ಶಿಕ್ಷಣ ಇಲಾಖೆಯ ಹೊಸ ಪ್ರಸ್ತಾವನೆ: ಪಿಯು ಉಪನ್ಯಾಸಕರು 9–10ನೇ ತರಗತಿಗೂ ಬೋಧನೆ ಕಡ್ಡಾಯ

ಕರ್ನಾಟಕದ ಶಾಲಾ–ಪದವಿಪೂರ್ವ ಶಿಕ್ಷಣ ವ್ಯವಸ್ಥೆಯಲ್ಲಿ ದೊಡ್ಡ ಬದಲಾವಣೆಯಾಗುವ ಸಾಧ್ಯತೆ ಇದೆ. ರಾಜ್ಯ ಸರ್ಕಾರವು ಪದವಿಪೂರ್ವ ಕಾಲೇಜುಗಳಲ್ಲಿ (ಪಿಯುಸಿ) ನೇಮಕವಾಗುವ ಉಪನ್ಯಾಸಕರು ಇನ್ನು ಮುಂದೆ 9 ಮತ್ತು 10ನೇ ತರಗತಿಗಳಿಗೂ ಬೋಧನೆ ಮಾಡುವುದು ಕಡ್ಡಾಯ ಎಂಬ ಮಹತ್ತರ ತಿದ್ದುಪಡಿಯನ್ನು ತರಲು ಮುಂದಾಗಿದೆ.

ದಶಕಗಳಿನಿಂದ ಪ್ರೌಢಶಿಕ್ಷಣ ಮತ್ತು ಪದವಿಪೂರ್ವ ಶಿಕ್ಷಣ ಎಂಬ ಎರಡು ಪ್ರತ್ಯೇಕ ಹಂತಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದ Karnataka’s schooling structure ಈಗ ಒಂದೇ ಕ್ಯಾಂಪಸ್, ಎರಡು ಹಂತ ಮಾದರಿಯತ್ತ ಸಾಗುತ್ತಿದೆ. CBSE ಮತ್ತು ICSE ಶಾಲೆಗಳಂತೆ, ಕೆಪಿಎಸ್‌ಗಳ ಉದಯದಿಂದ 1ರಿಂದ 12ನೇ ತರಗತಿವರೆಗಿನ ಶಿಕ್ಷಣವನ್ನು ಒಂದೇ ಆಡಳಿತಡಿ ತರಲಾಗುತ್ತಿದೆ. ಈ ಬದಲಾವಣೆಯ ಹಿನ್ನೆಲೆಯಲ್ಲಿ, ಪಿಯು ಉಪನ್ಯಾಸಕರ ಪಾತ್ರ, ಶೈಕ್ಷಣಿಕ ಸ್ವಾಯತ್ತತೆ, ಆಡಳಿತಾತ್ಮಕ ಹಕ್ಕುಗಳು ಮತ್ತು ಸೇವಾ ನಿಯಮಗಳು ಕುರಿತು ದೊಡ್ಡ ಚರ್ಚೆ ನೆಡೆಯುತ್ತಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರಸ್ತುತ ರಾಜ್ಯದಲ್ಲಿ ಪ್ರೌಢಶಿಕ್ಷಣ ಮತ್ತು ಪಿಯು ಶಿಕ್ಷಣಕ್ಕೆ ಪ್ರತ್ಯೇಕ ವೃಂದ, ಪ್ರತ್ಯೇಕ ನೇಮಕಾತಿ ಮತ್ತು ಪ್ರತ್ಯೇಕ ಅಧಿಕಾರ ವ್ಯವಸ್ಥೆಗಳಿವೆ:
ಪ್ರೌಢಶಾಲಾ ಶಿಕ್ಷಕರು (Group-C) – 8ರಿಂದ 10ನೇ ತರಗತಿ
ಪದವಿಪೂರ್ವ ಉಪನ್ಯಾಸಕರು (Group-B) – 1ನೇ ಹಾಗೂ 2ನೇ ಪಿಯು ತರಗತಿಗಳು.
ಅದೇ ರೀತಿ ಪ್ರಾಂಶುಪಾಲರು ಮತ್ತು ಮುಖ್ಯ ಶಿಕ್ಷಕರು ಒಂದೇ ಕ್ಯಾಂಪಸ್‌ನಲ್ಲಿದ್ದರೂ, ಅವರ ಬೋಧನಾ ಕಾರ್ಯಕ್ಷೇತ್ರಗಳು ಒಂದಾಗಿರಲಿಲ್ಲ.
ಆದರೆ, ಕರ್ನಾಟಕ ಪಬ್ಲಿಕ್ ಸ್ಕೂಲ್ (ಕೆಪಿಎಸ್) ಮಾದರಿಯ  ನಂತರ, ಒಂದು ಕ್ಯಾಂಪಸ್‌ನಲ್ಲೇ 1ರಿಂದ 12ನೇ ತರಗತಿವರೆಗೆ ಶಿಕ್ಷಣ ನಡೆಯುತ್ತಿರುವುದರಿಂದ, ಶಿಕ್ಷಕರ ಕೆಲಸದ ವಿಸ್ತರಣೆಗೆ ಹೊಸ ಚರ್ಚೆಗಳು ಆರಂಭವಾಗಿವೆ.

ಶಾಲಾ ಶಿಕ್ಷಣ ಇಲಾಖೆ 2026–27ರ ಒಳಗೆ ಸುಮಾರು 15 ಲಕ್ಷ ವಿದ್ಯಾರ್ಥಿಗಳನ್ನು ಕೆಪಿಎಸ್ ಮಾದರಿಯಡಿ ತರಲು ಗುರಿ ಹೊಂದಿದೆ. ಈ ಹಿನ್ನೆಲೆಯಲ್ಲಿ, ವೃಂದ–ನೇಮಕಾತಿ ನಿಯಮಗಳಲ್ಲಿ ಬದಲಾವಣೆ ಅಗತ್ಯವಿದೆ ಎಂದು ಇಲಾಖೆ ಅಭಿಪ್ರಾಯಪಟ್ಟಿದೆ.
ಮುಖ್ಯ ತಿದ್ದುಪಡಿ ಕೆಳಗಿನಂತೆ ಇದೆ:
ಪಿಯು ಉಪನ್ಯಾಸಕರು 7- 9 ಮತ್ತು 10ನೇ ತರಗತಿಗಳಿಗೂ ಬೋಧನೆ.
ಇದಕ್ಕಾಗಿ 2022ರಲ್ಲೇ ಸಿದ್ಧಪಡಿಸಿದ ಸೂತ್ರಕ್ಕೆ ಅನುಸಾರವಾಗಿ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆಗೆ ತಿದ್ದುಪಡಿ ಪ್ರಸ್ತಾವನೆ ಸಲ್ಲಿಸಲಾಗಿದೆ.
ಹೊಸ ನಿಯಮ ಜಾರಿಗೆ ಬಂದ ನಂತರವೇ 881 ಉಪನ್ಯಾಸಕರ ಹುದ್ದೆಗಳ ನೇಮಕಾತಿ ಅಧಿಸೂಚನೆ ಹೊರ ಬೀಳಲಿದೆ.

ಉಪನ್ಯಾಸಕರ ಸಂಘದ ತೀವ್ರ ವಿರೋಧ,ಪಿಯು ಸ್ವಾಯತ್ತತೆಗೆ ಧಕ್ಕೆ:

ಕರ್ನಾಟಕ ಪದವಿಪೂರ್ವ ಕಾಲೇಜುಗಳ ಉಪನ್ಯಾಸಕರ ಸಂಘ ಈ ಪ್ರಸ್ತಾಪವನ್ನು ತೀವ್ರವಾಗಿ ವಿರೋಧಿಸಿದೆ. ಸಂಘದ ಅಧ್ಯಕ್ಷ ನಿಂಗೇಗೌಡ ಎ. ಎಚ್. ಅವರ ಅಭಿಪ್ರಾಯದಲ್ಲಿ

ಸಂಘದ ಆರೋಪಗಳು ಹೀಗಿವೆ:

Group-B ವೃಂದದ ಉಪನ್ಯಾಸಕರನ್ನು Group-C ಕಾರ್ಯಕ್ಕೆ ಬಳಸುವುದು, ಸೇವಾ ನಿಯಮಗಳ ಉಲ್ಲಂಘನೆ.
ಉಪನ್ಯಾಸಕರ ವೃತ್ತಿ ಗೌರವಕ್ಕೆ ಧಕ್ಕೆ.
ಪಿಯು ಶಿಕ್ಷಣವು ಉನ್ನತ ಶಿಕ್ಷಣದ ತಯಾರಿ ಹಂತವನ್ನು ಶಾಲಾ ಹಂತಕ್ಕೆ ಇಳಿಸುವುದು ಶೈಕ್ಷಣಿಕ ಕ್ರಮವ್ಯವಸ್ಥೆಗೆ ಹಾನಿ
ಹೆಚ್ಚುವರಿ ಬೋಧನಾ ಹೊರೆ ಕೆಲಸದ ಗುಣಮಟ್ಟದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ.
ಸಂಘವು ಈ ಪ್ರಸ್ತಾವವನ್ನು ತಕ್ಷಣ ಹಿಂಪಡೆಯುವಂತೆ ಶಿಕ್ಷಣ ಸಚಿವ ಮತ್ತು ಪ್ರಧಾನ ಕಾರ್ಯದರ್ಶಿಗೆ ಮನವಿ ಮಾಡಿದೆ.

ಕರ್ನಾಟಕದ ಪಿಯು ಶಿಕ್ಷಣದ ಅಂಕಿ–ಅಂಶ:

1,319 – ಸರ್ಕಾರಿ ಪಿಯು ಕಾಲೇಜುಗಳು
12,917 – ಮಂಜೂರಾದ ಬೋಧಕ ಹುದ್ದೆಗಳು
8,156 – ಕಾರ್ಯನಿರ್ವಹಿಸುತ್ತಿರುವ ಉಪನ್ಯಾಸಕರು
4,761 – ಖಾಲಿ ಹುದ್ದೆಗಳು
881 – ನೇಮಕಾತಿಗೆ ಸಿದ್ಧವಾಗಿರುವ ಹುದ್ದೆಗಳು
ಪಿಯು ಶಿಕ್ಷಣದಲ್ಲಿ ಬೋಧಕ ಕೊರತೆ ಗಂಭೀರವಾಗಿರುವ ಸಂದರ್ಭದಲ್ಲಿ, ಈ ತಿದ್ದುಪಡಿ ನಿಯಮವು ಶಿಕ್ಷಕರ ಕೊರತೆಯನ್ನು ಸುಧಾರಿಸಬಹುದು ಎಂಬ ಸರ್ಕಾರದ ನಿಲುವು ಇದ್ದರೂ, ಉಪನ್ಯಾಸಕರ ಅಸಮಾಧಾನ ದಿನೇದಿನೇ ಹೆಚ್ಚಾಗುತ್ತಿದೆ.

ಒಟ್ಟಾರೆಯಾಗಿ, ಕರ್ನಾಟಕದ ಶಿಕ್ಷಣ ವ್ಯವಸ್ಥೆಯಲ್ಲಿ ಇದು ವ್ಯವಸ್ಥಾತ್ಮಕ ಪರಿವರ್ತನೆ ತರಬಹುದಾದ ದೊಡ್ಡ ಹೆಜ್ಜೆಯಾಗಿದೆ. ಒಂದೇ ಕ್ಯಾಂಪಸ್‌, ಒಂದೇ ವ್ಯವಸ್ಥೆ ಎಂಬ  ಮಾದರಿಯತ್ತ ಸಾಗುವ ಪ್ರಯತ್ನವಾಗಿದ್ದರೂ, ಇದು ಸ್ವಾಯತ್ತತೆ, ಕೆಲಸದ ಭಾರ ಮತ್ತು ಸೇವಾ ಶ್ರೇಣಿ ಕುರಿತಂತೆ ಹಲವು ಪ್ರಶ್ನೆಗಳನ್ನು ಎತ್ತಿದೆ. ಸರ್ಕಾರದ ಗುರಿ, ಶಿಕ್ಷಕರ ಆತಂಕ, ವಿದ್ಯಾರ್ಥಿಗಳ ಹಿತ ಎಂಬ ಗುರಿಗಳ ನಡುವೆ ಈ ಚರ್ಚೆಯ ಅಂತಿಮ ನಿರ್ಧಾರ ಏನಾಗುತ್ತದೆ ಎಂದು ಕಾದುನೋಡಬೇಕಾಗಿದೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.