WhatsApp Groupಭಾರತದಲ್ಲಿ ವೈದ್ಯರು, ವಕೀಲರು, ಸಿಎಗಳು, ಆರ್ಕಿಟೆಕ್ಟ್ಗಳು ಹಾಗು ಹಲವಾರು ವೃತ್ತಿಗಳಿಗೆ ವಿಶೇಷ ಪರವಾನಗಿ ಕಡ್ಡಾಯ. ಆದರೆ ಲಕ್ಷಾಂತರ ಎಂಜಿನಿಯರ್ಗಳು ತಾಂತ್ರಿಕ ಯೋಜನೆಗಳಲ್ಲಿ, ನಿರ್ಮಾಣ ಕಾರ್ಯಗಳಲ್ಲಿ, ಸಾರ್ವಜನಿಕ ಮೂಲಸೌಕರ್ಯ ಯೋಜನೆಗಳಲ್ಲಿ ಕೆಲಸ ಮಾಡುತ್ತಿದ್ದರೂ, ಅವರಿಗೆ ಯಾವುದೇ ಪ್ರತ್ಯೇಕ ವೃತ್ತಿಪರ ಪರವಾನಗಿ ವ್ಯವಸ್ಥೆ ಇಲ್ಲ. ಈ ಕೊರತೆಯನ್ನು ಪೂರೈಸಲು, AICTE ಈಗ ದೇಶದ ಎಂಜಿನಿಯರಿಂಗ್ ವೃತ್ತಿಯಲ್ಲಿ ಐತಿಹಾಸಿಕ ಬದಲಾವಣೆಯನ್ನು ತರಲು ಸಜ್ಜಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ
ಇದರ ಅಂಗವಾಗಿ, ವೃತ್ತಿಪರ ಎಂಜಿನಿಯರ್ಗಳ ಮಸೂದೆ 2025 ಎಂದೇ ಕರೆಯಲಾಗಿರುವ ಹೊಸ ಕಾನೂನಿನ ಕರಡು ಸಿದ್ಧವಾಗಿದ್ದು, ಭಾರೀ ಚರ್ಚೆಯನ್ನು ಹುಟ್ಟುಹಾಕಿದೆ. ಈ ಮಸೂದೆ ಜಾರಿಗೆ ಬಂದರೆ, ಎಂಜಿನಿಯರ್ಗಳಿಗೂ ವೈದ್ಯರು/ವಕೀಲರಂತೆ ವೃತ್ತಿಪರ ಪರವಾನಗಿ ಕಡ್ಡಾಯ.
ರಾಷ್ಟ್ರೀಯ ಮಟ್ಟದ ಎಂಜಿನಿಯರ್ ನೋಂದಣಿ ವ್ಯವಸ್ಥೆ ನಿರ್ಮಾಣ.
ಯಾರು ನಿಜವಾದ ವೃತ್ತಿಪರ ಎಂಜಿನಿಯರ್ ಎಂಬುದಕ್ಕೆ ಸ್ಪಷ್ಟ ಮಾನದಂಡ ಇವುಗಳೆಲ್ಲ ಮೊದಲ ಬಾರಿಗೆ ಕಾನೂನಾತ್ಮಕವಾಗಲಿವೆ.
ಮಸೂದೆಯ ಮುಖ್ಯ ಉದ್ದೇಶವೇನು?:
ಎಂಜಿನಿಯರಿಂಗ್ ವೃತ್ತಿಯನ್ನು ಹೊಣೆಗಾರಿಕೆಯಿಂದ ಮಾಡುವುದು
AICTE ಪ್ರಕಾರ, ಈಗಿನ ನಿರ್ಮಾಣ ದೋಷಗಳು, ಸೇತುವೆ ಕುಸಿತಗಳು, ತಾಂತ್ರಿಕ ಯೋಜನೆಗಳ ವಿಫಲತೆಗಳು, ಸುಸ್ತಾಗಿರುವ ಗುಣಮಟ್ಟ ನಿಯಂತ್ರಣ ಈ ಎಲ್ಲಕ್ಕೂ ದೊಡ್ಡ ಮಟ್ಟದಲ್ಲಿ ಅಧಿಕೃತ ವೃತ್ತಿಪರ ಜವಾಬ್ದಾರಿಯ ಕೊರತೆ ಕಾರಣವಾಗಿದೆ. ಆದ್ದರಿಂದ ಮಸೂದೆ ಜಾರಿಗೆ ಬಂದ ನಂತರ ಯೋಜನೆಯ ನಿಖರ ಲೆಕ್ಕಾಚಾರ, ವಿನ್ಯಾಸದ ಹೊಣೆಗಾರಿಕೆ, ಸಾರ್ವಜನಿಕ ಸುರಕ್ಷತೆ, ವೃತ್ತಿಪರ ತಪ್ಪುಗಳ ಮೇಲಿನ ಕಾನೂನು ಕ್ರಮ ಇವೆಲ್ಲಕ್ಕೂ ನೋಂದಾಯಿತ ಎಂಜಿನಿಯರ್ಗಳು ನೇರವಾಗಿ ಜವಾಬ್ದಾರರಾಗುತ್ತಾರೆ.
ಇನ್ನು, ಈ ಮಸೂದೆಯನ್ನು ಐಐಟಿ ಮದ್ರಾಸ್ನ ಮಾಜಿ ನಿರ್ದೇಶಕ M.S. ಅನಂತ್ ಅವರ ನೇತೃತ್ವದ ತಜ್ಞ ಸಮಿತಿ ಸಿದ್ಧಪಡಿಸಿದೆ.
ಮಾರ್ಚ್ 19 ರಿಂದ ಏಪ್ರಿಲ್ 10 ರವರೆಗೆ ಸಾರ್ವಜನಿಕರಿಂದ ಅಭಿಪ್ರಾಯ ಕೋರಲಾಯಿತು.
ಈಗ ವಿವಿಧ ಸಂಸ್ಥೆಗಳಿಂದ ಬಂದ ಸಲಹೆಗಳ ಅಂತಿಮ ಚರ್ಚೆ ನಡೆಯುತ್ತಿದೆ.
ತಿದ್ದುಪಡಿ ಮಾಡಿದ ಕರಡನ್ನು ಶಿಕ್ಷಣ ಸಚಿವಾಲಯಕ್ಕೆ ಕಳುಹಿಸಿ,
ಡಿಸೆಂಬರ್ 1–19, 2025ರ ಚಳಿಗಾಲದ ಸಂಸತ್ ಅಧಿವೇಶನದಲ್ಲಿ ಮಸೂದೆ ಮಂಡಿಸುವ ಸಾಧ್ಯತೆಯಿದೆ.
27 ಸದಸ್ಯರ ಭಾರತೀಯ ವೃತ್ತಿಪರ ಎಂಜಿನಿಯರ್ಗಳ ಮಂಡಳಿ ರಚನೆ:
ಹೊಸ ಕಾನೂನಿನ ಅಡಿಯಲ್ಲಿ 27 ಸದಸ್ಯರ ರಾಷ್ಟ್ರೀಯ ಮಂಡಳಿ (BPEI – Board of Professional Engineers of India) ನಿರ್ಮಾಣವಾಗಲಿದೆ.
ಈ ಮಂಡಳಿಯ ಜವಾಬ್ದಾರಿಗಳು ಹೀಗಿವೆ:
ಎಂಜಿನಿಯರ್ಗಳ ನೋಂದಣಿ:
ವೈದ್ಯರ MCI ಅಥವಾ ವಕೀಲರ BCI ಮಾದರಿಯಲ್ಲಿ,
ಎಲ್ಲ ಎಂಜಿನಿಯರ್ಗಳಿಗೂ ವೃತ್ತಿಪರ ನೋಂದಣಿ ಸಂಖ್ಯೆ ನೀಡಲಾಗುತ್ತದೆ.
ಪರವಾನಗಿ ವ್ಯವಸ್ಥೆ:
ಯಾವುದೇ ಸಾರ್ವಜನಿಕ/ಸರ್ಕಾರಿ/ಖಾಸಗಿ ತಾಂತ್ರಿಕ ಯೋಜನೆಗಳಲ್ಲಿ ಕೆಲಸ ಮಾಡಲು Valid Engineering License ಕಡ್ಡಾಯವಾಗುತ್ತದೆ.
ವೃತ್ತಿಪರ ಮಾನದಂಡಗಳು:
ಎಲ್ಲ ಎಂಜಿನಿಯರ್ಗಳಿಗೆ ಸಾಮಾನ್ಯ ನಿಯಮಗಳು, ನೈತಿಕ ಪ್ರಮಾಣಗಳು, ಮತ್ತು ಅರ್ಹತಾ ಮಾನದಂಡಗಳು.
ಹೊಣೆಗಾರಿಕೆ (Accountability):
ತಪ್ಪು ವಿನ್ಯಾಸ, ಅಸುರಕ್ಷಿತ ನಿರ್ಮಾಣ, ತಾಂತ್ರಿಕ ಗ್ಯಾಪ್ ಇದ್ದರೆ, ಆ ಎಂಜಿನಿಯರ್ ಮೇಲೆಯೇ ನೇರ ಕಾನೂನು ಕ್ರಮ ತೆಗೆದುಕೊಳ್ಳಲಾಗುತ್ತದೆ.
ಯಾರ್ಯಾರು ಪರವಾನಗಿ ಪಡೆಯಬೇಕು?
ಸಿವಿಲ್ ಎಂಜಿನಿಯರ್ಗಳು
ಮೆಕ್ಯಾನಿಕಲ್
ಎಲೆಕ್ಟ್ರಿಕಲ್
ಇಲೆಕ್ಟ್ರಾನಿಕ್ಸ್
ಕಂಪ್ಯೂಟರ್/ಐಟಿ (ವಿಶೇಷ ಗೈಡ್ಲೈನ್ ನಂತರ)
ಕಾನ್ಸ್ಟ್ರಕ್ಷನ್/ಪ್ರಾಜೆಕ್ಟ್ ಮ್ಯಾನೇಜ್ಮೆಂಟ್
ಸರ್ಕಾರಿ ಯೋಜನೆಗಳ ಎಂಜಿನಿಯರ್ಗಳು
ಖಾಸಗಿ ನಿರ್ಮಾಣ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ತಾಂತ್ರಿಕ ಸಿಬ್ಬಂದಿಗಳು
ಪರವಾನಗಿ ಅಗತ್ಯವಿಲ್ಲ:
ಕಾಲೇಜು ಮತ್ತು ವಿಶ್ವವಿದ್ಯಾಲಯಗಳ ಬೋಧನಾ ಸಿಬ್ಬಂದಿ
ಪೂರ್ಣವಾಗಿ ಶೈಕ್ಷಣಿಕ/ಶೋಧ ಕ್ಷೇತ್ರದಲ್ಲಿ ಕೆಲಸ ಮಾಡುವ ಎಂಜಿನಿಯರ್ಗಳು.
ಏಕೆ ಈ ಪರವಾನಗಿ ಅಗತ್ಯ?:
ಮಸೂದೆಯ ಮುಖ್ಯ ಉದ್ದೇಶಗಳು ಹೀಗಿವೆ,
ಅನಧಿಕೃತ ತಾಂತ್ರಿಕ ತೀರ್ಮಾನಗಳನ್ನು ತಪ್ಪಿಸುವುದು,
ತಾಂತ್ರಿಕ ಗುಣಮಟ್ಟವನ್ನು ಜಾಗತಿಕ ಮಟ್ಟಕ್ಕೆ ಏರಿಸುವುದು,
ವಿದೇಶದಲ್ಲಿ ಇಂಡಿಯನ್ ಎಂಜಿನಿಯರ್ಗಳ ಮಾನ್ಯತೆ ಹೆಚ್ಚಿಸುವುದು,
ಯೋಜನೆಗಳ ಸುರಕ್ಷತೆ, ಸಾರ್ವಜನಿಕ ವಿಶ್ವಾಸ, ಮತ್ತು ವೃತ್ತಿಪರ ಪಾರದರ್ಶಕತೆ ಖಚಿತಪಡಿಸುವುದು.
ಒಟ್ಟಾರೆಯಾಗಿ, ಈ ಮಸೂದೆ ಜಾರಿಗೆ ಬಂದರೆ, ಇದು ಭಾರತದ ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ನಡೆದ ದೊಡ್ಡ ಬದಲಾವಣೆ ಎಂದು ಪರಿಗಣಿಸಬಹುದು. ಇದರಿಂದ ಎಂಜಿನಿಯರ್ಗಳಿಗೆ ಹೆಚ್ಚು ಗುರುತಿನ ಚೀಟಿ ದೊರೆಯುವ ಜೊತೆಗೆ, ದೇಶದ ಮೂಲಸೌಕರ್ಯ ಮತ್ತು ತಾಂತ್ರಿಕ ಗುಣಮಟ್ಟವೂ ಇನ್ನಷ್ಟು ಸುಧಾರಿಸಲಿದೆ.
ಈ ಮಾಹಿತಿಗಳನ್ನು ಓದಿ
ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.
Sagari leads the ‘Government Schemes’ vertical at NeedsOfPublic.in, where she decodes the latest Central and State government policies for the common citizen. She has over 3 years of experience tracking welfare programs like PM Kisan, Ayushman Bharat, and State Ration updates. Her goal is to ensure every reader understands their eligibility and benefits without confusion. Sagari strictly verifies all updates from official government portals before publishing. Outside of work, she is an advocate for digital literacy in rural India.”
Connect with Sagari:
