ಕಪ್ಪು ಕಲೆಗಟ್ಟಿರುವ ಸ್ವಿಚ್ ಬೋರ್ಡ್ ಗಳನ್ನು ಹೊಸದರಂತೆ ಹೊಳೆಯುವಂತೆ ಮಾಡುವ ಸಿಂಪಲ್ ಟಿಪ್ಸ್ ಇಲ್ಲಿದೆ.!

ನಮ್ಮ ದೇಶದಲ್ಲಿ ದೀಪಾವಳಿ (Deepavali) ಹಬ್ಬವನ್ನು ಅತ್ಯಂತ ಸಂಭ್ರಮದಿಂದ ಆಚರಿಸಲಾಗುತ್ತದೆ. ಈ ಹಬ್ಬದ ಸಮಯದಲ್ಲಿ ಪ್ರತಿಯೊಬ್ಬರೂ ತಮ್ಮ ಮನೆಯನ್ನು ದೀಪಗಳು ಮತ್ತು ಲೈಟಿಂಗ್ಸ್‌ಗಳಿಂದ ಅಲಂಕರಿಸುತ್ತಾರೆ. ಆದರೆ ಅದಕ್ಕೂ ಮೊದಲು ಮನೆಯನ್ನು ಡೀಪ್‌ ಕ್ಲೀನ್ ಮಾಡುವುದು ವಾಡಿಕೆ.ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಲಕ್ಷ್ಮೀ ದೇವಿಯ ಕೃಪೆಗೆ ಪಾತ್ರರಾಗಲು, ಬೆಳಕಿನ ಹಬ್ಬ ದೀಪಾವಳಿಗೂ ಮುನ್ನ ಮನೆಯನ್ನು ಸ್ವಚ್ಛಗೊಳಿಸುವುದು ಹಿಂದಿನಿಂದಲೂ ನಡೆದುಕೊಂಡು ಬಂದ ಸಂಪ್ರದಾಯ. ಈ ಬಾರಿಯ ಹಬ್ಬಕ್ಕೆ ದಿನಗಣನೆ ಶುರುವಾಗಿದ್ದು, ಅನೇಕರು ಈಗಾಗಲೇ ಮನೆಯ ಸ್ವಚ್ಛತಾ ಕಾರ್ಯವನ್ನು ಪ್ರಾರಂಭಿಸಿದ್ದಾರೆ.

ನೀವು ಕೂಡ ಮನೆಯನ್ನು ಸ್ವಚ್ಛಗೊಳಿಸುತ್ತಿದ್ದರೆ, ಸ್ವಿಚ್‌ಬೋರ್ಡ್‌ಗಳ (Switchboards) ಸ್ವಚ್ಛತೆಯ ಕಡೆಗೆ ವಿಶೇಷ ಗಮನ ಕೊಡಿ. ಸಾಮಾನ್ಯವಾಗಿ ಹೆಚ್ಚಿನವರು ಇದರ ಶುಚಿತ್ವದ ಬಗ್ಗೆ ಅಷ್ಟಾಗಿ ತಲೆಕೆಡಿಸಿಕೊಳ್ಳುವುದಿಲ್ಲ. ಆದರೆ ಸ್ವಿಚ್‌ಬೋರ್ಡ್‌ಗಳ ಮೇಲಿನ ಕೊಳೆ ಮತ್ತು ಕಲೆಗಳು ಮನೆಯ ಒಟ್ಟಾರೆ ಅಂದವನ್ನು ಕಡಿಮೆ ಮಾಡುತ್ತವೆ. ಹಾಗಾಗಿ, ಈ ಕೆಲವು ಸುಲಭ ಸಲಹೆಗಳನ್ನು (Deepavali Cleaning Hacks) ಬಳಸಿಕೊಂಡು ಸ್ವಿಚ್‌ಬೋರ್ಡ್‌ಗಳಲ್ಲಿರುವ ಮೊಂಡು ಕಲೆ ಮತ್ತು ಕೊಳೆಯನ್ನು ಸುಲಭವಾಗಿ ತೆಗೆದುಹಾಕಿ ಅವುಗಳನ್ನು ಹೊಸದರಂತೆ ಹೊಳೆಯುವಂತೆ ಮಾಡಬಹುದು.

ಸ್ವಿಚ್‌ಬೋರ್ಡ್‌ ಸ್ವಚ್ಛಗೊಳಿಸುವ ಸರಳ ವಿಧಾನಗಳು

ಟೂತ್‌ಪೇಸ್ಟ್ (Toothpaste):

ಸ್ವಿಚ್‌ಬೋರ್ಡ್‌ ಮೇಲಿನ ಕೊಳೆಯನ್ನು ತೆಗೆದುಹಾಕಲು ಟೂತ್‌ಪೇಸ್ಟ್‌ ಅತ್ಯಂತ ಪರಿಣಾಮಕಾರಿ.

ಸ್ವಲ್ಪ ಟೂತ್‌ಪೇಸ್ಟ್ ಅನ್ನು ಸ್ವಿಚ್‌ಬೋರ್ಡ್‌ಗೆ ಹಚ್ಚಿ.

ನಂತರ, ಹಳೆಯ ಟೂತ್‌ ಬ್ರಷ್‌ನಿಂದ ನಿಧಾನವಾಗಿ ಉಜ್ಜಿ (ಸ್ಕ್ರಬ್ ಮಾಡಿ).

ಕೊನೆಯಲ್ಲಿ ಒಣ ಬಟ್ಟೆಯಿಂದ ಒರೆಸಿದರೆ, ಸ್ವಿಚ್‌ಬೋರ್ಡ್‌ಗಳು ಪಳಪಳನೆ ಹೊಳೆಯುತ್ತವೆ.

ನಿಂಬೆ ಮತ್ತು ಉಪ್ಪು (Lemon and Salt):

ನಿಂಬೆ ರಸ ಮತ್ತು ಉಪ್ಪಿನ ಸಂಯೋಜನೆಯಿಂದಲೂ ಸ್ವಿಚ್‌ಬೋರ್ಡ್‌ಗಳನ್ನು ಸ್ವಚ್ಛಗೊಳಿಸಬಹುದು.

ಅರ್ಧ ನಿಂಬೆ ಹೋಳು ತೆಗೆದುಕೊಂಡು ಅದಕ್ಕೆ ಸ್ವಲ್ಪ ಪುಡಿ ಉಪ್ಪನ್ನು ಹಾಕಿ.

ಈ ಮಿಶ್ರಣವನ್ನು ಸ್ವಿಚ್‌ಬೋರ್ಡ್‌ ಮೇಲೆ ನಿಧಾನವಾಗಿ ಸ್ಕ್ರಬ್ ಮಾಡಿ.

ಪ್ರಮುಖ ಸೂಚನೆ: ಸ್ವಚ್ಛಗೊಳಿಸುವಾಗ ಎಲ್ಲಾ ಸ್ವಿಚ್‌ಗಳು ಆಫ್ ಆಗಿರುವಂತೆ ನೋಡಿಕೊಳ್ಳಿ.

ಬಿಳಿ ವಿನೆಗರ್ (White Vinegar):

ಬಿಳಿ ವಿನೆಗರ್ ಸಹ ಮೊಂಡು ಕಲೆಗಳನ್ನು ತೆಗೆಯಲು ಸಹಾಯ ಮಾಡುತ್ತದೆ.

ಸ್ಪ್ರೇ ಬಾಟಲಿಯಲ್ಲಿ ಸಮಾನ ಪ್ರಮಾಣದ ಬಿಳಿ ವಿನೆಗರ್ ಮತ್ತು ನೀರನ್ನು ಮಿಶ್ರಣ ಮಾಡಿ.

ಈ ದ್ರಾವಣವನ್ನು ನೇರವಾಗಿ ಸ್ವಿಚ್‌ಗಳ ಮೇಲೆ ಸಿಂಪಡಿಸುವ ಬದಲು, ಸ್ವಚ್ಛವಾದ ಹತ್ತಿ ಬಟ್ಟೆಗೆ ಸಿಂಪಡಿಸಿ.

ನಂತರ, ಬಟ್ಟೆಯಿಂದ ಬೋರ್ಡ್ ಅನ್ನು ನಿಧಾನವಾಗಿ ಒರೆಸಿ. ಈ ದ್ರಾವಣವು ಕಲೆಗಳನ್ನು ತೆಗೆದುಹಾಕಲು ಬಹಳ ಉಪಯುಕ್ತವಾಗಿದೆ.

ಅಡಿಗೆ ಸೋಡಾ (Baking Soda):

ಕಡು ಕೊಳೆ ಇದ್ದರೆ, ಅಡಿಗೆ ಸೋಡಾ ಬಳಸಿ.

ಅಡಿಗೆ ಸೋಡಾವನ್ನು ಸ್ವಲ್ಪ ನೀರಿನೊಂದಿಗೆ ಬೆರೆಸಿ ದಪ್ಪ ಪೇಸ್ಟ್ ತಯಾರಿಸಿ.

ಈ ಪೇಸ್ಟ್ ಅನ್ನು ಕೊಳೆ ಇರುವ ಜಾಗಕ್ಕೆ ಹಚ್ಚಿ ಸ್ವಲ್ಪ ಸಮಯ ಹಾಗೆಯೇ ಬಿಡಿ.

ನಂತರ, ಮೃದುವಾದ ಬ್ರಷ್‌ನಿಂದ ನಿಧಾನವಾಗಿ ಸ್ಕ್ರಬ್ ಮಾಡಿ.

ಕೊನೆಯಲ್ಲಿ, ಒಣ ಬಟ್ಟೆಯಿಂದ ಚೆನ್ನಾಗಿ ಒರೆಸಿ. ಇದರಿಂದ ಕಲೆಗಳು ಸುಲಭವಾಗಿ ಮಾಯವಾಗುತ್ತವೆ.

ಸುರಕ್ಷತೆ ಮತ್ತು ಜಾಗರೂಕತೆ

ಸ್ವಿಚ್‌ಬೋರ್ಡ್‌ಗಳನ್ನು ಸ್ವಚ್ಛಗೊಳಿಸುವಾಗ ಸುರಕ್ಷತೆಗೆ ಹೆಚ್ಚಿನ ಗಮನ ನೀಡಿ.

ಯಾವುದೇ ಕಾರಣಕ್ಕೂ ನೀರು ಅಥವಾ ದ್ರಾವಣಗಳು ನೇರವಾಗಿ ಸ್ವಿಚ್‌ಗಳ ಒಳಗೆ ಹೋಗದಂತೆ ಎಚ್ಚರವಹಿಸಿ.

ಸ್ವಚ್ಛತಾ ಕಾರ್ಯವನ್ನು ಪ್ರಾರಂಭಿಸುವ ಮೊದಲು ವಿದ್ಯುತ್ ಸಂಪರ್ಕವನ್ನು ಕಡಿತಗೊಳಿಸುವುದು ಅತ್ಯಗತ್ಯ.

ದೀಪಾವಳಿಯ ಶುಚಿಗೊಳಿಸುವಿಕೆಯ ಜೊತೆಗೆ, ಪ್ರತಿ 15 ದಿನಗಳಿಗೊಮ್ಮೆ ಸ್ವಿಚ್‌ಬೋರ್ಡ್‌ಗಳನ್ನು ಲಘುವಾಗಿ ಸ್ವಚ್ಛಗೊಳಿಸುವ ಅಭ್ಯಾಸ ಮಾಡಿಕೊಂಡರೆ, ಅವು ಯಾವಾಗಲೂ ಹೊಸದರಂತೆ ಹೊಳೆಯುತ್ತಿರುತ್ತವೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.