ಭಾರತದಲ್ಲಿ CA ವೃತ್ತಿ: ಆರ್ಥಿಕ ತಜ್ಞರಾಗಲು ಬೇಕಾದ ಹಂತಗಳು ಹಾಗೂ ತರಬೇತಿಯ ವಿವರ.

WhatsApp Group Telegram Group

ಭಾರತದ ಅರ್ಥವ್ಯವಸ್ಥೆ ಸುಧಾರಿಸುವ ಹಾಗೂ ದೇಶದ ಆಂತರಿಕ ಹಣಕಾಸು ವ್ಯವಸ್ಥೆಯನ್ನು ನಿಯಂತ್ರಿಸುವ ಪ್ರಮುಖ ಶಕ್ತಿಗಳಲ್ಲಿ ಚಾರ್ಟೆಡ್ ಅಕೌಂಟೆಂಟ್‌ಗಳ ಪಾತ್ರ ಅಮೂಲ್ಯವಾಗಿದೆ. ವ್ಯವಹಾರಗಳು ಹೆಚ್ಚುತ್ತಿರುವಂತೆ, ಹಣಕಾಸು ನಿಯಂತ್ರಣ, ತೆರಿಗೆ ಯೋಜನೆ, ಲೆಕ್ಕಪರಿಶೋಧನೆ (Audit) ಮತ್ತು ಕಂಪನಿಗಳ ಆಂತರಿಕ ಲೆಕ್ಕಪತ್ರ ನಿರ್ವಹಣೆಯ ಜವಾಬ್ದಾರಿ ಈ ವೃತ್ತಿಗೆ ಹೆಚ್ಚಾಗುತ್ತಿದೆ. ಇದರಿಂದಾಗಿ, CA (Charted Accountant) ವೃತ್ತಿಯು ಭಾರತದ ಅತ್ಯಂತ ಗೌರವಾನ್ವಿತ, ಹೆಮ್ಮೆಯ ಮತ್ತು ಆಕರ್ಷಕ ವೃತ್ತಿಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ. ಆದರೆ, ಈ ವೃತ್ತಿಯನ್ನು ಪಡೆದುಕೊಳ್ಳುವುದು ಸುಲಭವಲ್ಲ. ಇದು ಕಠಿಣ ಪರಿಶ್ರಮ, ಸತತ ಅಧ್ಯಯನ ಮತ್ತು ದೀರ್ಘಾವಧಿಯ ಶಿಸ್ತುಬದ್ಧ ತರಬೇತಿಯನ್ನು ಅಗತ್ಯವಿರುತ್ತದೆ. ಹಾಗಿದ್ದರೆ ಚಾರ್ಟೆಡ್ ಅಕೌಂಟೆಂಟ್‌ ಆಗಲು ಯಾವೆಲ್ಲಾ ತರಬೇತಿಗಳನ್ನು ಪಡೆದುಕೊಳ್ಳಬೇಕು ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಹೌದು, ಚಾರ್ಟೆಡ್ ಅಕೌಂಟೆಂಟ್ ಆಗುವುದು ನೇರವಾಗಿ ಒಂದು ವೃತ್ತಿಯ ಆಯ್ಕೆಯಷ್ಟೆ ಅಲ್ಲ, ಅದು ಸಮರ್ಪಣೆ, ಶ್ರಮ, ಸಮಯ ನಿರ್ವಹಣೆ ಮತ್ತು ನಿರಂತರ ಕಲಿಕೆಯ ಅಗತ್ಯವಿರುತ್ತದೆ. ಭಾರತದ ಆರ್ಥಿಕ ವ್ಯವಸ್ಥೆಯಲ್ಲಿ ಸಿಎ ಗಳಿಗೆ ಬಹುಮಟ್ಟದ ಪ್ರಾಮುಖ್ಯತೆ ಇದೆ. ಸರಕಾರಿ, ಖಾಸಗಿ ಅಥವಾ ಅಂತಾರಾಷ್ಟ್ರೀಯ ಯಾವುದೇ ಸಂಸ್ಥೆಯ ಹಣಕಾಸು ವ್ಯವಸ್ಥೆ ತಜ್ಞರೂಪದ ಲೆಕ್ಕಪರಿಶೋಧನೆ, ತೆರಿಗೆ ಯೋಜನೆ, ಬಿಜಿನೆಸ್ ಸಲಹೆ, ಹಾಗೂ ಧನ ನಿರ್ವಹಣೆಯ ಮೂಲಕ ನಿರ್ಧರಿಸಲ್ಪಡುತ್ತದೆ. ಈ ಕಾರಣದಿಂದ ಸಿಎ ಪದವಿಯನ್ನು ಪಡೆದವರು ಉದ್ಯೋಗದಲ್ಲಿ ಮಾತ್ರವಲ್ಲ, ಸ್ವತಂತ್ರ ವೃತ್ತಿಪರರಾಗಿ ಯಶಸ್ಸು ಕಾಣುವ ಅವಕಾಶವೂ ಹೊಂದಿರುತ್ತಾರೆ.

1. ಸಿಎ ಫೌಂಡೇಶನ್ ಹಂತ (CA Foundation):

ಅರ್ಹತೆ:
12ನೇ ತರಗತಿಯಲ್ಲಿ ಯಾವುದೇ ಶಾಖೆಯಲ್ಲಿ ಉತ್ತೀರ್ಣರಾಗಿರುವ ವಿದ್ಯಾರ್ಥಿಗಳು ಇದಕ್ಕೆ ಅರ್ಹರಾಗಿರುತ್ತಾರೆ. ವಾಣಿಜ್ಯ ವಿದ್ಯಾರ್ಥಿಗಳಿಗೆ ಅಕೌಂಟಿಂಗ್ ಹಾಗೂ ಅರ್ಥಶಾಸ್ತ್ರದಲ್ಲಿ ಮೇಲುಗೈ ಇರುವುದರಿಂದ ಸ್ವಲ್ಪ ಅನುಕೂಲವಿರುತ್ತದೆ.

ಪರೀಕ್ಷೆಯ ವಿವರ:
4 ಪ್ರಮುಖ ವಿಷಯಗಳು:
1. ಅಕೌಂಟಿಂಗ್.
2. ವ್ಯವಹಾರ ಕಾನೂನು ಮತ್ತು ವರ್ತನೆ ಶಿಷ್ಟಾಚಾರ.
3. ವ್ಯವಹಾರ ಗಣಿತ ಮತ್ತು ತಾರ್ಕಿಕ ಶಕ್ತಿ.
4. ಅರ್ಥಶಾಸ್ತ್ರ ಮತ್ತು ವ್ಯವಹಾರ ಜ್ಞಾನ.
ಕನಿಷ್ಠ ಶೇಕಡಾ 30 ಅಂಕ ಮತ್ತು ಒಟ್ಟಾರೆ ಶೇಕಡಾ 50 ಅಂಕ ಅಗತ್ಯ.
ವರ್ಷದಲ್ಲಿ ಮೂರು ಬಾರಿ ಪರೀಕ್ಷೆ (ಮೇ, ಸೆಪ್ಟೆಂಬರ್, ಜನವರಿ).
ನೋಂದಣಿಯ ನಂತರ ಕನಿಷ್ಠ 4 ತಿಂಗಳ ತಯಾರಿ ಅವಶ್ಯಕ.

2. ಸಿಎ ಇಂಟರ್ಮೀಡಿಯೇಟ್ ಹಂತ (CA Intermediate):

ಪ್ರವೇಶ ಮಾರ್ಗಗಳು:
ಫೌಂಡೇಶನ್ ಕ್ಲೀಯರ್ ಮಾಡಿದವರು.
ಅಥವಾ ಪದವೀಧರರು (ವಾಣಿಜ್ಯದಲ್ಲಿ ಶೇ. 55 / ಇತರ ವಿಭಾಗದಲ್ಲಿ ಶೇ. 60 ಅಂಕಗಳೊಂದಿಗೆ).
ಪರೀಕ್ಷೆಯ ವಿನ್ಯಾಸ:
ಒಟ್ಟು 8 ಪತ್ರಿಕೆಗಳು, 2 ಗುಂಪುಗಳಾಗಿ (Group I & II).
ಪ್ರಮುಖ ವಿಷಯಗಳು:
ಅಡ್ವಾನ್ಸ್ ಅಕೌಂಟಿಂಗ್.
ಕಂಪನಿ ಕಾನೂನು.
ನೇರ ಮತ್ತು ಪರೋಕ್ಷ ತೆರಿಗೆ.
ಲೆಕ್ಕಪರಿಶೋಧನೆ.
ಹಣಕಾಸು ನಿರ್ವಹಣೆ.
ವೆಚ್ಚ ನಿರ್ವಹಣೆ.
ಎಂಟರ್‌ಪ್ರೈಸ್ ಇನ್‌ಫರ್ಮೇಶನ್ ಸಿಸ್ಟಮ್.
ಕಾರ್ಯತಂತ್ರ ನಿರ್ವಹಣೆ.
ಸಾಮಾನ್ಯವಾಗಿ 9-10 ತಿಂಗಳುಗಳ ತಯಾರಿ ಅವಶ್ಯಕ.

3. ಆರ್ಟಿಕಲ್‌ಶಿಪ್ (Articleship – Practical Training):

ಅವಧಿ:
2.5 ರಿಂದ 3 ವರ್ಷಗಳ ಅಭ್ಯಾಸ.
ವಿವರಗಳು:
ಮಧ್ಯಂತರ ಹಂತದ ಕನಿಷ್ಠ ಒಂದು ಗುಂಪಿನಲ್ಲಿ ಉತ್ತೀರ್ಣರಾದ ನಂತರ ಆರಂಭ ಮಾಡಬಹುದು.
ICAI ನೋಂದಾಯಿತ ಚಾರ್ಟೆಡ್ ಅಕೌಂಟೆಂಟ್ (Principal) ಅಡಿಯಲ್ಲಿ ತರಬೇತಿ.
ಲೆಕ್ಕಪರಿಶೋಧನೆ, ತೆರಿಗೆ ಸಲಹೆ, ಲೆಕ್ಕವೇಳೆ ನಿರ್ವಹಣೆ, ಕಂಪನಿ ಲಾಯರಿ ಸೇರಿದಂತೆ ವಿಸ್ತೃತ ಅನುಭವ.

4. ಸಿಎ ಫೈನಲ್ ಹಂತ (CA Final):

ಅರ್ಹತೆ:
ಇಂಟರ್ಮೀಡಿಯೇಟ್‌ನ ಎರಡೂ ಗುಂಪುಗಳಲ್ಲಿ ಉತ್ತೀರ್ಣ.
ಕನಿಷ್ಠ 2.5 ವರ್ಷಗಳ Articleship ಪೂರ್ಣಗೊಳಿಸಿರಬೇಕು.
ಪರೀಕ್ಷೆಯ ವಿವರ:
8 ಪತ್ರಿಕೆಗಳು, 2 ಗುಂಪುಗಳಾಗಿ.
ಪ್ರಮುಖ ವಿಷಯಗಳು:
ಆಧುನಿಕ ಹಣಕಾಸು ವರದಿ.
ಕಾರ್ಯತಂತ್ರದ ಹಣಕಾಸು ನಿರ್ವಹಣೆ.
ಮುಂದುವರಿದ ಲೆಕ್ಕಪರಿಶೋಧನೆ.
ವೃತ್ತಿಪರ ನೀತಿಶಾಸ್ತ್ರ ಮತ್ತು ಕಾನೂನು.
ನೇರ ಮತ್ತು ಅಂತರರಾಷ್ಟ್ರೀಯ ತೆರಿಗೆ.
ಪರೋಕ್ಷ ತೆರಿಗೆ.
ಬಹುಶಾಖಾ ಪ್ರಕರಣ ಅಧ್ಯಯನಗಳು.

ಮುಖ್ಯ ಲಕ್ಷಣ:

ಈ ಹಂತವು ಬಹುತೆಕ ವಿದ್ಯಾರ್ಥಿಗಳಿಗೆ ಅತ್ಯಂತ ಕಠಿಣ ಪರೀಕ್ಷೆಯಾಗಿದೆ. ಆದರೆ Articleship ಸಮಯದ ಅನುಭವ ಮತ್ತು ಸರಿಯಾದ ಮಾರ್ಗದರ್ಶನದಿಂದ ಇದು ಸಾಧ್ಯವಾಗುತ್ತದೆ.
ಹೆಚ್ಚಿನ ಮಾಹಿತಿಗೆ ಅಥವಾ ಅರ್ಜಿ ಸಲ್ಲಿಸಲು ಅಧಿಕೃತ ವೆಬ್‌ಸೈಟ್ ಭೇಟಿ ನೀಡಿ:
https://www.icai.org

ಇತ್ತೀಚೆಗೆ ಘೋಷಿಸಿರುವಂತೆ, CA ಫೌಂಡೇಶನ್ ಪರೀಕ್ಷೆಗಳನ್ನು ಈಗ ವಾರ್ಷಿಕವಾಗಿ ಮೂರು ಬಾರಿ ನಡೆಸಲಾಗುತ್ತಿದೆ (ಮೇ, ಸೆಪ್ಟೆಂಬರ್, ಜನವರಿ). ಇದರ ಜೊತೆಗೆ ಡಿಜಿಟಲ್ ಲರ್ನಿಂಗ್, open-book modules ಮತ್ತು simulation based assessments ಗಳನ್ನು ಕೂಡ ಆವರಿಸಿಕೊಳ್ಳುವ ಯೋಜನೆಗಳು ಮುಂದುವರೆದಿವೆ.

ಒಟ್ಟಾರೆಯಾಗಿ, Charted Accountant ಆಗುವುದು ಕನಸು ಮಾತ್ರವಲ್ಲ, ಪ್ರಬಲ ದೃಢನಿಶ್ಚಯ, ಸಮರ್ಪಣೆ ಮತ್ತು ಶಿಸ್ತುಬದ್ಧವಾದ ಅಧ್ಯಯನದ ಫಲವಾಗಿದೆ. ಈ ಕೋರ್ಸ್ ಗೆ ಪಠ್ಯಕ್ರಮ, ಪ್ರಾಯೋಗಿಕ ತರಬೇತಿ, ಹಾಗೂ ತಾಂತ್ರಿಕತೆ ಅಂಶಗಳಿವೆ. ಆದರೆ ಅದು ನಿಮಗೆ ಭದ್ರ ಮತ್ತು ಗೌರವಾನ್ವಿತ ಭವಿಷ್ಯವನ್ನು ನೀಡುವ ವೃತ್ತಿಯತ್ತ ದಾರಿ ತೋರಿಸುತ್ತದೆ. ಸರಿಯಾದ ಪ್ಲಾನ್ ಮತ್ತು ತಾಳ್ಮೆಯಿಂದ ನೀವು ನಿಮ್ಮ ಕನಸು ಸಾಕಾರಗೊಳಿಸಬಹುದು.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.