ಇದೀಗ ಕರ್ನಾಟಕದ ರೈತರಿಗೆ ಮಹತ್ವದ ಅವಕಾಶ ದೊರೆತಿದೆ. ತೋಟಗಾರಿಕೆಯಲ್ಲಿ ನಡೆಯುತ್ತಿರುವ ತಾಂತ್ರಿಕ ಕ್ರಾಂತಿಗೆ ಹಿಮ್ಮುಖವಾಗಿ, ಸರ್ಕಾರವು ಇತ್ತೀಚೆಗೆ ಘೋಷಿಸಿರುವ ವಿಶೇಷ ಯೋಜನೆಯ ಮೂಲಕ ರೈತರು ನವೀನ ತಂತ್ರಜ್ಞಾನಗಳನ್ನು ತಮ್ಮ ಬೆಳೆಗೆ ಅಳವಡಿಸಿ ಇಳುವರಿಯನ್ನು ಹೆಚ್ಚಿಸಿಕೊಳ್ಳಬಹುದು. ತೋಟದಲ್ಲಿ ಹೆಚ್ಚುತ್ತಿರುವ ಕಳೆ ಸಮಸ್ಯೆ, ಬೆಳೆಗಳ ಬೆಳವಣಿಗೆಯ ಮೇಲೆ ಪರಿಣಾಮ ಬೀರುತ್ತಿದೆ. ಈ ಸಮಸ್ಯೆಗೆ ಪರಿಹಾರವಾಗಿ, ಕರ್ನಾಟಕ ರಾಜ್ಯ ತೋಟಗಾರಿಕೆ ಇಲಾಖೆ ‘ವೀಡ್ ಮ್ಯಾಟ್’ ಬಳಕೆಯನ್ನು ಪ್ರೋತ್ಸಾಹಿಸುವ ಯೋಜನೆ ಆರಂಭಿಸಿದೆ. ಈ ಯೋಜನೆಯಡಿ ರೈತರಿಗೆ ಗರಿಷ್ಠ ₹1 ಲಕ್ಷವರೆಗೆ ಸಬ್ಸಿಡಿ ನೀಡಲಾಗುತ್ತದೆ. ಹಾಗಿದ್ದರೆ ಈ ಯೋಜನೆಯ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಹೌದು, ಕೃಷಿಯಲ್ಲಿ ಕಳೆಗಳು (Weeds) ಎಂದರೆ ಶತೃಗಳಿದ್ದಾಗೆ. ಅವು ಬೆಳೆಗಳ ಜೀವಸತ್ವ ಹೀರಿಕೊಳ್ಳುತ್ತವೆ, ನೈಸರ್ಗಿಕ ಸಂಪತ್ತನ್ನು ಹಾಳುಮಾಡುತ್ತವೆ. ಇದರಿಂದ ಬೆಳೆಗಳ ಬೆಳವಣಿಗೆ ಕುಂಟಿತವಾಗುತ್ತದೆ. ಈ ಸಮಸ್ಯೆ, ತೋಟಗಾರಿಕೆಯಲ್ಲಿ (Horticulture) ಹೆಚ್ಚಾಗಿದೆ. ಇನ್ನು, ಹಣ್ಣು, ಹೂ, ತರಕಾರಿಗಳಂತಹ ಬೆಳೆಗಳಿಗೆ ಶುದ್ಧ ಮಣ್ಣು, ನಿಯಂತ್ರಿತ ತೇವಾಂಶ ಮತ್ತು ಕಳೆಯಿಲ್ಲದ ಪರಿಸರ ಅತ್ಯವಶ್ಯಕ. ಈ ಹಿನ್ನಲೆಯಲ್ಲಿ, ಕೃಷಿಗೆ ತಂತ್ರಜ್ಞಾನವನ್ನು ಸಂಯೋಜಿಸಿ, “Weed Mat” ಎಂಬ ತಂತ್ರದ ಮೂಲಕ ಕಳೆ ನಿಯಂತ್ರಣಕ್ಕೆ ಹೊಸ ಆಯಾಮ ನೀಡಲಾಗಿದೆ. ಇದಕ್ಕೆ ಉತ್ತೇಜನವಾಗಿ, ಕರ್ನಾಟಕ ಸರ್ಕಾರ ತೋಟಗಾರಿಕೆ ಇಲಾಖೆಯ ಮೂಲಕ ರೈತರಿಗೆ ₹1 ಲಕ್ಷದವರೆಗೆ ಸಬ್ಸಿಡಿ ನೀಡುವ ಮಹತ್ವದ ಯೋಜನೆಯನ್ನು ಘೋಷಿಸಿದೆ.

ಯೋಜನೆಯ ಉದ್ದೇಶವೇನು?:

ಮಿಷನ್ ಫಾರ್ ಇಂಟಿಗ್ರೇಟೆಡ್ ಡೆವಲಪ್‌ಮೆಂಟ್ ಆಫ್ ಹಾರ್ಟಿಕಲ್ಚರ್ (MIDH) ಯೋಜನೆಯಡಿಯಲ್ಲಿ ಈ ಸಹಾಯಧನ ನೀಡಲಾಗುತ್ತಿದೆ. ಬೆಳೆ ಪ್ರದೇಶದಲ್ಲಿ ಕಳೆ ನಿಯಂತ್ರಣದ ಸಮಸ್ಯೆ ನಿವಾರಣೆಗೆ ವೀಡ್ ಮ್ಯಾಟ್ ಉಪಯೋಗಿಸುವ ರೈತರಿಗೆ ಪ್ರತೀ ಚದರ ಮೀಟರ್‌ಗೆ ₹50 ಸಹಾಯಧನ ದೊರೆಯುತ್ತಿದ್ದು, ಗರಿಷ್ಠ ₹1 ಲಕ್ಷದವರೆಗೆ ಸಬ್ಸಿಡಿ ನೀಡಲಾಗುತ್ತದೆ.

ವೀಡ್ ಮ್ಯಾಟ್ ಎಂದರೇನು?:
ವೀಡ್ ಮ್ಯಾಟ್ ಅಥವಾ Weed Control Mat ಒಂದು ವಿಶೇಷ ರೀತಿಯ ಪಾಲಿಪ್ರೋಪಿಲೀನ್ (Polypropylene) ಕೃತಕ ಜಾಲವಾಗಿದೆ.

ಇದರಿಂದಾಗುವ ಪ್ರಮುಖ ಪ್ರಯೋಜನಗಳು:

ಕಳೆಗಳಿಗೆ ಸೂರ್ಯನ ಬೆಳಕು ತಲುಪುವುದಿಲ್ಲ.
ಕಳೆಗಳ ಬೆಳವಣಿಗೆಯು ತಡೆಗಟ್ಟುತ್ತದೆ.
ಮಣ್ಣಿನ ತಾಪಮಾನ ಸ್ಥಿರವಾಗಿರುತ್ತದೆ.
ತೇವಾಂಶ ಹರಿದು ಹೋಗದಂತೆ ತಡೆಗಟ್ಟುತ್ತದೆ.
ಕೀಟರೋಗಗಳ ನಿಯಂತ್ರಣ ಕೂಡ ಸಾಧ್ಯವಾಗುತ್ತದೆ.
ಶ್ರಮ ಮತ್ತು ವೆಚ್ಚ ಉಳಿತಾಯ.
ಇಳುವರಿ ಹೆಚ್ಚಳ.
ಪರಿಸರ ಸ್ನೇಹಿ ಕೃಷಿಗೆ ಉತ್ತೇಜನ ಸಿಗುತ್ತದೆ.
ಇದರ ಬಳಕೆ ವಿಶೇಷವಾಗಿ ಹಣ್ಣು, ಹೂವು, ತರಕಾರಿಗಳ ತೋಟಗಾರಿಕೆಯಲ್ಲಿ ಯಶಸ್ವಿಯಾಗಿದೆ. ಹಲವಾರು ರೈತರು ಈ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳಲು ಮುಂದಾಗಿದ್ದಾರೆ.

ಅರ್ಜಿ ಸಲ್ಲಿಸುವುದು ಹೇಗೆ?:

ಈ ಯೋಜನೆಯ ಸಬ್ಸಿಡಿಗೆ ಅರ್ಜಿ ಸಲ್ಲಿಸಲು ರೈತರು ತಮ್ಮ ತಾಲ್ಲೂಕಿನ ತೋಟಗಾರಿಕೆ ಕಚೇರಿಗೆ ನೇರವಾಗಿ ಭೇಟಿ ನೀಡಬೇಕು. ಅರ್ಜಿ ಸಲ್ಲಿಸುವ ಮುನ್ನ ರೈತನ ಹೆಸರು ಜಮೀನಿನ ದಾಖಲೆಗಳಲ್ಲಿ ಇರಬೇಕು.
ಜಂಟಿ ಖಾತೆಗಳಿದ್ದಲ್ಲಿ ಇತರ ಸದಸ್ಯರಿಂದ ನೋಟರಿ ಒಪ್ಪಿಗೆಯ ದಾಖಲಾತಿ ಬೇಕಾಗುತ್ತದೆ.
ಮಹಿಳೆಯರ ಹೆಸರಿನಲ್ಲಿ ಖಾತೆಯಿದ್ದರೆ, ಅರ್ಜಿಯನ್ನು ಮಹಿಳೆಯರ ಹೆಸರಿನಲ್ಲಿ ಸಲ್ಲಿಸಲು ಆದ್ಯತೆ ಇದೆ.

ಸಬ್ಸಿಡಿ ಮತ್ತು ಹಣಕಾಸು ಪ್ರೋತ್ಸಾಹ:

ಪ್ರತೀ ಚದರ ಮೀಟರ್‌ಗೆ ₹50 ಸಹಾಯಧನ.
ಗರಿಷ್ಠ ₹1,00,000 ರವರೆಗೆ ಸಬ್ಸಿಡಿ ಪಡೆಯಬಹುದು.
ರೈತರು ತಾವು ಖರೀದಿಸಿದ ವೀಡ್ ಮ್ಯಾಟ್ ಬಳಕೆಯ ಪ್ರಕಾರ ಸಹಾಯಧನ ಪಡೆಯುತ್ತಾರೆ.

ಅರ್ಜಿ ಸಲ್ಲಿಸಲು ಬೇಕಾಗುವ ದಾಖಲೆಗಳು ಯಾವುವು?:

1. ಆಧಾರ್ ಕಾರ್ಡ್.
2. ಪಾಸ್‌ಪೋರ್ಟ್ ಫೋಟೋಗಳು.
2. ತೋಟಗಾರಿಕೆ ಬೆಳೆ ಪ್ರಮಾಣ ಪತ್ರ.
3. ಜಮೀನಿನ ಪಹಣಿ (RTC).
4. ಬ್ಯಾಂಕ್ ಪಾಸ್‌ಬುಕ್‌ ನಕಲು.
5. ಜಮೀನು ಮಾಲೀಕತ್ವದ ದಾಖಲೆ.
6. ಮೊಬೈಲ್ ನಂಬರ್.

ಪ್ರಮುಖ ಸೂಚನೆಗಳು:

ಈ ಯೋಜನೆಗೆ ಆನ್‌ಲೈನ್ ಅಥವಾ ಮಿಡ್ಲ್‌ಮೆನ್‌ ಸೌಲಭ್ಯವಿಲ್ಲ, ನೇರವಾಗಿ ಕಚೇರಿಯಲ್ಲಿಯೇ ಅರ್ಜಿ ಸಲ್ಲಿಸಬೇಕು.
ಯೋಜನೆ ಅನೇಕ ರೈತರಿಗೆ ಈಗಾಗಲೇ ಅನುಕೂಲವಾಗಿದ್ದು, ಹೆಚ್ಚಿನ ಇಳುವರಿ ಮತ್ತು ಆದಾಯ ಪಡೆಯುತ್ತಿದ್ದಾರೆ.

ಒಟ್ಟಾರೆಯಾಗಿ, ಈ ಯೋಜನೆ ತೋಟಗಾರಿಕೆ ಕ್ಷೇತ್ರದಲ್ಲಿ ಹೊಸ ತಂತ್ರಜ್ಞಾನವನ್ನು ಅಳವಡಿಸಲು ಒತ್ತು ನೀಡುತ್ತಿದ್ದು, ರೈತರು ಉತ್ತಮ ಇಳುವರಿಯನ್ನು ಪಡೆದು ತಮ್ಮ ಆದಾಯವನ್ನು ಹೆಚ್ಚಿಸಿಕೊಳ್ಳಬಹುದು. ಕಳೆ ನಿಯಂತ್ರಣದ ಸಮಸ್ಯೆಗೆ ಶಾಶ್ವತ ಪರಿಹಾರ ಕಂಡುಕೊಳ್ಳಲು ಹಾಗೂ ಪರಿಸರ ಸ್ನೇಹಿ ಕೃಷಿಗೆ ಪೂರಕವಾಗಿ, ಈ ಯೋಜನೆ ಮಹತ್ವಪೂರ್ಣ ಹೆಜ್ಜೆ ಎನ್ನಬಹುದು.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

"ನೀಡ್ಸ್ ಆಫ್ ಪಬ್ಲಿಕ್" ನಿಮಗೆ ಆಪ್ತವೇ.? ನಿಖರ ಸುದ್ದಿಗಳು ಮತ್ತು ಉದ್ಯೋಗ ಮಾಹಿತಿ ಎಲ್ಲರಿಗೂ ಉಚಿತವಾಗಿ ತಲುಪುತ್ತಿರಬೇಕೇ.? ನಮಗೆ ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ