Gold Rate Today: ಕೇವಲ 4 ದಿನದಲ್ಲಿ ₹9,600 ಕುಸಿದ ಬೆಳ್ಳಿ, ಇಂದು ಬೆಂಗಳೂರಿನಲ್ಲಿ ಚಿನ್ನದ ಬೆಲೆ ಎಷ್ಟಿದೆ.?

ಮದುವೆ ಸೀಸನ್‌ನಲ್ಲಿ ಚಿನ್ನ, ಬೆಳ್ಳಿ ಖರೀದಿಸುವವರಿಗೆ ಬಂಪರ್ ಸಿಹಿಸುದ್ದಿ. ಕೇವಲ 4 ದಿನಗಳಲ್ಲಿ ಬೆಳ್ಳಿ ದರ ₹9,600 ಹಾಗೂ ಚಿನ್ನ ₹1,700 ರಷ್ಟು ಭಾರೀ ಇಳಿಕೆ ಕಂಡಿದೆ. ಇಂದು ನಮ್ಮ ಬೆಂಗಳೂರಿನಲ್ಲಿ ಚಿನ್ನ ಮತ್ತು ಬೆಳೆಯ ದರಗಳ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ.

ಮನೆಯಲ್ಲಿ ಮದುವೆ ಫಿಕ್ಸ್ ಆಗಿದೆ, ಚಿನ್ನದ ರೇಟ್ ನೋಡಿದ್ರೆ ಆಕಾಶಕ್ಕೇರಿದೆ, ಯಾವಾಗಪ್ಪಾ ರೇಟ್ ಕಮ್ಮಿ ಆಗೋದು? ಅಂತ ಕಾದು ಕೂತಿದ್ದವರಿಗೆ ಸಿಹಿಸುದ್ದಿ. ಹೌದು, ನೆನ್ನೆಯಿಂದ ರಾಜ್ಯದಲ್ಲಿ ಬಿಸಿಲ ಬೆಂಕಿಗೆ ಕೊನೆಗೂ ವರುಣ ದೇವ ತಂಪೆರೆದಂತೆ ಇಂದು ಚಿನ್ನದ ಮಾರುಕಟ್ಟೆಯಿಂದ ಬೊಂಬಾಟ್ ಸುದ್ದಿಯೊಂದು ಹೊರಬಿದ್ದಿದೆ.

ಸತತವಾಗಿ ಏರಿಕೆ ಕಾಣುತ್ತಾ ಗ್ರಾಹಕರ ಜೇಬಿಗೆ ಕತ್ತರಿ ಹಾಕುತ್ತಿದ್ದ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಇದೀಗ ಸೈಲೆಂಟ್ ಆಗಿ ಕೆಳಮುಖವಾಗಿ ಚಲಿಸಲು ಶುರುಮಾಡಿವೆ. ಕೇವಲ ನಾಲ್ಕೇ ದಿನಗಳಲ್ಲಿ ಬೆಳ್ಳಿ ಬೆಲೆಯಲ್ಲಿ ಬರೋಬ್ಬರಿ 9,600 ರೂ. ಕಡಿತಗೊಂಡಿದ್ದರೆ, ಚಿನ್ನದ ಬೆಲೆಯೂ 1,700 ರೂ. ನಷ್ಟು ಅಗ್ಗವಾಗಿದೆ!

ಇಂದಿನ (25 ಏಪ್ರಿಲ್) ಚಿನ್ನ-ಬೆಳ್ಳಿ ರೇಟ್ ಎಷ್ಟಿದೆ?

ಇಂಡಿಯನ್ ಬುಲಿಯನ್ ಅಂಡ್ ಜ್ಯುವೆಲರ್ಸ್ ಅಸೋಸಿಯೇಷನ್ (IBJA) ಬಿಡುಗಡೆ ಮಾಡಿರುವ ಇತ್ತೀಚಿನ ವರದಿಯ ಪ್ರಕಾರ, ಇಂದು 24 ಕ್ಯಾರೆಟ್ ಶುದ್ಧ ಚಿನ್ನದ ಬೆಲೆ 10 ಗ್ರಾಂಗೆ 395 ರೂಪಾಯಿ ಅಗ್ಗವಾಗಿದ್ದು, ₹1,54,040 ಕ್ಕೆ ಇಳಿದಿದೆ. ಅದೇ ರೀತಿ, ಕೆ.ಜಿ ಬೆಳ್ಳಿಯ ಬೆಲೆ ಇದೀಗ ₹2,60,000 ಆಗಿದೆ.

ನಿಮಗೆ ನೆನಪಿರಬಹುದು, ಕೆಲವೇ ದಿನಗಳ ಹಿಂದೆ ಚಿನ್ನದ ಬೆಲೆ ಸಾರ್ವಕಾಲಿಕ ದಾಖಲೆ (All-time high) ಬರೆದು 10 ಗ್ರಾಂಗೆ ₹1,76,121 ತಲುಪಿತ್ತು. ಅಲ್ಲಿಂದ ಲೆಕ್ಕ ಹಾಕಿದರೆ, ಈಗ ಚಿನ್ನ ಬರೋಬ್ಬರಿ ₹25,000 ರಷ್ಟು ಅಗ್ಗವಾದಂತಾಗಿದೆ. ಇನ್ನು ಬೆಳ್ಳಿ ಕೂಡ ತನ್ನ ಹಳೆಯ ದಾಖಲೆಗಿಂತ ₹1,45,043 ರಷ್ಟು ಕೆಳಗಿಳಿದಿದೆ ಎಂದರೆ ಆಭರಣ ಪ್ರಿಯರಿಗೆ ಇದಕ್ಕಿಂತ ದೊಡ್ಡ ಖುಷಿ ಇನ್ನೇನಿದೆ?

ಚಿನ್ನ ಖರೀದಿಸುವ ಗ್ರಾಹಕರಿಗೆ ಟಿಪ್ಸ್ (Expert Tips):

1. ಮೇಕಿಂಗ್ ಚಾರ್ಜ್ ಬಗ್ಗೆ ಚೌಕಾಸಿ ಮಾಡಿ: ಚಿನ್ನದ ಬೆಲೆ ಇಳಿದಾಗ ಜ್ಯುವೆಲರಿಯವರು ಮೇಕಿಂಗ್ ಚಾರ್ಜ್ (ತಯಾರಿಕಾ ವೆಚ್ಚ) ಹೆಚ್ಚಿಸಿ ಬಿಲ್ ಬ್ಯಾಲೆನ್ಸ್ ಮಾಡುವುದು ಸಾಮಾನ್ಯ. ಹೀಗಾಗಿ, ಅಂಗಡಿಗೆ ಹೋದಾಗ ‘ಮೇಕಿಂಗ್ ಚಾರ್ಜ್’ ಎಷ್ಟಿದೆ ಎಂಬುದನ್ನು ಪಕ್ಕದ ಅಂಗಡಿಯೊಂದಿಗೆ ಹೋಲಿಸಿ ಚೌಕಾಸಿ ಮಾಡಿ.
2. ಹಾಲ್‌ಮಾರ್ಕ್ (HUID) ಕಡ್ಡಾಯ: ನೀವು ಯಾವುದೇ ಕ್ಯಾರೆಟ್ (22K ಅಥವಾ 18K) ಚಿನ್ನ ಖರೀದಿಸಿದರೂ 6 ಅಂಕಿಯ HUID ಕೋಡ್ ಇರುವ ಹಾಲ್‌ಮಾರ್ಕ್ ಆಭರಣವನ್ನೇ ಕೇಳಿ ಪಡೆಯಿರಿ. ಬಿಲ್‌ನಲ್ಲಿ ಆ ಕೋಡ್ ನಮೂದಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಿ.
3. ಒಂದೇ ಬಾರಿಗೆ ಖರೀದಿಸಬೇಡಿ: ತಜ್ಞರ ಪ್ರಕಾರ ಮಾರುಕಟ್ಟೆ ಅಸ್ಥಿರವಾಗಿದೆ. ನಿಮಗೆ 100 ಗ್ರಾಂ ಚಿನ್ನ ಬೇಕಿದ್ದರೆ, ಈಗ 50 ಗ್ರಾಂ ಖರೀದಿಸಿ, ಮುಂದಿನ ದಿನಗಳಲ್ಲಿ ಬೆಲೆ ಮತ್ತಷ್ಟು ಇಳಿದರೆ ಉಳಿದ 50 ಗ್ರಾಂ ಖರೀದಿಸಿ. ಇದು ರಿಸ್ಕ್ ಕಡಿಮೆ ಮಾಡುತ್ತದೆ.

ಯಾಕಿಷ್ಟು ದಿಢೀರ್ ಇಳಿಕೆ? ತಜ್ಞರು ಏನಂತಾರೆ?

ಕೇಡಿಯಾ ಕಮಾಡಿಟೀಸ್‌ನ (Kedia Commodities) ಅಧ್ಯಕ್ಷ ಅಜಯ್ ಕೇಡಿಯಾ ಅವರ ಪ್ರಕಾರ, ಭೌಗೋಳಿಕ-ರಾಜಕೀಯ ಉದ್ವಿಗ್ನತೆಯಿಂದಾಗಿ (Geo-political tension) ಮಾರುಕಟ್ಟೆಯಲ್ಲಿ ಈ ಏರಿಳಿತ ಸಾಮಾನ್ಯ. ದುಬೈನ ರಿಯಲ್ ಎಸ್ಟೇಟ್ ಮಾರುಕಟ್ಟೆ, ಕ್ರಿಪ್ಟೋಕರೆನ್ಸಿ ಮತ್ತು ಈಕ್ವಿಟಿ ಷೇರುಪೇಟೆಯಲ್ಲಿ ಹೂಡಿಕೆದಾರರು ಭಾರಿ ಪ್ರಮಾಣದಲ್ಲಿ ತಮ್ಮ ಬಂಡವಾಳವನ್ನು ಹಿಂದಕ್ಕೆ ಪಡೆಯುತ್ತಿದ್ದಾರೆ (Sell-off).

ಜೊತೆಗೆ ಅಮೆರಿಕದ ಫೆಡರಲ್ ರಿಸರ್ವ್ ತನ್ನ ಕಟ್ಟುನಿಟ್ಟಿನ ನಿಲುವನ್ನು ಮುಂದುವರಿಸಿದೆ. ಈ ಎಲ್ಲಾ ಕಾರಣಗಳಿಂದಾಗಿ ಹೂಡಿಕೆದಾರರು ರಿಸ್ಕ್ ತೆಗೆದುಕೊಳ್ಳಲು ಹಿಂದೇಟು ಹಾಕುತ್ತಿದ್ದು, ಅದು ಚಿನ್ನದ ಮಾರುಕಟ್ಟೆಯ ಮೇಲೂ ಪ್ರಭಾವ ಬೀರಿದೆ ಎನ್ನುತ್ತಾರೆ.

ವಿವಿಧ ನಗರಗಳಲ್ಲಿ

ನೀಡ್ಸ್ ಆಫ್ ಪಬ್ಲಿಕ್ ಒಳನೋಟ:

‘ನೀಡ್ಸ್ ಆಫ್ ಪಬ್ಲಿಕ್’ ಡಿಜಿಟಲ್ ಡೆಸ್ಕ್‌ನ ನಮ್ಮ ದೃಷ್ಟಿಕೋನದ ಪ್ರಕಾರ (Our View), ಈ ಬೆಲೆ ಇಳಿಕೆ ಸಣ್ಣ ಪ್ರಮಾಣದ ಆಭರಣ ಖರೀದಿದಾರರಿಗೆ ಒಂದು ಗೋಲ್ಡನ್ ಚಾನ್ಸ್ ಎನ್ನಬಹುದು. ಯುದ್ಧದ ಭೀತಿ (ಉಕ್ರೇನ್, ಇಸ್ರೇಲ್-ಹಮಾಸ್) ಹಾಗೂ ಅಂತರಾಷ್ಟ್ರೀಯ ಆರ್ಥಿಕ ನೀತಿಗಳು ಚಿನ್ನದ ದರದ ಮೇಲೆ ನಿರಂತರವಾಗಿ ಪರಿಣಾಮ ಬೀರುತ್ತಲೇ ಇರುತ್ತವೆ.

ಹೀಗಾಗಿ ಇನ್ನೂ ಕಮ್ಮಿಯಾಗುತ್ತೆ ಎಂದು ಕಾಯುವ ಬದಲು, ನಿಮ್ಮ ಬಜೆಟ್‌ಗೆ ತಕ್ಕಂತೆ ಸ್ವಲ್ಪ ಸ್ವಲ್ಪವೇ ಚಿನ್ನ ಖರೀದಿಸಿಟ್ಟುಕೊಳ್ಳುವುದು ಅತ್ಯಂತ ಜಾಣತನದ ನಿರ್ಧಾರ. ಮದುವೆ ಇದ್ದವರಂತೂ ಈ ಅವಕಾಶವನ್ನು ಬಳಸಿಕೊಳ್ಳುವುದು ಉತ್ತಮ ಎಂಬುದು ನಮ್ಮ ಅಭಿಪ್ರಾಯ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿ ಬಿತ್ತರಿಸುವುದಿಲ್ಲ.

ಲಿಂಗರಾಜ ರಾಮಪುರ

ಲಿಂಗರಾಜ್ ರಾಮಾಪುರ ಅವರು BCA, MCA ಹಾಗೂ ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯದಿಂದ ಪತ್ರಿಕೋದ್ಯಮದಲ್ಲಿ ಸ್ನಾತಕೋತ್ತರ ಪದವಿ (MA) ಪಡೆದಿದ್ದಾರೆ. ಈ ಹಿಂದೆ ಬೆಂಗಳೂರಿನ Infosys ಮತ್ತು Concentrix ಸಂಸ್ಥೆಗಳಲ್ಲಿ 6 ವರ್ಷಗಳ ಕಾಲ ವೃತ್ತಿಪರ ಅನುಭವ ಹೊಂದಿರುವ ಇವರು, ತಾಂತ್ರಿಕ ಜ್ಞಾನವನ್ನು ಪತ್ರಿಕೋದ್ಯಮಕ್ಕೆ ಅನ್ವಯಿಸಿದ ಪರಿಣತರು.

ವೃತ್ತಿಪರ ಹಾದಿ: 2017 ರಲ್ಲಿ ಐಟಿ ವೃತ್ತಿಜೀವನದ ಜೊತೆಗೇ ಡಿಜಿಟಲ್ ಮಾಧ್ಯಮ ಕ್ಷೇತ್ರಕ್ಕೆ ಕಾಲಿಟ್ಟ ಇವರು, ಪ್ರಸ್ತುತ NeedsOfPublic.in ನ ಎಡಿಟೋರಿಯಲ್ ಸ್ಟ್ರಾಟಜಿಯನ್ನು ಮುನ್ನಡೆಸುತ್ತಿದ್ದಾರೆ. ಡೇಟಾ-ಆಧಾರಿತ ವರದಿಗಾರಿಕೆ, ಮಾರುಕಟ್ಟೆ ವಿಶ್ಲೇಷಣೆ ಮತ್ತು ಸಾರ್ವಜನಿಕರಿಗೆ ಉಪಯುಕ್ತವಾಗುವ ನಿಖರ ಮಾಹಿತಿಯನ್ನು ತಲುಪಿಸುವುದು ಇವರ ಮುಖ್ಯ ಗುರಿ. ಡಿಜಿಟಲ್ ಪತ್ರಿಕೋದ್ಯಮದಲ್ಲಿ ಇವರಿಗೆ 9 ವರ್ಷಗಳ ಸುದೀರ್ಘ ಅನುಭವವಿದೆ.