60 ಸೆಕೆಂಡುಗಳಲ್ಲಿ ಹೈ ಬಿಪಿಯನ್ನು ನಿಯಂತ್ರಣಕ್ಕೆ ತರಬಹುದೆ? ಈ 3 ಸುಲಭ ಯೋಗ ಪಾಠಗಳು ಆರೋಗ್ಯಕ್ಕೆ ವರದಾನ!

ಅಧಿಕ ರಕ್ತದೊತ್ತಡ (Hypertension) ಎಂಬುದು ಇಂದಿನ ವೇಗದ ಜೀವನಶೈಲಿಯಲ್ಲಿ ಸಾಕಷ್ಟು ಸಾಮಾನ್ಯವಾಗಿರುವ ಆರೋಗ್ಯ ಸಮಸ್ಯೆಯಾಗಿದೆ. ಅದು “ಸೈಲೆಂಟ್ ಕಿಲ್ಲರ್” (Silent Killer) ಎಂಬ ಹೆಸರನ್ನು ಪಡೆದಿದ್ದು, ಕೆಲವೊಮ್ಮೆ ಯಾವುದೇ ಲಕ್ಷಣಗಳಿಲ್ಲದೆಯೇ ಅನೇಕ ಜೀವಮಾನದ ವ್ಯಾಧಿಗಳಿಗೆ ದಾರಿ ತೋರುತ್ತದೆ. ಭಾರತದಲ್ಲಿ ಪ್ರತಿವರ್ಷ ಲಕ್ಷಾಂತರ ಜನರು ಬಿಪಿ ಸಮಸ್ಯೆಯಿಂದಾಗಿ ಹೃದಯಾಘಾತ, ಕಿಡ್ನಿ ವೈಫಲ್ಯ ಹಾಗೂ ಸ್ಟ್ರೋಕ್‌ಗಳಿಗೆ (For kidney failure and strokes) ಒಳಗಾಗುತ್ತಿದ್ದಾರೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಇಂತಹ ಸಂದರ್ಭದಲ್ಲೇ, ನಮ್ಮ ದೈನಂದಿನ ಜೀವನದಲ್ಲಿ ಕೆಲವೊಂದು ಸರಳ ಮತ್ತು ಶಾಂತ ಉಸಿರಾಟ, ಧ್ಯಾನ ಹಾಗೂ ಶರೀರದ ವಿಶ್ರಾಂತಿ ವಿಧಾನಗಳನ್ನು ಅಳವಡಿಸಿಕೊಂಡರೆ, ಬಿಪಿ ಸಮಸ್ಯೆ(BP problem) ತಕ್ಷಣಕ್ಕೆ ನಿಯಂತ್ರಣಕ್ಕೆ ಬರುವುದಲ್ಲದೆ, ಶಾಶ್ವತವಾಗಿ ಆರೋಗ್ಯಕರ ಜೀವನವನ್ನೂ ಕಾಪಾಡಿಕೊಳ್ಳಬಹುದು. ಈ ಕುರಿತು ದಿ ಯೋಗ ಇನ್‌ಸ್ಟಿಟ್ಯೂಟ್‌ನ ನಿರ್ದೇಶಕ ಡಾ. ಹಂಸಜಿ ಯೋಗೇಂದ್ರ (Dr. Hansji Yogendra, Director of The Yoga Institute) ಅವರು ನೀಡಿರುವ ಮಾರ್ಗದರ್ಶನ ಅತ್ಯಂತ ಪರಿಣಾಮಕಾರಿಯಾಗಿದ್ದು, ಅವರ ಪ್ರಕಾರ, ಕೇವಲ 60 ಸೆಕೆಂಡುಗಳಲ್ಲಿ ರಕ್ತದೊತ್ತಡವನ್ನು ನಿಯಂತ್ರಿಸಲು ಸಾಧ್ಯವಾಗುವ 3 ಮುಖ್ಯ ತಂತ್ರಗಳನ್ನು ಎಲ್ಲರೂ ಅಳವಡಿಸಿಕೊಳ್ಳಬಹುದು.

1. ಯೋಗೇಂದ್ರ ಪ್ರಾಣಾಯಾಮ 1 – ಉಸಿರಾಟದ ಶಕ್ತಿ

ಡಾ. ಹಂಸಜಿ ಯೋಗೇಂದ್ರ ಅವರ ಪ್ರಕಾರ, ‘ಯೋಗೇಂದ್ರ ಪ್ರಾಣಾಯಾಮ 1’ ಎಂಬ ಶ್ವಾಸ ಕಸರತ್ತು ತಕ್ಷಣದ ಒತ್ತಡವನ್ನು ಕಡಿಮೆ ಮಾಡುತ್ತದೆ. ಈ ಪ್ರಾಣಾಯಾಮವು ನಮ್ಮ ಸ್ವಾಯತ್ತ ನರವ್ಯವಸ್ಥೆಯ (Autonomic Nervous System) ಮೇಲೆ ಪರಿಣಾಮ ಬೀರುತ್ತದೆ, ಹೃದಯ ಬಡಿತವನ್ನು ಸಮತೋಲನಗೊಳಿಸುತ್ತದೆ ಮತ್ತು ಮನಸ್ಸಿಗೆ ಶಾಂತಿಯನ್ನು ನೀಡುತ್ತದೆ.

ಮಾಡುವ ವಿಧಾನ ಹೀಗಿದೆ:
4 ಎಣಿಸುವವರೆಗೆ ನಿಧಾನವಾಗಿ ಉಸಿರನ್ನು ಒಳಗೆಳೆದುಕೊಳ್ಳಿ.
ಕೆಲವೇ ಕ್ಷಣಗಳ ಕಾಲ ಉಸಿರನ್ನು ಹಿಡಿದುಕೊಳ್ಳಿ.
ಮತ್ತೆ 4 ಎಣಿಸುವವರೆಗೆ ಉಸಿರನ್ನು ಹೊರಬಿಡಿ.
ಈ ಪ್ರಕ್ರಿಯೆಯನ್ನು 1 ನಿಮಿಷ ಪುನರಾವರ್ತಿಸಿ.

2. ಮುಖದ ಮೇಲೆ ತಣ್ಣೀರು ಸಿಂಪಡಿಸುವುದು- ದೈಹಿಕ ಪ್ರತಿಕ್ರಿಯೆಯ (Physical reaction) ಶಕ್ತಿಯ ಬಳಕೆ:

ಯಾವುದೇ ತುರ್ತು ಪರಿಸ್ಥಿತಿಯಲ್ಲಿ ರಕ್ತದೊತ್ತಡವನ್ನು ತಕ್ಷಣಕ್ಕೆ ಇಳಿಸುವ ಸರಳ ಮಾರ್ಗವೆಂದರೆ ನಿಮ್ಮ ಮುಖದ ಮೇಲೆ ತಣ್ಣೀರನ್ನು ಸಿಂಪಡಿಸುವುದು. ಇದು ‘ಮ್ಯಾಮಲಿಯನ್ ಡೈವ್ ರಿಫ್ಲೆಕ್ಸ್’ (Mammalian dive reflex) ಅನ್ನು ಉದ್ದೀಪನಗೊಳಿಸಿ ಹೃದಯ ಬಡಿತವನ್ನು ನಿಧಾನಗೊಳಿಸುತ್ತದೆ.

ಮಾಡುವ ವಿಧಾನ ಹೀಗಿದೆ:
ತಣ್ಣೀರನ್ನು ನಿಮ್ಮ ಮುಖದ ಮೇಲೆ, ವಿಶೇಷವಾಗಿ ಕಣ್ಣು, ಹಣೆ ಮತ್ತು ಕೆನ್ನೆಗಳ ಮೇಲೆ ಸಿಂಪಡಿಸಿ.
ಬಯಸಿದರೆ ತಣ್ಣೀರಿನಲ್ಲಿ ತೊಳೆದ ಬಟ್ಟೆಯನ್ನು ಮುಖದ ಮೇಲೆ ಇಟ್ಟುಕೊಳ್ಳಬಹುದು.
ಇದು ತಕ್ಷಣದ ಶಮನವನ್ನು ಒದಗಿಸುತ್ತದೆ.

3. ತ್ವರಿತ ಪ್ರಗತಿಶೀಲ ಸ್ನಾಯು ವಿಶ್ರಾಂತಿ (PMR) – ದೇಹ ಮತ್ತು ಮನಸ್ಸಿನ ವಿಶ್ರಾಂತಿಯ ಸಮನ್ವಯ:

ಈ ತಂತ್ರದಲ್ಲಿ ದೇಹದ ವಿವಿಧ ಭಾಗಗಳ ಸ್ನಾಯುಗಳನ್ನು ಕ್ರಮವಾಗಿ ಬಿಗಿಗೊಳಿಸಿ ನಂತರ ವಿಶ್ರಾಂತಿ (rest) ನೀಡಲಾಗುತ್ತದೆ. ಇದು ದೈಹಿಕ ಒತ್ತಡವನ್ನು ಕಡಿಮೆ ಮಾಡುವ ಮೂಲಕ ಮನಸ್ಸಿಗೂ ಶಾಂತಿಯನ್ನು ನೀಡುತ್ತದೆ.

ಮಾಡುವ ವಿಧಾನ ಹೀಗಿದೆ:
ಮುಷ್ಟಿಯನ್ನು ಬಿಗಿಗೊಳಿಸಿ – 5 ಸೆಕೆಂಡು.
ಬಿಡುಗಡೆ ಮಾಡಿ – 30 ಸೆಕೆಂಡು.
ಭುಜಗಳನ್ನು ಎತ್ತಿ – 5 ಸೆಕೆಂಡು, ನಂತರ ಬಿಟ್ಟಿಡಿ.
ಕಾಲು ಬೆರಳುಗಳನ್ನು ಬಿಗಿಗೊಳಿಸಿ, ನಂತರ ಬಿಡಿ.
ಈ ಪ್ರಕ್ರಿಯೆಯಿಂದ ಶರೀರದ ಶಾಂತ ಸ್ಥಿತಿಗೆ ಪ್ರೇರಣೆಯಾಗುತ್ತದೆ

ಹೆಚ್ಚು ಪರಿಣಾಮಕಾರಿಯಾಗಲು ಈ ಐದು ದೈನಂದಿನ ಅಭ್ಯಾಸಗಳು:

1. ಸಮತೋಲಿತ ಉಪ್ಪು ಸೇವನೆ – ಬಿಳಿ ಉಪ್ಪು ಬದಲಿಗೆ ಕಪ್ಪು ಅಥವಾ ಕಲ್ಲು ಉಪ್ಪನ್ನು ಬಳಸುವುದು ಉತ್ತಮ.
2. ನಿಯಮಿತ ವ್ಯಾಯಾಮ – ಪ್ರತಿದಿನ ಕನಿಷ್ಠ 30 ನಿಮಿಷಗಳ ಕಾಲ ನಡೆಯುವುದು ಅಥವಾ ಲಘು ಯೋಗ ಮಾಡುವುದು.
3. ಧ್ಯಾನ ಮತ್ತು ಯೋಗ – ದಿನದಂತೆ ಕೆಲ ನಿಮಿಷ ಧ್ಯಾನ, ಪ್ರಾಣಾಯಾಮ ಅಥವಾ ಯೋಗ ಅಭ್ಯಾಸ(Pranayama or yoga practice).
4. ಊಟ, ನಿದ್ರೆ ಶಿಸ್ತು – ರಾತ್ರಿ ಕನಿಷ್ಠ 7-8 ಗಂಟೆಗಳ ನಿದ್ರೆ ಅತ್ಯಗತ್ಯ.
5. ಬಿಪಿ ಮೇಲ್ವಿಚಾರಣೆ – ನಿಯಮಿತವಾಗಿ ರಕ್ತದೊತ್ತಡವನ್ನು ಪರಿಶೀಲಿಸಿ ಮತ್ತು ಅಗತ್ಯವಿದ್ದರೆ ವೈದ್ಯರ ಸಲಹೆ ಪಡೆಯುವುದು.

ಹೆಚ್ಚು ವ್ಯಾಯಾಮ, ಹೆಚ್ಚು ಔಷಧಿಗಳು ಅಥವಾ ಹೆಚ್ಚಿನ ವೆಚ್ಚವಿಲ್ಲದೆ ನಿಮ್ಮ ರಕ್ತದೊತ್ತಡವನ್ನು ಕೇವಲ 60 ಸೆಕೆಂಡುಗಳಲ್ಲಿ ನಿಯಂತ್ರಿಸಲು ಈ ತಂತ್ರಗಳು ಸಹಾಯಕವಾಗುತ್ತವೆ. ಆದರೆ, ಇದು ತಾತ್ಕಾಲಿಕ ಪರಿಹಾರವಾಗಿದ್ದು(It is a temporary solution), ದೀರ್ಘಕಾಲದ ಆರೋಗ್ಯಕ್ಕಾಗಿ ನಿಯಮಿತ ಜೀವನ ಶೈಲಿ, ಸಮತೋಲನ ಆಹಾರ ಮತ್ತು ಯೋಗ ಅಭ್ಯಾಸವೇ ಬಿಪಿಯನ್ನು ನಿಭಾಯಿಸಲು ನಿಜವಾದ ಮಾರ್ಗ.

ಸ್ವಸ್ಥ ಮನಸ್ಸು, ಸ್ವಸ್ಥ ದೇಹ – ಬಿಪಿ ನಿವಾರಣೆಯ ಮೊತ್ತಮೊದಲ ಔಷಧಿ!

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

"ನೀಡ್ಸ್ ಆಫ್ ಪಬ್ಲಿಕ್" ನಿಮಗೆ ಆಪ್ತವೇ.? ನಿಖರ ಸುದ್ದಿಗಳು ಮತ್ತು ಉದ್ಯೋಗ ಮಾಹಿತಿ ಎಲ್ಲರಿಗೂ ಉಚಿತವಾಗಿ ತಲುಪುತ್ತಿರಬೇಕೇ.? ನಮಗೆ ಬೆಂಬಲಿಸಲು ಇಲ್ಲಿ ಕ್ಲಿಕ್ ಮಾಡಿ