ಭಾರತೀಯ ರೈಲ್ವೆಯಲ್ಲಿ ಬಂಪರ್ ನೇಮಕಾತಿ: 22,000 ಗ್ರೂಪ್ ಡಿ ಹುದ್ದೆಗಳಿಗೆ ಅರ್ಜಿ ಆಹ್ವಾನ –ಇಲ್ಲಿದೆ ಸಂಪೂರ್ಣ ಮಾಹಿತಿ

ಭಾರತೀಯ ರೈಲ್ವೆಯಲ್ಲಿ ಉದ್ಯೋಗದ ಕನಸು ಕಾಣುತ್ತಿರುವ ಯುವಜನತೆಗೆ ಒಂದು ಸಿಹಿ ಸುದ್ದಿ ಇಲ್ಲಿದೆ. ರೈಲ್ವೆ ಸಚಿವಾಲಯದ ಅನುಮೋದನೆಯ ಮೇರೆಗೆ ದೇಶಾದ್ಯಂತ ವಿವಿಧ ಇಲಾಖೆಗಳಲ್ಲಿ ಖಾಲಿ ಇರುವ ಸುಮಾರು 22,000 ಗ್ರೂಪ್ ಡಿ (ಲೆವೆಲ್ 1) ಹುದ್ದೆಗಳನ್ನು ಭರ್ತಿ ಮಾಡಲು ರೈಲ್ವೆ ನೇಮಕಾತಿ ಮಂಡಳಿ (RRB) ಸಜ್ಜಾಗಿದೆ. ಈ ಬೃಹತ್ ನೇಮಕಾತಿ ಪ್ರಕ್ರಿಯೆಯು ಉದ್ಯೋಗಾಕಾಂಕ್ಷಿಗಳಿಗೆ ಸುವರ್ಣ ಅವಕಾಶವನ್ನು ಒದಗಿಸಲಿದೆ ಅಧಿಕೃತ ಅಧಿಸೂಚನೆ ಲೇಖನದ ಕೊನೆಯ ಹಂತದಲ್ಲಿದೆ.

ಯಾವೆಲ್ಲಾ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ?

ಈ ಬಾರಿಯ ಅಭಿಯಾನದಲ್ಲಿ ತಾಂತ್ರಿಕ ಮತ್ತು ಕಾರ್ಯಾಚರಣೆಯ ವಿಭಾಗಗಳಲ್ಲಿ ವಿವಿಧ ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ:

ಹುದ್ದೆಯ ಹೆಸರು	ಹುದ್ದೆಗಳ ಸಂಖ್ಯೆ
ಅಸಿಸ್ಟೆಂಟ್ (ಟ್ರಾಕ್ ಮಷೀನ್)	600
ಅಸಿಸ್ಟೆಂಟ್ (ಬ್ರಿಡ್ಜ್)	600
ಟ್ರ್ಯಾಕ್ ಮೇಂಟೇನರ್ ಗ್ರೇಡ್-IV	11,000
ಅಸಿಸ್ಟೆಂಟ್ (ಪಿ-ವೇ)	300
ಅಸಿಸ್ಟೆಂಟ್ (ಟಿ.ಆರ್.ಡಿ)	800
ಅಸಿಸ್ಟೆಂಟ್ ಲೋಕೋ ಶೆಡ್ (ಎಲೆಕ್ಟ್ರಿಕಲ್)	200
ಅಸಿಸ್ಟೆಂಟ್ ಆಪರೇಷನ್ಸ್ (ಎಲೆಕ್ಟ್ರಿಕಲ್)	500
ಅಸಿಸ್ಟೆಂಟ್ (ಟಿ.ಎಲ್ ಮತ್ತು ಎ.ಸಿ)	500
ಅಸಿಸ್ಟೆಂಟ್ (ಸಿ ಮತ್ತು ಡಬ್ಲ್ಯೂ)	1,000
ಪಾಯಿಂಟ್ಸ್‌ಮನ್-ಬಿ	5,000
ಅಸಿಸ್ಟೆಂಟ್ (ಎಸ್ ಮತ್ತು ಟಿ)	1,500

ಅರ್ಹತಾ ಮಾನದಂಡಗಳು

ಹುದ್ದೆವಾರು ವಿವರಗಳು

1. ಶೈಕ್ಷಣಿಕ ಅರ್ಹತೆ: ಅರ್ಜಿದಾರರು ಮಾನ್ಯತೆ ಪಡೆದ ಮಂಡಳಿಯಿಂದ 10ನೇ ತರಗತಿ ತೇರ್ಗಡೆಯಾಗಿರಬೇಕು. ಅಥವಾ ITI ಪೂರ್ಣಗೊಳಿಸಿರಬೇಕು ಅಥವಾ NCVT ಯಿಂದ ನೀಡಲಾದ ರಾಷ್ಟ್ರೀಯ ಅಪ್ರೆಂಟಿಸ್‌ಶಿಪ್ ಪ್ರಮಾಣಪತ್ರ (NAC) ಹೊಂದಿರಬೇಕು.

2. ವಯೋಮಿತಿ: ಅಭ್ಯರ್ಥಿಗಳ ವಯಸ್ಸು ಕನಿಷ್ಠ 18 ವರ್ಷ ಹಾಗೂ ಗರಿಷ್ಠ 36 ವರ್ಷಗಳ ಒಳಗಿರಬೇಕು. (ಸರ್ಕಾರದ ನಿಯಮಗಳ ಪ್ರಕಾರ ಮೀಸಲಾತಿ ವರ್ಗದವರಿಗೆ ವಯೋಮಿತಿಯಲ್ಲಿ ಸಡಿಲಿಕೆ ಇರುತ್ತದೆ).

ಅರ್ಜಿ ಶುಲ್ಕ ಮತ್ತು ಆಯ್ಕೆ ಪ್ರಕ್ರಿಯೆ

ಅರ್ಜಿ ಶುಲ್ಕ:

• ಸಾಮಾನ್ಯ / OBC / EWS ವರ್ಗ: ರೂ. 500
• SC / ST / ಮಾಜಿ ಸೈನಿಕರು / ಮಹಿಳೆ / ಟ್ರಾನ್ಸ್‌ಜೆಂಡರ್: ರೂ. 250

ಆಯ್ಕೆ ವಿಧಾನ: ಅರ್ಹ ಅಭ್ಯರ್ಥಿಗಳನ್ನು ಈ ಕೆಳಗಿನ ಹಂತಗಳ ಮೂಲಕ ಆಯ್ಕೆ ಮಾಡಲಾಗುತ್ತದೆ:

1. CBT (Computer Based Test): ಕಂಪ್ಯೂಟರ್ ಆಧಾರಿತ ಲಿಖಿತ ಪರೀಕ್ಷೆ.
2. PET (Physical Efficiency Test): ದೈಹಿಕ ದಕ್ಷತೆ ಪರೀಕ್ಷೆ.
3. Document Verification: ಮೂಲ ದಾಖಲೆಗಳ ಪರಿಶೀಲನೆ.
4. Medical Examination: ವೈದ್ಯಕೀಯ ತಪಾಸಣೆ.

ವೇತನ ಶ್ರೇಣಿ

ರೈಲ್ವೆ ಇಲಾಖೆಯ 7ನೇ ವೇತನ ಆಯೋಗದ ಪ್ರಕಾರ:

• ಮೂಲ ವೇತನ: ತಿಂಗಳಿಗೆ ರೂ. 18,000
• ಒಟ್ಟು ಕೈಗೆ ಸಿಗುವ ಸಂಬಳ: ಭತ್ಯೆಗಳನ್ನೂ ಒಳಗೊಂಡಂತೆ ತಿಂಗಳಿಗೆ ಅಂದಾಜು ರೂ. 22,500 ರಿಂದ ರೂ. 25,380 ವರೆಗೆ ಇರಲಿದೆ.

ಅರ್ಜಿ ಸಲ್ಲಿಸುವುದು ಹೇಗೆ?

1. ಮೊದಲು ರೈಲ್ವೆಯ ಅಧಿಕೃತ ಪೋರ್ಟಲ್ rrbapply.gov.in ಗೆ ಭೇಟಿ ನೀಡಿ.
2. ‘New Registration’ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಅಗತ್ಯ ವಿವರಗಳನ್ನು ಭರ್ತಿ ಮಾಡಿ.
3. ನಿಮ್ಮ ಶೈಕ್ಷಣಿಕ ದಾಖಲೆಗಳು, ಭಾವಚಿತ್ರ ಮತ್ತು ಸಹಿಯನ್ನು ಅಪ್‌ಲೋಡ್ ಮಾಡಿ.
4. ನಿಗದಿತ ಅರ್ಜಿ ಶುಲ್ಕವನ್ನು ಆನ್‌ಲೈನ್ ಮೂಲಕ ಪಾವತಿಸಿ.
5. ಅರ್ಜಿ ಸಲ್ಲಿಕೆ ಪೂರ್ಣಗೊಂಡ ನಂತರ, ಅರ್ಜಿಯ ಪ್ರತಿಯನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.

ಪ್ರಮುಖ ಲಿಂಕ್‌ ಗಳು

ಅಧಿಕೃತ ನೋಟಿಫಿಕೇಶನ್: ಇಲ್ಲಿ ಕ್ಲಿಕ್‌ ಮಾಡಿ

ಅಧಿಕೃತ ವೆಬ್‌ ಸೈಟ್‌ : ಇಲ್ಲಿ ಕ್ಲಿಕ್‌ ಮಾಡಿ

ಗೃಹಲಕ್ಷ್ಮಿ ಫಲಾನುಭವಿಗಳಿಗೆ ಬಂಪರ್ ಸುದ್ದಿ: 24ನೇ ಕಂತಿನ ಹಣ ಇಂದಿನಿಂದ ಖಾತೆಗೆ ಜಮಾ! ನಿಮ್ಮ ಖಾತೆ ಚೆಕ್ ಮಾಡಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.