ನೀವು ರಾತ್ರಿಯಿಡೀ ಫೋನ್ ಚಾರ್ಜರ್ ಅನ್ನು ಪ್ಲಗ್‌ನಲ್ಲಿ ಇಡುತ್ತೀರಾ? ಇದು ಎಷ್ಟು ಅಪಾಯಕಾರಿ ಗೊತ್ತಾ.?

ಫೋನ್ ಚಾರ್ಜ್ ಆಗಿದ್ದರೂ, ಚಾರ್ಜರ್ ಅನ್ನು ಸಾಕೆಟ್‌ನಿಂದ ತೆಗೆಯದೆ ಹಾಗೆಯೇ ಬಿಡುವ ಅಭ್ಯಾಸ ಅನೇಕರಿಗಿದೆ. ಇದು ಸೋಮಾರಿತನದಿಂದ ಅಥವಾ “ಏನೂ ಆಗುವುದಿಲ್ಲ” ಎಂಬ ತಪ್ಪು ನಂಬಿಕೆಯಿಂದ ನಡೆಯುತ್ತದೆ. ಆದರೆ ವಿದ್ಯುತ್ ತಜ್ಞರು ಇದನ್ನು ಅತ್ಯಂತ ಅಪಾಯಕಾರಿ ಎಂದು ಹೇಳುತ್ತಾರೆ.ಈ ಕುರಿತು ಸಂಪೂರ್ಣ ಮಾಹಿತಿ ಕೆಳಗೆ ಕೊಡಲಾಗಿದೆ.ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಚಾರ್ಜರ್ ಅನ್ನು ಪ್ಲಗ್‌ನಲ್ಲಿ ಬಿಡುವುದು ಏಕೆ ಅಪಾಯ?

ಚಾರ್ಜರ್ ಸಾಕೆಟ್‌ನಲ್ಲಿ ಜೋಡಿಸಿದ್ದಾಗ, ಫೋನ್ ಚಾರ್ಜ್ ಆಗುತ್ತಿದ್ದರೂ ಇಲ್ಲದಿದ್ದರೂ, ಅದರ ಮೂಲಕ ವಿದ್ಯುತ್ ಪ್ರವಹಿಸುತ್ತಲೇ ಇರುತ್ತದೆ. ಇದನ್ನು ‘ವ್ಯಾಂಪೈರ್ ಪವರ್’ ಅಥವಾ ‘ಫ್ಯಾಂಟಮ್ ಲೋಡ್’ ಎಂದು ಕರೆಯಲಾಗುತ್ತದೆ. ಇದರಿಂದ ಕೇವಲ ವಿದ್ಯುತ್ ಬಿಲ್ ಹೆಚ್ಚಾಗುವುದಷ್ಟೇ ಅಲ್ಲ, ಹಲವಾರು ಅಪಾಯಗಳೂ ಉಂಟು.

ನಿರಂತರವಾಗಿ ವಿದ್ಯುತ್ ಸಂಪರ್ಕದಲ್ಲಿರುವ ಚಾರ್ಜರ್ ಬಿಸಿಯಾಗಲು ಪ್ರಾರಂಭಿಸುತ್ತದೆ. ಈ ಬಿಸಿ ಮೇಲೆಗೆ ಹೋದರೆ, ಶಾರ್ಟ್ ಸರ್ಕ್ಯೂಟ್, ತೀವ್ರವಾದ ವಿದ್ಯುತ್ ಆಘಾತ, ಅಥವಾ ದುರದೃಷ್ಟವಶಾತ್ ಬೆಂಕಿ ಅಥವಾ ಸ್ಫೋಟಕ್ಕೂ ಕಾರಣವಾಗಬಹುದು. ಇದು ನಿಮ್ಮ ಮತ್ತು ನಿಮ್ಮ ಕುಟುಂಬದ ಸುರಕ್ಷತೆಗೆ ಬೆದರಿಕೆ ಹಾಕುವ ಗಂಭೀರ ಸನ್ನಿವೇಶವನ್ನು ಸೃಷ್ಟಿಸುತ್ತದೆ.

ಯಾವ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು?

ಚಾರ್ಜಿಂಗ್ ಪೂರ್ಣಗೊಂಡ ತಕ್ಷಣ:

ಫೋನ್ ಚಾರ್ಜ್ ಆದ ನಂತರ ಚಾರ್ಜರ್ ಅನ್ನು ಸಾಕೆಟ್‌ನಿಂದ ತೆಗೆಯಲು ಮರೆಯಬೇಡಿ. ಇಡೀ ರಾತ್ರಿ ಚಾರ್ಜರ್‌ನಲ್ಲಿ ಫೋನ್ ಅನ್ನು ಬಿಡುವುದು ಫೋನ್ ಬ್ಯಾಟರಿಯ ಆಯುಸ್ಸನ್ನು ಕುಗ್ಗಿಸುತ್ತದೆ ಮತ್ತು ಅಪಾಯವನ್ನು ಹೆಚ್ಚಿಸುತ್ತದೆ.

ಸರಿಯಾದ ತೆಗೆಯುವಿಕೆ:

ಚಾರ್ಜರ್ ಕೇಬಲ್ ಅನ್ನು ಎಳೆದು ತೆಗೆಯುವುದರಿಂದ ಅದು ಹಾಳಾಗಬಹುದು. ಯಾವಾಗಲೂ ಅಡಾಪ್ಟರ್ ಅನ್ನು ಭದ್ರವಾಗಿ ಹಿಡಿದು, ನಿಧಾನವಾಗಿ ಸಾಕೆಟ್‌ನಿಂದ ತೆಗೆಯಿರಿ.

ಒಣಗಿದ ಸ್ಥಳ:

ಚಾರ್ಜರ್ ಅನ್ನು ಒದ್ದೆ ಅಥವಾ ನೀರಿನ ಸಮೀಪದಲ್ಲಿ ಇಡಬೇಡಿ. ಯಾವುದೇ ಕಾರಣದಿಂದಾಗಿ ಅದು ಒದ್ದೆಯಾದರೆ, ಸಂಪೂರ್ಣವಾಗಿ ಒಣಗಿಸಿದ ನಂತರ ಮಾತ್ರ ಬಳಸಿ.

ಗುಣಮಟ್ಟದ ಉತ್ಪನ್ನಗಳು:

ಸದಾ ಸ್ಟ್ಯಾಂಡರ್ಡ್ (ISI ಮಾರ್ಕ್) ಹೊಂದಿರುವ ಮತ್ತು ಕಂಪನಿಯ ಅಧಿಕೃತ ಚಾರ್ಜರ್‌ಗಳನ್ನೇ ಬಳಸಿ. ನಕಲಿ ಅಥವಾ ಕಡಿಮೆ ದರ್ಜೆಯ ಚಾರ್ಜರ್‌ಗಳು ಅಪಾಯವನ್ನು ಹಲವಾರು ಪಟು ಹೆಚ್ಚಿಸುತ್ತವೆ.

ಮನೆ ಮತ್ತು ಕುಟುಂಬದ ಸುರಕ್ಷತೆಯನ್ನು ಖಾತ್ರಿಪಡಿಸಿಕೊಳ್ಳುವುದು ನಮ್ಮೆಲ್ಲರ ಪ್ರಾಥಮಿಕ ಜವಾಬ್ದಾರಿ. ಸಣ್ಣ ಸುರಕ್ಷತಾ ಕ್ರಮಗಳು ದೊಡ್ಡ ಅಪಘಾತಗಳನ್ನು ತಡೆಯಬಲ್ಲವು. ಆದ್ದರಿಂದ, ಚಾರ್ಜಿಂಗ್ ಪೂರ್ಣಗೊಂಡ ತಕ್ಷಣ ಚಾರ್ಜರ್ ಅನ್ನು ಸಾಕೆಟ್‌ನಿಂದ ತೆಗೆಯುವ ಸರಳ ಅಭ್ಯಾಸವನ್ನು ಮಾಡಿಕೊಳ್ಳಿ. ಇದು ವಿದ್ಯುತ್ ಉಳಿತಾಯಕ್ಕೂ ಸಹಾಯ ಮಾಡುತ್ತದೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.