ಮದ್ಯ ಪ್ರಿಯರೆ ಗಮನಿಸಿ: ಬೆಂಗಳೂರಿನ ಈ ಏರಿಯಾಗಳಲ್ಲಿ ಎಣ್ಣೆ ಸಿಗಲ್ಲ, ಬಾರ್ ಬಂದ್.! ಯಾವಾಗ?

ಬೆಂಗಳೂರು ನಗರದಲ್ಲಿ ಸಾಮೂಹಿಕ ಗಣೇಶ ವಿಸರ್ಜನೆಯ ಸಮಾರಂಭಗಳನ್ನು ಮುನ್ನಿಟ್ಟುಕೊಂಡು ಪೊಲೀಸ್ ಆಯುಕ್ತರು ನಗರದ ಹಲವಾರು ಪ್ರದೇಶಗಳಲ್ಲಿ ಆಗಸ್ಟ್ 30 ಮತ್ತು 31 ರಂದು ಮದ್ಯ ಮಾರಾಟದ ಮೇಲೆ ಪೂರ್ಣ ನಿಷೇಧವನ್ನು ವಿಧಿಸಿದ್ದಾರೆ. ಸಾರ್ವಜನಿಕ ಶಾಂತಿ ಮತ್ತು ಸುವ್ಯವಸ್ಥೆಯನ್ನು ಕಾಪಾಡುವ ಉದ್ದೇಶದಿಂದ ಈ ಕಟ್ಟುನಿಟ್ಟಿನ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಗಣೇಶೋತ್ಸವದ ಕೊನೆಯ ದಿನಗಳಲ್ಲಿ ನಡೆಯುವ ಸಾಮೂಹಿಕ ವಿಸರ್ಜನಾ ಮೆರವಣಿಗೆಗಳ ಸಮಯದಲ್ಲಿ, ಕೆಲವು ಅಶಾಂತಿಯುಂಟುಮಾಡುವ ಘಟಕಗಳು ಮದ್ಯಪಾನದ ಅಮಲಿನಲ್ಲಿ ಕಾನೂನು-ಸುವ್ಯವಸ್ಥೆಗೆ ಧಕ್ಕೆ ತರುವ ಸಾಧ್ಯತೆಯಿದೆ ಎಂಬ ಪೊಲೀಸರ ಗುಪ್ತಚರ ಮಾಹಿತಿಯನ್ನು ಆಧರಿಸಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಈ ಅಹಿತಕರ ಸಂಭಾವ್ಯತೆಯನ್ನು ತಡೆಗಟ್ಟಲು ಮುನ್ನೆಚ್ಚರಿಕೆಯ ನಿಟ್ಟಿನಲ್ಲಿ ಈ ಆದೇಶ ಹೊರಡಿಸಲ್ಪಟ್ಟಿದೆ.

ಪೊಲೀಸ್ ಕಮಿಷನರ್ ಸೀಮಾಂತ್ ಕುಮಾರ್ ಸಿಂಗ್ ಅವರು ಹೊರಡಿಸಿದ ಆದೇಶ ಸಂಖ್ಯೆ ಸಿ.ಎಸ್.ಬಿ.(ಕ್ಷೇತ್ರ)/ಮದ್ಯ ನಿಷೇದಾಜ್ಞೆ/೩೨/೨೦೨೫ ರ ಪ್ರಕಾರ, CL-4 ಮತ್ತು CL-6A ಪರವಾನಗಿ ಹೊಂದಿರುವ ಹೋಟೆಲ್‌ಗಳನ್ನು ಬಿಟ್ಟು, ಇತರ ಎಲ್ಲಾ ರೀತಿಯ ಮದ್ಯದ ಅಂಗಡಿಗಳು, ಬಾರ್ ಮತ್ತು ರೆಸ್ಟೋರೆಂಟ್‌ಗಳು, ವೈನ್ ಅಂಗಡಿಗಳು, ಪಬ್‌ಗಳು ಮತ್ತು ಎಂ.ಎಸ್.ಐ.ಎಲ್. ಮಳಿಗೆಗಳನ್ನು ನಿಗದಿತ ಸಮಯದಲ್ಲಿ ಮುಚ್ಚಲು ಆದೇಶಿಸಲಾಗಿದೆ.

ಮದ್ಯ ಮಾರಾಟ ನಿಷೇಧವಿರುವ ಪ್ರಮುಖ ಪ್ರದೇಶಗಳು ಮತ್ತು ಸಮಯ:

ನಿಷೇಧವು ಬೆಂಗಳೂರು ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಬರುವ ಕೆಳಗಿನ ಪೊಲೀಸ್ ಠಾಣಾ ಪ್ರದೇಶಗಳಿಗೆ ಅನ್ವಯಿಸುತ್ತದೆ:

ಆಗಸ್ಟ್ 30, 2025 (ಶುಕ್ರವಾರ) – ಮಧ್ಯಾಹ್ನ 6:00 ಗಂಟೆಗಳಿಂದ ನಂತರ ರಾತ್ರಿ 12:00 ಗಂಟೆವರೆಗೆ.

• ಜಲಹಳ್ಳಿ
• ಚಾಮರಾಜಪೇಟೆ
• ಅಶೋಕನಗರ
• ಶಿವಾಜಿನಗರ
• ಕೆ.ಜಿ.ನಗರ
• ಕೆ.ಆರ್.ಮಾರ್ಕೆಟ್
• ಜಾನಿ ಬೆಡ್ ಕನ್ನಂಬಿ
• ಕೆ.ಆರ್.ಪುರಂ
• ಬನಶಂಕರಿ
• ಜೆ.ಪಿ.ನಗರ
• ಮಲ್ಲೇಶ್ವರಂ
• ವಿದಾನಸೌಧ

ಆಗಸ್ಟ್ 31, 2025 (ಶನಿವಾರ) – ಬೆಳಗ್ಗೆ 8:00 ಗಂಟೆಗಳಿಂದ ರಾತ್ರಿ 12:00 ಗಂಟೆವರೆಗೆ.

• ಉಳಿದ ಎಲ್ಲಾ ಠಾಣಾ ವ್ಯಾಪ್ತಿಗಳು (ಮೇಲೆ ಹೆಸರಿಸಿದವುಗಳನ್ನು ಬಿಟ್ಟು).

ಈ ಕಾಲಾವಧಿಯಲ್ಲಿ ನಿಷೇಧಿತ ಪ್ರದೇಶಗಳಲ್ಲಿ ಯಾವುದೇ ರೀತಿಯ ಮದ್ಯದ ಮಾರಾಟವಾಗುವುದಿಲ್ಲ ಮತ್ತು ಬಾರ್ ಮತ್ತು ಪಬ್‌ಗಳು ಮುಚ್ಚಿರುತ್ತವೆ ಎಂದು ಪೊಲೀಸ್ ಪ್ರಕಟಣೆ ಸ್ಪಷ್ಟಪಡಿಸಿದೆ. ಈ ಆದೇಶವನ್ನು ಉಲ್ಲಂಘಿಸುವವರ ವಿರುದ್ಧ ಕಟ್ಟುನಿಟ್ಟಿನ ಕಾನೂನು ಕ್ರಮವನ್ನು ತೆಗೆದುಕೊಳ್ಳಲಾಗುವುದು. ಆದ್ದರಿಂದ, ನಗರವಾಸಿಗಳು ಮತ್ತು ಮದ್ಯಪ್ರಿಯರು ತಮ್ಮ ಯೋಜನೆಗಳನ್ನು ಇದಕ್ಕೆ ಅನುಗುಣವಾಗಿ ಮಾಡಿಕೊಳ್ಳುವುದು ಒಳ್ಳೆಯದು.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.