ಎಲ್‌ಐಸಿ ಗೋಲ್ಡನ್ ಜುಬಿಲಿ ವಿದ್ಯಾರ್ಥಿವೇತನ 2025: ವಾರ್ಷಿಕ ಬರೋಬ್ಬರಿ 40,000 ರೂ. ವರೆಗೆ ಆರ್ಥಿಕ ನೆರವು.!

ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ) ತನ್ನ ಸುವರ್ಣ ಮಹೋತ್ಸವ (ಗೋಲ್ಡನ್ ಜುಬಿಲಿ) ವಿದ್ಯಾರ್ಥಿವೇತನ ಯೋಜನೆ 2025-26ಕ್ಕೆ ಅರ್ಜಿಗಳನ್ನು ಆಹ್ವಾನಿಸಿದೆ. ಈ ಯೋಜನೆಯು ಆರ್ಥಿಕವಾಗಿ ದುರ್ಬಲವಾದ ಪರಿವಾರಗಳಲ್ಲಿ ಶೈಕ್ಷಣಿಕವಾಗಿ ಪ್ರತಿಭಾನ್ವಿತ ವಿದ್ಯಾರ್ಥಿಗಳಿಗೆ ಉನ್ನತ ಶಿಕ್ಷಣವನ್ನು ಪಡೆಯುವಲ್ಲಿ ಆರ್ಥಿಕ ನೆರವು ನೀಡುವ ಉದ್ದೇಶ ಹೊಂದಿದೆ.ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಯೋಜನೆಯ ವಿವರ:

ಎಲ್‌ಐಸಿ ಗೋಲ್ಡನ್ ಜುಬಿಲಿ ವಿದ್ಯಾರ್ಥಿವೇತನ ಯೋಜನೆಯು ಪ್ರಧಾನವಾಗಿ ಎರಡು ವಿಭಾಗಗಳಲ್ಲಿ ನೀಡಲಾಗುತ್ತದೆ: ‘ಸಾಮಾನ್ಯ ವಿದ್ಯಾರ್ಥಿವೇತನ’ ಮತ್ತು ‘ಹೆಣ್ಣು ಮಗುವಿಗೆ ವಿಶೇಷ ವಿದ್ಯಾರ್ಥಿವೇತನ’. ಈ ವಿದ್ಯಾರ್ಥಿವೇತನವು ವಿದ್ಯಾರ್ಥಿಯು ಓದುತ್ತಿರುವ ಪಠ್ಯಕ್ರಮದ ಪ್ರಕಾರ ವಾರ್ಷಿಕ ರೂ. 15,000 ರಿಂದ ರೂ. 40,000 ರವರೆಗಿನ ಆರ್ಥಿಕ ಸಹಾಯವನ್ನು ಒದಗಿಸುತ್ತದೆ.

ವಿದ್ಯಾರ್ಥಿವೇತನದ ಮೊತ್ತ:

ವೈದ್ಯಕೀಯ ಪದವಿ ಪಠ್ಯಕ್ರಮಗಳು (MBBS, BDS, BAMS, BHMS, ಇತ್ಯಾದಿ): ಪ್ರತಿ ವಿದ್ಯಾರ್ಥಿಗೆ ವಾರ್ಷಿಕ ರೂ. 40,000 (ಸಾಮಾನ್ಯವಾಗಿ ಎರಡು ಸಮಾನ ಕಂತುಗಳಲ್ಲಿ).

ಎಂಜಿನಿಯರಿಂಗ್ ಪದವಿ ಪಠ್ಯಕ್ರಮಗಳು (B.E., B.Tech, B.Arch, ಇತ್ಯಾದಿ): ಪ್ರತಿ ವಿದ್ಯಾರ್ಥಿಗೆ ವಾರ್ಷಿಕ ರೂ. 30,000.

ಇತರೆ ಪದವಿ, ಡಿಪ್ಲೊಮಾ, ವೃತ್ತಿಪರ ಮತ್ತು ಐಟಿಐ ಕೋರ್ಸ್ ಗಳು: ಪ್ರತಿ ವಿದ್ಯಾರ್ಥಿಗೆ ವಾರ್ಷಿಕ ರೂ. 20,000.

ಹೆಣ್ಣು ಮಗುವಿಗೆ ವಿಶೇಷ ವಿದ್ಯಾರ್ಥಿವೇತನ (10+2, ಇಂಟರ್, ಡಿಪ್ಲೊಮಾ, ವೃತ್ತಿಪರ ಕೋರ್ಸ್ ಗಳಿಗೆ): ಪ್ರತಿ ವಿದ್ಯಾರ್ಥಿಗೆ ವಾರ್ಷಿಕ ರೂ. 15,000 (ಕೋರ್ಸ್ ಅವಧಿಯು ಎರಡು ವರ್ಷಗಳಾಗಿದ್ದರೆ).

ಅರ್ಹತಾ ಮಾನದಂಡಗಳು:

ಸಾಮಾನ್ಯ ವಿದ್ಯಾರ್ಥಿವೇತನ:

ಅರ್ಜಿದಾರರು 2022-23, 2023-24, ಅಥವಾ 2024-25 ಶೈಕ್ಷಣಿಕ ವರ್ಷದಲ್ಲಿ ಕನಿಷ್ಠ 60% ಅಂಕಗಳೊಂದಿಗೆ SSLC/10ನೇ ತರಗತಿ ಅಥವಾ ಡಿಪ್ಲೊಮಾ ಪೂರ್ಣಗೊಳಿಸಿರಬೇಕು.

ಅರ್ಜಿದಾರರು 2025-26 ಶೈಕ್ಷಣಿಕ ವರ್ಷದಲ್ಲಿ ವೈದ್ಯಕೀಯ, ಎಂಜಿನಿಯರಿಂಗ್, ಪದವಿ, ಡಿಪ್ಲೊಮಾ, ಅಥವಾ ಇತರೆ ಮಾನ್ಯತೆಪ್ರಾಪ್ತ ವೃತ್ತಿಪರ ಕೋರ್ಸ್ ಗಳ ಮೊದಲ ವರ್ಷದಲ್ಲಿ ಪ್ರವೇಶ ಪಡೆದಿರಬೇಕು.

ಅರ್ಜಿದಾರರ ಪೋಷಕರ/ರಕ್ಷಕರ ವಾರ್ಷಿಕ ಆದಾಯ ರೂ. 4,50,000 (ನಾಲ್ಕು ಲಕ್ಷ ಐವತ್ತು ಸಾವಿರ ರೂಪಾಯಿ) ಗಿಂತ ಕಡಿಮೆ ಇರಬೇಕು.

ಹೆಣ್ಣು ಮಗುವಿಗೆ ವಿಶೇಷ ವಿದ್ಯಾರ್ಥಿವೇತನ:

ಅರ್ಜಿದಾರರು ಕಳೆದ ಮೂರು ಶೈಕ್ಷಣಿಕ ವರ್ಷಗಳ ಒಳಗೆ (2022-23, 2023-24, ಅಥವಾ 2024-25) ಕನಿಷ್ಠ 60% ಅಂಕಗಳೊಂದಿಗೆ SSLC/10ನೇ ತರಗತಿ ಉತ್ತೀರ್ಣರಾಗಿರಬೇಕು.

ಅರ್ಜಿದಾರರು 2025-26 ಶೈಕ್ಷಣಿಕ ವರ್ಷದಲ್ಲಿ ಇಂಟರ್ ಮೀಡಿಯೇಟ್ (10+2), ಡಿಪ್ಲೊಮಾ, ವೃತ್ತಿಪರ, ಅಥವಾ ಐಟಿಐ ಕೋರ್ಸ್ ಗಳಲ್ಲಿ ಪ್ರವೇಶ ಪಡೆದಿರಬೇಕು.

ಪೋಷಕರ/ರಕ್ಷಕರ ವಾರ್ಷಿಕ ಆದಾಯ ರೂ. 4,50,000 ಗಿಂತ ಕಡಿಮೆ ಇರಬೇಕು.

ಅರ್ಜಿ ಸಲ್ಲಿಸುವ ವಿಧಾನ:

ಅರ್ಜಿದಾರರು ಎಲ್‌ಐಸಿಯ ಅಧಿಕೃತ ವೆಬ್ ಸೈಟ್ licindia.in ಗೆ ಭೇಟಿ ನೀಡಬೇಕು.

ಹೋಮ್ ಪೇಜ್ ನಲ್ಲಿ ‘Scholarships’ ಅಥವಾ ‘ವಿದ್ಯಾರ್ಥಿವೇತನ’ ವಿಭಾಗವನ್ನು ಹುಡುಕಿ ಮತ್ತು ‘Golden Jubilee Scholarship Scheme 2025-26’ ಲಿಂಕ್ ಅನ್ನು ಕ್ಲಿಕ್ ಮಾಡಿ.

ಆನ್ ಲೈನ್ ಅರ್ಜಿ ಫಾರಮ್ ಅನ್ನು ಎಚ್ಚರಿಕೆಯಿಂದ ಮತ್ತು ಸರಿಯಾದ ವಿವರಗಳೊಂದಿಗೆ ಪೂರೈಸಬೇಕು.

ಅಗತ್ಯವಿರುವ ದಾಖಲೆಗಳ ಸ್ಕ್ಯಾನ್ ಕಾಪಿ (ಆದಾಯ ಪ್ರಮಾಣಪತ್ರ, 10ನೇ ತರಗತಿಯ ಮಾರ್ಕ್ಸ್ ಕಾರ್ಡ್, ಪ್ರವೇಶ ಪತ್ರ/ಆರ್ಥಿಕ ವರ್ಷದ ಫೀಜ್ ರಸೀದಿ, ಇತ್ಯಾದಿ) ಅಪ್ಲೋಡ್ ಮಾಡಬೇಕು.

ಎಲ್ಲಾ ವಿವರಗಳನ್ನು ಪರಿಶೀಲಿಸಿದ ನಂತರ ಅರ್ಜಿಯನ್ನು ಸಬ್ಮಿಟ್ ಮಾಡಬೇಕು.

ಪ್ರಮುಖ ದಿನಾಂಕಗಳು:

ಅರ್ಜಿ ಸಲ್ಲಿಸಲು ಆರಂಭ ದಿನಾಂಕ: ಆಗಸ್ಟ್ 28, 2025

ಅರ್ಜಿ ಸಲ್ಲಿಸಲು ಅಂತಿಮ ದಿನಾಂಕ: ಸೆಪ್ಟೆಂಬರ್ 22, 2025

ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿವೇತನದ ಮೊತ್ತವನ್ನು NEFT ಮೂಲಕ ನೇರವಾಗಿ ಅವರ ಬ್ಯಾಂಕ್ ಖಾತೆಗೆ ಹಣವನ್ನು ಜಮಾ ಮಾಡಲಾಗುವುದು.

ಹೆಚ್ಚಿನ ಮಾಹಿತಿ ಮತ್ತು ಅಧಿಕೃತ ಅಧಿಸೂಚನೆಯನ್ನು ಡೌನ್ಲೋಡ್ ಮಾಡಲು ಎಲ್‌ಐಸಿ ವೆಬ್ ಸೈಟ್ ಭೇಟಿ ನೀಡಬಹುದು.

ಲಿಂಕ್: licindia.in

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.