ಅಕ್ಟೋಬರ್ 10-11 EPFO ಸಭೆ: ನಿವೃತ್ತ ನೌಕರರಿಗೆ ಬಂಪರ್ ಪಿಂಚಣಿ ಸುದ್ದಿಯ ನಿರೀಕ್ಷೆ

ಭಾರತದಲ್ಲಿ ಕೋಟ್ಯಂತರ ನೌಕರರು ತಮ್ಮ ಭವಿಷ್ಯದ ಭದ್ರತೆಗಾಗಿ ನೌಕರರ ಭವಿಷ್ಯ ನಿಧಿ (EPF) ಹಾಗೂ ನೌಕರರ ಪಿಂಚಣಿ ಯೋಜನೆ (EPS-1995) ಮೇಲೆ ಅವಲಂಬಿತರಾಗಿದ್ದಾರೆ. ನಿವೃತ್ತಿಯ ನಂತರ ಜೀವನ ಸಾಗಿಸಲು ಪಿಂಚಣಿ ಒಂದು ಪ್ರಮುಖ ಆರ್ಥಿಕ ಆಧಾರ. ಆದರೆ ಕಳೆದ ಹಲವು ವರ್ಷಗಳಿಂದ, ಜೀವನ ವೆಚ್ಚ ಏರಿಕೆ, ಮೌಲ್ಯ ಕ್ಷೀಣಿಕೆ ಹಾಗೂ ದಿನನಿತ್ಯದ ಖರ್ಚು ಹೆಚ್ಚಾದ ಹಿನ್ನೆಲೆ, ಕನಿಷ್ಠ ಪಿಂಚಣಿಯನ್ನು ಹೆಚ್ಚಿಸಬೇಕೆಂಬ ಬೇಡಿಕೆ ಪಿಂಚಣಿದಾರರಿಂದ ನಿರಂತರವಾಗಿ ಕೇಳಿಬರುತ್ತಿದೆ. ಪ್ರಸ್ತುತ ತಿಂಗಳಿಗೆ ಕೇವಲ ₹1,500 ದೊರೆಯುತ್ತಿರುವ ಕನಿಷ್ಠ ಪಿಂಚಣಿ, ಸಾಮಾನ್ಯ ಕುಟುಂಬದ ಅಗತ್ಯಗಳನ್ನು ಪೂರೈಸಲು ಸಾಕಾಗುತ್ತಿಲ್ಲ ಎಂಬ ಟೀಕೆಗಳು ಹಲವು ಬಾರಿ ಎದ್ದಿವೆ. ಈ ಹಿನ್ನೆಲೆಯಲ್ಲಿ, ಇಪಿಎಫ್‌ಒ ಕೇಂದ್ರ ಟ್ರಸ್ಟಿಗಳ ಮಂಡಳಿ ಅಕ್ಟೋಬರ್ 10-11 ರಂದು ಬೆಂಗಳೂರಿನಲ್ಲಿ ನಡೆಸಲಿರುವ ಸಭೆ ಅತ್ಯಂತ ನಿರ್ಣಾಯಕವಾಗಿದೆ. ದೀಪಾವಳಿ ಹಬ್ಬದ ಹೊಸ್ತಿಲಲ್ಲಿ ನೌಕರರಿಗೆ ಹಾಗೂ ಪಿಂಚಣಿದಾರರಿಗೆ “ಬಂಪರ್ ಗಿಫ್ಟ್” ಸಿಗುವ ಸಾಧ್ಯತೆಗಳಿವೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ದೀಪಾವಳಿ ಉಡುಗೊರೆ ರೂಪದಲ್ಲಿ ಪಿಂಚಣಿ ಏರಿಕೆ?:

ಅಕ್ಟೋಬರ್‌ನಲ್ಲಿ ನಡೆಯಲಿರುವ ಈ ಸಭೆಯಲ್ಲಿ EPS-1995 ಯೋಜನೆಯಡಿ ಕನಿಷ್ಠ ಪಿಂಚಣಿಯನ್ನು ₹1,500ರಿಂದ ₹2,500ಕ್ಕೆ ಏರಿಸುವ ನಿರ್ಧಾರ ಕೈಗೊಳ್ಳಬಹುದು ಎಂದು ವರದಿಯಾಗಿದೆ. ಕಾರ್ಮಿಕ ಸಂಘಟನೆಗಳು ಮತ್ತು ಪಿಂಚಣಿದಾರರು ದೀರ್ಘಕಾಲದಿಂದಲೇ ಪಿಂಚಣಿ ಹೆಚ್ಚಳಕ್ಕಾಗಿ ಹೋರಾಟ ನಡೆಸುತ್ತಿದ್ದು, ಇದು ಸಾಕಾರಗೊಳ್ಳುವ ನಿರೀಕ್ಷೆಯಿದೆ. ಈ ಹಿಂದೆ ಮೇಲ್ವಿಚಾರಣಾ ಸಮಿತಿ ಪಿಂಚಣಿಯನ್ನು ₹2,000ಕ್ಕೆ ಏರಿಸುವ ಶಿಫಾರಸು ಮಾಡಿದ್ದರೂ, ಹಣಕಾಸು ಸಚಿವಾಲಯ ಅದನ್ನು ಅಂಗೀಕರಿಸಲಿಲ್ಲ. ಈಗ ಹೆಚ್ಚುವರಿ ಏರಿಕೆಯ ಭರವಸೆ ಮತ್ತೆ ಜೀವಂತವಾಗಿದೆ.

EPFO ಸಭೆಯ ಮಹತ್ವ:

ಇದು ಏಳು ತಿಂಗಳ ಬಳಿಕ ನಡೆಯುತ್ತಿರುವ ಮೊದಲ ಕೇಂದ್ರ ಟ್ರಸ್ಟಿಗಳ ಮಂಡಳಿ (CBT) ಸಭೆಯಾಗಿದ್ದು, ಹಲವಾರು ಮಹತ್ವದ ನಿರ್ಣಯಗಳಿಗೆ ವೇದಿಕೆಯಾಗಲಿದೆ. ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಮನ್ಸುಖ್ ಮಾಂಡವಿಯಾ ಅವರ ಅಧ್ಯಕ್ಷತೆಯಲ್ಲಿ ನಡೆಯಲಿರುವ ಈ ಸಭೆಯಲ್ಲಿ,
ಪಿಂಚಣಿ ಏರಿಕೆ ನಿರ್ಧಾರ.
ಇಪಿಎಫ್‌ಒ 3.0 ಪೋರ್ಟಲ್ ಅಪ್‌ಗ್ರೇಡ್.
ಎಟಿಎಂ/ಯುಪಿಐ ಮೂಲಕ ಭಾಗಶಃ ಹಿಂಪಡೆಯುವಿಕೆ.
ಮಾದರಿಯ ಸುಧಾರಣೆಗಳ ಬಗ್ಗೆ ಚರ್ಚೆ ನಡೆಯಲಿದೆ.

EPFO 3.0: ಡಿಜಿಟಲ್ ಸುಧಾರಣೆ,

ನೌಕರರಿಗೆ ಹೆಚ್ಚು ಅನುಕೂಲ ಕಲ್ಪಿಸುವ ಉದ್ದೇಶದಿಂದ ಇಪಿಎಫ್‌ಒ ತನ್ನ ಪೋರ್ಟಲ್‌ನ್ನು ಸಂಪೂರ್ಣವಾಗಿ ನವೀಕರಿಸಲು ಯೋಜನೆ ರೂಪಿಸಿದೆ. ಇನ್ಫೋಸಿಸ್, ಟಿಸಿಎಸ್ ಮತ್ತು ವಿಪ್ರೋಗಳಂತಹ ಪ್ರಮುಖ ಐಟಿ ಕಂಪನಿಗಳನ್ನು ಈ ಅಪ್‌ಗ್ರೇಡ್‌ಗಾಗಿ ಶಾರ್ಟ್‌ಲಿಸ್ಟ್ ಮಾಡಲಾಗಿದೆ. ಭವಿಷ್ಯದಲ್ಲಿ ಎಟಿಎಂ ಅಥವಾ ಯುಪಿಐ ಮೂಲಕ ನೇರವಾಗಿ ಇಪಿಎಫ್ ಹಣ ಹಿಂಪಡೆಯುವ ಸೌಲಭ್ಯವನ್ನು ಕೂಡಾ ಸದಸ್ಯರಿಗೆ ಒದಗಿಸಬಹುದು.

ಇಪಿಎಸ್-1995 ಯೋಜನೆ ಹಿನ್ನಲೆ:

ನೌಕರರ ಪಿಂಚಣಿ ಯೋಜನೆ (EPS-1995) ಒಂದು ಕೊಡುಗೆ ಆಧಾರಿತ ಸಾಮಾಜಿಕ ಭದ್ರತಾ ಯೋಜನೆಯಾಗಿದ್ದು, ಉದ್ಯೋಗದಾತರಿಂದ ವೇತನದ 8.33% ಹಾಗೂ ಕೇಂದ್ರ ಸರ್ಕಾರದಿಂದ 1.16% ಬಜೆಟ್ ಬೆಂಬಲ ನೀಡಲಾಗುತ್ತದೆ (ತಿಂಗಳಿಗೆ ₹15,000 ವೇತನ ಮಿತಿಯವರೆಗೆ). ಈ ಯೋಜನೆಯಡಿ ಕನಿಷ್ಠ ಪಿಂಚಣಿಯನ್ನು ಮೊಟ್ಟಮೊದಲು 2014ರ ಸೆಪ್ಟೆಂಬರ್ 1ರಂದು ನರೇಂದ್ರ ಮೋದಿ ಸರ್ಕಾರವು ₹1,000 ಕ್ಕೆ ನಿಗದಿ ಮಾಡಿತ್ತು. ನಂತರ ಅದನ್ನು ₹1,500 ಕ್ಕೆ ಏರಿಸಲಾಗಿತ್ತು.

ಒಟ್ಟಾರೆಯಾಗಿ, ದೀಪಾವಳಿ ಹಬ್ಬದ ಮೊದಲು ಪಿಂಚಣಿದಾರರಿಗೆ ಮಹತ್ವದ ನಿರ್ಧಾರ ಹೊರಬರುವ ಸಾಧ್ಯತೆ ಇದೆ. ತಿಂಗಳಿಗೆ ಕನಿಷ್ಠ ₹2,500 ಪಿಂಚಣಿ ದೊರೆಯುವುದಾದರೆ, ಇದು ನಿವೃತ್ತ ನೌಕರರ ಕುಟುಂಬಗಳಿಗೆ ಆರ್ಥಿಕ ಬಲ ನೀಡುವುದರ ಜೊತೆಗೆ ಹಬ್ಬದ ಖುಷಿಯನ್ನು ಇನ್ನಷ್ಟು ಹೆಚ್ಚಿಸಲಿದೆ.
ಹೀಗಾಗಿ, ಅಕ್ಟೋಬರ್ 10-11ರ EPFO ಸಭೆಯ ನಿರ್ಧಾರಗಳನ್ನು ದೇಶದಾದ್ಯಂತ ಲಕ್ಷಾಂತರ ಪಿಂಚಣಿದಾರರು ಕಾತರದಿಂದ ನಿರೀಕ್ಷಿಸುತ್ತಿದ್ದಾರೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ಕೃಷ್ಣಸಾಗರಿ

ಕೃಷ್ಣಸಾಗರಿ ಅವರು NeedsOfPublic.in ನ ‘ಉದ್ಯೋಗ ಮತ್ತು ವೃತ್ತಿ ಮಾರ್ಗದರ್ಶನ’ (Job Updates & Career) ವಿಭಾಗದ ಮುಖ್ಯಸ್ಥರಾಗಿದ್ದಾರೆ. ತುಮಕೂರಿನ ಸರ್ಕಾರಿ ನರ್ಸಿಂಗ್ ಕಾಲೇಜಿನಿಂದ B.Sc (Nursing) ಪದವಿ ಪಡೆದಿರುವ ಇವರು, ಸಾರ್ವಜನಿಕ ಜಾಗೃತಿ ಮತ್ತು ಮಾಹಿತಿ ನೀಡುವ ಆಸಕ್ತಿಯಿಂದಾಗಿ ಡಿಜಿಟಲ್ ಪತ್ರಿಕೋದ್ಯಮ ಕ್ಷೇತ್ರವನ್ನು ಆಯ್ದುಕೊಂಡಿದ್ದಾರೆ. ಡಿಜಿಟಲ್ ಮಾಧ್ಯಮ ರಂಗದಲ್ಲಿ 3 ವರ್ಷಗಳ ಅನುಭವ ಹೊಂದಿರುವ ಇವರು, ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳು (Govt Job Notifications), ಖಾಸಗಿ ನೇಮಕಾತಿಗಳು ಮತ್ತು ಶೈಕ್ಷಣಿಕ ಅಪ್‌ಡೇಟ್‌ಗಳನ್ನು ಒದಗಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ನಿರುದ್ಯೋಗಿ ಯುವಕ-ಯುವತಿಯರಿಗೆ ಯಾವುದೇ ಗೊಂದಲವಿಲ್ಲದೆ, ಕೇವಲ ಅಧಿಕೃತ ಮೂಲಗಳಿಂದ ಪರಿಶೀಲಿಸಿದ (Verified) ನಿಖರ ಮಾಹಿತಿಯನ್ನು ಸಕಾಲದಲ್ಲಿ ತಲುಪಿಸುವುದೇ ಇವರ ಬರವಣಿಗೆಯ ಶೈಲಿಯಾಗಿದೆ.