BIG NEWS: ಹೃದ್ರೋಗಿಗಳಿಗೆ ಸಿಹಿ ಸುದ್ದಿ, ಜೀವ ಉಳಿಸುವ ₹50,000 ಮೌಲ್ಯದ ಕ್ಲಾಟ್ ಬಸ್ಟರ್ ಇಂಜೆಕ್ಷನ್ ಈಗ ಉಚಿತ! 

ಇಂದಿನ ವೇಗದ ಜೀವನದಲ್ಲಿ ಹೃದಯಾಘಾತ (Heart Attack) ಮರಣದ ಪ್ರಮುಖ ಕಾರಣಗಳಲ್ಲಿ ಒಂದಾಗಿ ಪರಿಣಮಿಸಿದೆ. ಅನಾರೋಗ್ಯಕರ ಜೀವನಶೈಲಿ‌, ಒತ್ತಡ, ಮಧುಮೇಹ, ರಕ್ತದೊತ್ತಡ ಮತ್ತು ಅತಿಯಾದ ಕೊಬ್ಬಿನ ಅಂಶ ಇವೆಲ್ಲವೂ ಯುವಕರಲ್ಲೂ ಸಹ ಹೃದಯಾಘಾತದ ಅಪಾಯವನ್ನು ಹೆಚ್ಚಿಸುತ್ತಿವೆ. ಈ ರೀತಿಯ ಗಂಭೀರ ಪರಿಸ್ಥಿತಿಯಲ್ಲಿ ಒಂದೆಡೆ ಪ್ರಾಣ ಉಳಿಸಿಕೊಳ್ಳುವ ಹೋರಾಟ, ಮತ್ತೊಂದೆಡೆ ಲಕ್ಷಾಂತರ ರೂಪಾಯಿಗಳ ಚಿಕಿತ್ಸೆ ವೆಚ್ಚದ ಭಾರ ಕುಟುಂಬಗಳನ್ನು ಸಮಸ್ಯೆಗೆ ಸಿಲುಕಿಸುತ್ತಿತ್ತು. ವಿಶೇಷವಾಗಿ ಗೋಲ್ಡನ್ ಅವರ್ ಎಂದೇ ಕರೆಯಲಾಗುವ ಮೊದಲ 90 ನಿಮಿಷಗಳಲ್ಲಿ ಚಿಕಿತ್ಸೆ ನೀಡಲಾಗದಿದ್ದರೆ ಅನೇಕರು ಜೀವ ಕಳೆದುಕೊಳ್ಳುತ್ತಿದ್ದರು ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

ಈ ಆತಂಕಕಾರಿ ಪರಿಸ್ಥಿತಿಯನ್ನು ಎದುರಿಸಲು ಉತ್ತರ ಪ್ರದೇಶ ಸರ್ಕಾರ ಐತಿಹಾಸಿಕ ಕ್ರಮ ಕೈಗೊಂಡಿದೆ. ಜನಸಾಮಾನ್ಯರ ಪ್ರಾಣವನ್ನು ಉಳಿಸುವಲ್ಲಿ ಕ್ರಾಂತಿ ತರುವಂತ ರೀತಿಯಲ್ಲಿ, ಸುಮಾರು ₹40,000 – ₹50,000 ವೆಚ್ಚಬರುವ ಹೆಪ್ಪುಗಟ್ಟುವಿಕೆ-ಬಸ್ಟರ್ ಇಂಜೆಕ್ಷನ್‌ಗಳನ್ನು ಸಂಪೂರ್ಣ ಉಚಿತವಾಗಿ ನೀಡಲು ಸರ್ಕಾರ ಅನುಮೋದನೆ ನೀಡಿದೆ.

ಈ ಯೋಜನೆ ಎಲ್ಲಿ ಲಭ್ಯ?:

ಯು.ಪಿ. ಸರ್ಕಾರ ಟೆನೆಸ್ಟೆಪ್ಲೇಸ್ (Tenecteplase) ಮತ್ತು ಸ್ಟೆಪ್ರೋಕಿನೇಸ್ (Streptokinase) ಎಂಬ ಜೀವ ಉಳಿಸುವ ಇಂಜೆಕ್ಷನ್‌ಗಳನ್ನು ಉಚಿತವಾಗಿ ನೀಡಲಿದೆ.
ಇವು ಲಭ್ಯವಾಗುವ ಸ್ಥಳಗಳು:
ಎಲ್ಲಾ ಸರ್ಕಾರಿ ವೈದ್ಯಕೀಯ ಕಾಲೇಜುಗಳು
ಜಿಲ್ಲಾ ಆಸ್ಪತ್ರೆಗಳು
ಸಮುದಾಯ ಆರೋಗ್ಯ ಕೇಂದ್ರಗಳು (CHC)
ಈ ಯೋಜನೆಯ ಉದ್ದೇಶ ಬಡ‌ ಮತ್ತು ಮಧ್ಯಮ ವರ್ಗದ ಜನರು ಹಣದ ಕೊರತೆಯಿಂದ ಚಿಕಿತ್ಸೆ ಪಡೆಯದೆ ಪ್ರಾಣ ಕಳೆದುಕೊಳ್ಳಬಾರದು ಎಂಬುದು.

ಗೋಲ್ಡನ್ ಅವರ್ ಎಂದರೇನು?:

ಹೃದಯಾಘಾತದ ವೇಳೆ ಹೃದಯಕ್ಕೆ ರಕ್ತ ಪೂರೈಕೆ ನಿಂತಾಗ, ಹೃದಯದ ಸ್ನಾಯುಗಳು ಹಾನಿಗೊಳಗಾಗುತ್ತವೆ. ಈ ಮೊದಲ 90 ನಿಮಿಷಗಳನ್ನು Golden Hour ಎಂದು ಕರೆಯಲಾಗುತ್ತದೆ.
ಈ ಸಮಯದಲ್ಲಿ ಸರಿಯಾದ ಚಿಕಿತ್ಸೆ ದೊರೆತರೆ, ಹೃದಯದ ಕಾರ್ಯಕ್ಷಮತೆ ರಕ್ಷಿತವಾಗುತ್ತದೆ, ಮರಣದ ಅಪಾಯ ಶೇಕಡ 40% ರಷ್ಟು ಕಡಿಮೆಯಾಗುತ್ತದೆ.

ಈ ಇಂಜೆಕ್ಷನ್ ಹೇಗೆ ಕೆಲಸ ಮಾಡುತ್ತದೆ?:

ಇವುಗಳನ್ನು Thrombolytic Drugs (Clot Busters) ಎಂದು ಕರೆಯಲಾಗುತ್ತದೆ. ಇವು ರಕ್ತನಾಳಗಳಲ್ಲಿ ಹೆಪ್ಪುಗಟ್ಟಿದ ರಕ್ತವನ್ನು ಕರಗಿಸುತ್ತವೆ. ರಕ್ತದ ಹರಿವನ್ನು ತಕ್ಷಣ ಪುನರಾರಂಭ ಮಾಡುತ್ತವೆ. ಹೃದಯಕ್ಕೆ ಆಮ್ಲಜನಕ ಹರಿವು ಮತ್ತೆ ಒದಗಿಸುತ್ತವೆ. ಗೋಲ್ಡನ್ ಅವರ್‌ನಲ್ಲಿ ಈ ಔಷಧಿ ನೀಡಿದರೆ ಜೀವ ಉಳಿಯುವ ಸಾಧ್ಯತೆ ಇರುತ್ತದೆ.!

ಹಬ್ & ಸ್ಪೋಕ್ ವ್ಯವಸ್ಥೆ ಗ್ರಾಮೀಣ ಜನರಿಗೆ ದೊಡ್ಡ ಅನುಕೂಲ :

ಹಿಂದಿನ ದಿನಗಳಲ್ಲಿ, ಇಂತಹ ಇಂಜೆಕ್ಷನ್‌ಗಳು ಮಾತ್ರ ದೊಡ್ಡ ನಗರ ಆಸ್ಪತ್ರೆಗಳಲ್ಲಿ ಮಾತ್ರ ಲಭ್ಯವಾಗುತ್ತಿದ್ದು, ರೋಗಿಗಳು 30–40 ಕಿಮೀ ಪ್ರಯಾಣಿಸುವಷ್ಟರಲ್ಲಿ ಅಮೂಲ್ಯ ಸಮಯ ಕಳೆದುಹೋಗುತ್ತಿತ್ತು. ಈ ಸಮಸ್ಯೆ ಪರಿಹರಿಸಲು, ಸರ್ಕಾರ Hub & Spoke Model ಪ್ರಾರಂಭಿಸಿದೆ,
Hub: ದೊಡ್ಡ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಗಳು
Spoke: CHC ಹಾಗೂ ಜಿಲ್ಲಾ ಆಸ್ಪತ್ರೆಗಳು
ಗ್ರಾಮ ಮಟ್ಟದಲ್ಲೇ ಪ್ರಾಥಮಿಕ ಚಿಕಿತ್ಸೆಯನ್ನು ಕೊಡಿಸಲಾಗುತ್ತದೆ. ಅಗತ್ಯವಿದ್ದರೆ ನಂತರ ದೊಡ್ಡ ಆಸ್ಪತ್ರೆಗೆ ರೆಫರ್ ಮಾಡಲಾಗುತ್ತದೆ.

ಆಸ್ಪತ್ರೆಗೆ ಬಂದ ತಕ್ಷಣದಿಂದಲೇ ಚಿಕಿತ್ಸೆ:

ಯಾರಾದರೂ ಹೃದಯಾಘಾತದ ಲಕ್ಷಣಗಳೊಂದಿಗೆ ಬಂದರೆ ತಕ್ಷಣ ECG ಮಾಡಿ ಹೃದಯಾಘಾತ ದೃಢಪಡಿಸುವುದು. ತಕ್ಷಣವೇ ಉಚಿತ Tenecteplase / Streptokinase ಇಂಜೆಕ್ಷನ್ ನೀಡುವುದು. ರೋಗಿಯ ಸ್ಥಿತಿ ಗಂಭೀರವಾದರೆ Hub ಆಸ್ಪತ್ರೆಗೆ ಕಳುಹಿಸುವುದು. ಈ ಕ್ರಮದಿಂದ ಸಮಯ ಉಳಿಯುತ್ತದೆ. ಜೀವ ಉಳಿಸುವ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ.

ಈ ಯೋಜನೆ ನೀಡುವ ಮಹತ್ವದ ಪ್ರಯೋಜನಗಳು ಏನು?:

ಬಡವರಿಗೂ ಕಾರ್ಪೊರೇಟ್ ಮಟ್ಟದ ಚಿಕಿತ್ಸೆ
ಸಾವಿನ ಪ್ರಮಾಣದಲ್ಲಿ ಭಾರೀ ಇಳಿಕೆ
ಗ್ರಾಮ-ಪೇಟೆ ಪ್ರದೇಶಗಳಿಗೂ ವೇಗದ ಚಿಕಿತ್ಸಾ ಸೌಲಭ್ಯ
ಸಾವಿರಾರು ಜೀವಗಳಿಗೆ ರಕ್ಷಕ

ಒಟ್ಟಾರೆಯಾಗಿ, ಹೃದಯಾಘಾತದಿಂದ ಜೀವ ಕಳೆದುಕೊಳ್ಳುವುದು ಕೇವಲ ರೋಗಿಯಷ್ಟೇ ಅಲ್ಲ, ಕುಟುಂಬದವರಿಗೂ ಅಳಿಸಲಾಗದ ನೋವು. ಉತ್ತರ ಪ್ರದೇಶ ಸರ್ಕಾರದ ಈ ತೀರ್ಮಾನ ಪ್ರತಿ ಕ್ಷಣಕ್ಕೂ ಬೆಲೆ ಇರುವ ಹೃದಯಾಘಾತ ಚಿಕಿತ್ಸೆಗೆ ಜನಸಾಮಾನ್ಯರಿಗೆ ದೊಡ್ಡ ಭರವಸೆಯಾಗಿದೆ. ಸಮಯಕ್ಕೆ ಸರಿಯಾದ ಚಿಕಿತ್ಸೆ ನೀಡಿದರೆ ಜೀವ ಉಳಿಸಬಹುದು.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.