ದಿನ ಭವಿಷ್ಯ 05-04-2026: ಇಂದು ವಿಶೇಷ ಸಂಕಷ್ಟ ಚತುರ್ಥಿ ಈ 4 ರಾಶಿಗಳಿಗೆ ಹೊಡೆಯಲಿದೆ ಬಂಪರ್ ಲಾಟರಿ! ನಿಮ್ಮ ರಾಶಿ ಚೆಕ್ ಮಾಡಿಕೊಳ್ಳಿ

ಬೆಳಿಗ್ಗೆ ಎದ್ದ ತಕ್ಷಣ ಇವತ್ತಿನ ದಿನ ಹೇಗಿರುತ್ತೆ, ಯಾವ ಕೆಲಸಕ್ಕೆ ಕೈ ಹಾಕಿದರೆ ಲಾಭ ಸಿಗುತ್ತೆ, ಯಾವ ರಾಶಿಯವರಿಗೆ ಯಾವ ಗ್ರಹಗಳು ಶುಭ ಫಲ ನೀಡುತ್ತಿವೆ ಅಂತ ಯೋಚಿಸುತ್ತಿದ್ದೀರಾ? ಕಷ್ಟಗಳು ಬರುವ ಮುನ್ನವೇ ಎಚ್ಚೆತ್ತುಕೊಂಡರೆ ಮುಂಬರುವ ನಷ್ಟವನ್ನು ಸುಲಭವಾಗಿ ತಪ್ಪಿಸಬಹುದು. ಹಾಗಾದರೆ ಯಾವುದೇ ಹೊಸ ಕೆಲಸ ಅಥವಾ ಪ್ರಯಾಣ ಶುರು ಮಾಡುವ ಮುನ್ನ ಇಂದಿನ (ಏಪ್ರಿಲ್ 5, 2026) ನಿಖರವಾದ ಪಂಚಾಂಗ ಮತ್ತು ನಿಮ್ಮ ರಾಶಿ ಭವಿಷ್ಯವನ್ನು ಇಲ್ಲಿ ತಿಳಿದುಕೊಳ್ಳಿ.

ಇಂದು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಅತ್ಯಂತ ಶುಭದಾಯಕವಾದ ದಿನವಾಗಿದೆ. ಒಂದೆಡೆ ಭಾನುವಾರದ ಸೂರ್ಯನ ಪ್ರಖರತೆ, ಮತ್ತೊಂದೆಡೆ ವಿಘ್ನ ನಿವಾರಕನ ಆರಾಧನೆಯ ದಿನ. ಹಾಗಾದರೆ, ಇವತ್ತು ನೀವು ಯಾವ ಸಮಯದಲ್ಲಿ ಕೆಲಸ ಶುರು ಮಾಡಬೇಕು? ಇಲ್ಲಿ ನೋಡಿ:

ಇಂದಿನ ಪಂಚಾಂಗದ ವಿಶೇಷತೆಗಳು (April 05, 2026)

ನೀವು ಯಾವುದೇ ಹೊಸ ಒಪ್ಪಂದ, ಹಣಕಾಸಿನ ಲೇವಾದೇವಿ ಅಥವಾ ಶುಭ ಪ್ರಯಾಣ ಮಾಡುವುದಿದ್ದರೆ, ಇಂದಿನ ದುರ್ಮುಹೂರ್ತಗಳ ಕಡೆ ಗಮನವಿರಲಿ:

ರಾಹುಕಾಲ: ಸಂಜೆ 4:58 ರಿಂದ 6:30 ರವರೆಗೆ.

ಯಮಗಂಡ ಕಾಲ: ಮಧ್ಯಾಹ್ನ 12:22 ರಿಂದ 1:54 ರವರೆಗೆ.

ಗುಳಿಕ ಕಾಲ: ಬೆಳಿಗ್ಗೆ 11:58 ರಿಂದ ಮಧ್ಯಾಹ್ನ 12:47 ರವರೆಗೆ. (ಈ ಮೇಲಿನ ಸಮಯದಲ್ಲಿ ಯಾವುದೇ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳದಿರುವುದು ಒಳಿತು).

ಮೇಷ (Aries):

ಇಂದು ನೀವು ಜನಸಂದಣಿಯಲ್ಲಿ ಅಥವಾ ಯಾವುದೇ ಸಮಾರಂಭಗಳಲ್ಲಿ ಇದ್ದಾಗ ನಿಮ್ಮ ಹಠಮಾರಿ ಪ್ರವೃತ್ತಿ ಮತ್ತು ಕೋಪದ ಬಗ್ಗೆ ಜಾಗರೂಕರಾಗಿರಬೇಕು. ನೀವು ಹೇಳುವುದು ಸತ್ಯವಾಗಿದ್ದರೂ ಜನರು ಅದನ್ನು ಅರ್ಥಮಾಡಿಕೊಳ್ಳದೆ ನಿಮ್ಮ ಮನಸ್ಸಿಗೆ ಬೇಸರವಾಗಬಹುದು; ಹಾಗಾಗಿ ತಾಳ್ಮೆಯಿಂದಿರಿ. ದೀರ್ಘಕಾಲದಿಂದ ಬಾಕಿ ಉಳಿದಿದ್ದ ಹಣಕಾಸು ಅಥವಾ ಮಾತುಕತೆಗಳು ಇಂದು ಒಂದು ಹಂತಕ್ಕೆ ಬರಲಿವೆ. ಮನೆಯಲ್ಲಿ ಸಣ್ಣಪುಟ್ಟ ಬದಲಾವಣೆಗಳಾಗಲಿದ್ದು, ಪೂಜೆ ಪುರಸ್ಕಾರಗಳಿಂದ ಹಬ್ಬದ ವಾತಾವರಣ ಸೃಷ್ಟಿಯಾಗಲಿದೆ. ನಿಮ್ಮ ಉಪಸ್ಥಿತಿಯು ಪ್ರೀತಿಪಾತ್ರರಿಗೆ ಬಹಳ ಖುಷಿ ತಂದುಕೊಡುತ್ತದೆ. ಪತಿ-ಪತ್ನಿಯರ ನಡುವೆ ಉತ್ತಮ ಹೊಂದಾಣಿಕೆ ಇರಲಿದ್ದು, ಪ್ರೇಮಿಗಳಲ್ಲಿ ಹೊಸ ಯೋಜನೆಗಳು ರೂಪಗೊಳ್ಳಲಿವೆ. ಸಾಯಂಕಾಲ ಸಿಗುವ ಬಿಡುವಿನ ಸಮಯವನ್ನು ಮೊಬೈಲ್ ನೋಡುವ ಬದಲು ಉಪಯುಕ್ತ ಕೆಲಸಗಳಿಗೆ ಬಳಸಿ. ಹಣಕಾಸಿನ ವಿಚಾರದಲ್ಲಿ ಹೇಳಿಕೊಳ್ಳುವಂತಹ ತೊಂದರೆಗಳಿಲ್ಲ. ನಿಮ್ಮ ಅದೃಷ್ಟದ ಸಂಖ್ಯೆ: 2.

ವೃಷಭ (Taurus):

ಇಂದು ಹಣಕಾಸು ಮತ್ತು ವ್ಯವಹಾರಗಳ ಬಗ್ಗೆ ಒಂದಿಷ್ಟು ಚಿಂತೆ ಕಾಡಬಹುದು. ಇತರರು ನಿಮ್ಮ ಐಡಿಯಾಗಳನ್ನು ಕಾಪಿ ಮಾಡುವುದು ಅಥವಾ ನಿಮಗಿಂತ ಮುಂದೆ ಹೋಗುವಂತಹ ಹಿನ್ನಡೆಗಳು ಕಂಡುಬಂದರೂ ದೃತಿಗೆಡಬೇಡಿ. ನಿಮಗೆ ಕಾಂಪಿಟೇಷನ್ ಹೊಸದಲ್ಲ, ಪಕ್ಕಾ ಪ್ಲಾನ್ ಮಾಡಿಕೊಂಡು ಕಠಿಣ ಶ್ರಮ ಪಟ್ಟರೆ ಖಂಡಿತ ಗೆಲುವು ನಿಮ್ಮದೇ ಆಗಲಿದೆ. ಜೀವನದಲ್ಲಿ ನೀವು ಸೋತು ಗೆದ್ದವರೇ ಹೊರತು ಗೆದ್ದು ಸೋತವರಲ್ಲ. ನಿಮ್ಮ ಕೆಲಸದ ಹುಡುಕಾಟ ಅಥವಾ ಮದುವೆ ಪ್ರಸ್ತಾಪಗಳಿಗೆ ಇಂದು ಉತ್ತಮ ಚಾಲನೆ ಸಿಗಲಿದೆ. ದೂರದ ಸಂಬಂಧಿಗಳಿಂದ ಶುಭ ಸುದ್ದಿ ಕೇಳುವಿರಿ. ಪ್ರೇಮಿಗಳ ಮಧ್ಯೆ ಸಣ್ಣ ನಂಬಿಕೆಯ ಕೊರತೆ ಕಾಡಬಹುದು, ಆದರೆ ಪತಿ-ಪತ್ನಿಯರ ಬಾಂಧವ್ಯ ಚೆನ್ನಾಗಿರುತ್ತದೆ. ಖರ್ಚಿನ ಮೇಲೆ ನಿಯಂತ್ರಣವಿರಲಿ ಮತ್ತು ಇಂದು ಪ್ರಯಾಣವನ್ನು ಮುಂದೂಡುವುದು ಉತ್ತಮ. ನಿಮ್ಮ ಅದೃಷ್ಟದ ಸಂಖ್ಯೆ: 1.

ಮಿಥುನ (Gemini):

ನಿಮ್ಮ ಮಾನಸಿಕ ಒತ್ತಡವನ್ನು ನಿವಾರಿಸಿಕೊಳ್ಳಲು ಇಂದು ಕುಟುಂಬ ಸದಸ್ಯರು, ಸ್ನೇಹಿತರು ಅಥವಾ ಆಪ್ತರ ಬೆಂಬಲ ಮತ್ತು ಸಹಕಾರ ಸಿಗಲಿದೆ. ನಿಮ್ಮ ಭಾವನೆಗಳನ್ನು ಮನಸ್ಸಿನಲ್ಲೇ ಬಚ್ಚಿಟ್ಟುಕೊಳ್ಳುವ ಬದಲು, ಆಪ್ತರೊಂದಿಗೆ ಹಂಚಿಕೊಳ್ಳಿ; ಇದರಿಂದ ನಿಮಗೆ ಬಹಳ ರಿಲೀಫ್ ಸಿಗುತ್ತದೆ. ಮನೆಯ ವಸ್ತುಗಳ ಖರೀದಿ ಅಥವಾ ಇತರ ಕಾರಣಗಳಿಂದಾಗಿ ನಿಮ್ಮ ಬಳಿಯಿರುವ ಹಣ ಖರ್ಚಾಗಿ ಆರ್ಥಿಕ ಸ್ಥಿತಿಯಲ್ಲಿ ಸಣ್ಣ ಏರುಪೇರಾಗಬಹುದು, ಆದರೆ ಇದು ತಾತ್ಕಾಲಿಕ. ನಿಮ್ಮ ಶಾಂತ ಸ್ವಭಾವದಿಂದ ಎಲ್ಲರ ಮನಗೆಲ್ಲುವಿರಿ ಮತ್ತು ಕುಟುಂಬದಲ್ಲಿ ಸನ್ಮಾನ ಅಥವಾ ಉತ್ತಮ ಕಾರ್ಯಕ್ರಮಗಳು ಜರುಗಲಿವೆ. ಪ್ರೇಮಿಗಳು ಮತ್ತು ಪತಿ-ಪತ್ನಿಯರ ನಡುವೆ ಸಣ್ಣ ಹಣಕಾಸಿನ ವಿಚಾರಕ್ಕೆ ಚರ್ಚೆಗಳಾದರೂ ಬಾಂಧವ್ಯ ಚೆನ್ನಾಗಿರುತ್ತದೆ. ಸಂಜೆ ಸಿಗುವ ಬಿಡುವಿನ ವೇಳೆಯಲ್ಲಿ ಬಾಕಿ ಉಳಿದ ಕೆಲಸಗಳನ್ನು ಪೂರ್ಣಗೊಳಿಸಿ. ನಿಮ್ಮ ಅದೃಷ್ಟದ ಸಂಖ್ಯೆ: 8.

ಕರ್ಕಾಟಕ ರಾಶಿ (Cancer):

ಹಿಂದಿನ ಕೆಲವೊಂದು ಕೆಟ್ಟ ನಿರ್ಧಾರಗಳು, ಘಟನೆಗಳು ಅಥವಾ ಇತರರು ಮಾಡಿದ ಮೋಸಗಳನ್ನು ನೆನೆದು ಇಂದು ನಿಮ್ಮ ಮನಸ್ಸಿಗೆ ಸ್ವಲ್ಪ ಬೇಸರವಾಗಬಹುದು. ನೀವು ಯಾರಿಗೂ ಅನ್ಯಾಯ ಬಯಸದಿದ್ದರೂ, ನಿಮ್ಮಿಂದ ಸಹಾಯ ಪಡೆದವರೇ ನಿಮ್ಮನ್ನು ನಿರ್ಲಕ್ಷಿಸಿದಾಗ ನೋವಾಗುವುದು ಸಹಜ. ಆದರೆ ಇವೆಲ್ಲವನ್ನೂ ದೇವರಿಗೆ ಬಿಟ್ಟು ಧೈರ್ಯವಾಗಿ ಮುನ್ನುಗ್ಗಿ. ನೀವು ಕಷ್ಟಪಟ್ಟು ದುಡಿಯುವ ಸ್ವಾವಲಂಬಿ ಗುಣ ಹೊಂದಿದ್ದು, ಈ ಶ್ರಮಕ್ಕೆ ತಕ್ಕ ಪ್ರತಿಫಲ ಸಿಗಲಿದೆ. ನಿಮ್ಮ ಬೇಸರವನ್ನು ಬೇಗನೆ ಮರೆತು, ಮನೆಯ ಪೂಜಾ ಕಾರ್ಯಗಳಲ್ಲಿ ಲವಲವಿಕೆಯಿಂದ ಭಾಗವಹಿಸುವಿರಿ. ಪ್ರೇಮಿಗಳ ಮಧ್ಯೆ ಅಸಡ್ಡೆ ಅಥವಾ ಮಾತು ತಪ್ಪುವ ಸನ್ನಿವೇಶಗಳು ಎದುರಾಗಬಹುದು. ಕೆಲಸದಲ್ಲಿ ನಿಮ್ಮ ಕೌಶಲ್ಯ ಪ್ರದರ್ಶನದಿಂದ ಗೌರವ ಹೆಚ್ಚಲಿದ್ದು, ದಿನವಿಡೀ ಬಿಡುವಿಲ್ಲದ ಚಟುವಟಿಕೆಗಳಲ್ಲಿ ಇರುತ್ತೀರಿ. ಪತಿ-ಪತ್ನಿಯರ ನಡುವಿನ ಸಣ್ಣ ಬಿರುಕುಗಳು ಇಂದು ಸರಿಯಾಗಲಿವೆ. ನಿಮ್ಮ ಅದೃಷ್ಟದ ಸಂಖ್ಯೆ: 3.

ಸಿಂಹ (Leo):

ಎಷ್ಟೇ ಕೆಲಸದ ಒತ್ತಡವಿದ್ದರೂ ಇಂದು ನಿಮ್ಮ ಆರೋಗ್ಯ ಬಹಳ ಉತ್ತಮವಾಗಿರುತ್ತದೆ ಮತ್ತು ದಿನವಿಡೀ ಲವಲವಿಕೆಯಿಂದ ಇರುತ್ತೀರಿ. ಹಿಂದೆ ಮಾಡಿದ ಹೂಡಿಕೆಗಳು ಅಥವಾ ಸಾಲ ನೀಡಿದ್ದ ಹಣ ಇಂದು ಕೈಸೇರುವ ಮೂಲಕ ಆರ್ಥಿಕ ಲಾಭವಾಗಲಿದೆ. ಕುಟುಂಬದವರೊಂದಿಗೆ ಕಲ್ಯಾಣ ಕಾರ್ಯಗಳು ಅಥವಾ ಪೂಜೆಯಲ್ಲಿ ಪಾಲ್ಗೊಳ್ಳುವಿರಿ. ಆದರೆ ನಿಮ್ಮ ವೈಯಕ್ತಿಕ ಅಥವಾ ಮನೆಗಾಗಿ ಕೈಯಲ್ಲಿರುವ ಹಣವೆಲ್ಲ ಖರ್ಚಾಗುವ ಸಾಧ್ಯತೆ ಇದೆ, ಆದ್ದರಿಂದ ಖರ್ಚಿಗೆ ಕಡಿವಾಣ ಹಾಕಿ. ಪ್ರೇಮಿಗಳ ನಡುವೆ ಮಾತು ತಪ್ಪುವ ಸನ್ನಿವೇಶಗಳು ಎದುರಾಗುವುದರಿಂದ ಎಚ್ಚರಿಕೆಯಿಂದ ಮಾತನಾಡಿ. ಇಂದು ಸಂದರ್ಶನಗಳಿಗೆ ಹಾಜರಾಗಲು, ಸ್ಮಾರ್ಟ್ ಆಗಿ ಕೆಲಸ ಮುಗಿಸಲು ಮತ್ತು ಹೊರಾಂಗಣ ಕ್ರೀಡೆಗಳಲ್ಲಿ ಭಾಗವಹಿಸಲು ಉತ್ತಮ ದಿನ. ನಿಮ್ಮ ಸಮಸ್ಯೆಗಳನ್ನು ಪೋಷಕರೊಂದಿಗೆ ಹಂಚಿಕೊಳ್ಳಿ, ಖಂಡಿತ ಪರಿಹಾರ ಸಿಗುತ್ತದೆ. ನಿಮ್ಮ ಅದೃಷ್ಟದ ಸಂಖ್ಯೆ: 1.

ಕನ್ಯಾ (Virgo):

ಹಣಕಾಸು, ಮನೆ ಅಥವಾ ಜನರ ಸಮಸ್ಯೆಗಳಿಂದ ನೀವು ದಣಿದಿದ್ದರೂ, ಅದನ್ನೆಲ್ಲಾ ಮೆಟ್ಟಿ ನಿಲ್ಲುವ ತಾಳ್ಮೆ ಮತ್ತು ಶಕ್ತಿ ಇಂದು ನಿಮ್ಮಲ್ಲಿ ಎದ್ದು ಕಾಣುತ್ತದೆ. ಆರೋಗ್ಯ ಪರಿಪೂರ್ಣವಾಗಿದ್ದು, ಆರ್ಥಿಕ ಸ್ಥಿತಿಯಲ್ಲಿ ಸಣ್ಣ ಪ್ರಮಾಣದಲ್ಲಾದರೂ ಲಾಭಗಳು ಕಂಡುಬರಲಿವೆ. ಪ್ರೀತಿ ಪಾತ್ರರ ಮೇಲೆ (ಪೋಷಕರು, ಸ್ನೇಹಿತರು, ಸಂಗಾತಿ) ಕಾಳಜಿ ತೋರಲು ಮತ್ತು ಅವರಿಂದ ಪ್ರೀತಿ ಪಡೆಯಲು ಇಂದು ಅತ್ಯುತ್ತಮ ದಿನ. ಪತಿ-ಪತ್ನಿಯರ ನಡುವಿನ ಭಾವನಾತ್ಮಕ ಸಂಬಂಧ ಸುಧಾರಿಸುತ್ತದೆ. ಹಣಕಾಸು ಅಥವಾ ಮನೆ ವಿಚಾರದಲ್ಲಿ ಮೂರನೇ ವ್ಯಕ್ತಿಗಳ ಪ್ರವೇಶಕ್ಕೆ ಅವಕಾಶ ನೀಡಬೇಡಿ. ಇಂದು ವಿಐಪಿಗಳು ಅಥವಾ ಒಳ್ಳೆಯ ವ್ಯಕ್ತಿಗಳ ಭೇಟಿಯಾಗಲಿದ್ದು, ಸಾರ್ವಜನಿಕ ವಲಯದಲ್ಲಿ ನಿಮ್ಮ ಸೇವೆಗೆ ಮನ್ನಣೆ ಸಿಗಲಿದೆ. ಒಂಟಿಯಾಗಿ ಕೂತು ಮೊಬೈಲ್ ನೋಡುವ ಬದಲು, ಸಿಕ್ಕ ಅವಕಾಶಗಳನ್ನು ಸರಿಯಾಗಿ ಬಳಸಿಕೊಳ್ಳಿ. ನಿಮ್ಮ ಅದೃಷ್ಟದ ಸಂಖ್ಯೆ: 8.

ತುಲಾ (Libra):

ನಿಮ್ಮಲ್ಲಿರುವ ಜಾಣ್ಮೆ, ತಾಳ್ಮೆ ಮತ್ತು ಜೀವನದ ಕಷ್ಟಗಳಿಂದ ನೀವು ಕಲಿತಿರುವ ಅನುಭವಗಳೇ ನಿಮಗೆ ಶ್ರೀರಕ್ಷೆ. ಈ ಜ್ಞಾನವನ್ನು ಬಳಸಿಕೊಂಡು ನಿಮ್ಮಲ್ಲಿರುವ ಕೆಲವೊಂದು ನ್ಯೂನ್ಯತೆಗಳು ಅಥವಾ ಕೆಟ್ಟ ಚಟಗಳಿಂದ ಹೊರಬರಲು ಪ್ರಯತ್ನಿಸಿ. ಇಂದು ಅತ್ಯಂತ ಮಹತ್ತರವಾದ ದಿನವಾಗಿದ್ದು, ಮನೆಯಲ್ಲಿ ಪೂಜಾ ಕಾರ್ಯಗಳು ನಡೆಯಲಿವೆ ಅಥವಾ ದೇವಸ್ಥಾನಗಳಿಗೆ ಭೇಟಿ ನೀಡುವಿರಿ. ಯಾರೊಂದಿಗಾದರೂ ಮಾತು ಬಿಟ್ಟಿದ್ದರೆ, ಹಳೆಯ ಸಂಬಂಧಗಳು ಇಂದು ಮತ್ತೆ ಚಿಗುರೊಡೆಯಲಿವೆ. ಪ್ರೇಮಿಗಳ ನಡುವೆ ಸಣ್ಣಪುಟ್ಟ ಮನಸ್ತಾಪಗಳು ಬರಲಿದ್ದು, ಇಬ್ಬರಲ್ಲಿ ಒಬ್ಬರು ಹೊಂದಾಣಿಕೆ ಮಾಡಿಕೊಳ್ಳಲೇಬೇಕು; ಆದರೆ ಪತಿ-ಪತ್ನಿಯರ ದಾಂಪತ್ಯ ಜೀವನ ವರ್ಣರಂಜಿತವಾಗಿರುತ್ತದೆ. ಯಾವುದೇ ಗಡಿಬಿಡಿಯಲ್ಲಿ ನಿಮ್ಮ ಬೆಲೆಬಾಳುವ ವಸ್ತುಗಳು ಕಳ್ಳತನವಾಗದಂತೆ ಅಥವಾ ಕಳೆದುಹೋಗದಂತೆ ಎಚ್ಚರ ವಹಿಸಿ. ನಿಮ್ಮ ಅದೃಷ್ಟದ ಸಂಖ್ಯೆ: 2.

ವೃಶ್ಚಿಕ (Scorpio):

ಇತ್ತೀಚೆಗೆ ತೂಕ ಹೆಚ್ಚಾಗುವುದು, ಕೀಲು ನೋವು ಅಥವಾ ಇತರ ಅನಾರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿರುವ ನೀವು, ಇಂದು ಫಿಟ್ನೆಸ್, ಯೋಗ, ಡಯಟ್ ನಂತಹ ಆರೋಗ್ಯದ ಕಡೆ ಹೆಚ್ಚಿನ ಗಮನ ಹರಿಸಲಿದ್ದೀರಿ. ಹಣಕಾಸಿನ ಲೇವಾದೇವಿಗಳಲ್ಲಿ ಅಥವಾ ಬಂದಿರುವ ದೊಡ್ಡ ಮೊತ್ತವನ್ನು ಎಲ್ಲಿ ಹೂಡಿಕೆ ಮಾಡಬೇಕು ಎಂಬ ಗೊಂದಲಗಳು ನಿಮ್ಮನ್ನು ಕಾಡಬಹುದು; ವಿಶ್ವಾಸಾರ್ಹ ವ್ಯಕ್ತಿಗಳ ಸಲಹೆ ಪಡೆದು ಮುನ್ನಡೆಯಿರಿ. ಪ್ರೇಮಿಗಳಿಗೆ ಉಡುಗೊರೆ ನೀಡುವ ಮೂಲಕ ಸಂತೋಷದ ವಾತಾವರಣ ಸೃಷ್ಟಿಸುವಿರಿ. ದೂರದ ಪ್ರಯಾಣವನ್ನು ತಪ್ಪಿಸಿ. ಮನೆಯಲ್ಲಿ ಹಬ್ಬದ ವಾತಾವರಣ ಮತ್ತು ಪೂಜಾ ಕಾರ್ಯಗಳು ನೆರವೇರಲಿವೆ. ಹೊಸ ಜನರೊಂದಿಗೆ ವ್ಯವಹರಿಸುವಾಗ ನಿಮ್ಮ ಬುದ್ಧಿವಂತಿಕೆಯನ್ನು ಬಳಸಿ ಮತ್ತು ದಿಢೀರ್ ಕೋಪಕ್ಕೆ ಒಳಗಾಗದಿರಿ. ಪತಿ-ಪತ್ನಿಯರ ಬಾಂಧವ್ಯ ಉತ್ತಮವಾಗಿರುತ್ತದೆ. ನಿಮ್ಮ ಅದೃಷ್ಟದ ಸಂಖ್ಯೆ: 4.

ಧನುಸ್ಸು (Sagittarius):

ನಿಮ್ಮ ಜೀವನದಲ್ಲಿ ಸಾಧಿಸಲಾಗದ ದೊಡ್ಡ ಕನಸುಗಳನ್ನು ನಿಮ್ಮ ಮಕ್ಕಳ ಮೂಲಕವಾದರೂ ಸಾಧಿಸಬೇಕು ಎಂಬ ಮಹತ್ವಾಕಾಂಕ್ಷೆ ಮತ್ತು ಹಠ ನಿಮ್ಮಲ್ಲಿದೆ. ನಿಮ್ಮ ಯೋಜನೆಗಳು ಖಂಡಿತ ಸಹಕಾರಗೊಳ್ಳಲಿವೆ. ಇಂದು ಮನೆಯ ಸದಸ್ಯರಿಂದಲೇ (ತಾಯಿ, ಪತ್ನಿ, ಮಕ್ಕಳು) ಹಣವನ್ನು ಸಾಲವಾಗಿ ಪಡೆಯುವ ಅಥವಾ ಹಿಂದಿರುಗಿಸುವ ತಾತ್ಕಾಲಿಕ ಪ್ರಕ್ರಿಯೆಗಳು ನಡೆಯಲಿವೆ. ನಿಮ್ಮ ಬಿಡುವಿಲ್ಲದ ಕೆಲಸದ ನಡುವೆ ಕುಟುಂಬದವರಿಗಾಗಿ ಸಮಯ ಮೀಸಲಿಡಿ, ಅವರು ನಿಮ್ಮ ಕಷ್ಟ-ಸುಖಗಳಲ್ಲಿ ಸದಾ ಬೆಂಬಲವಾಗಿರುತ್ತಾರೆ. ಗುಣಮಟ್ಟದ ಕೆಲಸಗಳಿಗೆ ಆದ್ಯತೆ ನೀಡಿ. ಹೊರಗಡೆ ಹೋಗುವಾಗ ಬೆಲೆಬಾಳುವ ವಸ್ತುಗಳ ಬಗ್ಗೆ ಎಚ್ಚರವಿರಲಿ. ಪ್ರೇಮಿಗಳು ನಿಮ್ಮ ಬಳಿ ಹೊಸ ಡಿಮಾಂಡ್ ಗಳನ್ನು ಮುಂದಿಡಬಹುದು. ಹೊಸ ಯೋಜನೆಗಳನ್ನು ಕೈಗೆತ್ತಿಕೊಳ್ಳಲು ಮತ್ತು ಸಿಲುಕಿಕೊಂಡಿರುವ ಸಮಸ್ಯೆಗಳಿಂದ ಹೊರಬರಲು ಇದು ಸೂಕ್ತ ದಿನ. ನಿಮ್ಮ ಅದೃಷ್ಟದ ಸಂಖ್ಯೆ: 1.

ಮಕರ (Capricorn):

ನೀವು ಎಷ್ಟೇ ಎಚ್ಚರಿಕೆ, ತಾಳ್ಮೆ ಮತ್ತು ಸಮಯಪ್ರಜ್ಞೆ ಹೊಂದಿದ್ದರೂ ಕೆಲವೊಮ್ಮೆ ಸಕ್ಸಸ್ ಸಿಗುತ್ತಿಲ್ಲ ಎಂಬ ಹತಾಶೆ ನಿಮ್ಮನ್ನು ಕಾಡಬಹುದು. ಆದರೆ ‘ಸೋಲೇ ಗೆಲುವಿನ ಮೆಟ್ಟಿಲು’ ಎಂಬುದನ್ನು ಮರೆಯದಿರಿ; ಎಷ್ಟು ಬಾರಿ ಬಿದ್ದರೂ ಎದ್ದು ನಿಲ್ಲುವ ಛಲ ಬೆಳೆಸಿಕೊಳ್ಳಿ. ಆತುರದಲ್ಲಿ ದೊಡ್ಡ ಲಾಭಕ್ಕಾಗಿ ಹೂಡಿಕೆ ಮಾಡುವ ಬದಲು, ಸೇಫ್ಟಿ ನೋಡಿಕೊಂಡು ಸಂಪ್ರದಾಯಬದ್ಧವಾಗಿ ಹೂಡಿಕೆ ಮಾಡಿ. ಚಿಕ್ಕ ವಯಸ್ಸಿನಲ್ಲೇ ಬಹಳಷ್ಟು ಅನುಭವ ಪಡೆದಿರುವ ನಿಮ್ಮ ಜ್ಞಾನ ಮತ್ತು ಹಾಸ್ಯ ಪ್ರಜ್ಞೆ ಜನರನ್ನು ಆಕರ್ಷಿಸುತ್ತದೆ. ಯಾವುದೇ ದೊಡ್ಡ ನಿರ್ಧಾರ ತೆಗೆದುಕೊಳ್ಳುವ ಮುನ್ನ ಸರಿಯಾಗಿ ಯೋಚಿಸಿ ಮುಂದುವರಿಯಿರಿ. ಕುಟುಂಬದೊಂದಿಗೆ ಹೊರಗಡೆ ತಿರುಗಾಡುವ, ಆಧ್ಯಾತ್ಮಿಕ ಗುರುಗಳನ್ನು ಭೇಟಿಯಾಗುವ ಮತ್ತು ಪೂಜೆಯಲ್ಲಿ ಪಾಲ್ಗೊಳ್ಳುವ ಯೋಗವಿದೆ. ಪ್ರೇಮಿಗಳು ಮತ್ತು ದಂಪತಿಗಳ ನಡುವೆ ಉತ್ತಮ ಹೊಂದಾಣಿಕೆ ಇರಲಿದೆ. ನಿಮ್ಮ ಅದೃಷ್ಟದ ಸಂಖ್ಯೆ: 1.

ಕುಂಭ (Aquarius):

ಕೈ ಕಾಲು ನೋವು ಅಥವಾ ಫಿಟ್ನೆಸ್ ಕೊರತೆಯಂತಹ ಸಮಸ್ಯೆಗಳಿರುವುದರಿಂದ, ನಿಮ್ಮ ಊಟ, ತೂಕ ಮತ್ತು ಆರೋಗ್ಯದ ಮೇಲೆ ಹೆಚ್ಚಿನ ಹಿಡಿತ ಸಾಧಿಸುವುದು ಅತ್ಯಗತ್ಯ. ಎಂತಹ ಕ್ಲಿಷ್ಟಕರ ಸನ್ನಿವೇಶವಿದ್ದರೂ ಅದನ್ನು ಧೈರ್ಯ ಮತ್ತು ಆತ್ಮವಿಶ್ವಾಸದಿಂದ ಎದುರಿಸುವ ಶಕ್ತಿ ನಿಮಗಿದೆ. ಅನಿರೀಕ್ಷಿತ ಹಣಕಾಸಿನ ಒಳಹರಿವು ಹೆಚ್ಚಲಿದ್ದು ಲೇವಾದೇವಿಗಳು ಲಾಭದಾಯಕವಾಗಿರುತ್ತವೆ. ನಿಮ್ಮ ಕಷ್ಟಕಾಲದಲ್ಲಿ ಸಹಾಯ ಮಾಡಿದ ಸಂಬಂಧಿಕರಿಗೆ ಇಂದು ಕೃತಜ್ಞತೆ ಸಲ್ಲಿಸುವಿರಿ. ಹಳೆಯ ತಪ್ಪುಗಳನ್ನು ತಿದ್ದಿಕೊಂಡು, ಹೊಸ ವ್ಯಕ್ತಿಗಳ ಸಂಪರ್ಕದಿಂದ ಹೊಸ ಯೋಜನೆಗಳನ್ನು ರೂಪಿಸಿಕೊಳ್ಳಲಿದ್ದೀರಿ. ಸಾರ್ವಜನಿಕ ವಲಯದಲ್ಲಿ ಅಥವಾ ವಿಚಾರಗೋಷ್ಠಿಗಳಲ್ಲಿ ಗುರುತಿಸಿಕೊಳ್ಳುವ ಅವಕಾಶ ಒದಗಿಬರಲಿದೆ. ಸ್ನೇಹಿತರು ಸಂತೋಷ ನೀಡಲಿದ್ದು, ಪ್ರೇಮಿಗಳು ಮತ್ತು ಪತಿ-ಪತ್ನಿಯರ ನಡುವೆ ಅನೋನ್ಯ ಬಾಂಧವ್ಯ ಇರಲಿದೆ. ನಿಮ್ಮ ಅದೃಷ್ಟದ ಸಂಖ್ಯೆ: 7.

ಮೀನ (Pisces):

ಇಂದು ನೀವು ಕಲಿಯಬೇಕಾದ ಬಹುಮುಖ್ಯ ಪಾಠವೆಂದರೆ, ಚಿಕ್ಕ-ಪುಟ್ಟ ವಿಷಯಗಳಿಗೆ ಕೋಪಗೊಳ್ಳುವುದನ್ನು ಮತ್ತು ಅತಿಯಾಗಿ ಯೋಚಿಸುವುದನ್ನು ಬಿಟ್ಟುಬಿಡಿ. ಇತರರ ಸಣ್ಣ ತಪ್ಪುಗಳನ್ನು ಕ್ಷಮಿಸಿ ನಿಮ್ಮ ಕೆಲಸದ ಕಡೆ ಗಮನಹರಿಸಿದರೆ ಭವಿಷ್ಯದಲ್ಲಿ ಬಹಳ ಅನುಕೂಲವಾಗುತ್ತದೆ. ನಿಮ್ಮ ಕೋಪದಿಂದ ಮನೆಯ ವಾತಾವರಣ ಹಾಳಾಗದಂತೆ ಎಚ್ಚರವಹಿಸಿ. ಷೇರು ಮಾರುಕಟ್ಟೆ ಅಥವಾ ಬ್ಯಾಂಕ್ ಗಳಲ್ಲಿ ನೀವು ಮಾಡಿದ್ದ ಹಳೆಯ ಹೂಡಿಕೆಗಳು ಇಂದು ಅತ್ಯುತ್ತಮ ಲಾಭ ತಂದುಕೊಡಲಿವೆ. ಮಕ್ಕಳಿಗಾಗಿ ಅಥವಾ ಮನೆಗಾಗಿ ವಸ್ತುಗಳನ್ನು ಖರೀದಿಸಲು ಹಣ ಖರ್ಚಾದರೂ ಅದು ಸಂತೋಷ ನೀಡುತ್ತದೆ. ಪ್ರೇಮಿಗಳ ನಡುವಿನ ಮಿಸ್ ಅಂಡರ್ ಸ್ಟ್ಯಾಂಡಿಂಗ್ ಗಳನ್ನು ತಾಳ್ಮೆಯಿಂದ ಬಗೆಹರಿಸಿಕೊಳ್ಳಿ. ವೃತ್ತಿಯಲ್ಲಿ ಸ್ವಲ್ಪ ಹೊಸತನ (ಡಿಫರೆಂಟ್ ಆಗಿ) ಪ್ರಯತ್ನಿಸಿ; ವೈವಾಹಿಕ ಜೀವನ ಬಹಳ ಆಶಾದಾಯಕವಾಗಿರುತ್ತದೆ. ನಿಮ್ಮ ಅದೃಷ್ಟದ ಸಂಖ್ಯೆ: 5.

📲 ಇಂದಿನ ರಾಶಿ ಭವಿಷ್ಯವನ್ನು ನಿಮ್ಮ ಕುಟುಂಬದ ವಾಟ್ಸಾಪ್ ಗ್ರೂಪ್‌ಗಳಿಗೆ ಶೇರ್ ಮಾಡಿ

ನೀಡ್ಸ್ ಆಫ್ ಪಬ್ಲಿಕ್ ಸಲಹೆ

ಇಂದು ‘ಸಂಕಷ್ಟ ಚತುರ್ಥಿ’ ಆಗಿರುವುದರಿಂದ, ನಿಮಗೆ ಎಷ್ಟೇ ಕೆಲಸದ ಒತ್ತಡವಿದ್ದರೂ ಸಂಜೆ ಚಂದ್ರ ದರ್ಶನದ ಬಳಿಕ ಗಣಪತಿಗೆ ಗರಿಕೆ ಅರ್ಪಿಸಿ, ಮೋದಕ ಅಥವಾ ಕಡುಬಿನ ನೈವೇದ್ಯ ಮಾಡಿ ಪೂಜಿಸಿ. ಪ್ರಮುಖವಾಗಿ ಮೀನ ರಾಶಿಯವರು ಇಂದು ಚಿಕ್ಕ ಪುಟ್ಟ ವಿಚಾರಗಳಿಗೆ ಹಠ ಮಾಡಿ ಮನೆಯ ವಾತಾವರಣ ಕೆಡಿಸುವ ಬದಲು, ತಾಳ್ಮೆಯಿಂದಿದ್ದರೆ ನಿಮ್ಮ ಕೆಲಸಗಳು ಸುಗಮವಾಗಿ ನೆರವೇರುತ್ತವೆ.

Karnataka Rain: ಏಪ್ರಿಲ್ 8ರವರೆಗೆ ಬೆಂಗಳೂರು ಸೇರಿ ಈ 18 ಜಿಲ್ಲೆಗಳಿಗೆ ಗುಡುಗು ಸಹಿತ ಭಾರಿ ಮಳೆ ಮುನ್ಸೂಚನೆ!

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿ ಬಿತ್ತರಿಸುವುದಿಲ್ಲ.