ಸ್ವಂತ ಮನೆ ಇಲ್ಲದವರಿಗೆ ಗುಡ್ ನ್ಯೂಸ್! ₹2.67 ಲಕ್ಷ ಸಬ್ಸಿಡಿ ಸಿಗುವ ‘ಪಿಎಂ ಆವಾಸ್’ ಯೋಜನೆಗೆ ಅರ್ಜಿ ಹಾಕಿದ್ದೀರಾ? ಡಿ.31 ಲಾಸ್ಟ್ ಡೇಟ್

ಮನೆ ಕಟ್ಟಬೇಕು ಎನ್ನುವುದು ಪ್ರತಿಯೊಬ್ಬ ಮಧ್ಯಮ ವರ್ಗದ ಮತ್ತು ಬಡವನ ಕನಸು. ಆದರೆ ಇಂದಿನ ದುಬಾರಿ ದುನಿಯಾದಲ್ಲಿ ಸ್ವಂತ ಮನೆ ಕಟ್ಟುವುದು ಅಷ್ಟು ಸುಲಭವಲ್ಲ. ನಿಮಗೂ ಹಣದ ಸಮಸ್ಯೆಯಿದ್ದರೆ ಚಿಂತಿಸಬೇಡಿ. ಕೇಂದ್ರ ಸರ್ಕಾರದ ಪ್ರಧಾನ ಮಂತ್ರಿ ಆವಾಸ್ ಯೋಜನೆ (PMAY) ನಿಮ್ಮ ಬೆಂಬಲಕ್ಕೆ ನಿಂತಿದೆ. “ಎಲ್ಲರಿಗೂ ವಸತಿ” ಎಂಬ ಘೋಷವಾಕ್ಯದೊಂದಿಗೆ 2015ರಲ್ಲಿ ಆರಂಭವಾದ ಈ ಯೋಜನೆ, ಬಡವರ ಪಾಲಿಗೆ ಆಶಾಕಿರಣವಾಗಿದೆ. ಈ ಕುರಿತು ಸಂಪೂರ್ಣವಾದ ಮಾಹಿತಿ ಕೆಳಗೆ ಕೊಡಲಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಎಂದರೇನು? What is PMAY?

ಸರಳವಾಗಿ ಹೇಳುವುದಾದರೆ, ಇದು ಬಡ ಮತ್ತು ಮಧ್ಯಮ ವರ್ಗದ ಜನರಿಗೆ ಸ್ವಂತ ಮನೆ ಕಟ್ಟಿಕೊಳ್ಳಲು ಆರ್ಥಿಕ ನೆರವು ನೀಡುವ ಯೋಜನೆ. ಇದನ್ನು ಎರಡು ಭಾಗಗಳಾಗಿ ವಿಂಗಡಿಸಲಾಗಿದೆ:

1. ಪ್ರಧಾನ ಮಂತ್ರಿ ಆವಾಸ್ ಯೋಜನೆ (ಗ್ರಾಮೀಣ – PMAY-G): ಹಳ್ಳಿಗಳಲ್ಲಿ ವಾಸಿಸುವ, ಮನೆ ಇಲ್ಲದ ಅಥವಾ ಕಚ್ಚಾ (ಮಣ್ಣಿನ/ಶೀಟ್) ಮನೆ ಹೊಂದಿರುವವರಿಗಾಗಿ ಈ ಯೋಜನೆ ಮೀಸಲಾಗಿದೆ.
2. ಪ್ರಧಾನ ಮಂತ್ರಿ ಆವಾಸ್ ಯೋಜನೆ (ನಗರ – PMAY-U): ನಗರ ಪ್ರದೇಶಗಳಲ್ಲಿ ಬಾಡಿಗೆ ಮನೆಯಲ್ಲಿರುವ ಅಥವಾ ಸ್ವಂತ ಮನೆ ಕಟ್ಟಲು ಬಯಸುವ ಬಡ ಹಾಗೂ ಮಧ್ಯಮ ವರ್ಗದ ಜನರಿಗೆ (EWS/LIG/MIG) ಇದು ಅನ್ವಯಿಸುತ್ತದೆ.

ನಿಮಗೆ ಎಷ್ಟು ಹಣ ಸಿಗುತ್ತದೆ? (Subsidy Details)

ಇದು ತುಂಬಾ ಮುಖ್ಯವಾದ ಭಾಗ. ನಿಮ್ಮ ಆದಾಯದ ಮೇಲೆ ಸಬ್ಸಿಡಿ ನಿರ್ಧಾರವಾಗುತ್ತದೆ.

ಗ್ರಾಮೀಣ ಪ್ರದೇಶದವರಿಗೆ:

• ಸಮತಟ್ಟಾದ ಪ್ರದೇಶಗಳಲ್ಲಿ: ₹1,20,000 (1.2 ಲಕ್ಷ) ನೇರ ನಗದು ಸಹಾಯ.
• ಗುಡ್ಡಗಾಡು ಪ್ರದೇಶಗಳಲ್ಲಿ: ₹1,30,000 (1.3 ಲಕ್ಷ).
• ಬೋನಸ್: ಇದರ ಜೊತೆಗೆ ಸ್ವಚ್ಛ ಭಾರತ ಅಭಿಯಾನದ ಅಡಿಯಲ್ಲಿ ಶೌಚಾಲಯ ನಿರ್ಮಿಸಲು ₹12,000 ಪ್ರತ್ಯೇಕವಾಗಿ ಸಿಗುತ್ತದೆ. ಜೊತೆಗೆ ಉದ್ಯೋಗ ಖಾತ್ರಿ ಯೋಜನೆಯಡಿ (MGNREGA) 90 ದಿನಗಳ ಕೂಲಿ ಹಣವೂ (ಸುಮಾರು ₹20,000+) ಸಿಗುತ್ತದೆ.

ನಗರ ಪ್ರದೇಶದವರಿಗೆ (CLSS Scheme):

ನೀವು ಬ್ಯಾಂಕ್ ನಿಂದ ಗೃಹ ಸಾಲ (Home Loan) ಪಡೆದರೆ, ಕೇಂದ್ರ ಸರ್ಕಾರವು ನಿಮ್ಮ ಬಡ್ಡಿ ದರದಲ್ಲಿ (Interest Rate) ರಿಯಾಯಿತಿ ನೀಡುತ್ತದೆ.

• EWS (ಆರ್ಥಿಕವಾಗಿ ದುರ್ಬಲ): ವಾರ್ಷಿಕ ಆದಾಯ ₹3 ಲಕ್ಷದ ಒಳಗೆ ಇರುವವರು. ಇವರಿಗೆ ಬಡ್ಡಿಯಲ್ಲಿ 6.5% ಸಬ್ಸಿಡಿ ಸಿಗುತ್ತದೆ.
• LIG (ಕಡಿಮೆ ಆದಾಯ): ವಾರ್ಷಿಕ ಆದಾಯ ₹3 ರಿಂದ ₹6 ಲಕ್ಷದವರೆಗೆ.
• MIG (ಮಧ್ಯಮ ಆದಾಯ): ವಾರ್ಷಿಕ ಆದಾಯ ₹6 ರಿಂದ ₹18 ಲಕ್ಷದವರೆಗೆ ಇರುವವರಿಗೂ (ಹಳೆಯ ನಿಯಮದಂತೆ) ಬಡ್ಡಿ ಸಬ್ಸಿಡಿ ಲಭ್ಯವಿದೆ.
• ಒಟ್ಟಾರೆ ಲಾಭ: ಗರಿಷ್ಠ ₹2.67 ಲಕ್ಷದವರೆಗೆ ನಿಮ್ಮ ಸಾಲದ ಮೊತ್ತ ಕಡಿಮೆಯಾಗುತ್ತದೆ!

ಅರ್ಜಿ ಸಲ್ಲಿಸಲು ಬೇಕಾದ ಅರ್ಹತೆಗಳು:

• ಭಾರತೀಯ ಪ್ರಜೆಯಾಗಿರಬೇಕು.
• ಅರ್ಜಿದಾರರ ಹೆಸರಿನಲ್ಲಿ ಅಥವಾ ಕುಟುಂಬದ ಯಾವುದೇ ಸದಸ್ಯರ ಹೆಸರಿನಲ್ಲಿ ಭಾರತದಲ್ಲಿ ಎಲ್ಲಿಯೂ ‘ಪಕ್ಕಾ ಮನೆ’ (Concrete House) ಇರಬಾರದು.
• ಈ ಹಿಂದೆ ಸರ್ಕಾರದ ಯಾವುದೇ ವಸತಿ ಯೋಜನೆಯ ಲಾಭ ಪಡೆದಿರಬಾರದು.
• ಹೊಸದಾಗಿ ಮನೆ ಕಟ್ಟುವವರು ಅಥವಾ ಹಳೆ ಮನೆಯನ್ನು ವಿಸ್ತರಿಸುವವರು (Renovation) ಕೂಡ ಅರ್ಜಿ ಸಲ್ಲಿಸಬಹುದು.

ಬೇಕಾಗುವ ದಾಖಲೆಗಳು (Documents Required):

1. ಆಧಾರ್ ಕಾರ್ಡ್ (ಕಡ್ಡಾಯ).
2. ಬ್ಯಾಂಕ್ ಪಾಸ್‌ಬುಕ್ (ಆಧಾರ್ ಲಿಂಕ್ ಆಗಿರಬೇಕು).
3. ಪ್ಯಾನ್ ಕಾರ್ಡ್ (PAN Card).
4. ಆದಾಯ ಪ್ರಮಾಣ ಪತ್ರ (Income Certificate).
5. ಜಾತಿ ಪ್ರಮಾಣ ಪತ್ರ (SC/ST/OBC ಆಗಿದ್ದಲ್ಲಿ).
6. ರೇಷನ್ ಕಾರ್ಡ್ (BPL/APL).
7. ಸ್ವಂತ ಜಾಗ ಇದ್ದರೆ ಅದರ ದಾಖಲೆಗಳು (ಗ್ರಾಮೀಣ ಯೋಜನೆಗೆ).
8. ಪಾಸ್‌ಪೋರ್ಟ್ ಅಳತೆಯ ಫೋಟೋ.

How to Apply? (Step-by-Step Guide)

1. ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸುವುದು ಹೇಗೆ? (Urban/City):

ಹಂತ 1: ಅಧಿಕೃತ ವೆಬ್‌ಸೈಟ್ pmaymis.gov.in ಗೆ ಭೇಟಿ ನೀಡಿ.

ಹಂತ 2: ಮೆನು ಬಾರ್‌ನಲ್ಲಿರುವ ‘Apply for PMAY-U 2.0‘ ಮೇಲೆ ಕ್ಲಿಕ್ ಮಾಡಿ.

ಹಂತ 3: ನಿಮ್ಮ ಆಧಾರ್ ನಂಬರ್ ನಮೂದಿಸಿ, ಮತ್ತು ಮತ್ತು ಇನ್ನಿತರ ಮಾಹಿತಿಯನ್ನು ನಮೂದಿಸಿ ಅರ್ಹತೆಯನ್ನು ಚೆಕ್ ಮಾಡಿಕೊಂಡು ಮುಂದುವರಿಯಿರಿ

ಹಂತ 5: ಪರದೆಯ ಮೇಲೆ ಬರುವ ಅರ್ಜಿ ಫಾರ್ಮ್‌ನಲ್ಲಿ ನಿಮ್ಮ ಹೆಸರು, ವಿಳಾಸ, ಬ್ಯಾಂಕ್ ವಿವರ ಮತ್ತು ಆದಾಯದ ವಿವರಗಳನ್ನು ಸರಿಯಾಗಿ ಭರ್ತಿ ಮಾಡಿ.

ಹಂತ 6: ‘Submit’ ಕೊಡಿ ಮತ್ತು ಅರ್ಜಿ ಸಂಖ್ಯೆಯನ್ನು (Application ID) ಬರೆದಿಟ್ಟುಕೊಳ್ಳಿ.

ಆಫ್‌ಲೈನ್ ಮೂಲಕ ಅರ್ಜಿ (Rural/Village):

ಗ್ರಾಮೀಣ ಭಾಗದವರು ನೇರವಾಗಿ ನಿಮ್ಮ ಗ್ರಾಮ ಪಂಚಾಯತ್ ಕಚೇರಿಗೆ ಹೋಗಿ ಅಲ್ಲಿರುವ ಪಿಡಿಒ (PDO) ಅಥವಾ ಕಾರ್ಯದರ್ಶಿಯವರ ಬಳಿ ನಿಗದಿತ ಫಾರ್ಮ್ ಪಡೆದು ಭರ್ತಿ ಮಾಡಿಕೊಡಬೇಕು. ಅಥವಾ ಹತ್ತಿರದ CSC ಸೆಂಟರ್ (ಗ್ರಾಮ ಒನ್) ನಲ್ಲೂ ಅರ್ಜಿ ಸಲ್ಲಿಸಬಹುದು.

Karnataka Status Check (RGHCL)

ಕರ್ನಾಟಕದಲ್ಲಿ ನಿಮ್ಮ ಹೆಸರು ಲಿಸ್ಟ್‌ನಲ್ಲಿದೆಯಾ ಎಂದು ಚೆಕ್ ಮಾಡುವುದು ಹೇಗೆ? ನಮ್ಮ ರಾಜ್ಯದಲ್ಲಿ ‘ರಾಜೀವ್ ಗಾಂಧಿ ವಸತಿ ನಿಗಮ’ (RGHCL) ಈ ಯೋಜನೆಯ ಉಸ್ತುವಾರಿ ನೋಡಿಕೊಳ್ಳುತ್ತದೆ.

1. ashraya.karnataka.gov.in ವೆಬ್‌ಸೈಟ್‌ಗೆ ಹೋಗಿ.
2. ‘Beneficiary Status’ ಮೇಲೆ ಕ್ಲಿಕ್ ಮಾಡಿ.
3. ನಿಮ್ಮ ಜಿಲ್ಲೆ ಮತ್ತು ಬೆನಿಫಿಶಿಯರಿ ಕೋಡ್ (Beneficiary Code) ಹಾಕಿ ಚೆಕ್ ಮಾಡಬಹುದು.
4. ಅಥವಾ ಗ್ರಾಮ ಪಂಚಾಯತ್‌ಗೆ ಬರುವ ಹೊಸ ಪಟ್ಟಿಯಲ್ಲಿ ನಿಮ್ಮ ಹೆಸರನ್ನು ಪರಿಶೀಲಿಸಿ.

ರಾಜ್ಯದ ಗ್ರಾಮ ಪಂಚಾಯತ್ ಮತ್ತು ಗ್ರಾಮೀಣಾಭಿವೃದ್ಧಿ ಇಲಾಖೆಯಲ್ಲಿನ ಜಿಲ್ಲಾವಾರು ಖಾಲಿ ಹುದ್ದೆಗಳ ಸಂಪೂರ್ಣ ಪಟ್ಟಿ ಇಲ್ಲಿದೆ!

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.