BBK 12 Winner: ಗಿಲ್ಲಿ ನಟಗೆ ಒಲಿದು ಬಂತು ‘ಬಿಗ್’ ಲಕ್ಷ್ಮಿ! ಸುದೀಪ್ ಕೊಟ್ಟ 10 ಲಕ್ಷ ಸೇರಿ ಒಟ್ಟು ಸಿಕ್ಕಿದ್ದೆಷ್ಟು? ಇಲ್ಲಿದೆ ಕಂಪ್ಲೀಟ್ ಲಿಸ್ಟ್.

ಬೆಂಗಳೂರು: ಕೋಟ್ಯಂತರ ಕನ್ನಡಿಗರು ಕಾತರದಿಂದ ಕಾಯುತ್ತಿದ್ದ ಬಿಗ್ ಬಾಸ್ ಕನ್ನಡ ಸೀಸನ್ 12ಕ್ಕೆ (BBK 12) ಅದ್ದೂರಿ ತೆರೆ ಬಿದ್ದಿದೆ. ಜನವರಿ 18ರ ಭಾನುವಾರ ನಡೆದ ಗ್ರಾಂಡ್ ಫಿನಾಲೆಯಲ್ಲಿ, ಜನರ ನಿರೀಕ್ಷೆಯಂತೆಯೇ ಗಿಲ್ಲಿ ನಟ (Gilli Nata) ಅವರು ವಿಜೇತರಾಗಿ ಹೊರಹೊಮ್ಮಿದ್ದಾರೆ.

ತಮ್ಮ ಹಳ್ಳಿ ಸೊಗಡು ಮತ್ತು ಹಾಸ್ಯದ ಮೂಲಕ ಜನಮನ ಗೆದ್ದ ಗಿಲ್ಲಿ ನಟ, ಬರೋಬ್ಬರಿ 40 ಕೋಟಿಗೂ ಅಧಿಕ ಮತಗಳನ್ನು ಪಡೆಯುವ ಮೂಲಕ ಐತಿಹಾಸಿಕ ಜಯ ದಾಖಲಿಸಿದ್ದಾರೆ. ಕಳೆದ ಬಾರಿ ಹನುಮಂತ ಸೃಷ್ಟಿಸಿದ್ದ ದಾಖಲೆಗಿಂತ 10 ಪಟ್ಟು ಹೆಚ್ಚು ಮತಗಳು ಇವರಿಗೆ ಲಭಿಸಿವೆ ಎನ್ನಲಾಗಿದೆ.

ಗಿಲ್ಲಿ ನಟನಿಗೆ ಸಿಕ್ಕ ಬಹುಮಾನಗಳೆಷ್ಟು?

ಬಡತನದ ಹಿನ್ನೆಲೆಯಿಂದ ಬಂದ ಗಿಲ್ಲಿ ನಟನ ಬಾಳಲ್ಲಿ ಬಿಗ್ ಬಾಸ್ ಹೊಸ ಬೆಳಕು ಚೆಲ್ಲಿದೆ. ಅವರಿಗೆ ಸಿಕ್ಕ ಒಟ್ಟು ಬಹುಮಾನಗಳ ವಿವರ ಇಲ್ಲಿದೆ:

1. ನಗದು ಬಹುಮಾನ: ಬಿಗ್ ಬಾಸ್ ಆಯೋಜಕರಿಂದ ₹50 ಲಕ್ಷ.
2. ಕಿಚ್ಚನ ಉಡುಗೊರೆ: ನಿರೂಪಕ ಕಿಚ್ಚ ಸುದೀಪ್ ಅವರು ಗಿಲ್ಲಿಯ ಆಟ ಮತ್ತು ಹಿನ್ನೆಲೆ ಮೆಚ್ಚಿ ವೈಯಕ್ತಿಕವಾಗಿ ₹10 ಲಕ್ಷ ನೀಡಿದ್ದಾರೆ.
3. ಕಾರು: ಮಾರುತಿ ಸುಜುಕಿ ಕಂಪನಿಯ ಹೊಚ್ಚ ಹೊಸ ಕಾರು.
4. ವಿಶೇಷ ಟ್ರೋಫಿ: ಕನ್ನಡದ ಸಂಖ್ಯೆಗಳು, ಆನೆ, ಅರಮನೆ ಮತ್ತು ದರ್ಪಣ ಸುಂದರಿಯನ್ನು ಒಳಗೊಂಡ ವಿಶಿಷ್ಟ ವಿನ್ಯಾಸದ ಟ್ರೋಫಿ.

ಅಶ್ವಿನಿ ಗೌಡ ಮತ್ತು ರಕ್ಷಿತಾ ಶೆಟ್ಟಿ:

ಅಶ್ವಿನಿ ಗೌಡ: ಆರಂಭದಲ್ಲಿ ಇವರೇ ವಿನ್ನರ್ ಆಗಬಹುದು ಎಂಬ ಮಾತುಗಳಿದ್ದವು. ಆದರೆ ಅಂತಿಮವಾಗಿ ಇವರು 3ನೇ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡರು. ಮೂವರು ಪ್ರಾಯೋಜಕರಿಂದ ಇವರಿಗೆ ಒಟ್ಟು ₹14 ಲಕ್ಷ ಹಣ ಸಿಕ್ಕಿದೆ.

ರಕ್ಷಿತಾ ಶೆಟ್ಟಿ: ಗಿಲ್ಲಿ ನಟನಿಗೆ ಕೊನೆಯವರೆಗೂ ಪ್ರಬಲ ಪೈಪೋಟಿ ನೀಡಿದ ರಕ್ಷಿತಾ, ರನ್ನರ್ ಅಪ್ ಆಗಿ ಹೊರಹೊಮ್ಮಿದರು. ಇವರಿಗೆ ಒಟ್ಟು ₹25 ಲಕ್ಷ ಬಹುಮಾನ ಲಭಿಸಿದೆ.

ಗಿಲ್ಲಿ ಜರ್ನಿ: “ಒಂದು ಕಾಲದಲ್ಲಿ ಸೋತು ಕುಗ್ಗಿ ಹೋಗಿದ್ದ ಗಿಲ್ಲಿ, ಇಂದು ಕರ್ನಾಟಕದ ಚಾಂಪಿಯನ್! ಅವರ ‘ಹಳ್ಳಿ ಸೊಗಡು’ ಮತ್ತು ಅಶ್ವಿನಿ ಅವರೊಂದಿಗಿನ ಜಗಳ-ನಗು ಪ್ರೇಕ್ಷಕರಿಗೆ ಸಿಕ್ಕಾಪಟ್ಟೆ ಇಷ್ಟವಾಯಿತು. 40 ಕೋಟಿ ವೋಟ್ ಅಂದ್ರೆ ಸಾಮಾನ್ಯ ಮಾತಲ್ಲ!”

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.