ಯುವಕರಲ್ಲಿ ಹೆಚ್ಚುತ್ತಿರುವ ಹೃದಯಾಘಾತಕ್ಕೆ ಪರಿಹಾರ: ಆರೋಗ್ಯಕರ ಹೃದಯಕ್ಕೆ ದಿನನಿತ್ಯದ ವ್ಯಾಯಾಮಗಳು 

ಇಂದಿನ ವೇಗದ ಜೀವನಶೈಲಿ, ಅನಾರೋಗ್ಯಕರ ಆಹಾರ ಪದ್ಧತಿ, ಒತ್ತಡ ಮತ್ತು ವ್ಯಾಯಾಮದ ಕೊರತೆಯಿಂದಾಗಿ ಹೃದಯ ಸಂಬಂಧಿ ಕಾಯಿಲೆಗಳು ಯುವಕರಲ್ಲಿ ಭಾರೀ ಪ್ರಮಾಣದಲ್ಲಿ ಹೆಚ್ಚುತ್ತಿರುವುದು ಕಳವಳಕಾರಿ ವಿಚಾರ. 40 ವರ್ಷಕ್ಕಿಂತ ಹೆಚ್ಚು ವಯಸ್ಸಿನವರಲ್ಲೇ ಅಲ್ಲ, ಈಗ 25-30 ವರ್ಷದವರಲ್ಲಿಯೂ ಹಠಾತ್ ಹೃದಯಾಘಾತ (Heart Attack) ಪ್ರಕರಣಗಳು ಹೆಚ್ಚುತ್ತಿವೆ. ಇಂತಹ ಸಮಯದಲ್ಲಿ ಹೃದಯದ ಆರೈಕೆಗೆ ಕ್ರಮ ಕೈಗೊಳ್ಳುವುದು ಕೇವಲ ಆಯ್ಕೆಯಲ್ಲ, ಅಗತ್ಯವಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ವೈದ್ಯರು ಹೇಳುವಂತೆ, ನಿಮ್ಮ ಹೃದಯದ ಆರೈಕೆಯನ್ನು ಪ್ರತಿ ದಿನದ ಸಣ್ಣ ಬದಲಾವಣೆಗಳಿಂದ ನೀವು ಸ್ವತಃ ಮಾಡಬಹುದು. ಹೌದು, ಕೇವಲ ಕೆಲವು ಸರಳ, ಆದರೆ ಪರಿಣಾಮಕಾರಿ ವ್ಯಾಯಾಮಗಳು ನಿಮ್ಮ ಹೃದಯವನ್ನು ವರ್ಷಗಳ ಕಾಲ ಆರೋಗ್ಯಕರವಾಗಿರಿಸಬಹುದು. ಹಾಗಿದ್ದರೆ  7 ಸರಳ ವ್ಯಾಯಾಮಗಳ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ.

ಚುರುಕಾದ ನಡಿಗೆ (Brisk Walking):

ಪ್ರತಿದಿನ 30 ನಿಮಿಷಗಳ ಚುರುಕಾದ ನಡಿಗೆಯು ನಿಮ್ಮ ಹೃದಯಕ್ಕೆ ಅತ್ಯುತ್ತಮ ಔಷಧಿಯಂತೆ ಕಾರ್ಯನಿರ್ವಹಿಸುತ್ತದೆ. ಇದು ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ, ಕೊಲೆಸ್ಟ್ರಾಲ್‌ ಮಟ್ಟ ಕಡಿಮೆ ಮಾಡುತ್ತದೆ ಮತ್ತು ಹೃದಯದ ಪಂಪಿಂಗ್ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಬೆಳಿಗ್ಗೆ ಅಥವಾ ಸಂಜೆ ಶುದ್ಧ ಹವೆಯಲ್ಲಿ ನಡೆಯುವುದರಿಂದ ಮನಸ್ಸು ಸಹ ಶಾಂತವಾಗುತ್ತದೆ.

ಈಜು (Swimming):

ಈಜು ಕೇವಲ ಮನರಂಜನೆಗೆ ಮಾತ್ರವಲ್ಲ, ಸಂಪೂರ್ಣ ದೇಹದ ವ್ಯಾಯಾಮವಾಗಿಯೂ ಕೆಲಸಮಾಡುತ್ತದೆ. ಇದು ನಿಮ್ಮ ಹೃದಯದ ಮೇಲೆ ಹೆಚ್ಚಾದ ಒತ್ತಡವಿಲ್ಲದೆ ರಕ್ತಪರಿಚಲನೆಯನ್ನು ಸುಧಾರಿಸುತ್ತದೆ ಮತ್ತು ಉಸಿರಾಟದ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ವಾರದಲ್ಲಿ ಕನಿಷ್ಠ 3 ಬಾರಿ ಈಜುವುದರಿಂದ ಹೃದಯದ ಆರೋಗ್ಯದಲ್ಲಿ ಗಮನಾರ್ಹ ಸುಧಾರಣೆ ಕಾಣಬಹುದು.

ಯೋಗ (Yoga):

ಯೋಗವು ದೇಹ ಮತ್ತು ಮನಸ್ಸಿನ ಸಮತೋಲನವನ್ನು ಕಾಪಾಡುವ ಅತ್ಯುತ್ತಮ ವಿಧಾನ. ಕೆಲವು ಯೋಗಾಸನಗಳು ವಿಶೇಷವಾಗಿ ಪ್ರಾಣಾಯಾಮ, ತಾಡಾಸನ, ಭುಜಂಗಾಸನ  ಹೃದಯದ ಪಂಪಿಂಗ್ ಕ್ರಿಯೆಯನ್ನು ಸುಧಾರಿಸುತ್ತವೆ. ಪ್ರತಿದಿನ ಬೆಳಿಗ್ಗೆ 20 ನಿಮಿಷ ಯೋಗ ಮಾಡಿದರೆ ರಕ್ತದೊತ್ತಡ, ಒತ್ತಡ, ಮತ್ತು ಹೃದಯಾಘಾತದ ಸಾಧ್ಯತೆ ಕಡಿಮೆಯಾಗುತ್ತದೆ.

ಸೈಕ್ಲಿಂಗ್ (Cycling):

ಸೈಕ್ಲಿಂಗ್ ನಿಮ್ಮ ಹೃದಯಕ್ಕೆ ನೈಸರ್ಗಿಕ ವ್ಯಾಯಾಮ. ಇದು ಕಾಲುಗಳ ಸ್ನಾಯುಗಳನ್ನು ಬಲಪಡಿಸುವುದರ ಜೊತೆಗೆ ರಕ್ತಸಂಚಾರವನ್ನು ಸುಧಾರಿಸುತ್ತದೆ. ಪ್ರತಿದಿನ 20 ನಿಮಿಷ ಸೈಕ್ಲಿಂಗ್ ಮಾಡಿದರೆ ಹೃದಯದ ಸಾಮರ್ಥ್ಯ ಹೆಚ್ಚುತ್ತದೆ ಮತ್ತು ಶರೀರದ ಕೊಬ್ಬನ್ನು ಕಡಿಮೆಮಾಡುತ್ತದೆ.

ನೃತ್ಯ (Dancing):

ಹೃದಯವನ್ನು ಖುಷಿಯಿಂದ ಆರೋಗ್ಯವಾಗಿಡಲು ನೃತ್ಯಕ್ಕಿಂತ ಸುಲಭವಾದ ಮಾರ್ಗವೇ ಇಲ್ಲ. ಪ್ರತಿ ದಿನ ಸಂಗೀತದೊಂದಿಗೆ 15–20 ನಿಮಿಷ ನೃತ್ಯ ಮಾಡಿದರೆ ಹೃದಯದ ಚಟುವಟಿಕೆಗಳು ವೇಗವಾಗಿ ಕೆಲಸಮಾಡುತ್ತವೆ, ಶರೀರ ಚುರುಕಾಗುತ್ತದೆ ಮತ್ತು ಮನಸ್ಸು ಉಲ್ಲಾಸದಿಂದ ತುಂಬುತ್ತದೆ.

ತೈ ಚಿ ಪೆಕ್ (Tai Chi):

ತೈ ಚಿ ಚೀನೀ ಪರಂಪರೆಯ ವ್ಯಾಯಾಮ ಪದ್ಧತಿ. ಇದು ನಿಧಾನ, ಸಮತೋಲನಯುತ ಚಲನೆಗಳ ಮೂಲಕ ಉಸಿರಾಟ ಮತ್ತು ಮನಸ್ಸಿನ ನಿಯಂತ್ರಣ ಸಾಧಿಸಲು ಸಹಾಯ ಮಾಡುತ್ತದೆ. ತೈ ಚಿ ಮಾಡುವವರು ಹೃದಯದ ಸಮಸ್ಯೆ, ಒತ್ತಡ ಮತ್ತು ನಿದ್ರೆ ಸಮಸ್ಯೆಗಳಿಂದ ದೂರ ಇರುತ್ತಾರೆ ಎಂದು ಅನೇಕ ಅಧ್ಯಯನಗಳು ತೋರಿಸಿವೆ.

ಮನೆಯಲ್ಲಿ ಮಾಡಬಹುದಾದ ಸರಳ ವ್ಯಾಯಾಮಗಳು ಹೀಗಿವೆ(Home Workout):

20 ಸ್ಕ್ವಾಟ್‌ಗಳು
10 ಮಾರ್ಪಡಿಸಿದ ಪುಷ್‌ಅಪ್‌ಗಳು
20 ಸ್ಟೆಪ್ ಟಚ್‌ಗಳು
15 ಗ್ಲುಟ್ ಬ್ರಿಡ್ಜ್‌ಗಳು
30 ಸೆಕೆಂಡ್ ಪ್ಲ್ಯಾಂಕ್
ಈ ಸರ್ಕ್ಯೂಟ್ ದಿನವೂ ಮಾಡಿದರೆ ಹೃದಯದ ಪಂಪಿಂಗ್ ಶಕ್ತಿ ಸುಧಾರಿಸಿ ಶರೀರದ ಚುರುಕನ್ನು ಹೆಚ್ಚಿಸುತ್ತದೆ.

ಒಟ್ಟಾರೆಯಾಗಿ, ಹೃದಯದ ಆರೈಕೆ ಎಂದರೆ ಕೇವಲ ಔಷಧಿ ಅಥವಾ ವೈದ್ಯರನ್ನು ಭೇಟಿಯಾಗುವುದಲ್ಲ. ಅದು ಪ್ರತಿದಿನ ನೀವು ತಾಳುವ ಜೀವನಶೈಲಿಯ ಆಯ್ಕೆಗಳಲ್ಲಿ ಅಡಗಿದೆ. ಸರಿಯಾದ ಆಹಾರ, ಒತ್ತಡ ನಿಯಂತ್ರಣ, ಮತ್ತು ಮೇಲಿನ ವ್ಯಾಯಾಮಗಳನ್ನು ನಿಮ್ಮ ಜೀವನದ ಭಾಗವಾದರೆ  ಹೃದಯದ ಸಮಸ್ಯೆಗಳು ನಿಮ್ಮಿಂದ ದೂರ ಇರುತ್ತವೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.