WhatsApp Groupಗ್ರಾಹಕರಿಗೆ ಬ್ಯಾಂಕಿಂಗ್ ಮತ್ತು ಹಣಕಾಸು ಸೇವೆಗಳನ್ನು ಸುಲಭಗೊಳಿಸುವ ದಿಶೆಯಲ್ಲಿ, ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಚಿನ್ನದ ಮೇಲೆ ಸಾಲ ನೀಡುವಿಕೆಗೆ ಸಂಬಂಧಿಸಿದ ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ಈ ಬದಲಾವಣೆಗಳು ಸಾಲದಾತರು ಮತ್ತು ಸಾಲ ಪಡೆಯುವವರಿಗೆ ಪ್ರಯೋಜನಕಾರಿಯಾಗಿವೆ. ಈ ಈ ವರದಿಯಲ್ಲಿ, ಹೊಸ ನಿಯಮಗಳ ವಿವರಗಳು, ಅವುಗಳಿಂದ ಗ್ರಾಹಕರಿಗೆ ಲಭ್ಯವಾಗುವ ಪ್ರಯೋಜನಗಳು ಮತ್ತು ಇತರ ಮುಖ್ಯ ಮಾಹಿತಿಗಳನ್ನು ನೀಡಲಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ
10 ಗ್ರಾಂ ಚಿನ್ನದ ಮೇಲೆ ಸಾಲದ ಮಿತಿ ಹೆಚ್ಚಳ
ಹಿಂದೆ, 10 ಗ್ರಾಂ ಚಿನ್ನದ ಮಾರುಕಟ್ಟೆ ಮೌಲ್ಯದ 75% ರಷ್ಟು ಮಾತ್ರ ಸಾಲವಾಗಿ ನೀಡಲಾಗುತ್ತಿತ್ತು. ಆದರೆ, ಹೊಸ ನಿಯಮಗಳ ಪ್ರಕಾರ, ಈಗ 85% ರಷ್ಟು ಸಾಲ ನೀಡಲು ಅನುವು ಮಾಡಿಕೊಡಲಾಗಿದೆ.
ಉದಾಹರಣೆ:
1 ಲಕ್ಷ ರೂಪಾಯಿ ಬೆಲೆಯ ಚಿನ್ನವನ್ನು ಅಡವಿಟ್ಟರೆ, 85,000 ರೂಪಾಯಿ ವರೆಗೆ ಸಾಲ ಪಡೆಯಬಹುದು.
2.5 ಲಕ್ಷ ರೂಪಾಯಿಗಳವರೆಗೆ ಕ್ರೆಡಿಟ್ ಮೌಲ್ಯಮಾಪನದ ಅಗತ್ಯವಿಲ್ಲ
2.5 ಲಕ್ಷ ರೂಪಾಯಿಗಳಿಗಿಂತ ಕಡಿಮೆ ಮೊತ್ತದ ಚಿನ್ನದ ಸಾಲಗಳಿಗೆ ಆದಾಯ ಪತ್ರ ಅಥವಾ ಕ್ರೆಡಿಟ್ ಸ್ಕೋರ್ ಪರಿಶೀಲನೆ ಅಗತ್ಯವಿಲ್ಲ. ಇದು ಸಣ್ಣ ಮತ್ತು ಮಧ್ಯಮ ವರ್ಗದ ಸಾಲಗಾರರಿಗೆ, ವಿಶೇಷವಾಗಿ ಗ್ರಾಮೀಣ ಪ್ರದೇಶಗಳ ಜನರಿಗೆ, ಸಾಲ ಪಡೆಯುವುದನ್ನು ಸುಲಭಗೊಳಿಸುತ್ತದೆ.
ಸಾಲ ತೀರಿಸಿದ ನಂತರ ಚಿನ್ನ/ಬೆಳ್ಳಿಯನ್ನು ತ್ವರಿತವಾಗಿ ವಾಪಸ್ ಪಡೆಯಲು ಅವಕಾಶ
ಸಾಲದ ಮರುಪಾವತಿಯಾದ ನಂತರ, ಬ್ಯಾಂಕುಗಳು ಗರಿಷ್ಠ 7 ಕೆಲಸದ ದಿನಗಳೊಳಗೆ ಅಡವಿಟ್ಟ ಚಿನ್ನ ಅಥವಾ ಬೆಳ್ಳಿಯನ್ನು ಗ್ರಾಹಕರಿಗೆ ಹಿಂದಿರುಗಿಸಬೇಕು. ವಿಳಂಬವಾದರೆ, ಬ್ಯಾಂಕುಗಳು ಪ್ರತಿದಿನಕ್ಕೆ 5,000 ರೂಪಾಯಿ ಪರಿಹಾರವನ್ನು ನೀಡಬೇಕಾಗುತ್ತದೆ.
ಚಿನ್ನ ಮತ್ತು ಬೆಳ್ಳಿಯ ಮೇಲೆ ಸಾಲದ ಮಿತಿಗಳು
- ಚಿನ್ನದ ಆಭರಣಗಳು: ಗರಿಷ್ಠ 1 ಕಿಲೋಗ್ರಾಂ ವರೆಗೆ
- ಚಿನ್ನದ ನಾಣ್ಯಗಳು: ಗರಿಷ್ಠ 50 ಗ್ರಾಂ ವರೆಗೆ
- ಬೆಳ್ಳಿ ಆಭರಣಗಳು: ಗರಿಷ್ಠ 10 ಕಿಲೋಗ್ರಾಂ ವರೆಗೆ
- ಬೆಳ್ಳಿ ನಾಣ್ಯಗಳು: ಗರಿಷ್ಠ 500 ಗ್ರಾಂ ವರೆಗೆ
ಚಿನ್ನ ಹಾನಿ ಅಥವಾ ನಷ್ಟದ ಸಂದರ್ಭದಲ್ಲಿ ಪೂರ್ಣ ಪರಿಹಾರ
ಅಡವಿಟ್ಟ ಚಿನ್ನ ಡ್ಯಾಮೇಜ್ ಆದರೆ ಅಥವಾ ಕಳೆದುಹೋದರೆ, ಬ್ಯಾಂಕುಗಳು ಗ್ರಾಹಕರಿಗೆ ಪೂರ್ಣ ಪರಿಹಾರ ನೀಡಬೇಕು.
ಪಾರದರ್ಶಕ ಹರಾಜು ಪ್ರಕ್ರಿಯೆ
ಸಾಲ ತೀರಿಸದಿದ್ದಾಗ, ಚಿನ್ನವನ್ನು ಹರಾಜು ಮಾಡುವ ಮೊದಲು ಸಾಲಗಾರರಿಗೆ ಸೂಕ್ತ ಸೂಚನೆ ನೀಡಬೇಕು. ಹರಾಜಿನ ಕನಿಷ್ಠ ಬೆಲೆಯು ಮಾರುಕಟ್ಟೆ ಮೌಲ್ಯದ 90% ಆಗಿರಬೇಕು (ಎರಡು ವಿಫಲ ಹರಾಜುಗಳ ನಂತರ 85%). ಹರಾಜಿನ ನಂತರ ಉಳಿದ ಮೊತ್ತವನ್ನು 7 ದಿನಗಳೊಳಗೆ ಸಾಲಗಾರರಿಗೆ ವಾಪಸ್ ನೀಡಬೇಕು.
ಹೊಸ ನಿಯಮಗಳು ಯಾವಾಗ ಜಾರಿಗೆ ಬರುತ್ತವೆ?
ಈ ನಿಯಮಗಳು 1 ಏಪ್ರಿಲ್ 2026 ರಿಂದ ಜಾರಿಗೆ ಬರಲಿವೆ. ಹೆಚ್ಚಿನ ಮಾಹಿತಿಗಾಗಿ, RBI ಅಧಿಕೃತ ವೆಬ್ಸೈಟ್ ನೋಡಿ.
ಈ ಬದಲಾವಣೆಗಳು ಚಿನ್ನದ ಸಾಲ ಪಡೆಯುವ ಪ್ರಕ್ರಿಯೆಯನ್ನು ಹೆಚ್ಚು ಸುಗಮವಾಗಿಸಿ, ಗ್ರಾಹಕರ ಹಿತರಕ್ಷಣೆಗೆ ದಾರಿ ಮಾಡಿಕೊಡುತ್ತದೆ.
ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ
ಈ ಮಾಹಿತಿಗಳನ್ನು ಓದಿ
ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.
