ಮಹಿಳೆಯರಿಗೆ ₹32,000 ಹೆಚ್ಚುವರಿ ಲಾಭ! ಸಿಗುವ  ಕೇಂದ್ರ ಸರ್ಕಾರದ ವಿಶೇಷ ಉಳಿತಾಯ ಯೋಜನೆ. 

ಇಂದಿನ ಆರ್ಥಿಕ ಪರಿಸ್ಥಿತಿಯಲ್ಲಿ, ಉಳಿತಾಯ ಮತ್ತು ಹೂಡಿಕೆಯು ಪ್ರತಿಯೊಬ್ಬರ ಜೀವನದ ಪ್ರಮುಖ ಅಂಶವಾಗಿದೆ. ವಿಶೇಷವಾಗಿ ಮಹಿಳೆಯರಿಗೆ ಆರ್ಥಿಕ ಸ್ವಾವಲಂಬನೆ ಅತ್ಯಂತ ಅಗತ್ಯವಾಗಿದೆ. ಮನೆ ಖರ್ಚು ನಿರ್ವಹಣೆ ಮಾತ್ರವಲ್ಲದೆ, ಭವಿಷ್ಯದ ಭದ್ರತೆಗೆ ಉಳಿತಾಯ ಯೋಜನೆಗಳಲ್ಲಿ ಭಾಗವಹಿಸುವುದು ಮಹಿಳೆಯರಿಗೆ ಬಲಿಷ್ಠ ಆರ್ಥಿಕ ನೆಲೆಯನ್ನು ನಿರ್ಮಿಸಲು ಸಹಕಾರಿ. ಈ ಹಿನ್ನೆಲೆಯಲ್ಲಿ ಕೇಂದ್ರ ಸರ್ಕಾರವು ಮಹಿಳೆಯರಿಗಾಗಿ ವಿಶೇಷವಾಗಿ ರೂಪಿಸಿರುವ ಮಹಿಳಾ ಸಮ್ಮಾನ್ ಉಳಿತಾಯ ಪ್ರಮಾಣಪತ್ರ ಯೋಜನೆ(Mahila Samman Savings Certificate Scheme) ಗಮನ ಸೆಳೆದಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ
ಈ ಯೋಜನೆ ಸಾಮಾನ್ಯ ಬ್ಯಾಂಕ್ ಬಡ್ಡಿದರಗಳಿಗಿಂತ ಹೆಚ್ಚು ಲಾಭದಾಯಕವಾಗಿದ್ದು, ಸುರಕ್ಷಿತ ಮತ್ತು ಖಚಿತವಾದ ಹೂಡಿಕೆ ಮಾರ್ಗವಾಗಿದೆ.

ಯೋಜನೆಯ ಪ್ರಮುಖ ವೈಶಿಷ್ಟ್ಯಗಳು ಹೀಗಿವೆ:

ವಾರ್ಷಿಕ ಬಡ್ಡಿದರ: 7.5%
ಕಾಲಾವಧಿ: 2 ವರ್ಷಗಳು
ಕನಿಷ್ಠ ಠೇವಣಿ ಮೊತ್ತ: ₹1,000
ಗರಿಷ್ಠ ಠೇವಣಿ ಮೊತ್ತ: ₹2 ಲಕ್ಷ
ಸೌಲಭ್ಯ: ಯಾವುದೇ ಬ್ಯಾಂಕ್ ಅಥವಾ ಅಂಚೆ ಕಚೇರಿಯಲ್ಲಿ ಖಾತೆ ತೆರೆಯಬಹುದು.

ಈ ಯೋಜನೆ 2023ರಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ನೇತೃತ್ವದ ಕೇಂದ್ರ ಸರ್ಕಾರದಿಂದ(Central government) ಪರಿಚಯಿಸಲಾಯಿತು. ಮಹಿಳೆಯರ ಉಳಿತಾಯವನ್ನು ಉತ್ತೇಜಿಸುವುದು, ಅವರಿಗೆ ಸುರಕ್ಷಿತ ಹೂಡಿಕೆ ಆಯ್ಕೆಯನ್ನು ನೀಡುವುದು ಇದರ ಉದ್ದೇಶವಾಗಿದೆ.

ಬಡ್ಡಿ ಲಾಭದ ಲೆಕ್ಕಚಾರ :

ಉದಾಹರಣೆಗೆ, ನೀವು ಈ ಯೋಜನೆಯಲ್ಲಿ ₹2 ಲಕ್ಷ ಠೇವಣಿ ಇಟ್ಟರೆ,
2 ವರ್ಷಗಳ ನಂತರ ನೀವು ಪಡೆಯುವ ಮೊತ್ತ ₹2,32,044.
ಅಂದರೆ ₹32,044 ಹೆಚ್ಚುವರಿಯಾಗಿ ಲಾಭ ಸಿಗುತ್ತದೆ.
ಈ ಬಡ್ಡಿದರವು ಸಾಮಾನ್ಯ ಬ್ಯಾಂಕ್‌ಗಳ ಫಿಕ್ಸ್ಡ್ ಡಿಪಾಸಿಟ್‌ಗಳಿಗಿಂತ ಹೆಚ್ಚಾಗಿರುವುದರಿಂದ, ಇದು ಮಹಿಳೆಯರಿಗೆ ಅತ್ಯಂತ ಆಕರ್ಷಕ ಆಯ್ಕೆಯಾಗಿದೆ.

ಹಿಂಪಡೆಯುವ ಸೌಲಭ್ಯ:

ಯೋಜನೆಯ ಅವಧಿ 2 ವರ್ಷಗಳಾದರೂ, ಖಾತೆ ತೆರೆದ ದಿನಾಂಕದಿಂದ ಒಂದು ವರ್ಷದ ನಂತರ, ಖಾತೆಯಲ್ಲಿ ಇರುವ ಮೊತ್ತದ ಗರಿಷ್ಠ 40% ವರೆಗೆ ಹಿಂಪಡೆಯುವ ಅವಕಾಶವಿದೆ. ಈ ಸೌಲಭ್ಯದಿಂದ ತುರ್ತು ಸಂದರ್ಭಗಳಲ್ಲಿ ಹಣವನ್ನು ಭಾಗಶಃ ಬಳಸಿಕೊಳ್ಳಲು ಸಾಧ್ಯವಾಗುತ್ತದೆ.

ಯಾರೆಲ್ಲಾ ಖಾತೆ ತೆರೆಯಬಹುದು?:

ಯಾವುದೇ ವಯಸ್ಕ ಮಹಿಳೆ ತಮ್ಮ ಹೆಸರಿನಲ್ಲಿ ಖಾತೆ ತೆರೆಯಬಹುದು.
ಪತ್ನಿ, ತಾಯಿ, ಮಗಳು ಅಥವಾ ಸಹೋದರಿ ಇವರ ಹೆಸರಿನಲ್ಲಿ ಕುಟುಂಬ ಸದಸ್ಯರೂ ಖಾತೆ ತೆರೆಯಬಹುದು.
ಖಾತೆ ತೆರೆಯಲು ಬ್ಯಾಂಕ್ ಅಥವಾ ಅಂಚೆ ಕಚೇರಿಗೆ ತೆರಳಿ, ಅರ್ಜಿಯ ನಮೂನೆ ಹಾಗೂ KYC ದಾಖಲೆಗಳು ಸಲ್ಲಿಸಬೇಕು.

ಅರ್ಜಿ ಸಲ್ಲಿಸಲು ಬೇಕಾಗುವ ಅಗತ್ಯ ದಾಖಲೆಗಳು ಯಾವುವು?:

ಆಧಾರ್ ಕಾರ್ಡ್(Adhar card)
ಮತದಾರರ ಗುರುತಿನ ಚೀಟಿ / ಚಾಲನಾ ಪರವಾನಗಿ / ಪ್ಯಾನ್ ಕಾರ್ಡ್
ಪೇ-ಇನ್-ಸ್ಲಿಪ್ ಅಥವಾ ಠೇವಣಿ ಮೊತ್ತ/ಚೆಕ್

ಒಟ್ಟಾರೆಯಾಗಿ, ಮಹಿಳಾ ಸಮ್ಮಾನ್ ಉಳಿತಾಯ ಪ್ರಮಾಣಪತ್ರ ಯೋಜನೆ, ಬ್ಯಾಂಕ್‌ಗಳಿಗಿಂತ ಹೆಚ್ಚು ಬಡ್ಡಿದರ ನೀಡುವ, ಕಡಿಮೆ ಅವಧಿಯ, ಸುರಕ್ಷಿತ ಹೂಡಿಕೆ ಆಯ್ಕೆಯಾಗಿದೆ. ಮಹಿಳೆಯರು ತಮ್ಮ ಭವಿಷ್ಯಕ್ಕಾಗಿ ಉಳಿತಾಯ ಆರಂಭಿಸಲು ಅಥವಾ ಕುಟುಂಬ ಸದಸ್ಯರು ಮಹಿಳೆಯರ ಹೆಸರಿನಲ್ಲಿ ಹೂಡಿಕೆ ಮಾಡಲು ಇದು ಅತ್ಯುತ್ತಮ ಅವಕಾಶವಾಗಿದೆ.

ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ಸಮೀಪದ ಬ್ಯಾಂಕ್(Bank) ಅಥವಾ ಅಂಚೆ ಕಚೇರಿಯನ್ನು(Post office) ಸಂಪರ್ಕಿಸಿ ಯೋಜನೆಯ ಸವಿವರಗಳನ್ನು ತಿಳಿದುಕೊಳ್ಳಿ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.