ಹೊಸ ಡೇಟಾ ನಿಯಮ ಗ್ರಾಹಕರ ಜೇಬಿಗೆ ನೇರ ಹೊರೆ! ಸದ್ದಿಲ್ಲದೇ ತಿಂಗಳ ರಿಚಾರ್ಜ್ ಮೇಲೆ ಮತ್ತೇ ಬರೇ 

WhatsApp Group Telegram Group

ಟೆಲಿಕಾಂ ಕಂಪನಿಗಳ ಸದ್ದಿಲ್ಲದ ಬದಲಾವಣೆ: ಜಿಯೋ(jio), ಏರ್‌ಟೆಲ್(Airtel), ವಿಐ(VI) ಹೊಸ ಡೇಟಾ ನಿಯಮದಿಂದಾಗಿ ಗ್ರಾಹಕರ ಜೇಬಿಗೆ ನೇರ ಹೊರೆ!

ಭಾರತದ ಟೆಲಿಕಾಂ ವಲಯದಲ್ಲಿ ನಿರಂತರ ಸ್ಪರ್ಧೆಯ ಮಧ್ಯೆ, ಗ್ರಾಹಕರಿಗೆ ಉತ್ತಮ ಸೇವೆ ಹಾಗೂ ಕಡಿಮೆ ಬೆಲೆಯ ಯೋಜನೆಗಳನ್ನು ನೀಡುವ ಭರವಸೆಯೊಂದಿಗೆ ಹೆಸರು ಮಾಡಿದ ಖಾಸಗಿ ಟೆಲಿಕಾಂ ಕಂಪನಿಗಳು ಇದೀಗ ಹೊಸ ಮಾರ್ಗ ಹಿಡಿದಿರುವುದು ಸ್ಪಷ್ಟವಾಗಿದೆ. ರಿಲಯನ್ಸ್ ಜಿಯೋ (Jio), ಭಾರತಿ ಏರ್‌ಟೆಲ್ (Airtel), ಮತ್ತು ವೊಡಾಫೋನ್ ಐಡಿಯಾ (Vi) ಎಂಬ ಮೂರು ಪ್ರಮುಖ ಕಂಪನಿಗಳು ಸದ್ದು-ಗದ್ದಲವಿಲ್ಲದೆ, ಯಾವುದೇ ಅಧಿಕೃತ ಘೋಷಣೆ ಇಲ್ಲದೆ ಕೆಲವು ಸೇವಾ ನಿಯಮಗಳಲ್ಲಿ ಬದಲಾವಣೆಗಳನ್ನು ತಂದಿರುವುದು ಗ್ರಾಹಕರ ಮೇಲೆ ಆರ್ಥಿಕ ಬದಲಾವಣೆಗಳ ಹೊರೆ ಬೀರುವಂತೆ ಮಾಡಿದೆ. ಹಾಗಿದ್ದರೆ ಯಾವೆಲ್ಲ ಬದಲಾವಣೆಗಳನ್ನು ತಂದಿದ್ದಾವೆ, ಈ ಟೆಲಿಕಾಂ ಕಂಪನಿಗಳು ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಹೌದು, ಇತ್ತೀಚಿನ ದಿನಗಳಲ್ಲಿ ಈ ಕಂಪನಿಗಳು ತೆಗೆದುಕೊಂಡ ನಿರ್ಧಾರಗಳು ಬಹುತೇಕ ಗ್ರಾಹಕರ ಗಮನಕ್ಕೆ ಬಾರದಿದ್ದರೂ ಸಹ, ಇದರ ಪರಿಣಾಮಗಳು ದಿನದಿಂದ ದಿನಕ್ಕೆ ಸ್ಪಷ್ಟವಾಗಿ ಕಾಣಿಸುತ್ತಿವೆ. ಈ ಬದಲಾವಣೆಗಳು ಗ್ರಾಹಕರಿಗೆ ನೇರವಾಗಿ ಹೆಚ್ಚಿನ ಹಣ ಪಾವತಿಸುವ ಪರಿಸ್ಥಿತಿಯನ್ನು ಉಂಟುಮಾಡಿವೆ. ಈ ಹೊಸ ನೀತಿ ಬಳಕೆದಾರನ ಹಿತಕ್ಕಿಂತ ಕಂಪನಿಗಳ ಲಾಭದತ್ತ ಹೆಚ್ಚು ತಿರುಗಿದಂತೆ ಕಾಣಿಸುತ್ತಿದೆ.

ಹಳೆಯ ವ್ಯವಸ್ಥೆ ಹೇಗಿತ್ತು?:

ಈ ಹಿಂದೆ, ಗ್ರಾಹಕರು ತಮ್ಮ ಬೆಸಿಕ್ ಮೊಬೈಲ್ ಪ್ಲಾನ್‌ಗಳಿಗೆ ಹೆಚ್ಚುವರಿಯಾಗಿ ಡೇಟಾ ಪ್ಯಾಕ್(Data pack) ಅಥವಾ ಡೇಟಾ ವೋಚರ್‌ಗಳನ್ನು ಖರೀದಿಸಿದರೆ, ಅವುಗಳ ವ್ಯಾಲಿಡಿಟಿ (Validity) ಮೂಲ ಪ್ಲಾನ್‌ನ ಅವಧಿಗೆ ಸಂಬಂಧಿಸಿದ್ದು. ಉದಾಹರಣೆಗೆ, ದಿನಕ್ಕೆ 1GB ಡೇಟಾ ಇರುವ ಪ್ಲಾನ್‌ಗೆ ಹೆಚ್ಚುವರಿಯಾಗಿ 1GB ಡೇಟಾ ಪ್ಯಾಕ್ ತೆಗೆದುಕೊಂಡರೆ, ಅದು ಸಂಪೂರ್ಣ ಪ್ಲಾನ್‌ನ ಸಮಾನ ಅವಧಿಗೆ ಲಭ್ಯವಿತ್ತು. ಈ ವ್ಯವಸ್ಥೆಯ ಮೂಲಕ ಗ್ರಾಹಕರು ತಮ್ಮ ಬಳಕೆಯನ್ನು ಆರ್ಥಿಕವಾಗಿ ಹಿಮ್ಮೆಟ್ಟಿಸಬಹುದು ಎಂಬ ಸೌಲಭ್ಯವಿತ್ತು.

ಈಗ ಏನು ಬದಲಾಗಿದೆ ಹಾಗಿದ್ದರೆ?:

ಈಗ ಜಿಯೋ, ಏರ್‌ಟೆಲ್ ಮತ್ತು ವಿಐ ತಮ್ಮ ಡೇಟಾ ವೋಚರ್‌ಗಳ(data vouchers) ಮೇಲೆ ದೊಡ್ಡ ಬದಲಾವಣೆ ತಂದಿವೆ. ಪ್ರತ್ಯೇಕ ಡೇಟಾ ಪ್ಯಾಕ್‌ಗಳಿಗೆ ಅಲ್ಪಾವಧಿಯ ವ್ಯಾಲಿಡಿಟಿ  ಕೆಲವೇ ಗಂಟೆಗಳಿಂದ 1 ದಿನದವರೆಗೆ ನೀಡಲಾಗುತ್ತಿದೆ. ಇದರ ಅರ್ಥ, ನೀವು ಡೇಟಾ ಪ್ಯಾಕ್ ಖರೀದಿಸಿದರೂ, ಅದು ನಿಮ್ಮ ಮೂಲ ಪ್ಲಾನ್‌ನ ವ್ಯಾಲಿಡಿಟಿಗೆ ಲಭ್ಯವಿರುವುದಿಲ್ಲ. ನೀವು ಆ ಡೇಟಾವನ್ನು ನಿಗದಿತ ಸಮಯದೊಳಗೆ ಬಳಸದೆ ಇದ್ದರೆ ಅದು ವ್ಯರ್ಥವಾಗುತ್ತದೆ.

ಹಾಗಿದ್ದರೆ ಇದರ ಪರಿಣಾಮವೇನು?:

ಗ್ರಾಹಕರಿಗೆ ಹೆಚ್ಚುವರಿ ಹಣ ಪಾವತಿಸಬೇಕಾದ ಒತ್ತಡ.
ಬಳಸದೇ ಉಳಿದ ಡೇಟಾ ನಷ್ಟವಾಗುವ ಸಾಧ್ಯತೆ.
ಒಂದೇ ದಿನದಲ್ಲಿ ಬಹುಪಾಲು ಡೇಟಾ ಬಳಸುವ ಪ್ರಭಾವ ಎದುರಾಗಬಹುದು.
ಗ್ರಾಹಕರ ನಿರೀಕ್ಷೆಗಳಿಗೆ ತೊಂದರೆ ಮೂಲ ಪ್ಲಾನ್‌ಗೆ ಲೀನವಾಗದ ಡೇಟಾ ವ್ಯಾಲಿಡಿಟಿ.

ಸಾಧಾರಣ ಗ್ರಾಹಕರಿಗೆ ಇದು ಏಕೆ ಸಂಕಷ್ಟ?:

ಭಾರತದಲ್ಲಿ ಬಹುತೇಕ ಮೊಬೈಲ್ ಬಳಕೆದಾರರು ಪ್ರಿಪೇಯ್ಡ್ ಪ್ಲಾನ್‌ಗಳನ್ನು(Prepaid plans) ಉಪಯೋಗಿಸುತ್ತಿದ್ದಾರೆ. ಕಡಿಮೆ ಬೆಲೆಯಲ್ಲಿ ಉತ್ತಮ ಸೇವೆ ಎಂಬ ಕಾರಣ ಅವರು ಈ ಯೋಜನೆಗಳನ್ನ ಬಳಸುತ್ತಿದ್ದಾರೆ. ಆದರೆ ಇಂತಹ ಸದ್ದಿಲ್ಲದ ಬದಲಾವಣೆಗಳು ಈಗ ಗ್ರಾಹಕರಿಗೆ ನಿರೀಕ್ಷಿತ ಸೇವೆಯ ಬದಲಾಗಿ ಅಸಮಾಧಾನ ಮತ್ತು ಆರ್ಥಿಕ ಹೊರೆಯನ್ನು ತರುತ್ತಿವೆ. ಹಲವು ಗ್ರಾಹಕರು ಈ ವ್ಯಾಲಿಡಿಟಿ ಬದಲಾವಣೆಯ ಬಗ್ಗೆ ಅರಿವಿಲ್ಲದೇ ಡೇಟಾ ಪ್ಯಾಕ್‌ಗಳನ್ನು ಖರೀದಿಸುತ್ತಿದ್ದಾರೆ. ಇವು ಬಳಸದೆ ಇರುವ ಡೇಟಾ ವ್ಯರ್ಥವಾಗುತ್ತಿದ್ದು, ಹೀಗೆ ಜನಸಾಮಾನ್ಯರ ಜೇಬಿಗೆ ನೇರವಾಗಿ ಕತ್ತರಿ ಬಿದ್ದಂತಾಗಿದೆ.

ಇದು ಭವಿಷ್ಯದ ನಿರೀಕ್ಷೆಯ ಸಂಕೇತವೇ?:

ಈ ಬದಲಾವಣೆಗಳು ಕಂಪನಿಗಳ ಲಾಭವರ್ಧನೆಗೆ ದಾರಿ ಮಾಡಿಕೊಡಬಹುದಾದರೂ, ಗ್ರಾಹಕರ ನಂಬಿಕೆಯನ್ನು ತಗ್ಗಿಸಬಹುದಾದ ಮಾರ್ಗವಾಗಿದೆ. ಡಿಜಿಟಲ್ ಭಾರತದ(Digital India) ಕನಸನ್ನು ಈಡೇರಿಸಲು ಗ್ರಾಹಕರಿಗೆ ಲಾಭದಾಯಕ, ಸುಲಭಗೊಳ್ಳುವ ಸೇವೆಗಳ ಅಗತ್ಯವಿದೆ.

ಇಂತಹ ಬದಲಾವಣೆಗಳ ಮಧ್ಯೆ, ಗ್ರಾಹಕರಿಗೆ ತಮ್ಮ ಬಳಕೆಯ ಮೇಲೆ ಜಾಗೃತತೆ ಅಗತ್ಯವಿದೆ. ಮೊಬೈಲ್ ಸೇವೆಗಳ ಪ್ಯಾಕ್‌ಗಳ ವ್ಯಾಲಿಡಿಟಿ ಹಾಗೂ ಶರತ್ತುಗಳನ್ನು ಬಳಸುವ ಮುನ್ನ ವಿವರವಾಗಿ ಪರಿಶೀಲಿಸುವುದು ಅಗತ್ಯ. ಇಲ್ಲವಾದರೆ, ನಿಮ್ಮ ಡೇಟಾ ಮಾತ್ರವಲ್ಲ ಹಣವೂ ವ್ಯರ್ಥವಾಗಬಹುದು.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.