ಸರ್ಕಾರಿ ನೌಕರರಿಗೆ ಸಿಹಿ ಸುದ್ದಿ: ಪ್ರಯಾಣ ಭತ್ಯೆ ಮತ್ತು ಭವಿಷ್ಯ ನಿಧಿ, ಹೊಸ ಆದೇಶ!

ಬೆಂಗಳೂರು: ರಾಜ್ಯ ಸರ್ಕಾರವು ತನ್ನ ಎಲ್ಲಾ ವೋಚರ್‌ಗಳ ಡಿಜಿಟಲೀಕರಣ (Digitalisation) ಪ್ರಕ್ರಿಯೆಯ ಭಾಗವಾಗಿ, ಪ್ರಯಾಣ ಭತ್ಯೆ (TA Bills) ಮತ್ತು ಭವಿಷ್ಯ ನಿಧಿ ಮುಂಗಡ (GPF Advances) ಬಿಲ್ಲುಗಳನ್ನು ಅಂಗೀಕರಿಸುವ ವಿಧಾನದಲ್ಲಿ ಮಹತ್ವದ ಬದಲಾವಣೆ ತಂದಿದೆ. ಇನ್ನು ಮುಂದೆ, ಈ ಬಿಲ್ಲುಗಳಿಗೆ ಸಂಬಂಧಿಸಿದ ಭೌತಿಕ ದಾಖಲೆಗಳ ಬದಲಿಗೆ ಡಿಜಿಟಲ್ ಸಹಿ ಮಾಡಿದ ವೋಚರ್‌ಗಳನ್ನು (Digitally Signed Vouchers) ಅಂಗೀಕರಿಸಲು ರಾಜ್ಯ ಸರ್ಕಾರ ಆದೇಶಿಸಿದೆ.

ಈ ಕುರಿತು ಆರ್ಥಿಕ ಇಲಾಖೆಯ ಸರ್ಕಾರದ ಅಧೀನ ಕಾರ್ಯದರ್ಶಿಗಳು ಸುತ್ತೋಲೆ ಹೊರಡಿಸಿದ್ದಾರೆ. ವೋಚರ್‌ಗಳ ಡಿಜಿಟಲೀಕರಣದ ನಿಟ್ಟಿನಲ್ಲಿ, ಹೆಚ್.ಆರ್.ಎಂ.ಎಸ್. (HRMS) ಮತ್ತು ಖಜಾನೆ-2 ವ್ಯವಸ್ಥೆಗಳಲ್ಲಿ ಸಿದ್ಧಪಡಿಸುವ ರಾಜ್ಯ ಮತ್ತು ಜಿಲ್ಲಾ ವಲಯದ ವೇತನ ಬಿಲ್ಲುಗಳು ಹಾಗೂ ಸಂಬಂಧಿತ ಕಡಿತಗಳ (Deductions) ಶೆಡ್ಯೂಲ್‌ಗಳನ್ನು ಆನ್‌ಲೈನ್‌ನಲ್ಲಿ ಮಾತ್ರ ಸಲ್ಲಿಸಲು ಈಗಾಗಲೇ ಸೂಚಿಸಲಾಗಿತ್ತು. ಡಿಡಿಓಗಳು (DDOs – Drawing and Disbursing Officers) ಈ ಬಿಲ್ಲುಗಳನ್ನು ಡಿಜಿಟಲ್ ಸಹಿ (DS) ಮೂಲಕ ದೃಢೀಕರಿಸಿ ಖಜಾನೆಗಳಿಗೆ ಆನ್‌ಲೈನ್ ಮೂಲಕ ಮಾತ್ರ ಸಲ್ಲಿಸಬೇಕು ಎಂದು ಆದೇಶ ನೀಡಲಾಗಿತ್ತು.

ಪ್ರಾಯೋಗಿಕವಾಗಿ ಎರಡು ವಿಧಾನ ಬಳಕೆ (ನವೆಂಬರ್ 2025 ರಿಂದ):

ಇತರ ಕ್ಷೇಮುಗಳ ಬಿಲ್ಲುಗಳಿಗೂ ಭೌತಿಕ ರೂಪದ ಬದಲಿಗೆ ಡಿಜಿಟಲ್ ಸಹಿಯಾದ ವೋಚರ್‌ಗಳನ್ನು ಅಂಗೀಕರಿಸುವ ಕುರಿತು, ಮಹಾಲೇಖಪಾಲರು (CAG) ಸೂಚಿಸಿದ ಪ್ರಮಾಣೀಕೃತ ಕಾರ್ಯಾಚರಣೆ ವಿಧಾನದ (SOP) ಅಡಿಯಲ್ಲಿ ಸ್ವಯಂ ಮೌಲ್ಯಮಾಪನ ವರದಿಯನ್ನು ಸಲ್ಲಿಸಲಾಗಿದೆ. ಇದರ ಅನುಸಾರವಾಗಿ, ಮಹಾಲೇಖಪಾಲರು (CAG) ಪ್ರಯಾಣ ಭತ್ಯೆ (TA Bills) ಮತ್ತು ಭವಿಷ್ಯ ನಿಧಿ ಮುಂಗಡಗಳ (GPF Advances) ಕ್ಷೇಮುಗಳನ್ನು ಸೆಪ್ಟೆಂಬರ್ 2025 ರಿಂದ 3 ತಿಂಗಳುಗಳ ಕಾಲ, ಭೌತಿಕ (Physical) ಹಾಗೂ ಡಿಜಿಟಲ್ (Digital) ರೂಪಗಳಲ್ಲಿ ಸಮಾನಾಂತರವಾಗಿ (Parallelly) ಪ್ರಾಯೋಗಿಕವಾಗಿ ಸಲ್ಲಿಸಲು ಅವಕಾಶ ನೀಡಿದ್ದಾರೆ ಎಂದು ಖಜಾನೆ ಆಯುಕ್ತರು ಕೋರಿದ್ದರು.

ಅಂತಿಮ ಆದೇಶ:

ಈ ಹಿನ್ನೆಲೆಯಲ್ಲಿ, ವೋಚರ್‌ಗಳ ಡಿಜಿಟಲೀಕರಣದ ಅಂಗವಾಗಿ, ಪ್ರಯಾಣ ಭತ್ಯೆ ಬಿಲ್ಲುಗಳು (TA Bills) ಮತ್ತು ಭವಿಷ್ಯ ನಿಧಿ ಮುಂಗಡಗಳ (GPF Advances) ಬಿಲ್ಲುಗಳನ್ನು, ಡಿಡಿಓಗಳು ಖಜಾನೆ-2 ರಲ್ಲಿ ಆನ್‌ಲೈನ್‌ನಲ್ಲಿ ಸಿದ್ಧಪಡಿಸಿ, ದಿನಾಂಕ: 01.11.2025 ರಿಂದ ಜಾರಿಗೆ ಬರುವಂತೆ 3 ತಿಂಗಳುಗಳ ಕಾಲ ಭೌತಿಕ ಮತ್ತು ಇ-ವಿಧಾನ (ಡಿಜಿಟಲ್) ಎರಡೂ ವಿಧಾನಗಳಲ್ಲಿ ಖಜಾನೆಗೆ ಸಲ್ಲಿಸಬೇಕು ಎಂದು ಆದೇಶಿಸಲಾಗಿದೆ.

ಮೂರು ತಿಂಗಳ ಪ್ರಾಯೋಗಿಕ ಅವಧಿಯ ನಂತರ, ಡಿಜಿಟಲ್ ರೂಪದಲ್ಲಿ ಮಾತ್ರ ಈ ಬಿಲ್ಲುಗಳನ್ನು ಖಜಾನೆಗೆ ಸಲ್ಲಿಸುವುದು ಕಡ್ಡಾಯವಾಗುತ್ತದೆ.

ಲೆಕ್ಕಪರಿಶೋಧನೆಗೆ ಸುಲಭ:

• ಖಜಾನೆಗಳು ರಾಜ್ಯ ವಲಯದ TA ಮತ್ತು GPF ಮುಂಗಡಗಳ ಡಿಜಿಟೈಸ್ಡ್ ವೋಚರ್‌ಗಳನ್ನು ಮಹಾಲೇಖಪಾಲರಿಗಾಗಿ ಮೀಸಲಾದ ಸರ್ವರ್‌ನಲ್ಲಿ (Dedicated Server) ಲಭ್ಯಗೊಳಿಸಬೇಕು.
• ಜಿಲ್ಲಾ ವಲಯದ (ಜಿಲ್ಲಾ ಪಂಚಾಯತ್/ತಾಲ್ಲೂಕು ಪಂಚಾಯತ್) TA ಡಿಜಿಟೈಸ್ಡ್ ವೋಚರ್‌ಗಳನ್ನು ಜಿಲ್ಲಾ/ತಾಲ್ಲೂಕು ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿಗಳ ಲಾಗಿನ್‌ನಲ್ಲಿ e-Compllation Form 1 ಮೂಲಕ ವೀಕ್ಷಿಸಲು ಅವಕಾಶ ಕಲ್ಪಿಸಬೇಕು.
• ಲೆಕ್ಕಪರಿಶೋಧನೆಗಾಗಿ (Audit) ಈ ಡಿಜಿಟೈಸ್ಡ್ ವೋಚರ್‌ಗಳನ್ನು ಮಾಹೆವಾರು ವರ್ಗೀಕರಿಸಿ ಲಭ್ಯವಾಗುವಂತೆ ಮಾಡಬೇಕು.

ಈ ಬದಲಾವಣೆಗಳನ್ನು ಜಾರಿಗೆ ತರಲು ಕರ್ನಾಟಕ ಆರ್ಥಿಕ ಸಂಹಿತೆ ಮತ್ತು ಕರ್ನಾಟಕ ಖಜಾನೆ ಸಂಹಿತೆ ನಿಯಮಗಳಿಗೆ ಸೂಕ್ತ ತಿದ್ದುಪಡಿ ತರಲಾಗುವುದು ಎಂದು ಸರ್ಕಾರ ತಿಳಿಸಿದೆ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.

ರಕ್ಷಿತ್ ಎಂ

“ರಕ್ಷಿತ್ ಅವರು NeedsOfPublic.in ನಲ್ಲಿ ಜ್ಯೋತಿಷ್ಯ, ಜೀವನಶೈಲಿ (Lifestyle) ಮತ್ತು ಆರೋಗ್ಯ ವಿಭಾಗದ ಹಿರಿಯ ಲೇಖಕರಾಗಿದ್ದಾರೆ. ಜೀವನಶೈಲಿ ಮತ್ತು ಆಧ್ಯಾತ್ಮಿಕ ವಿಷಯಗಳ ಲೇಖನ ಕ್ಷೇತ್ರದಲ್ಲಿ 4 ವರ್ಷಗಳ ಸುದೀರ್ಘ ಅನುಭವ ಹೊಂದಿರುವ ಇವರು, ದೈನಂದಿನ ರಾಶಿ ಭವಿಷ್ಯದ ಜೊತೆಗೆ ಚಾಣಕ್ಯ ನೀತಿಯ ಮೌಲ್ಯಗಳು, ಮನೆಮದ್ದುಗಳು (Health Tips), ಕಿಚನ್ ಟಿಪ್ಸ್ ಮತ್ತು ದೈನಂದಿನ ಜೀವನಕ್ಕೆ ಸಹಕಾರಿಯಾಗುವ ಉಪಯುಕ್ತ ಮಾಹಿತಿಗಳ ಬಗ್ಗೆ ಬರೆಯುತ್ತಾರೆ. ಪುರಾತನ ಜ್ಞಾನ ಮತ್ತು ಆಧುನಿಕ ಜೀವನಶೈಲಿಯನ್ನು ಸಮತೋಲನಗೊಳಿಸಿ ಓದುಗರಿಗೆ ಸರಳ ಹಾಗೂ ಪರಿಣಾಮಕಾರಿ ಸಲಹೆಗಳನ್ನು ನೀಡುವುದು ಇವರ ವೈಶಿಷ್ಟ್ಯವಾಗಿದೆ.”