ವಾಷಿಂಗ್ ಮಷಿನ್‌ನಲ್ಲಿ ಬಟ್ಟೆ ಕೊಳೆ ಕ್ಲಿನ್ಹೋ ಆಗಿ ಹೋಗಲು ಈ ಸಣ್ಣ ಕೆಲಸ ಮಾಡಿ, ಮ್ಯಾಜಿಕ್ ನೋಡಿ.!

ಇಂದಿನ ಯುಗದಲ್ಲಿ ವಾಷಿಂಗ್ ಮಷಿನ್(Washing Machine)ನಮ್ಮ ದಿನನಿತ್ಯದ ಜೀವನದ ಭಾಗವಾಗಿದೆ. ಆದರೆ ಹಲವರು ದೂರುತ್ತಾರೆ – “ಮಷಿನ್‌ನಲ್ಲಿ ಬಟ್ಟೆ ತೊಳೆದರೂ ಅವು ಸರಿಯಾಗಿ ಸ್ವಚ್ಛವಾಗುತ್ತಿಲ್ಲ!” ಎಂದು. ಈ ಸಮಸ್ಯೆಗೆ ಕಾರಣ ಯಂತ್ರದ ದೋಷವಲ್ಲ, ನಮ್ಮ ಬಳಕೆಯ ವಿಧಾನದಲ್ಲೇ ತಪ್ಪಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

ಮುಖ್ಯ ಕಾರಣ: ಓವರ್‌ಲೋಡ್ ಮಾಡಿದರೆ ಕ್ಲೀನ್ ಆಗಲ್ಲ!

ಬಹುತೇಕ ಜನರು ವಾಷಿಂಗ್ ಮಷಿನ್‌ನ ಸಾಮರ್ಥ್ಯವನ್ನು ಸರಿಯಾಗಿ ಅರ್ಥಮಾಡಿಕೊಳ್ಳದೇ, ಅದರಲ್ಲೇ ಹೆಚ್ಚು ಬಟ್ಟೆಗಳನ್ನು ಒಟ್ಟಿಗೇ ಹಾಕುತ್ತಾರೆ. ಇದು ಯಂತ್ರದ ಕ್ಲೀನಿಂಗ್ ಕಾರ್ಯವೈಖರಿಯನ್ನು ಸಂಪೂರ್ಣವಾಗಿ ಹಾಳುಮಾಡುತ್ತದೆ.
ಮಷಿನ್‌ನ ಒಳಗಿನ ಡ್ರಮ್‌ನಲ್ಲಿ ಬಟ್ಟೆಗಳು ತಿರುಗಿ, ಡಿಟರ್ಜೆಂಟ್ ಮತ್ತು ನೀರಿನ ಸಂಯೋಗದ ಮೂಲಕ ಕೊಳೆಯನ್ನು ತೆಗೆಯುವುದು ಅದರ ಪ್ರಾಥಮಿಕ ಪ್ರಕ್ರಿಯೆ. ಆದರೆ ನೀವು ಹೆಚ್ಚಿನ ಬಟ್ಟೆಗಳನ್ನು ತುಂಬಿದರೆ – ಬಟ್ಟೆಗಳಿಗೆ ತಿರುಗಲು ಜಾಗ ಸಿಗೋದಿಲ್ಲ, ಡಿಟರ್ಜೆಂಟ್ ಎಲ್ಲೆಡೆ ತಲುಪೋದಿಲ್ಲ. ಇದರ ಪರಿಣಾಮ, ಕೊಳಕು ಹಾಗೆ ಉಳಿಯುತ್ತದೆ!

ಮಷಿನ್ ಸಾಮರ್ಥ್ಯದ ಸರಿಯಾದ ಅರ್ಥ:

ಬಹುತೇಕರು “ನನ್ನ ವಾಷಿಂಗ್ ಮಷಿನ್ 7 ಕೆಜಿ ಸಾಮರ್ಥ್ಯ ಇದೆ ಅಂದರೆ 7 ಬಟ್ಟೆ ತೊಳೆಯಬಹುದು” ಎಂದು ತಪ್ಪಾಗಿ ಅರ್ಥಮಾಡಿಕೊಳ್ಳುತ್ತಾರೆ. ಆದರೆ ವೇದಾಂತ್ ಸಿಂಗ್ ಎಂಬ ತಜ್ಞರ ಪ್ರಕಾರ, ಮಷಿನ್‌ನ ಸಾಮರ್ಥ್ಯವನ್ನು ತೂಕದ ಆಧಾರದಲ್ಲಿ ಅರ್ಥಮಾಡಿಕೊಳ್ಳಬೇಕು — ಬಟ್ಟೆಗಳ ಸಂಖ್ಯೆಯಿಂದಲ್ಲ.

ವಾಷಿಂಗ್ ಮಷಿನ್‌ನ ಸಾಮರ್ಥ್ಯಕ್ಕೆ ಅನುಗುಣವಾಗಿ ಎಷ್ಟು ಬಟ್ಟೆಗಳನ್ನು ಹಾಕಬಹುದು ಎಂಬ ಸರಳ ಪಟ್ಟಿ:

7 ಕೆಜಿ ಮಷಿನ್ –  ಸುಮಾರು 14 ಬಟ್ಟೆಗಳು

8 ಕೆಜಿ ಮಷಿನ್ – ಸುಮಾರು 16 ಬಟ್ಟೆಗಳು

9 ಕೆಜಿ ಮಷಿನ್ – ಸುಮಾರು 18 ಬಟ್ಟೆಗಳು

ಅಂದರೆ, 7 ಕೆಜಿ ಸಾಮರ್ಥ್ಯದ ಮಷಿನ್‌ನಲ್ಲಿ ಸುಮಾರು 14 ಮಧ್ಯಮ ಗಾತ್ರದ ಬಟ್ಟೆಗಳನ್ನು ಮಾತ್ರ ಹಾಕಬೇಕು. ಇದಕ್ಕಿಂತ ಹೆಚ್ಚು ಹಾಕಿದರೆ, ಅದು ಓವರ್‌ಲೋಡ್ ಆಗುತ್ತದೆ.

ಬಟ್ಟೆ ಎಣಿಸುವ ಸರಿಯಾದ ವಿಧಾನ(Correct way):

ಎಲ್ಲಾ ಬಟ್ಟೆಗಳ ತೂಕ ಒಂದೇ ಇರೋದಿಲ್ಲ. ಹೀಗಾಗಿ “ಒಂದು ಬಟ್ಟೆ = ಒಂದು ಲೋಡ್” ಎಂಬ ಗಣಿತ ಸರಿಯಲ್ಲ. ಬದಲಾಗಿ, ಈ ಕೆಳಗಿನ ಎಣಿಕೆಯ ನಿಯಮವನ್ನು ಪಾಲಿಸಿದರೆ ನಿಮಗೆ ಸರಿಯಾದ ಅಂದಾಜು ಸಿಗುತ್ತದೆ:

ಬಟ್ಟೆ ತೊಳೆಯುವಾಗ ಎಣಿಕೆಯು ಹೇಗಿರಬೇಕು ಎಂದು ತಿಳಿದುಕೊಳ್ಳಿ:

ಡಬಲ್ ಬೆಡ್‌ಶೀಟ್ = 4 ಬಟ್ಟೆಗಳಂತೆ ಲೆಕ್ಕ ಹಾಕಬೇಕು.

ಸಿಂಗಲ್ ಬೆಡ್‌ಶೀಟ್ = 2 ಬಟ್ಟೆಗಳ ಸಮ.

2 ಜೀನ್ಸ್ ಪ್ಯಾಂಟ್‌ಗಳು = ಒಟ್ಟಿಗೆ 3 ಬಟ್ಟೆ ಎಂದು ಲೆಕ್ಕಿಸಬಹುದು.

2 ಒಳ ಉಡುಪುಗಳು = 1 ಬಟ್ಟೆಯಷ್ಟೆ ಎಣಿಕೆ.

ಒಂದು ಟಿ-ಶರ್ಟ್ ಅಥವಾ ಶರ್ಟ್ = 1 ಬಟ್ಟೆ ಎಂದು ಪರಿಗಣಿಸಬಹುದು.

ಈ ರೀತಿಯಾಗಿ ನೀವು ಬಟ್ಟೆಗಳ ತೂಕ ಮತ್ತು ಜಾಗವನ್ನು ಅಂದಾಜು ಮಾಡಿ ಮಷಿನ್‌ನಲ್ಲಿ ಸರಿಯಾದ ಪ್ರಮಾಣದಲ್ಲಿ ಹಾಕಬಹುದು.

ಸರಿಯಾದ ವಾಶ್‌ಗೆ “ಒಂದು ಕೈ ಅಂತರ” ನಿಯಮ:

ಮಷಿನ್ ತುಂಬಿಸುವಾಗ ಡ್ರಮ್‌ನ ಮೇಲ್ಭಾಗದಲ್ಲಿ ಒಂದು ಕೈ ಅಗಲದಷ್ಟು ಖಾಲಿ ಜಾಗವನ್ನು ಬಿಡುವುದು ಅತ್ಯಂತ ಮುಖ್ಯ.
ಇದರಿಂದ:

ಬಟ್ಟೆಗಳಿಗೆ ತಿರುಗಲು ಸೂಕ್ತವಾದ ಜಾಗ ಸಿಗುತ್ತದೆ,

ಡಿಟರ್ಜೆಂಟ್ ಮತ್ತು ನೀರು ಸಮವಾಗಿ ಹಂಚಿಕೊಳ್ಳುತ್ತದೆ,

ಕ್ಲೀನಿಂಗ್ ಪರಿಣಾಮ ಹೆಚ್ಚುತ್ತದೆ,

ಮಷಿನ್ ಮೇಲಿನ ಒತ್ತಡ ಕಡಿಮೆಯಾಗುತ್ತದೆ.

ಇದರಿಂದ ನಿಮಗೆ ಆಗುವ ಲಾಭಗಳು:

ಬಟ್ಟೆಗಳು ಸಂಪೂರ್ಣವಾಗಿ ಕ್ಲೀನ್ ಮತ್ತು ಫ್ರೆಶ್ ಆಗುತ್ತವೆ

ಡಿಟರ್ಜೆಂಟ್ ಮತ್ತು ನೀರಿನ ಉಳಿತಾಯ

ಯಂತ್ರದ ಬಾಳಿಕೆ ಹೆಚ್ಚು ದಿನಗಳವರೆಗೆ ಉಳಿಯುತ್ತದೆ

ಡ್ರಮ್‌ನಲ್ಲಿ ದುರ್ವಾಸನೆ, ಕಲೆಗಳು ಕಡಿಮೆಯಾಗುತ್ತವೆ

ಒಟ್ಟಾರೆ,  ವಾಷಿಂಗ್ ಮಷಿನ್‌ಗಳು ಸ್ವಚ್ಛತೆಗಾಗಿ ವಿನ್ಯಾಸಗೊಳಿಸಲ್ಪಟ್ಟಿವೆ, ಆದರೆ ಅವುಗಳ ಸಾಮರ್ಥ್ಯಕ್ಕೆ ಮೀರಿದ ಕೆಲಸ ನೀಡಿದರೆ ಫಲಿತಾಂಶ ತೃಪ್ತಿಕರವಾಗುವುದಿಲ್ಲ. ಬಟ್ಟೆಗಳನ್ನು ತೊಳೆಯುವ ಮೊದಲು “ತೂಕದ ಸಮತೋಲನ” ಮತ್ತು “ಸಾಕಷ್ಟು ಜಾಗ” ಎಂಬ ಎರಡು ನಿಯಮಗಳನ್ನು ನೆನಪಿನಲ್ಲಿಟ್ಟುಕೊಳ್ಳಿ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.