ಪ್ರತಿ ರಸ್ತೆ ಅಪಘಾತ ಸಂತ್ರಸ್ತರಿಗೆ ₹2.5 ಲಕ್ಷ ನೆರವು: CTRV-2025 ಯೋಜನೆ ಮೂಲಕ ತುರ್ತು ಚಿಕಿತ್ಸೆ ಸೌಲಭ್ಯ!

ರಸ್ತೆ ಅಪಘಾತಗಳು ನಮ್ಮ ದೈನಂದಿನ ಜೀವನದಲ್ಲಿ ಅಪಾಯಕಾರಿ ಸಮಸ್ಯೆಯಾಗಿ ಪರಿಣಮಿಸುತ್ತಿವೆ. ಪ್ರತಿ ವರ್ಷ ಸಾವಿರಾರು ಜನರು ರಸ್ತೆ ಅಪಘಾತಗಳಿಂದ ಗಾಯಗೊಳ್ಳುತ್ತಾರೆ. ಆದರೆ, ಅಪಘಾತದಲ್ಲಿ ಸಂತ್ರಸ್ತರಾದವರಿಗೆ ತಕ್ಷಣ ಮತ್ತು ಸೂಕ್ತ ಚಿಕಿತ್ಸೆ (Treatment) ದೊರಕುವುದು ದೊಡ್ಡ ಸಮಸ್ಯೆಯಾಗಿದೆ. ವಿಶೇಷವಾಗಿ, ತುರ್ತು ಪರಿಸ್ಥಿತಿಯಲ್ಲಿ ರೋಗಿಗಳ ಚಿಕಿತ್ಸೆಗಾಗಿ ಆರ್ಥಿಕ ಸಮಸ್ಯೆ ಬಂದರೆ ಅವರ ಜೀವನ ಭದ್ರತೆ ಮೇಲೆ ಮಹತ್ವದ ಪರಿಣಾಮ ಬೀರುತ್ತದೆ. ಇಂತಹ ಸ್ಥಿತಿಯಲ್ಲಿ ಕೇಂದ್ರ ಸರ್ಕಾರ ಮತ್ತು ರಾಜ್ಯ ಸರ್ಕಾರಗಳು (State governments) ಹೊಸ ಸಹಾಯ ಯೋಜನೆಯನ್ನು ಜಾರಿ ಮಾಡಿ ಅಪಘಾತ ಸಂತ್ರಸ್ತರಿಗೆ ಸೂಕ್ತ ಆರ್ಥಿಕ ನೆರವು ಒದಗಿಸುವ ಮಹತ್ವದ ಕ್ರಮವನ್ನು ಕೈಗೊಂಡಿವೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಕೇಂದ್ರ-ರಾಜ್ಯ ಒಕ್ಕೂಟದ ವಿಶೇಷ ಪರಿಹಾರ ಯೋಜನೆ, CTRV-2025:

ಕೇಂದ್ರ ಸರ್ಕಾರವು (Central government) ಮೋಟಾರು ವಾಹನಗಳಿಂದ ಉಂಟಾಗುವ ಅಪಘಾತ ಸಂತ್ರಸ್ತರಿಗೆ ನಗದು ರಹಿತ ಚಿಕಿತ್ಸಾ ನೆರವಿಗಾಗಿ CTRV-2025 ಎಂಬ ವಿಶೇಷ ಯೋಜನೆಯನ್ನು ಪ್ರಾರಂಭಿಸಿದೆ. ಈ ಯೋಜನೆಯ ಅಡಿಯಲ್ಲಿ, ಪ್ರತಿ ಅಪಘಾತ ಸಂತ್ರಸ್ತರಿಗೆ ₹1.5 ಲಕ್ಷ ಮೌಲ್ಯದ ನಗದು ರಹಿತ ಚಿಕಿತ್ಸೆ ನೀಡಲು ನಿರ್ಧಾರಿಸಲಾಗಿದೆ. ಜೊತೆಗೆ, ರಾಜ್ಯ ಸರ್ಕಾರವು ಪ್ರತಿ ಸಂತ್ರಸ್ತರಿಗೆ ₹1 ಲಕ್ಷ ಹೆಚ್ಚುವರಿ “ಟಾಪ್-ಅಪ್” (Top up) ಆರ್ಥಿಕ ನೆರವನ್ನೂ ಒದಗಿಸಲು ಆದೇಶಿಸಿದೆ. ಪರಿಣಾಮವಾಗಿ, ಒಟ್ಟು ₹2.5 ಲಕ್ಷ ಮೌಲ್ಯದ ಚಿಕಿತ್ಸೆಗಾಗಿ ನೆರವು ಸಿಗಲಿದೆ.

ಈ ಸೌಲಭ್ಯ ಯಾರಿಗೆ ಸಿಗಲಿದೆ?:

ರಸ್ತೆ ಅಪಘಾತದಲ್ಲಿ ಗಾಯಗೊಂಡು ತುರ್ತು ಆಸ್ಪತ್ರೆಗೆ ದಾಖಲಿಸಲಾದವರು.
ವೆಂಟಿಲೇಟರ್‌ ಮೇಲೆ ಇರುವ ರೋಗಿಗಳು, ಬಹು ಅಂಗಾಂಗ ವೈಫಲ್ಯ (Multi Organ Failure) ಇರುವವರು ಅಥವಾ ಇತರ ಗಂಭೀರ ಚಿಕಿತ್ಸೆಗಾಗಿ ಒಳಗಾದವರು.
CTRV-2025 ಯೋಜನೆಯ ಪ್ರಕಾರ ಕನಿಷ್ಠ 7 ದಿನಗಳ ನಿಗದಿತ ಚಿಕಿತ್ಸೆಗೆ ಒಳಗಾದವರು.
ರಾಜ್ಯದ ಅಳವಡಿಕೆಯ ಮಾನದಂಡ ಪೂರೈಸಿದ ಎನ್‌ಎಬಿಎಚ್ ಅಥವಾ ಎನ್‌ಕ್ಯುಎಎಸ್ ಮಾನ್ಯತೆ ಪಡೆದ ಆಸ್ಪತ್ರೆಗಳಲ್ಲಿ (In NABH or NQAS accredited hospitals) ಚಿಕಿತ್ಸೆ ಪಡೆದವರು.

ಚಿಕಿತ್ಸಾ ಪ್ರಕ್ರಿಯೆ ಹೇಗೆ ನಡೆಯುತ್ತದೆ?:

ಮೊದಲ 7 ದಿನಗಳು CTRV-2025 ಪ್ಯಾಕೇಜ್ ಪ್ರಕಾರ ಚಿಕಿತ್ಸೆ ಒದಗಿಸಲಾಗುತ್ತದೆ.
7 ದಿನಗಳ ಬಳಿಕವೂ ಗಂಭೀರ ಆರೋಗ್ಯ ಸ್ಥಿತಿ ಮುಂದುವರಿದರೆ, ಪ್ಯಾಕೇಜ್ ದರದಲ್ಲಿ ₹1 ಲಕ್ಷ ಮಿತಿಗೆ ಒಳಗೊಂಡು ರಾಜ್ಯ ಸರ್ಕಾರದಿಂದ ಹೆಚ್ಚುವರಿ ಟಾಪ್-ಅಪ್ ನೆರವು ಸಿಗುತ್ತದೆ.
ತಜ್ಞ ವೈದ್ಯರ ಶಿಫಾರಸ್ಸಿನ(On the recommendation of a specialist doctor) ಆಧಾರದ ಮೇಲೆ ₹1.5 ಲಕ್ಷ ಮಿತಿಯನ್ನು ಮೀರಿದ ಚಿಕಿತ್ಸೆಗೆ ಸರ್ಕಾರದಿಂದ ಇನ್ನಷ್ಟು ನೆರವು ನೀಡಲಾಗುತ್ತದೆ.
ಸರ್ಕಾರ ಮಾನ್ಯತೆ ಪಡೆದ ಅಥವಾ ರಾಜ್ಯ ನೊಂದಾಯಿತ ಆಸ್ಪತ್ರೆಗಳಲ್ಲಿಯೇ ಚಿಕಿತ್ಸೆ ನೀಡಬೇಕು.

ಇನ್ನು, ರಾಜ್ಯ ಆರೋಗ್ಯ ಇಲಾಖೆ (State health Department) ಈ ಯೋಜನೆಯನ್ನು ಎನ್‌ಎಚ್‌ಎ / MoRTH ವೇದಿಕೆಯ TMS 2.0 ಪ್ಲಾಟ್‌ಫಾರ್ಮ್ ಮೂಲಕ ಅನುಷ್ಠಾನಗೊಳಿಸುತ್ತಿದೆ. ಯಾವುದೇ ತಾಂತ್ರಿಕ ಅಡಚಣೆ ಇದ್ದಲ್ಲಿ, ಸುವರ್ಣ ಆರೋಗ್ಯ ಸುರಕ್ಷಾ ಟ್ರಸ್ಟ್ ಪ್ರತ್ಯೇಕ ದಾಖಲಾತಿ ಪ್ರಕ್ರಿಯೆ ಮೂಲಕ ಸಮಸ್ಯೆ ನಿವಾರಣೆ ಮಾಡುತ್ತದೆ. ಯೋಜನೆಯು ಯಾವುದೇ ಹೆಚ್ಚುವರಿ ಆರ್ಥಿಕ ಭಾರವಿಲ್ಲದೆ ರಾಜ್ಯ ಬಜೆಟ್‌ನಲ್ಲಿರುವ (In state budget) ಅನುದಾನದ ಮಿತಿಯೊಳಗೆ ನಿರ್ವಹಿಸಬೇಕು ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಒಟ್ಟಾರೆಯಾಗಿ, ಈ ಯೋಜನೆಯು ಅಪಘಾತ ಸಂತ್ರಸ್ತರಿಗೆ ತುರ್ತು ಚಿಕಿತ್ಸೆಗೆ ಸಿಗುವ ಹಣಕಾಸಿನ ಕಷ್ಟವನ್ನು  ದೂರಪಡಿಸುವುದು ಮುಖ್ಯ ಉದ್ದೇಶ. ₹2.5 ಲಕ್ಷದ ನೆರವಿನಿಂದ ಅಪಘಾತದ ಹಿನ್ನೆಲೆಯಲ್ಲಿ ಚಿಕಿತ್ಸೆ ಪಡೆಯುವ ಅಸಮರ್ಪಕತೆಯನ್ನು ತಡೆಹಿಡಿಯಲು ಕೇಂದ್ರ-ರಾಜ್ಯ ಒಕ್ಕೂಟ ಹಸ್ತಕ್ಷೇಪ ಮಾಡಿವೆ. ಈ ಯೋಜನೆ ದೇಶಾದ್ಯಂತ ಅಪಘಾತ ಸಂತ್ರಸ್ತರಿಗೆ ನಿರ್ಭಯವಾಗಿ, ಸುಗಮವಾಗಿ ಮತ್ತು ವೇಗವಾಗಿ ಚಿಕಿತ್ಸೆ ಸಿಗುವ ಭರವಸೆ ನೀಡುತ್ತದೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.