LPG ಸಿಲಿಂಡರ್‌ ಮನೆ ಡೆಲಿವರಿಗೆ ಗ್ರಾಹಕರು ಶುಲ್ಕ ಕೊಡಬೇಕಿಲ್ಲ; ಸರ್ಕಾರದ ಮಹತ್ವದ ಆದೇಶ.! 

ಗೃಹಬಳಕೆಯ LPG ಬಳಕೆದಾರರ ಪಾಲಿಗೆ ಒಂದು ಅತ್ಯುತ್ತಮ ಸುದ್ದಿ. ಮನೆ ಬಾಗಿಲಿಗೆ ಗ್ಯಾಸ್ ಸಿಲಿಂಡರ್ ತಲುಪಿಸುವಾಗ ಡೆಲಿವರಿ ಸಿಬ್ಬಂದಿ ಹೆಚ್ಚುವರಿ ಹಣ ಪಡೆಯುವುದು ಅನೇಕ ಕಡೆಗಳಲ್ಲಿ ಸಾಮಾನ್ಯ ಅಭ್ಯಾಸವಾಗಿತ್ತು. ಒಂದು ಸಿಲಿಂಡರ್‌ಗೆ ₹30-₹50 ಅಥವಾ ಅದಕ್ಕಿಂತಲೂ ಹೆಚ್ಚು ಹಣಕ್ಕೆ ಬೇಡಿಕೆ ಇಡುತ್ತಿದ್ದಾರೆ ಎಂದು ದೂರುಗಳು ಬರುತ್ತಲೇ ಇದ್ದವು. ಇನ್ನು ಮುಂದೆ ಈ ಸಮಸ್ಯೆ ಇರುವುದಿಲ್ಲ. ಸರ್ಕಾರ ಮತ್ತು ಸಂಬಂಧಿತ ಇಲಾಖೆಗಳು ಈ ಬಗ್ಗೆ ಸ್ಪಷ್ಟ ನಿರ್ದೇಶನ ನೀಡಿದ್ದು, ಗ್ರಾಹಕರಿಗೆ ಒಂದು ದೊಡ್ಡ ನೆಮ್ಮದಿ ಸಿಕ್ಕಿದಂತಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಎಲ್‌ಪಿಜಿ ಗ್ರಾಹಕರಿಗೆ ಸಿಹಿ ಸುದ್ದಿ

ಇನ್ನು ಮುಂದೆ ಗೃಹಬಳಕೆಯ ಎಲ್‌ಪಿಜಿ ಸಿಲಿಂಡರ್‌ ಮನೆ ಬಾಗಿಲಿಗೇ ಬಂದರೂ, ಗ್ರಾಹಕರು ಹೆಚ್ಚುವರಿ ಹಣ ಪಾವತಿಸುವ ಅಗತ್ಯವಿಲ್ಲ. ಬಿಲ್‌ನಲ್ಲಿ ನಮೂದಾಗಿರುವ ಮೊತ್ತವನ್ನಷ್ಟೇ ಕೊಡುವುದು ಸಾಕು. ಅಂದರೆ ಡೆಲಿವರಿ ಸಿಬ್ಬಂದಿ ಹೆಚ್ಚುವರಿ ಹಣ ಕೇಳಿದರೆ, ಅದು ನಿಯಮ ಉಲ್ಲಂಘನೆ.

ಉಚಿತ ಡೆಲಿವರಿ ನಿಯಮ(Free delivery policy):

5 ಕಿ.ಮೀ ವ್ಯಾಪ್ತಿಯೊಳಗೆ ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ ಉಚಿತವಾಗಿ ಸಿಲಿಂಡರ್‌ ತಲುಪಿಸಬೇಕು.

5 ಕಿ.ಮೀಗಿಂತ ದೂರದಲ್ಲಿ ಮಾತ್ರವೇ ಹೆಚ್ಚುವರಿ ಡೆಲಿವರಿ ಶುಲ್ಕ ವಿಧಿಸಬಹುದು. ಅದೂ ಕೇವಲ ಪ್ರತಿ ಕಿ.ಮೀಗೆ 1.60 ಪೈಸೆ ಮಾತ್ರ.

ಅಂದರೆ ದೂರದ ಕಾರಣವಿಲ್ಲದೆ ಹೆಚ್ಚು ಹಣ ಕೇಳುವುದು ಸಂಪೂರ್ಣ ಕಾನೂನುಬಾಹಿರ.

ಏಜೆನ್ಸಿಗಳಿಗೆ ಕಟ್ಟುನಿಟ್ಟಿನ ನಿಯಮ(Strict rules for agencies)

ಗ್ಯಾಸ್ ಏಜೆನ್ಸಿಗಳು ನೇರವಾಗಿ ಗ್ರಾಹಕರ ಮನೆಗೆ ಅಥವಾ ಅವರ ವಿಳಾಸಕ್ಕೆ ಮಾತ್ರ ಸಿಲಿಂಡರ್‌ ಪೂರೈಕೆ ಮಾಡಬೇಕು.

ರಸ್ತೆ ಬದಿ, ಮೈದಾನ ಅಥವಾ ಸಾರ್ವಜನಿಕ ಸ್ಥಳಗಳಲ್ಲಿ ಸಿಲಿಂಡರ್‌ ಮಾರಾಟ ಮಾಡುವಂತಿಲ್ಲ.

ಗ್ರಾಹಕರು ತಮ್ಮ ಹಕ್ಕಿನ ಬೆಲೆಗೆ ಮಾತ್ರ ಸಿಲಿಂಡರ್‌ ಪಡೆಯುವಂತೆಯೇ ಈ ನಿಯಮ ರೂಪಿಸಲಾಗಿದೆ.

ದೂರು ನೀಡುವ ವ್ಯವಸ್ಥೆ

ಒಂದು ವೇಳೆ ಡೆಲಿವರಿ ಸಿಬ್ಬಂದಿ ಹೆಚ್ಚುವರಿ ಹಣ ಕೇಳಿದರೆ:

ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆಗೆ ದೂರು ನೀಡಬಹುದು.

ನೇರವಾಗಿ 08172-268229 ಸಂಖ್ಯೆಗೆ ಕರೆ ಮಾಡಿ ದೂರು ನೀಡಬಹುದು.

ನಿಮ್ಮ ತಾಲ್ಲೂಕಿನ ತಹಶೀಲ್ದಾರ್‌ ಕಚೇರಿಯ ಆಹಾರ ಶಾಖೆಯಲ್ಲೂ ದೂರು ಸಲ್ಲಿಸಬಹುದು.

ಎಲ್‌ಪಿಜಿ ದರ ಈಗಾಗಲೇ ಜನರ ಜೇಬಿಗೆ ಹೊರೆ ತಂದಿರುವ ಸಂದರ್ಭದಲ್ಲಿ, ಡೆಲಿವರಿ ಸಿಬ್ಬಂದಿಯ ಹೆಚ್ಚುವರಿ ಶುಲ್ಕ ಜನರಿಗೆ ಮತ್ತಷ್ಟು ತೊಂದರೆ ತಂದಿತ್ತು. ಸರ್ಕಾರದ ಈ ನಿರ್ಧಾರದಿಂದ ಸಾಮಾನ್ಯ ಜನರಿಗೆ ದೊಡ್ಡ ಮಟ್ಟದ ಪರಿಹಾರ ದೊರಕಲಿದೆ. ವಿಶೇಷವಾಗಿ ಗ್ರಾಮೀಣ ಹಾಗೂ ಸಣ್ಣ ಪಟ್ಟಣಗಳಲ್ಲಿ ಹೆಚ್ಚುವರಿ ಹಣ ಕೇಳುವ ಪ್ರಕರಣಗಳು ಸಾಮಾನ್ಯವಾಗಿದ್ದವು. ಇದೀಗ ಈ ನಿಯಮದಿಂದ ಗ್ರಾಹಕರು ತಮ್ಮ ಹಕ್ಕಿನ ಬೆಲೆಯಲ್ಲೇ ಸಿಲಿಂಡರ್‌ ಪಡೆಯಲು ಸಾಧ್ಯವಾಗಲಿದೆ.

ಇದರ ಜೊತೆಗೆ, ದೂರು ನೀಡಲು ಸರಳ ವ್ಯವಸ್ಥೆ ಕಲ್ಪಿಸಿರುವುದು ಗ್ರಾಹಕರಿಗೆ ಮತ್ತಷ್ಟು ವಿಶ್ವಾಸ ತುಂಬುತ್ತದೆ. ಅಂದರೆ, ಮುಂದೆ ಯಾರಾದರೂ ಹೆಚ್ಚುವರಿ ಹಣ ಕೇಳಿದರೆ ಗ್ರಾಹಕರು ಮೌನವಾಗಿ ಬಾಧಿಸಿಕೊಳ್ಳಬೇಕಾಗಿಲ್ಲ – ಬದಲಿಗೆ ಕಾನೂನು ಕ್ರಮಕ್ಕೆ ದಾರಿ ತೆರೆಯಲಾಗಿದೆ.

ಈ ನಿರ್ಧಾರ ಎಲ್‌ಪಿಜಿ ಬಳಕೆದಾರರ ಹಕ್ಕುಗಳನ್ನು ರಕ್ಷಿಸುವತ್ತ ಒಂದು ಮಹತ್ವದ ಹೆಜ್ಜೆ. “ಬಿಲ್‌ನಲ್ಲಿ ಇರುವ ಮೊತ್ತವಷ್ಟೇ ಪಾವತಿಸಬೇಕು, ಅದಕ್ಕಿಂತ ಹೆಚ್ಚಾಗಿ ಕೊಡಬಾರದು” ಎಂಬ ಸಂದೇಶವನ್ನು ಎಲ್ಲ ಗ್ರಾಹಕರಿಗೂ ತಲುಪಿಸುವುದು ಮುಖ್ಯ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.