಆರೋಗ್ಯ: ಸಣ್ಣಪುಟ್ಟ ಆರೋಗ್ಯ ಸಮಸ್ಯೆಗಳನ್ನು ನಿರ್ಲಕ್ಷಿಸಬೇಡಿ. ಕೆಲಸದ ಸ್ಥಳದಲ್ಲಿ ಮೇಲಧಿಕಾರಿಗಳೊಂದಿಗೆ ವಾದ ಉಂಟಾಗುವ ಸಾಧ್ಯತೆ ಇರುವುದರಿಂದ ತಾಳ್ಮೆಯಿಂದ ವರ್ತಿಸಿ.

ಕರ್ಕಾಟಕ ರಾಶಿ

ಕರ್ಕ ರಾಶಿಯ 12ನೇ ಮನೆಯಲ್ಲಿ ಗಜಕೇಸರಿ ಯೋಗ ರೂಪಗೊಳ್ಳುವುದರಿಂದ ಈ ಅವಧಿಯು ಅಶುಭವಾಗಿ ಪರಿಣಮಿಸಬಹುದು.

ಮಾನಸಿಕ ಒತ್ತಡ: ಈ ಯೋಗದ ಸಮಯದಲ್ಲಿ ಮಾನಸಿಕ ಒತ್ತಡಗಳು ಎದುರಾಗಬಹುದು. ಕೌಟುಂಬಿಕ ಜೀವನ ಮತ್ತು ಪಾಲುದಾರಿಕೆ ವ್ಯವಹಾರಗಳಲ್ಲಿ ತಪ್ಪು ತಿಳುವಳಿಕೆಗಳು ಉಂಟಾಗಬಹುದು.

ವೃತ್ತಿ: ವೃತ್ತಿಜೀವನದಲ್ಲಿ ಪ್ರಗತಿಗಾಗಿ ಹೆಚ್ಚು ಶ್ರಮ ಪಡಬೇಕಾಗುತ್ತದೆ. ಶತ್ರುಗಳ ಕುತಂತ್ರದಿಂದಾಗಿ ಕೆಲಸ ಕಳೆದುಕೊಳ್ಳುವ ಸಾಧ್ಯತೆಗಳು ಇರುವುದರಿಂದ, ನಿಮ್ಮ ಕಾರ್ಯಗಳನ್ನು ದೋಷರಹಿತವಾಗಿ ಮಾಡಿ.

ಪರಿಹಾರ: ಮಾನಸಿಕ ಶಾಂತಿಗಾಗಿ ಧ್ಯಾನ ಅಥವಾ ಯೋಗದಂತಹ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುವುದು ಶುಭ.

ವೃಶ್ಚಿಕ ರಾಶಿ

ವೃಶ್ಚಿಕ ರಾಶಿಯ 8ನೇ ಮನೆಯಲ್ಲಿ ಗುರು-ಚಂದ್ರನಿಂದ ಗಜಕೇಸರಿ ಯೋಗ ರೂಪುಗೊಳ್ಳಲಿದೆ. ಈ ಯೋಗದಿಂದ ಈ ರಾಶಿಯವರಿಗೆ ಯಶಸ್ಸು ಪಡೆಯಲು ಕಠಿಣ ಶ್ರಮ ಬೇಕಾಗುತ್ತದೆ.

ಆರ್ಥಿಕತೆ: ಹಣಕಾಸಿನ ತೊಂದರೆ ಮತ್ತು ಸಾಲಬಾಧೆ ಹೆಚ್ಚಾಗಬಹುದು. ರಾಜಕೀಯ, ಖಾಸಗಿ ವೃತ್ತಿ ಮತ್ತು ವ್ಯಾಪಾರ ಮಾಡುವವರಿಗೆ ಲಾಭದ ನಿರೀಕ್ಷೆ ಹುಸಿಯಾಗಬಹುದು.

ಕುಟುಂಬ: ಕುಟುಂಬದಲ್ಲಿ ಅಶಾಂತಿ, ವಾದ-ವಿವಾದ ಮತ್ತು ಜಗಳಗಳು ಹೆಚ್ಚಾಗಬಹುದು. ಶುಭ ಕಾರ್ಯಗಳಿಗೆ ಅಡ್ಡಿಯಾಗುವ ಸಾಧ್ಯತೆ ಇದೆ.

ವಿದ್ಯಾರ್ಥಿಗಳು: ಈ ರಾಶಿಯ ವಿದ್ಯಾರ್ಥಿಗಳಲ್ಲಿ ಆತ್ಮವಿಶ್ವಾಸ ಕಡಿಮೆಯಾಗಬಹುದು. ದಾಂಪತ್ಯ ಜೀವನದಲ್ಲಿ ಮನಸ್ತಾಪ ಹೆಚ್ಚಾಗುವ ಸಾಧ್ಯತೆಗಳಿವೆ.

ಮಕರ ರಾಶಿ

ಮಕರ ರಾಶಿಯ 6ನೇ ಮನೆಯಲ್ಲಿ ಗಜಕೇಸರಿ ಯೋಗ ರೂಪುಗೊಳ್ಳುವುದು ಅನುಕೂಲಕರವಲ್ಲ.

ನಿರ್ಧಾರಗಳು: ಮಕರ ರಾಶಿಯವರು ಈ ಯೋಗದ ಪೂರ್ಣ ಶುಭ ಫಲವನ್ನು ನಿರೀಕ್ಷಿಸಲಾಗುವುದಿಲ್ಲ. ಹಣಕಾಸಿನ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಗೊಂದಲ ಉಂಟಾಗುವ ಸಾಧ್ಯತೆ ಇದೆ.

ಹೂಡಿಕೆ: ಅಧಿಕ ಮೊತ್ತದ ಹೂಡಿಕೆಗಳನ್ನು ಈ ಸಮಯದಲ್ಲಿ ಮುಂದೂಡುವುದು ಒಳ್ಳೆಯದು. ಯಾವುದೇ ಪ್ರಮುಖ ನಿರ್ಧಾರ ತೆಗೆದುಕೊಳ್ಳುವ ಮೊದಲು ಅನುಭವಿಗಳ ಸಲಹೆ ಪಡೆಯುವುದು ಅಗತ್ಯ.

ಆತ್ಮವಿಶ್ವಾಸ: ನಿಮ್ಮ ಸಾಮರ್ಥ್ಯದ ಬಗ್ಗೆ ನಿಮಗೆ ಅನುಮಾನಗಳು ಹುಟ್ಟಬಹುದು. ಆತ್ಮವಿಶ್ವಾಸವನ್ನು ಕಾಪಾಡಿಕೊಂಡು ನಿಮ್ಮ ಕೆಲಸದ ಮೇಲೆ ಹೆಚ್ಚು ಗಮನ ಹರಿಸಿ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.