ಕಂದಾಯ ಇಲಾಖೆಯ 37 ಸೇವೆಗಳು ಒಂದೇ ಕಡೆ! ಜಾತಿ ಪ್ರಮಾಣ ಪತ್ರದಿಂದ ಹಿಡಿದು ಭೂ ಪರಿವರ್ತನೆವರೆಗೆ – ಲಿಸ್ಟ್ ಇಲ್ಲಿದೆ

ರಾಜ್ಯದ ನಾಗರಿಕರಿಗೆ ಮುಖ್ಯ ಮಾಹಿತಿ. ಸರ್ಕಾರಿ ಕಚೇರಿಗಳಿಗೆ ಅಲೆದಾಡುವ ಮುನ್ನ ಈ ವಿಷಯವನ್ನು ಗಮನಿಸಿ. ಕರ್ನಾಟಕದ ಕಂದಾಯ ಇಲಾಖೆಯು (Revenue Department) ಕೇವಲ ಪಹಣಿ (RTC) ಮತ್ತು ಖಾತಾ ಬದಲಾವಣೆಗೆ ಮಾತ್ರ ಸೀಮಿತವಾಗಿಲ್ಲ. ವಾಸ್ತವವಾಗಿ, ಜಾತಿ ಪ್ರಮಾಣಪತ್ರ, ಆದಾಯ ಪ್ರಮಾಣಪತ್ರದಿಂದ ಹಿಡಿದು ನೈಸರ್ಗಿಕ ವಿಕೋಪಗಳ ಪರಿಹಾರದವರೆಗೂ ಸುಮಾರು 37ಕ್ಕೂ ಹೆಚ್ಚು ಬಹುಮುಖ್ಯ ಸೇವೆಗಳನ್ನು ಈ ಇಲಾಖೆಯೇ ಒದಗಿಸುತ್ತದೆ. ಯಾವುದೇ ನಾಗರಿಕರು ಕಂದಾಯ ಇಲಾಖೆಯಲ್ಲಿ ಪಡೆಯಬಹುದಾದ ಪ್ರಮುಖ ಸೇವೆಗಳ ಸಂಪೂರ್ಣ ಪಟ್ಟಿಯನ್ನು ಇಲ್ಲಿ ನೀಡಲಾಗಿದೆ. ನಿಮ್ಮ ಕೆಲಸಕ್ಕೆ ಬೇಕಾದ ಸೇವೆ ಯಾವುದು ಎಂದು ತಿಳಿದುಕೊಳ್ಳಲು ಓದಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಪ್ರಮಾಣಪತ್ರಗಳು (Certificates)

ಕಂದಾಯ ಇಲಾಖೆಯು ಬಹುತೇಕ ಎಲ್ಲ ರೀತಿಯ ದೃಢೀಕರಣ ಪತ್ರಗಳನ್ನು ವಿತರಿಸುತ್ತದೆ:

• ಎಲ್ಲಾ ವಿಧದ ಜಾತಿ ಮತ್ತು ಆದಾಯ ಪ್ರಮಾಣಪತ್ರಗಳು (ಪರಿಶೀಲನೆ/ಸಿಂಧುವೂ ಸೇರಿ)
• ಕೆನೆ ಪದರ ಅಲ್ಲದ ಪ್ರಮಾಣ ಪತ್ರ (Non-Creamy Layer Certificate)
• ವಸತಿ/ವಾಸ ಸ್ಥಳದ ದೃಢೀಕರಣ ಪತ್ರ
• ನಿರುದ್ಯೋಗ ಪ್ರಮಾಣ ಪತ್ರ
• ಜೀವಂತ ಪ್ರಮಾಣ ಪತ್ರ
• ಜನನ ಮತ್ತು ಮರಣ ಪ್ರಮಾಣಪತ್ರ
• ಭೂ ರಹಿತ ಪ್ರಮಾಣ ಪತ್ರ (Landless Certificate)
• ಮರು ವಿವಾಹ ಅಲ್ಲದ ಪ್ರಮಾಣ ಪತ್ರ

ಭೂಮಿ ಮತ್ತು ಕೃಷಿ ಸಂಬಂಧಿ ಸೇವೆಗಳು

ಭೂಮಿಗೆ ಸಂಬಂಧಿಸಿದ ಬಹುದೊಡ್ಡ ಸೇವೆಗಳನ್ನು ಕಂದಾಯ ಇಲಾಖೆಯು ವಿವಾದರಹಿತ ಪ್ರಕರಣಗಳಲ್ಲಿ ಒದಗಿಸುತ್ತದೆ:

• ಖಾತಾ ಬದಲಾವಣೆ (ವಿವಾದರಹಿತ)
• ಕೃಷಿ ಭೂಮಿಯಿಂದ ಕೃಷಿಯೇತರ ಉದ್ದೇಶದ ಪರಿವರ್ತನೆ (Land Conversion)
• ಪಹಣಿ (RTC) ತಿದ್ದುಪಡಿ
• ಹಕ್ಕುಗಳ ಪ್ರಮಾಣ ಪತ್ರದ ದಾಖಲೆ (Records of Rights)
• ಸಣ್ಣ ಮತ್ತು ಅತಿ ಸಣ್ಣ ಹಿಡುವಳಿದಾರರ ದೃಢೀಕರಣ ಪತ್ರ
• ಕೃಷಿ ಕಾರ್ಮಿಕ ದೃಢೀಕರಣ ಪತ್ರ ಮತ್ತು ವ್ಯವಸಾಯಗಾರ ದೃಢೀಕರಣ ಪತ್ರ

ನೈಸರ್ಗಿಕ ವಿಕೋಪ ಪರಿಹಾರ ಮತ್ತು ನೆರವು

ಪ್ರಕೃತಿ ವಿಕೋಪಗಳಿಂದ ನಷ್ಟ ಅನುಭವಿಸಿದವರಿಗೆ ಪರಿಹಾರ ನೀಡುವ ಪ್ರಕ್ರಿಯೆಯನ್ನು ಕಂದಾಯ ಇಲಾಖೆಯೇ ಅನುಮೋದಿಸುತ್ತದೆ:

• ಪ್ರಕೃತಿ ವಿಕೋಪಗಳಿಂದಾದ ಬೆಳೆ ನಷ್ಟಕ್ಕೆ ಪರಿಹಾರ
• ಮನೆಗೆ ಹಾನಿ ಉಂಟಾಗಿದ್ದರೆ ಪರಿಹಾರದ ಅನುಮೋದನೆ
• ಮಾನವ ಅಥವಾ ಪ್ರಾಣಿಗಳ ಪ್ರಾಣಹಾನಿಗೆ ಪರಿಹಾರ

ಸರ್ವೆ ಮತ್ತು ಇತರೆ ಆಡಳಿತಾತ್ಮಕ ಸೇವೆಗಳು

• ಸರ್ವೆ ವಿಭಾಗದ ನಕಲು ಪ್ರತಿಗಳು: ಆಕಾರ್ ಬಂದ್, ಐ.ಎಲ್.ಆರ್, ಟಪ್ಪಾನ್, ಅಟ್ರಾಸ್, ಗ್ರಾಮ ನಕ್ಷೆ, ಖರಾಬ್ ಉತಾರ್ ನಕಲು ಪ್ರತಿಗಳನ್ನು ಪಡೆಯುವುದು.
• ಪಿಟಿಸಿಎಲ್ ಅಧಿನಿಯಮದಡಿಯಲ್ಲಿ ಮಂಜೂರಾದ ಭೂಮಿಯ ಪರಭಾರೆಗಾಗಿ ನಿರಾಕ್ಷೇಪಣಾ ದೃಢೀಕರಣ ಪತ್ರ (NOC).

ಈ ಎಲ್ಲಾ ಸೇವೆಗಳನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಮೂಲಕ ಪಡೆಯಲು ಇಲಾಖೆಯು ಅವಕಾಶ ಕಲ್ಪಿಸಿದೆ. ನಿಮ್ಮ ಅಗತ್ಯಕ್ಕೆ ಅನುಗುಣವಾಗಿ ಸೇವಾ ಸಿಂಧು ಪೋರ್ಟಲ್ ಅಥವಾ ನಾಡಕಚೇರಿಗಳಿಗೆ ಭೇಟಿ ನೀಡುವ ಮೂಲಕ ಈ ಸೇವೆಗಳನ್ನು ಸಕಾಲದಲ್ಲಿ ಪಡೆದುಕೊಳ್ಳಬಹುದು.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ಕೃಷ್ಣಸಾಗರಿ

ಕೃಷ್ಣಸಾಗರಿ ಅವರು NeedsOfPublic.in ನ ‘ಉದ್ಯೋಗ ಮತ್ತು ವೃತ್ತಿ ಮಾರ್ಗದರ್ಶನ’ (Job Updates & Career) ವಿಭಾಗದ ಮುಖ್ಯಸ್ಥರಾಗಿದ್ದಾರೆ. ತುಮಕೂರಿನ ಸರ್ಕಾರಿ ನರ್ಸಿಂಗ್ ಕಾಲೇಜಿನಿಂದ B.Sc (Nursing) ಪದವಿ ಪಡೆದಿರುವ ಇವರು, ಸಾರ್ವಜನಿಕ ಜಾಗೃತಿ ಮತ್ತು ಮಾಹಿತಿ ನೀಡುವ ಆಸಕ್ತಿಯಿಂದಾಗಿ ಡಿಜಿಟಲ್ ಪತ್ರಿಕೋದ್ಯಮ ಕ್ಷೇತ್ರವನ್ನು ಆಯ್ದುಕೊಂಡಿದ್ದಾರೆ. ಡಿಜಿಟಲ್ ಮಾಧ್ಯಮ ರಂಗದಲ್ಲಿ 3 ವರ್ಷಗಳ ಅನುಭವ ಹೊಂದಿರುವ ಇವರು, ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳು (Govt Job Notifications), ಖಾಸಗಿ ನೇಮಕಾತಿಗಳು ಮತ್ತು ಶೈಕ್ಷಣಿಕ ಅಪ್‌ಡೇಟ್‌ಗಳನ್ನು ಒದಗಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ನಿರುದ್ಯೋಗಿ ಯುವಕ-ಯುವತಿಯರಿಗೆ ಯಾವುದೇ ಗೊಂದಲವಿಲ್ಲದೆ, ಕೇವಲ ಅಧಿಕೃತ ಮೂಲಗಳಿಂದ ಪರಿಶೀಲಿಸಿದ (Verified) ನಿಖರ ಮಾಹಿತಿಯನ್ನು ಸಕಾಲದಲ್ಲಿ ತಲುಪಿಸುವುದೇ ಇವರ ಬರವಣಿಗೆಯ ಶೈಲಿಯಾಗಿದೆ.