ಎಐ ಮತ್ತು ರೋಬೋಟ್‌ಗಳು ಭವಿಷ್ಯದ ಎಲ್ಲಾ ಉದ್ಯೋಗಗಳನ್ನು ಬದಲಾಯಿಸಲಿವೆ: ಎಲಾನ್ ಮಸ್ಕ್ ಹೇಳಿಕೆ

ಭಾರತದಿಂದ ಅಮೇರಿಕಾದವರೆಗೂ, ವಿಶ್ವದಾದ್ಯಂತ ಕೃತಕ ಬುದ್ಧಿಮತ್ತೆ (AI) ಕುರಿತು ಚರ್ಚೆ ಆರಂಭವಾಗಿದೆ. ಎಐ ತಂತ್ರಜ್ಞಾನದಿಂದ ವ್ಯವಹಾರಗಳು ಸುಲಭವಾಗುತ್ತಿದ್ದರೂ, ಅದರ ಪರಿಣಾಮವಾಗಿ ಲಕ್ಷಾಂತರ ಮಂದಿ ಉದ್ಯೋಗ ಕಳೆದುಕೊಳ್ಳುವ ಭೀತಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಕಂಪ್ಯೂಟರ್‌ಗಳು, ಯಂತ್ರಗಳು, ರೋಬೋಟ್‌ಗಳು ಮತ್ತು ಈಗ ಕೃತಕ ಬುದ್ಧಿಮತ್ತೆಯ ಸಾಧನಗಳು ಮಾನವರ ಕೆಲಸವನ್ನು ವೇಗವಾಗಿ ಬದಲಿಸುತ್ತಿವೆ. ಈ ಬದಲಾವಣೆಯ ಅಲೆ ಈಗಾಗಲೇ ಐಟಿ, ಬ್ಯಾಂಕಿಂಗ್, ಇ-ಕಾಮರ್ಸ್ ಮತ್ತು ಮೀಡಿಯಾ ಕ್ಷೇತ್ರಗಳನ್ನು ತಲುಪಿದೆ.
ಈ ನಡುವೆ ಟೆಕ್ ಪ್ರಪಂಚದ ದಿಗ್ಗಜ ಮತ್ತು ಟೆಸ್ಲಾ ಸಿಇಒ ಎಲಾನ್ ಮಸ್ಕ್, ಭವಿಷ್ಯದ ಕುರಿತು ಮತ್ತೊಂದು ಆತಂಕಕಾರಿ ಹೇಳಿಕೆಯನ್ನು ನೀಡಿದ್ದಾರೆ. ಅವರ ಪ್ರಕಾರ, ಭವಿಷ್ಯದಲ್ಲಿ ಎಲ್ಲ ಉದ್ಯೋಗಗಳನ್ನು ಎಐ ಮತ್ತು ರೋಬೋಟ್‌ಗಳು ಆಕ್ರಮಿಸಿಕೊಳ್ಳಲಿವೆ, ಆಗ ಮಾನವರು ಕೆಲಸ ಮಾಡುವ ಅಗತ್ಯವೇ ಇರುವುದಿಲ್ಲ ಎಂದು ತಿಳಿಸಿದ್ದಾರೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

ಮಾನವರು ಬಯಸಿದರೆ ತರಕಾರಿ ಬೆಳೆಯಬಹುದು: ಮಸ್ಕ್

ಮಸ್ಕ್ ಹೇಳುವ ಪ್ರಕಾರ, ಮುಂದೆ ಮಾನವರು ಕೆಲಸ ಮಾಡುವುದು ಒಂದು ಆಯ್ಕೆಯಾಗುತ್ತದೆ, ಅಗತ್ಯವಲ್ಲ. ಅವರು ಬಯಸಿದರೆ ತಮ್ಮ ತೋಟದಲ್ಲಿ ತರಕಾರಿಗಳನ್ನು ಬೆಳೆಯಬಹುದು, ಅಷ್ಟೇ ಹೊರತು ಜೀವನ ಸಾಗಿಸಲು ಕಡ್ಡಾಯವಾಗಿ ಕೆಲಸ ಮಾಡಬೇಕಾಗಿಲ್ಲ. ಎಐ ಎಲ್ಲ ಕೆಲಸಗಳನ್ನು ಮಾಡುವುದರಿಂದ, ಮಾನವರಿಗೆ ಸಮಯ ಮತ್ತು ಸ್ವಾತಂತ್ರ್ಯ ದೊರೆಯುತ್ತದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಅಮೆಜಾನ್‌ನಲ್ಲಿ ರೋಬೋಟ್‌ಗಳ ಯುಗ ಆರಂಭ:

ಅಮೆಜಾನ್ ಕಂಪನಿಯ ಹೊಸ ಯೋಜನೆ ಹಿನ್ನೆಲೆಯಲ್ಲಿ. ವರದಿಗಳ ಪ್ರಕಾರ, ಅಮೆಜಾನ್ 2027ರೊಳಗೆ ಸುಮಾರು 1,60,000 ಉದ್ಯೋಗಗಳನ್ನು ರೋಬೋಟ್‌ಗಳಿಂದ ಬದಲಾಯಿಸಲು ಯೋಜನೆ ರೂಪಿಸಿದೆ. ಈ ಕುರಿತು ಸಾಮಾಜಿಕ ಜಾಲತಾಣ X ನಲ್ಲಿ ಬಂದ ಪೋಸ್ಟ್‌ಗೆ ಪ್ರತಿಕ್ರಿಯಿಸಿದ ಮಸ್ಕ್ , ಎಐ ಮತ್ತು ರೋಬೋಟ್‌ಗಳು ಎಲ್ಲಾ ಉದ್ಯೋಗಗಳನ್ನು ತೆಗೆದುಕೊಳ್ಳಲಿವೆ ಎಂದು ನೇರವಾಗಿ ಹೇಳಿದ್ದಾರೆ.

ಕೆಲಸ ಮಾಡುವುದು ಬಾಧ್ಯತೆ ಅಲ್ಲ, ಇಚ್ಛೆ:

ಎಲಾನ್ ಮಸ್ಕ್ ಅಭಿಪ್ರಾಯದ ಪ್ರಕಾರ, ಮುಂದಿನ ಪೀಳಿಗೆಯವರು ಬದುಕಲು ಹಣ ಸಂಪಾದನೆಗಾಗಿ ಕೆಲಸ ಮಾಡುವ ಬಾಧ್ಯತೆಯಿಂದ ಮುಕ್ತರಾಗಲಿದ್ದಾರೆ. ಏಕೆಂದರೆ, ಎಐ ವ್ಯವಸ್ಥೆ ಮಾನವನ ಬುದ್ಧಿಶಕ್ತಿಯಂತೆಯೇ ಯೋಚಿಸಿ, ಪ್ರತಿಯೊಂದು ವೃತ್ತಿಯಲ್ಲೂ ಕೆಲಸ ನಿರ್ವಹಿಸಲು ಸಿದ್ಧವಾಗುತ್ತದೆ. ಈ ಸಮಯದಲ್ಲಿ, ಕೆಲಸ ಮಾಡುವುದು ವೈಯಕ್ತಿಕ ಇಚ್ಛೆ ಅಥವಾ ಆಸಕ್ತಿಯಾಗಿರುತ್ತದೆ.

ಇನ್ನು, ಭವಿಷ್ಯದಲ್ಲಿ ಜಗತ್ತು ಸಾರ್ವತ್ರಿಕ ಹೆಚ್ಚಿನ ಆದಾಯ (Universal High Income) ಯುಗವನ್ನು ಪ್ರವೇಶಿಸುತ್ತದೆ ಎಂದು ಹೇಳಿದ್ದಾರೆ. ಅಂದರೆ, ಎಲ್ಲರಿಗೂ ಕನಿಷ್ಠ ಆದಾಯದಿಂದ ಹೆಚ್ಚು ಸೌಲಭ್ಯ ಲಭ್ಯವಾಗುತ್ತದೆ, ಕೆಲಸ ಮಾಡದೆ ಜೀವನ ನಡೆಸಲು ಸಾಧ್ಯವಾಗುತ್ತದೆ. ಎಐ ಎಲ್ಲ ಸರಕು ಹಾಗೂ ಸೇವೆಗಳನ್ನು ಉತ್ಪಾದಿಸುವುದರಿಂದ ಸಂಪತ್ತಿನ ಕೊರತೆಯಿಲ್ಲದ ಸಮಾಜ ನಿರ್ಮಾಣವಾಗುತ್ತದೆ.

ವೈಯಕ್ತಿಕ ರೋಬೋಟ್‌ಗಳ ಯುಗ:

ಭವಿಷ್ಯದಲ್ಲಿ ಪ್ರತಿಯೊಬ್ಬ ವ್ಯಕ್ತಿಗೂ ತಮ್ಮದೇ ಆದ ವೈಯಕ್ತಿಕ ರೋಬೋಟ್ ಇರಲಿದೆ. ಈ ರೋಬೋಟ್ ಮನೆ ಕೆಲಸಗಳಿಂದ ಹಿಡಿದು, ವ್ಯವಹಾರ ನಿರ್ವಹಣೆವರೆಗೂ ಎಲ್ಲ ಕಾರ್ಯಗಳನ್ನು ನಿರ್ವಹಿಸಲಿದೆ. ಎಐನಿಂದ ಜೀವನ ಸುಲಭವಾಗುತ್ತದೆ, ಮಾನವರು ಸರಳವಾಗಿ ಬದುಕನ್ನು ಕಟ್ಟಿಕೊಳ್ಳಬಹುದು ಎಂದು ಮಸ್ಕ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಒಟ್ಟಾರೆಯಾಗಿ, ಕೃತಕ ಬುದ್ಧಿಮತ್ತೆಯ ಬೆಳವಣಿಗೆಗಳು ತಂತ್ರಜ್ಞಾನ ಲೋಕದಲ್ಲಿ ಹೊಸ ಅಧ್ಯಾಯವನ್ನು ಬರೆಯುತ್ತಿದ್ದರೂ, ಅದರ ನೆರಳಿನಲ್ಲಿ ಉದ್ಯೋಗ ನಷ್ಟದ ಭೀತಿ ದೊಡ್ಡದಾಗಿದೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ಕೃಷ್ಣಸಾಗರಿ

“ಕೃಷ್ಣಸಾಗರಿ ಅವರು NeedsOfPublic.in ನ ‘ಉದ್ಯೋಗ ಮತ್ತು ವೃತ್ತಿ ಮಾರ್ಗದರ್ಶನ’ (Job Updates & Career) ವಿಭಾಗದ ಮುಖ್ಯಸ್ಥರಾಗಿದ್ದಾರೆ. ಉದ್ಯೋಗ ಮಾಹಿತಿ ಕ್ಷೇತ್ರದಲ್ಲಿ 4 ವರ್ಷಗಳ ವೃತ್ತಿಪರ ಅನುಭವ ಹೊಂದಿರುವ ಇವರು, ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳು (Govt Job Notifications), ಖಾಸಗಿ ವಲಯದ ನೇಮಕಾತಿಗಳು ಮತ್ತು ಸ್ಪರ್ಧಾತ್ಮಕ ಪರೀಕ್ಷೆಗಳ ಅಪ್‌ಡೇಟ್‌ಗಳನ್ನು ಒದಗಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ಉದ್ಯೋಗಾಕಾಂಕ್ಷಿಗಳಿಗೆ ಕೇವಲ ಅಧಿಕೃತ ಮೂಲಗಳಿಂದ ಪರಿಶೀಲಿಸಿದ (verified) ಮತ್ತು ನಿಖರವಾದ ಉದ್ಯೋಗದ ಮಾಹಿತಿಯನ್ನು ಸಕಾಲದಲ್ಲಿ ತಲುಪಿಸುವುದು ಸಾಗರಿ ಅವರ ಪ್ರಮುಖ ಗುರಿಯಾಗಿದೆ.”