ಸ್ಮಾರ್ಟ್ಫೋನ್ ಹ್ಯಾಕ್ ಆಗದಂತೆ ತಡೆಯಲು ಕೆಲವು ಉಪಯುಕ್ತ ಸಲಹೆಗಳು. ಈ ವರದಿಯನ್ನು ಸಂಪೂರ್ಣವಾಗಿ ಓದಿ, ಮತ್ತು ನೀಡಿರುವ ಸಲಹೆಗಳನ್ನು ಅನುಸರಿಸಿ ನಿಮ್ಮ ಫೋನನ್ನು ಸುರಕ್ಷಿತವಾಗಿರಿಸಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ನಮ್ಮ ದೈನಂದಿನ ಜೀವನದಲ್ಲಿ ಸ್ಮಾರ್ಟ್‌ಫೋನ್‌ಗಳು ಅವಿಭಾಜ್ಯ ಅಂಗವಾಗಿವೆ. ಒಂದೇ ಕ್ಲಿಕ್‌ನಲ್ಲಿ ಲೋಕದ ಎಲ್ಲಾ ಮಾಹಿತಿಯನ್ನು ನಮ್ಮ ಕೈಗೆ ತಂದುಕೊಡುವ ಈ ಸಾಧನಗಳು ಕೆಲವೊಮ್ಮೆ ತೊಂದರೆಗೆ ಕಾರಣವಾಗಬಹುದು. ಗೊತ್ತೋ-ಗೊತ್ತಿಲ್ಲದೆ ಮಾಡುವ ಕೆಲವು ತಪ್ಪುಗಳಿಂದ ನಮ್ಮ ಸ್ಮಾರ್ಟ್‌ಫೋನ್‌ಗಳಿಗೆ ವೈರಸ್‌ಗಳು ಪ್ರವೇಶಿಸಿ(Virus Attack), ದುಬಾರಿ ಡೇಟಾ(Data) ನಷ್ಟಕ್ಕೆ ಕಾರಣವಾಗಬಹುದು. ಕೆಲವು ಸರಳ ಕ್ರಮಗಳನ್ನು ಅನುಸರಿಸುವ ಮೂಲಕ ನೀವು ಈ ಅಪಾಯಗಳನ್ನು ಕಡಿಮೆ ಮಾಡಬಹುದು.

ನಿಮ್ಮ ಮೊಬೈಲ್‌ನಲ್ಲಿ ವೈರಸ್ ಇದೆಯೆಂದು ಭಾವಿಸಿದರೆ, ಆತಂಕ ಪಡಬೇಡಿ. ಆಂಟಿ-ವೈರಸ್ ಅಪ್ಲಿಕೇಶನ್ ಬಳಸಿ ವೈರಸ್‌ಗಳನ್ನು ಸುಲಭವಾಗಿ ತೆಗೆದುಹಾಕಬಹುದು. ಆದರೆ, ಕೆಲವು ಸಾಮಾನ್ಯ ತಪ್ಪುಗಳನ್ನು ಮಾಡುವುದರಿಂದ ನಿಮ್ಮ ಫೋನ್ ಮತ್ತೆ ವೈರಸ್‌ಗಳಿಗೆ ತುತ್ತಾಗಬಹುದು ಅಥವಾ ಫೋನನ್ನು ಹ್ಯಾಕ್(Hack) ಮಾಡುವ ಅವಕಾಶವೂ ಕೂಡ ಇರುತ್ತದೆ. ಈ ಕೆಳಗೆ ಸೂಚಿಸಿರುವ ತಪ್ಪುಗಳನ್ನು ತಿಳಿದುಕೊಂಡು ಅವುಗಳನ್ನು ತಪ್ಪಿಸುವುದರಿಂದ ನಿಮ್ಮ ಫೋನ್ ಯಾವಾಗಲೂ ಸುರಕ್ಷಿತವಾಗಿರುತ್ತದೆ.

ಅಪರಿಚಿತ ಲಿಂಕ್‌ಗಳಿಂದ ಎಚ್ಚರದಿಂದಿರಿ.

ಹೌದು, ಸ್ನೇಹಿತರೆ, ಅಜಾಗರೂಕತೆಯಿಂದ ಕ್ಲಿಕ್ ಮಾಡುವ ಲಿಂಕ್‌ಗಳು ನಿಮ್ಮ ಸ್ಮಾರ್ಟ್ ಫೋನ್ ಜಗತ್ತಿನಲ್ಲಿ ಅಶಾಂತತೆಯನ್ನು ತರಬಹುದು. ಕೆಲವೊಮ್ಮೆ ಕುತೂಹಲದಿಂದ ಅಥವಾ ಉತ್ಸಾಹದಿಂದ ನಾವು ಅಪರಿಚಿತ ಲಿಂಕ್‌ಗಳ ಮೇಲೆ ಕ್ಲಿಕ್ ಮಾಡುತ್ತೇವೆ. ಆದರೆ ಈ ಸಣ್ಣ ತಪ್ಪು ನಮ್ಮ ಖಾಸಗಿ ಮಾಹಿತಿಯನ್ನು ಕದಿಯುವ, ದುರುಪಯೋಗಪಡಿಸಿಕೊಳ್ಳುವ ಅಥವಾ ನಮ್ಮ ಸ್ಮಾರ್ಟ್‌ಫೋನ್‌ಗಳನ್ನು ದುರ್ಬಲಗೊಳಿಸುವಂತಹ ಗಂಭೀರ ಪರಿಣಾಮಗಳಿಗೆ ಕಾರಣವಾಗಬಹುದು.

ನಿಮ್ಮ ಇಮೇಲ್(E-mail), ಮೆಸೇಜ್(Message) ಅಥವಾ ವಾಟ್ಸ್‌ಆ್ಯಪ್‌(Whatsapp) ನಲ್ಲಿ ಯಾವುದೇ ಅಪರಿಚಿತ ವ್ಯಕ್ತಿಯಿಂದ ಲಿಂಕ್ ಬಂದರೆ, ಅದರ ಮೇಲೆ ಕ್ಲಿಕ್ ಮಾಡುವ ಮುನ್ನ ಎಚ್ಚರವಹಿಸಿ. ಈಗೀಗ ಫೇಕ್ ಲಿಂಕ್‌(Fake links)ಗಳ ಹಾವಳಿ ತುಂಬಾ ಹೆಚ್ಚಾಗಿದೆ. ಈ ಲಿಂಕ್‌ಗಳ ಮೇಲೆ ಕ್ಲಿಕ್ ಮಾಡಿದರೆ, ನಿಮ್ಮ ಖಾಸಗಿ ಮಾಹಿತಿ ದುರುಪಯೋಗವಾಗಬಹುದು ಅಥವಾ ನಿಮ್ಮ ಕಂಪ್ಯೂಟರ್‌ಗೆ ವೈರಸ್ ಬರಬಹುದು. ಹಾಗಾಗಿ, ಜಾಗರೂಕರಾಗಿರಿ ಮತ್ತು ಯಾವುದೇ ಲಿಂಕ್‌ ಕ್ಲಿಕ್ ಮಾಡುವ ಮುನ್ನ ಎರಡು ಬಾರಿ ಯೋಚಿಸಿ.ಯಾವುದೇ ಲಿಂಕ್‌ಗಳ ಕುರಿತು ನಿಮಗೆ ಯಾವುದೇ ಅನುಮಾನವಿದ್ದರೆ, ಅದರ ಮೇಲೆ ಕ್ಲಿಕ್ ಮಾಡುವುದನ್ನು ತಪ್ಪಿಸಿ.

ಅನುಮಾನಾಸ್ಪದ ವೆಬ್‌ಸೈಟ್‌ಗಳಿಂದ ದೂರವಿರಿ:

ಅನುಮಾನಾಸ್ಪದ ವೆಬ್‌ಸೈಟ್‌(Websites)ಗಳಿಗೆ ಭೇಟಿ ನೀಡುವುದರಿಂದ ನಿಮ್ಮ ಫೋನ್‌ಗೆ ವೈರಸ್ ಅಟ್ಯಾಕ್ ಆಗುವ ಅಪಾಯ ತುಂಬಾ ಹೆಚ್ಚು. ಈ ಸೈಟ್‌ಗಳು ದುರುದ್ದೇಶಪೂರಿತ ಕೋಡ್‌ಗಳನ್ನು ಹೊಂದಿರಬಹುದು, ಅದು ನಿಮ್ಮ ಫೋನ್‌ನಲ್ಲಿ ಡೇಟಾವನ್ನು ಕದಿಯಬಹುದು, ಹಾನಿಗೊಳಿಸಬಹುದು ಅಥವಾ ನಿಮ್ಮ ಫೋನ್‌ನ ನಿಯಂತ್ರಣವನ್ನು ಸಹ ಪಡೆಯಬಹುದು. ಹೀಗಾಗಿ, ಯಾವುದೇ ಅನುಮಾನಾಸ್ಪದ ವೆಬ್‌ಸೈಟ್‌ಗಳಿಗೆ ಭೇಟಿ ನೀಡುವುದನ್ನು ತಪ್ಪಿಸಿ.

ಫೇಕ್ ಆ್ಯಪ್ಗಳಿಂದ ಎಚ್ಚರಿಕೆ:

ಆಂಡ್ರಾಯ್ಡ್ ಮತ್ತು iOS ಸ್ಮಾರ್ಟ್ಫೋನ್ಗಳಲ್ಲಿ ಫೇಕ್ ಆ್ಯಪ್ಗಳ ಹಾವಳಿ, ಗೂಗಲ್ ಪ್ಲೇ ಸ್ಟೋರ್(Google Play Store) ಮತ್ತು ಆ್ಯಪಲ್ ಸ್ಟೋರ್ನಲ್ಲಿ(Apple Store) ಕೆಲವು ನಕಲಿ ಅಪ್ಲಿಕೇಶನ್ಗಳು (Fake applications) ಕಾಣಿಸಿಕೊಳ್ಳುತ್ತಿವೆ. ಈ ಫೇಕ್ ಆ್ಯಪ್ಗಳು ನಿಮ್ಮ ಖಾಸಗಿ ಮಾಹಿತಿಯನ್ನು ಕದಿಯಬಹುದು, ಫೋನ್ಗೆ ಹಾನಿ ಮಾಡಬಹುದು ಮತ್ತು ದುಡ್ಡನ್ನು ಲಪಾಯಿಸಬಹುದು. ಯಾವುದೇ ಥರ್ಡ್ ಪಾರ್ಟಿ ಅಪ್ಲಿಕೇಷನ್ ಅನ್ನು ಡೌನ್ಲೋಡ್ ಮಾಡುವ ಮುನ್ನ ಎಚ್ಚರಿಕೆ ವಹಿಸಿ.

ಕೆಲವು ಫೇಕ್ ಆ್ಯಪ್ಗಳು ಜನಪ್ರಿಯ ಅಪ್ಲಿಕೇಷನ್ಗಳ ಹೆಸರನ್ನು ದುರುಪಯೋಗಪಡಿಸಿಕೊಂಡು ಗ್ರಾಹಕರನ್ನು ವಂಚಿಸುತ್ತವೆ. ಡೆವಲಪರ್ನ ಹೆಸರು(Developer Name) ಮತ್ತು ಖ್ಯಾತಿಯನ್ನು ಪರಿಶೀಲಿಸುವುದು ಮುಖ್ಯ. ಫೇಕ್ ಆ್ಯಪ್ಗಳಿಗೆ ಸಾಮಾನ್ಯವಾಗಿ ಕಡಿಮೆ ರೇಟಿಂಗ್ಗಳು ಮತ್ತು ನಕಾರಾತ್ಮಕ ವಿಮರ್ಶೆಗಳು(Negative reviews) ಇರುತ್ತವೆ. ಹಾಗಾಗಿ, ಯಾವುದೇ ಅಪ್ಲಿಕೇಷನ್ ಡೌನ್ಲೋಡ್ ಮಾಡುವ ಮುನ್ನ ಅಧಿಕೃತ ವೆಬ್ಸೈಟ್ನಿಂದ ಡೌನ್ಲೋಡ್ ಮಾಡುವುದು ಉತ್ತಮ. ಅಪರಿಚಿತ ಮೂಲಗಳಿಂದ ಡೌನ್ಲೋಡ್ ಮಾಡುವುದನ್ನು ನಿಷ್ಕ್ರಿಯಗೊಳಿಸಿ.

ಸಾರ್ವಜನಿಕ Wi-Fi ನೆಟ್ವರ್ಕ್ಗಳನ್ನು ಬಳಸುವಾಗ ಎಚ್ಚರಿಕೆ ವಹಿಸಿ:

ಇಂದಿನ ಜಗತ್ತಿನಲ್ಲಿ, ಹಲವಾರು ಹೋಟೆಲ್‌ಗಳು(Hotels) ಮತ್ತು ರೆಸ್ಟಾರೆಂಟ್‌ಗಳಲ್ಲಿ( Restaurant) ಉಚಿತ ವೈ-ಫೈ(Free Wi-Fi )ಲಭ್ಯವಿರುವುದು ಸಾಮಾನ್ಯವಾಗಿದೆ. ಇದು ಅನುಕೂಲಕರವೆಂದು ತೋರುತ್ತದೆಯಾದರೂ, ಈ ನೆಟ್‌ವರ್ಕ್‌ಗಳನ್ನು ಬಳಸುವುದರೊಂದಿಗೆ ಬರುವ ಸಂಭಾವ್ಯ ಅಪಾಯಗಳನ್ನು ಗುರುತಿಸುವುದು ಮುಖ್ಯವಾಗಿದೆ. ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ಉಚಿತ ವೈ-ಫೈ(Wi -fi)ಗೆ ನೀವು ಸಂಪರ್ಕಿಸಿದಾಗ, ನಿಮ್ಮ ಸಾಧನವನ್ನು ಪ್ರವೇಶಿಸಲು ಸಂಭಾವ್ಯ ಸೈಬರ್ ಬೆದರಿಕೆಗಳಿಗೆ ನೀವು ಮೂಲಭೂತವಾಗಿ ಬಾಗಿಲು ತೆರೆಯುತ್ತಿರುವಿರಿ. ವೈರಸ್‌ಗಳು, ಮತ್ತು ಇತರ ದುರುದ್ದೇಶಪೂರಿತ ಘಟಕಗಳು ಅಸುರಕ್ಷಿತ ನೆಟ್‌ವರ್ಕ್‌ಗಳಲ್ಲಿನ ದುರ್ಬಲತೆಗಳನ್ನು ಬಳಸಿಕೊಳ್ಳಬಹುದು, ನಿಮ್ಮ ಸೂಕ್ಷ್ಮ ಮಾಹಿತಿಯನ್ನು ಅಪಾಯಕ್ಕೆ ಸಿಲುಕಿಸಬಹುದು. ಆದ್ದರಿಂದ, ಸಾರ್ವಜನಿಕ ವೈ-ಫೈ(Public Wi-fi) ನೆಟ್‌ವರ್ಕ್‌ಗಳನ್ನು ಬಳಸುವುದರಿಂದ ಸುರಕ್ಷತಾ ಪರಿಣಾಮಗಳ ಬಗ್ಗೆ ಎಚ್ಚರಿಕೆ ವಹಿಸುವುದು ಮತ್ತು ಜಾಗರೂಕರಾಗಿರುವುದು ಬಹಳ ಮುಖ್ಯ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

"ನೀಡ್ಸ್ ಆಫ್ ಪಬ್ಲಿಕ್" ನಿಮಗೆ ಆಪ್ತವೇ.? ನಿಖರ ಸುದ್ದಿಗಳು ಮತ್ತು ಉದ್ಯೋಗ ಮಾಹಿತಿ ಎಲ್ಲರಿಗೂ ಉಚಿತವಾಗಿ ತಲುಪುತ್ತಿರಬೇಕೇ.? ನಮಗೆ ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ