ಬರೋಬ್ಬರಿ ಡಬಲ್ ರಿಟನ್ ಕೊಡುವ ಪೋಸ್ಟ್ ಆಫೀಸ್ ಟಿಡಿ ಪ್ಲಾನ್ ಬಗ್ಗೆ ತುಂಬಾ ಜನರಿಗೆ ಗೊತ್ತಿಲ್ಲ

ಭಾರತದ ಲಕ್ಷಾಂತರ ಜನರ ವಿಶ್ವಾಸಕ್ಕೆ ಆಸ್ಪದವಾಗಿರುವ ಅಂಚೆ ಕಚೇರಿಯು (Post Office) ವಿವಿಧ ಸಣ್ಣ ಉಳಿತಾಯ ಯೋಜನೆಗಳನ್ನು ನೀಡುತ್ತದೆ. ಅವುಗಳಲ್ಲಿ ಟೈಮ್ ಡೆಪಾಸಿಟ್ (ಸಮಯ ಠೇವಣಿ) ಯೋಜನೆಯೂ ಒಂದು. ಈ ಯೋಜನೆಯಲ್ಲಿ ನಾಲ್ಕು ವಿಭಿನ್ನ ಅವಧಿಗಳನ್ನು ಆಯ್ಕೆ ಮಾಡಲು ಸಿಗುತ್ತದೆ. ಗರಿಷ್ಠ ಬಡ್ಡಿ ದರವನ್ನು ನೀಡುವ ಐದು ವರ್ಷಗಳ ಯೋಜನೆಯನ್ನು ಆರಿಸಿ ಉತ್ತಮ ಆದಾಯವನ್ನು ಪಡೆಯಬಹುದು. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಗ್ರಾಮೀಣ ಪ್ರದೇಶಗಳಿಂದ ಹಿಡಿದು ನಗರಗಳವರೆಗೆ, ಲಕ್ಷಾಂತರ ಜನರು ತಮ್ಮ ಉಳಿತಾಯವನ್ನು ಅಂಚೆ ಕಚೇರಿಯ ಯೋಜನೆಗಳಲ್ಲಿ ಹೂಡಿಕೆ ಮಾಡುತ್ತಾರೆ. ಸರ್ಕಾರದ ಗ್ಯಾರಂಟಿ ಮತ್ತು ಅಂಚೆ ಕಚೇರಿಯ ಮೇಲಿರುವ ದೃಢ ನಂಬಿಕೆಯೇ ಈ ಯೋಜನೆಗಳನ್ನು ಇನ್ನಷ್ಟು ಜನಪ್ರಿಯಗೊಳಿಸಿದೆ. ಈ ಸಣ್ಣ ಉಳಿತಾಯ ಯೋಜನೆಗಳಲ್ಲಿ ಟೈಮ್ ಡೆಪಾಸಿಟ್ (ಸಮಯ ಠೇವಣಿ) ಒಂದು ಮುಖ್ಯವಾದ ಆಯ್ಕೆಯಾಗಿದೆ.

ಅಂಚೆ ಕಚೇರಿಯ ಟಿಡಿ ಯೋಜನೆಯು ಬ್ಯಾಂಕುಗಳ ಫಿಕ್ಸ್ಡ್ ಡೆಪಾಸಿಟ್ (ನಿಗದಿತ ಠೇವಣಿ) ಗೆ ಸಮಾನವಾದುದು. ಇದು ನಿರ್ದಿಷ್ಟ ಅವಧಿಗೆ ಠೇವಣಿ ಇಡಲು ಅನುವು ಮಾಡಿಕೊಡುತ್ತದೆ. ಷೇರುಗಳು, ಮ್ಯೂಚುಯಲ್ ಫಂಡ್ಗಳಂತಹ ಹೆಚ್ಚು ಅಪಾಯಕಾರಿ ಹೂಡಿಕೆಗಳಿಗೆ ಹೋಗಲು ಇಷ್ಟವಿಲ್ಲದವರಿಗೆ ಈ ಯೋಜನೆಯು ಉತ್ತಮ ಪರ್ಯಾಯವಾಗಿದೆ.

ಯೋಜನೆಯ ಆಯ್ಕೆಗಳು

ಅಂಚೆ ಕಚೇರಿ ಟೈಮ್ ಡೆಪಾಸಿಟ್ ಯೋಜನೆಯು ನಾಲ್ಕು ವಿಭಿನ್ನ ಅವಧಿಗಳನ್ನು ನೀಡುತ್ತದೆ: 1 ವರ್ಷ, 2 ವರ್ಷ, 3 ವರ್ಷ ಮತ್ತು 5 ವರ್ಷ. ಒಂದು ವರ್ಷದ ಯೋಜನೆಯು ಕಡಿಮೆ ವಾರ್ಷಿಕ ಆದಾಯವನ್ನು ನೀಡಿದರೆ, ಐದು ವರ್ಷದ ಯೋಜನೆಯು ಗರಿಷ್ಠ ಆದಾಯವನ್ನು ನೀಡುತ್ತದೆ. ಐದು ವರ್ಷದ ಟಿಡಿ ಯೋಜನೆಯು ಆದಾಯ ತೆರಿಗೆ ಕಾಯ್ದೆ ಉಪವಿಭಾಗ 80ಸಿ ಅಡಿಯಲ್ಲಿ ತೆರಿಗೆ ವಿನಾಯಿತಿ ಪಡೆಯುವ ಅವಕಾಶವನ್ನೂ ನೀಡುತ್ತದೆ.

ಯೋಜನೆಗಳ ಪ್ರಸ್ತುತ ಬಡ್ಡಿ ದರಗಳು (ಆಗಸ್ಟ್ 2024ರಂತೆ)

• 1 ವರ್ಷದ ಟಿಡಿ: ವಾರ್ಷಿಕ 6.9% ಬಡ್ಡಿ
• 2 ವರ್ಷದ ಟಿಡಿ: ವಾರ್ಷಿಕ 7.0% ಬಡ್ಡಿ
• 3 ವರ್ಷದ ಟಿಡಿ: ವಾರ್ಷಿಕ 7.1% ಬಡ್ಡಿ
• 5 ವರ್ಷದ ಟಿಡಿ: ವಾರ್ಷಿಕ 7.5% ಬಡ್ಡಿ

ನೀವು ಐದು ವರ್ಷದ ಯೋಜನೆಯನ್ನು ಆರಿಸಿದರೆ, ಬಹುತೇಕ ಬ್ಯಾಂಕುಗಳ ನಿಗದಿತ ಠೇವಣಿಗಳಿಗಿಂತ ಉತ್ತಮ ಆದಾಯವನ್ನು ಪಡೆಯಬಹುದು. ಈ ಯೋಜನೆಯಲ್ಲಿ ನೀವು ಐದು ವರ್ಷಗಳ ಕಾಲ ಹಣವನ್ನು ಹೂಡಿಕೆ ಮಾಡಬಹುದು ಮತ್ತು ಮುಕ್ತಾಯದ ನಂತರ ಅದೇ ಯೋಜನೆಯಲ್ಲಿ ಮರು-ಹೂಡಿಕೆ ಮಾಡಬಹುದು.

ಹೂಡಿಕೆಯ ಲೆಕ್ಕಾಚಾರ

ನೀವು ₹5 ಲಕ್ಷವನ್ನು 5 ವರ್ಷಗಳ ಯೋಜನೆಯಲ್ಲಿ ಹೂಡಿಕೆ ಮಾಡಿದರೆ, ಮುಕ್ತಾಯದ ನಂತರ ಅದು ಸುಮಾರು ₹7.21 ಲಕ್ಷಕ್ಕೆ ಪರಿವರ್ತನೆಯಾಗುತ್ತದೆ. ಈ ₹7.21 ಲಕ್ಷವನ್ನು ಮತ್ತೆ 5 ವರ್ಷಗಳ ಯೋಜನೆಯಲ್ಲಿ ಮರು-ಹೂಡಿಕೆ ಮಾಡಿದರೆ, ಮುಂದಿನ 5 ವರ್ಷಗಳ ನಂತರ ಅದು ಸುಮಾರು ₹10.40 ಲಕ್ಷವಾಗುತ್ತದೆ. ಇದರರ್ಥ ನಿಮ್ಮ ₹5 ಲಕ್ಷವು 10 ವರ್ಷಗಳಲ್ಲಿ ₹10 ಲಕ್ಷಕ್ಕಿಂತ ಹೆಚ್ಚಾಗುತ್ತದೆ.

ಈ ₹10.40 ಲಕ್ಷವನ್ನು ಮತ್ತೆ 5 ವರ್ಷಗಳ ಯೋಜನೆಯಲ್ಲಿ ಹೂಡಿಕೆ ಮಾಡಿದರೆ, ಅದು ಸುಮಾರು ₹15.08 ಲಕ್ಷವಾಗುತ್ತದೆ. ಇನ್ನೊಮ್ಮೆ ಮರು-ಹೂಡಿಕೆ ಮಾಡಿದಾಗ, 20 ವರ್ಷಗಳ ನಂತರ ನಿಮ್ಮ ಒಟ್ಟು ಹಣವು ₹22 ಲಕ್ಷದ ಆಸುಪಾಸು ಸಿಗುವ ಸಾಧ್ಯತೆ ಇದೆ. ಅಂದರೆ, ನಿಮ್ಮ ₹5 ಲಕ್ಷದ ಹೂಡಿಕೆಯು 20 ವರ್ಷಗಳಲ್ಲಿ ನಾಲ್ಕರಷ್ಟು ಹೆಚ್ಚಾಗಿ ಸುಮಾರು ₹22 ಲಕ್ಷವಾಗಬಹುದು.

ಗಮನಿಸಿ: ಟೈಮ್ ಡೆಪಾಸಿಟ್ ಸೇರಿದಂತೆ ವಿವಿಧ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರಗಳನ್ನು ಆವಶ್ಯಕತೆಗೆ ಅನುಗುಣವಾಗಿ ಪರಿಷ್ಕರಿಸಲಾಗುತ್ತದೆ. ಭಾರತೀಯ ರಿಸರ್ವ್ ಬ್ಯಾಂಕಿನ (RBI) ನೀತಿ ದರಗಳ ಆಧಾರದ ಮೇಲೆ ಈ ದರಗಳಲ್ಲಿ ಬದಲಾವಣೆ ಮಾಡಬಹುದು. ಆದ್ದರಿಂದ, ಯೋಜನೆಯ ಅವಧಿಯಲ್ಲಿ ಬಡ್ಡಿದರ ನಿಗದಿತವಾಗಿ ಒಂದೇ ಆಗಿರುತ್ತದೆ ಎಂದು ಖಾತ್ರಿ ಪಡಿಸಲಾಗುವುದಿಲ್ಲ. ಬಡ್ಡಿದರವನ್ನು ಹೆಚ್ಚಿಸಲಾಗಬಹುದು ಅಥವಾ ಕಡಿಮೆ ಮಾಡಲಾಗಬಹುದು. ಹೂಡಿಕೆ ಮಾಡುವ ಮೊದಲು ಪ್ರಸ್ತುತದ ಬಡ್ಡಿ ದರಗಳನ್ನು ಖಚಿತಪಡಿಸಿಕೊಳ್ಳುವುದು ಉತ್ತಮ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ಕೃಷ್ಣಸಾಗರಿ

ಕೃಷ್ಣಸಾಗರಿ ಅವರು NeedsOfPublic.in ನ ‘ಉದ್ಯೋಗ ಮತ್ತು ವೃತ್ತಿ ಮಾರ್ಗದರ್ಶನ’ (Job Updates & Career) ವಿಭಾಗದ ಮುಖ್ಯಸ್ಥರಾಗಿದ್ದಾರೆ. ತುಮಕೂರಿನ ಸರ್ಕಾರಿ ನರ್ಸಿಂಗ್ ಕಾಲೇಜಿನಿಂದ B.Sc (Nursing) ಪದವಿ ಪಡೆದಿರುವ ಇವರು, ಸಾರ್ವಜನಿಕ ಜಾಗೃತಿ ಮತ್ತು ಮಾಹಿತಿ ನೀಡುವ ಆಸಕ್ತಿಯಿಂದಾಗಿ ಡಿಜಿಟಲ್ ಪತ್ರಿಕೋದ್ಯಮ ಕ್ಷೇತ್ರವನ್ನು ಆಯ್ದುಕೊಂಡಿದ್ದಾರೆ. ಡಿಜಿಟಲ್ ಮಾಧ್ಯಮ ರಂಗದಲ್ಲಿ 3 ವರ್ಷಗಳ ಅನುಭವ ಹೊಂದಿರುವ ಇವರು, ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳು (Govt Job Notifications), ಖಾಸಗಿ ನೇಮಕಾತಿಗಳು ಮತ್ತು ಶೈಕ್ಷಣಿಕ ಅಪ್‌ಡೇಟ್‌ಗಳನ್ನು ಒದಗಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ನಿರುದ್ಯೋಗಿ ಯುವಕ-ಯುವತಿಯರಿಗೆ ಯಾವುದೇ ಗೊಂದಲವಿಲ್ಲದೆ, ಕೇವಲ ಅಧಿಕೃತ ಮೂಲಗಳಿಂದ ಪರಿಶೀಲಿಸಿದ (Verified) ನಿಖರ ಮಾಹಿತಿಯನ್ನು ಸಕಾಲದಲ್ಲಿ ತಲುಪಿಸುವುದೇ ಇವರ ಬರವಣಿಗೆಯ ಶೈಲಿಯಾಗಿದೆ.