ನಿಮ್ಮ ಮೊಬೈಲ್‌ನಲ್ಲೇ ರೇಷನ್ ಕಾರ್ಡ್: ಡಿಜಿಟಲ್ ಇಂಡಿಯಾದ ಹೊಸ ಕ್ರಾಂತಿ 

ಡಿಜಿಟಲ್ ಇಂಡಿಯಾ ಮಿಷನ್ ದೇಶದ ನಾಗರಿಕರಿಗೆ ಸರ್ಕಾರದ ಸೇವೆಗಳು ಕೈಗೇ ಸಿಗುವಂತೆ ಮಾಡುವ ಮಹತ್ತರ ಗುರಿಯನ್ನು ಹೊಂದಿದೆ. ಬ್ಯಾಂಕಿಂಗ್‌ನಿಂದ ಆರೋಗ್ಯ ದಾಖಲೆಗಳವರೆಗೆ ಎಲ್ಲವನ್ನೂ ಡಿಜಿಟಲ್ ಮಾಡುತ್ತಿರುವ ಸಂದರ್ಭದಲ್ಲಿ, ಈಗ ರೇಷನ್ ಕಾರ್ಡ್ ಕೂಡ ಸಂಪೂರ್ಣ ಡಿಜಿಟಲ್ ರೂಪಕ್ಕೆ ಪರಿವರ್ತನೆಯಾಗುತ್ತಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಭಾರತದ ಲಕ್ಷಾಂತರ ಕುಟುಂಬಗಳಿಗೆ ಜೀವನಾಡಿಯಾದ ರೇಷನ್ ಕಾರ್ಡ್ ಕೇವಲ ಆಹಾರ ವಿತರಣೆಯ ದಾಖಲೆ ಮಾತ್ರವಲ್ಲ, ಇದು ಗೌರವಪೂರ್ಣ ಗುರುತಿನ ಚೀಟಿ, ಆರ್ಥಿಕ ಸ್ಥಿತಿಯ ಸೂಚಕ, ಮತ್ತು ಅನೇಕ ಕಲ್ಯಾಣ ಯೋಜನೆಗಳ ಬಾಗಿಲು ತೆರೆಯುವ ಪ್ರಮುಖ ದಾಖಲೆ.

ಇತ್ತೀಚೆಗೆ ಹಲವು ರಾಜ್ಯಗಳು Digital ಅಥವಾ e-Ration Card ವ್ಯವಸ್ಥೆಯನ್ನು ವೇಗವಾಗಿ ಜಾರಿಗೆ ತರುತ್ತಿದ್ದು, ನಾಗರಿಕರು ಈಗ ತಮ್ಮ ಮೊಬೈಲ್ ಅಥವಾ ಲ್ಯಾಪ್‌ಟಾಪ್‌ನಲ್ಲೇ ಪೂರ್ಣ ರೇಷನ್ ಕಾರ್ಡ್‌ನ್ನು ಇರಿಸಿಕೊಳ್ಳಬಹುದು. ಇದು ಯಾವಾಗಲೂ ಕಾರ್ಡ್ ಅನ್ನು ಕೈಯಲ್ಲಿ ಹಿಡಿಯುವ ಅವಲಂಬನೆಯನ್ನು ಕಡಿಮೆ ಮಾಡುವುದು ಮಾತ್ರವಲ್ಲ, ಪಾರದರ್ಶಕತೆ ಮತ್ತು ಸುಧಾರಿತ ಆಹಾರ ವಿತರಣೆ ವ್ಯವಸ್ಥೆಗೆ ದಾರಿ ಮಾಡಿಕೊಡುತ್ತಿದೆ.

ಡಿಜಿಟಲ್ ರೇಷನ್ ಕಾರ್ಡ್ ಎಂದರೇನು?:

ಡಿಜಿಟಲ್ ಅಥವಾ ಇ–ರೇಷನ್ ಕಾರ್ಡ್ ಎನ್ನುವುದು ನಿಮ್ಮ ಹಳೆಯ ಕಾಗದದ ಕಾರ್ಡ್‌ನ ಆನ್‌ಲೈನ್ ಆವೃತ್ತಿ. ಇದರಲ್ಲಿ, ಆಧಾರ್ ಸಂಖ್ಯೆ, ಮೊಬೈಲ್ ಸಂಖ್ಯೆ, ರಾಜ್ಯದ ಆಹಾರ ವಿತರಣೆ ಪೋರ್ಟಲ್ ಗೆ ನೇರವಾಗಿ ಲಿಂಕ್ ಸಿಗುತ್ತದೆ. ಈ ಕಾರ್ಡ್ ಮೂಲಕ PDS (Public Distribution System) ಅಡಿ ದೊರೆಯುವ ಅಕ್ಕಿ, ಗೋಧಿ, ಸಕ್ಕರೆ ಹಾಗೂ ಇತರೆ ಸಬ್ಸಿಡಿ ಆಹಾರ ವಸ್ತುಗಳನ್ನು ಕೇವಲ QR ಕೋಡ್‌ ಸ್ಕ್ಯಾನ್ ಮಾಡುವ ಮೂಲಕ ಪಡೆಯಬಹುದು.

ಡಿಜಿಟಲ್ ರೇಷನ್ ಕಾರ್ಡ್‌ನ ಪ್ರಮುಖ ಲಾಭಗಳು ಏನು?:

ಎಲ್ಲೆಡೆ ಬಳಸಬಹುದಾದ ಸೌಲಭ್ಯ,
ಮೊಬೈಲ್, ಟ್ಯಾಬ್, ಅಥವಾ ಲ್ಯಾಪ್‌ಟಾಪ್ ಮೂಲಕ ತಕ್ಷಣ ಪ್ರದರ್ಶಿಸಬಹುದು. ಕಾಗದದ ಕಾರ್ಡ್‌ನ್ನು ಜತೆ ಕೊಂಡೊಯ್ಯುವ ತೊಂದರೆ ಇಲ್ಲ.

ಪೂರ್ಣ ಪಾರದರ್ಶಕತೆ,
ಅನ್ನ ವಿತರಣೆ ಸಂಪೂರ್ಣ ಡಿಜಿಟಲ್ ದಾಖಲೆ ಪಾವತಿಯಾಗುವುದರಿಂದ ಅಕ್ರಮ, ಡುಪ್ಲಿಕೇಟ್ ಕಾರ್ಡ್, ಭ್ರಷ್ಟಾಚಾರ ಇವುಗಳ ಸಾಧ್ಯತೆ ಬಹಳ ಕಡಿಮೆಯಾಗುತ್ತದೆ.

ನವೀಕರಣ, ದೂರು, ವಿತರಣೆ ವಿವರ ಎಲ್ಲವೂ ಕೆಲವು ಕ್ಲಿಕ್‌ಗಳಲ್ಲಿ ಸಾಧ್ಯವಾಗುವುದರಿಂದ ಸಮಯ ಉಳಿತಾಯವಾಗುತ್ತದೆ.

ಫೇಕ್ ರೇಷನ್ ಕಾರ್ಡ್ ಬಳಕೆಗೆ ಸಾಧ್ಯ ಕಡಿಮೆ ಇರುತ್ತದೆ. ಪ್ರತಿಯೊಂದು ಕುಟುಂಬಕ್ಕೆ ಒಂದೇ ಮಾನ್ಯ ಕಾರ್ಡ್.

ಡಿಜಿಟಲ್ ಸ್ಟೋರೇಜ್ ನಲ್ಲಿ ನಿಮ್ಮ ಕಾರ್ಡ್ ಯಾವಾಗ ಬೇಕಾದರೂ ಡೌನ್‌ಲೋಡ್ ಮಾಡಬಹುದು. ಕಳೆದುಹೋಗುವ ಭಯವೇ ಇರುವುದಿಲ್ಲ.

OCR (One Nation, One Ration Card):

ಯಾವ ರಾಜ್ಯದಲ್ಲಿದ್ದರೂ, ಭಾರತದೆಲ್ಲೆಡೆ ಅದೇ ಕಾರ್ಡ್ ಬಳಸಿ ರೇಷನ್ ಪಡೆಯಬಹುದು. ಕೂಲಿ ಮಾಡುವವರು, ಪ್ರಯಾಣಿಕರಿಗೆ ಇದರಿಂದ ಅನುಕೂಲವಾಗುತ್ತದೆ.

ಡಿಜಿಟಲ್ ರೇಷನ್ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವುದು ಹೇಗೆ?:

ನಿಮ್ಮ ರಾಜ್ಯದ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ಮಾಡಿ(ಉದಾ. ಕರ್ನಾಟಕ ahara.kar.nic.in).
Apply for New Ration Card / ಹೊಸ ರೇಷನ್ ಕಾರ್ಡ್ ಅರ್ಜಿ ಆಯ್ಕೆ ಮಾಡಿ.
ಆನ್‌ಲೈನ್ ಅರ್ಜಿ ನಮೂನೆಯಲ್ಲಿ ಕೆಳಗಿನ ವಿವರಗಳನ್ನು ಸರಿಯಾದ ರೀತಿಯಲ್ಲಿ ಭರ್ತಿ ಮಾಡಿ,
ವೈಯಕ್ತಿಕ ಮಾಹಿತಿ
ಕುಟುಂಬ ಸದಸ್ಯರ ವಿವರ
ಸಂಪೂರ್ಣ ವಿಳಾಸ

ಅಗತ್ಯ ದಾಖಲೆಗಳ ಸ್ಕ್ಯಾನ್ ಪ್ರತಿಗಳನ್ನು ಅಪ್‌ಲೋಡ್ ಮಾಡಿ:

ಮತದಾರ ಗುರುತಿನ ಚೀಟಿ
ಆಧಾರ್ ಕಾರ್ಡ್
ವಿಳಾಸದ ಪುರಾವೆ
ಆದಾಯ ಪ್ರಮಾಣಪತ್ರ
ಕುಟುಂಬದ ಫೋಟೋ.
ಸ್ಕ್ಯಾನ್ ಪ್ರತಿಗಳನ್ನು ಅಪ್‌ಲೋಡ್ ಮಾಡಿದ ನಂತರ ನಿಮಗೆ Registration/Application Number ಸಿಗುತ್ತದೆ.
ಇದರಿಂದ ನೀವು ಅರ್ಜಿ ಸ್ಥಿತಿಯನ್ನು ಯಾವಾಗ ಬೇಕಾದರೂ ಆನ್‌ಲೈನ್‌ನಲ್ಲಿ ಚೆಕ್ ಮಾಡಬಹುದು.

ಗಮನಿಸಿ:
CSC ಕೇಂದ್ರಗಳ ಮೂಲಕವೂ ಹಲವಾರು ರಾಜ್ಯಗಳಲ್ಲಿ ಅರ್ಜಿ ಸಲ್ಲಿಸಬಹುದು.

ಡಿಜಿಟಲ್ ರೇಷನ್ ಕಾರ್ಡ್ ಅನ್ನು ಡೌನ್‌ಲೋಡ್ ಮಾಡುವುದು ಹೇಗೆ?:

ರಾಜ್ಯದ ಆಹಾರ ಇಲಾಖೆಯ ವೆಬ್‌ಸೈಟ್‌ಗೆ ಲಾಗಿನ್ ಆಗಿ.
Ration Card Services, Download e-Ration Card ಆಯ್ಕೆಮಾಡಿ.
ನಂತರ ನಿಮ್ಮ, ರೇಷನ್ ಕಾರ್ಡ್ ಸಂಖ್ಯೆ, ಆಧಾರ್ ಸಂಖ್ಯೆ, ಅಥವಾ ನೋಂದಣಿ ಸಂಖ್ಯೆ ಇವುಗಳಲ್ಲಿ ಒಂದನ್ನು ನಮೂದಿಸಿ.
OTP ದೃಢೀಕರಣ ಮಾಡಿದ ನಂತರ ನಿಮ್ಮ Digital Ration Card PDF ದೊರೆಯುತ್ತದೆ.
Digital Ration Card PDF ಅನ್ನು ಮೊಬೈಲ್‌ನಲ್ಲಿ ಸೇವ್ ಮಾಡಿಕೊಂಡು ಪ್ರಿಂಟ್ ತೆಗೆದುಕೊಳ್ಳಿ QR ಕೋಡ್ ಮೂಲಕ ಅಂಗಡಿಯಲ್ಲಿ ತೋರಿಸಬಹುದು

ಒಟ್ಟಾರೆಯಾಗಿ, ಡಿಜಿಟಲ್ ರೇಷನ್ ಕಾರ್ಡ್ ಎಂಬುದು ಕೇವಲ ತಂತ್ರಜ್ಞಾನ ಸುಧಾರಣೆ ಅಲ್ಲ, ಇದು ದೇಶದ ಬಡ ಜನರಿಗೆ, ಸಾಮಾನ್ಯ ಕುಟುಂಬಗಳಿಗೆ ಮತ್ತು ವಲಸೆ ಕಾರ್ಮಿಕರಿಗೆ ದೊಡ್ಡ ಮಟ್ಟದ ನೂತನ ಸೌಲಭ್ಯ. ಪಾರದರ್ಶಕತೆ, ಸುಲಭ ಉಪಯೋಗ, ರಾಷ್ಟ್ರವ್ಯಾಪಿ ವಿತರಣೆ ಇವೆಲ್ಲ ಸೇರಿ ಡಿಜಿಟಲ್ ರೇಷನ್ ಕಾರ್ಡ್ ಭವಿಷ್ಯದ ಸಾರ್ವಜನಿಕ ವಿತರಣಾ ವ್ಯವಸ್ಥೆಯಲ್ಲಿ ಮಹತ್ತರ ಬದಲಾವಣೆ ತರುತ್ತದೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.