ಮುಟ್ಟು ನಿಂತ ಮೇಲೆ ಮಹಿಳೆಯರು ಈ ಕೆಲಸ ಮಾಡಲೇಬೇಕು, ಇಲ್ಲವಾದರೆ ಮಾರಕ ಕ್ಯಾನ್ಸರ್ ಅಪಾಯ ಸಾಧ್ಯತೆ

ಮಹಿಳೆಯರ ಜೀವನದಲ್ಲಿ ಮುಟ್ಟು (Menopause) ಒಂದು ಸಹಜ ಹಂತ. ಸಾಮಾನ್ಯವಾಗಿ 45 ರಿಂದ 50 ವರ್ಷದೊಳಗೆ ಋತುಚಕ್ರ(Menstruation) ನಿಲ್ಲುವುದು ಸಹಜ. ಈ ಬದಲಾವಣೆಯನ್ನು ಮೆನೋಪಾಸ್ ಎಂದು ಕರೆಯಲಾಗುತ್ತದೆ. ಪಿರಿಯಡ್ಸ್ ನಿಲ್ಲುವುದು ಅಸಹಜವಲ್ಲ, ಆದರೆ ಅದರ ನಂತರ ದೇಹದಲ್ಲಿ ಉಂಟಾಗುವ ಹಾರ್ಮೋನಲ್ ಬದಲಾವಣೆಗಳು(Harmonal Changes) ದೀರ್ಘಕಾಲೀನ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ಆದ್ದರಿಂದ, ಈ ಹಂತದಲ್ಲಿ ಮಹಿಳೆಯರು ತಮ್ಮ ದೇಹದ ಕಾಳಜಿಯನ್ನು ವಿಶೇಷವಾಗಿ ತೆಗೆದುಕೊಳ್ಳುವುದು ಅತ್ಯವಶ್ಯಕ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ನಿಯಮಿತ ವೈದ್ಯಕೀಯ ತಪಾಸಣೆ(Regular medical check-ups):

ಮೆನೋಪಾಸ್ ನಂತರ ದೇಹದಲ್ಲಿ ಅಸಾಮಾನ್ಯ ಬದಲಾವಣೆಗಳು (ಹಾರ್ಮೋನ್ ಅಸಮತೋಲನ, ತೂಕ ಏರಿಕೆ, ಹೃದಯದ ಸಮಸ್ಯೆಗಳು, ಶ್ವೇತಪ್ರದರ್ ಮುಂತಾದವು) ಕಾಣಿಸಿಕೊಳ್ಳಬಹುದು.

ವರ್ಷಕ್ಕೊಮ್ಮೆ ಸಂಪೂರ್ಣ ವೈದ್ಯಕೀಯ ತಪಾಸಣೆ ಮಾಡಿಸಿಕೊಳ್ಳಿ.

ಮ್ಯಾಮೋಗ್ರಾಮ್, ಪ್ಯಾಪ್ ಸ್ಮಿಯರ್, ಅಲ್ಟ್ರಾಸೌಂಡ್ ಮುಂತಾದ ತಪಾಸಣೆಗಳನ್ನು ವೈದ್ಯರ ಸಲಹೆಯಂತೆ ಮಾಡಿಕೊಳ್ಳುವುದು ಅತ್ಯಗತ್ಯ.

ಆಹಾರದಲ್ಲಿ ಸಮತೋಲನ(Balance in diet):

ಋತುಬಂಧದ ನಂತರ ಮೂಳೆಗಳು ದುರ್ಬಲವಾಗುವ ಸಾಧ್ಯತೆ ಹೆಚ್ಚಾಗುತ್ತದೆ. ಜೊತೆಗೆ ಹಾರ್ಮೋನಿನ ಏರಿಳಿತದಿಂದ ಹೃದಯರೋಗ, ಮಧುಮೇಹ, ರಕ್ತದ ಒತ್ತಡದ ಅಪಾಯಗಳೂ ಹೆಚ್ಚಾಗುತ್ತವೆ.

ಕ್ಯಾಲ್ಸಿಯಂ ಮತ್ತು ವಿಟಮಿನ್ D ಸಮೃದ್ಧ ಆಹಾರ (ಹಾಲು, ಮೊಸರು, ಬಾದಾಮಿ, ಮೀನು) ಸೇವಿಸಿ.

ಹೆಚ್ಚು ಫೈಬರ್ ಹೊಂದಿರುವ ತರಕಾರಿ, ಹಣ್ಣು, ಸೊಪ್ಪುಗಳನ್ನು ಆಹಾರದಲ್ಲಿ ಸೇರಿಸಿ.

ಉಪ್ಪಿನ ಸೇವನೆ ಕಡಿಮೆ ಮಾಡಿ, ಏಕೆಂದರೆ ಹೆಚ್ಚಿನ ಸೋಡಿಯಂ ರಕ್ತದ ಒತ್ತಡವನ್ನು ಹೆಚ್ಚಿಸುತ್ತದೆ.

ಎಣ್ಣೆ ಹುರಿದ ಆಹಾರ, ಜಂಕ್ ಫುಡ್ ಮತ್ತು ಹೆಚ್ಚು ಸಕ್ಕರೆ ಇರುವ ಪದಾರ್ಥಗಳನ್ನು ನಿಯಂತ್ರಿಸಿ.

ವ್ಯಾಯಾಮ ಮತ್ತು ಯೋಗ(Exercise and yoga):

ವ್ಯಾಯಾಮವು ಮೆನೋಪಾಸ್ ನಂತರ ಮಹಿಳೆಯರಿಗೆ ಅತ್ಯುತ್ತಮ ಔಷಧಿಯಂತಿದೆ.

ದಿನಕ್ಕೆ ಕನಿಷ್ಠ 30 ನಿಮಿಷ ನಡೆಯುವುದು ಅಥವಾ ಸೈಕ್ಲಿಂಗ್ ಮಾಡುವುದು.

ಯೋಗ ಮತ್ತು ಧ್ಯಾನ ಒತ್ತಡವನ್ನು ಕಡಿಮೆ ಮಾಡಿ ಮಾನಸಿಕ ಶಾಂತಿ ನೀಡುತ್ತದೆ.

ಬೋನ್ ಸ್ಟ್ರೆಂಗ್ತ್ ಕಾಪಾಡಲು ಲಘು ತೂಕ ಎತ್ತುವ ವ್ಯಾಯಾಮ ಸಹಕಾರಿ.

ಮಾನಸಿಕ ಆರೋಗ್ಯದ ಕಾಳಜಿ(Mental health concerns):

ಮೆನೋಪಾಸ್ ಸಮಯದಲ್ಲಿ ಅನೇಕ ಮಹಿಳೆಯರು ಕೋಪ, ಅಸಹನೆ, ಆತಂಕ ಅಥವಾ ಖಿನ್ನತೆಗೆ ಒಳಗಾಗುತ್ತಾರೆ.

ದಿನಚರಿ ಬರೆಯುವುದು (journaling), ಹವ್ಯಾಸಗಳನ್ನು ಬೆಳೆಸುವುದು, ಕುಟುಂಬದೊಂದಿಗೆ ಸಮಯ ಕಳೆಯುವುದು ಮಾನಸಿಕ ಶಕ್ತಿ ಹೆಚ್ಚಿಸುತ್ತದೆ.

ಅಗತ್ಯವಿದ್ದರೆ ಸೈಕಾಲಜಿಸ್ಟ್ ಸಲಹೆ ಪಡೆಯಲು ಹಿಂಜರಿಯಬೇಡಿ.

ಅಂಡಾಶಯದ ಕ್ಯಾನ್ಸರ್ ಅಪಾಯ(Ovarian cancer risk):

ಮೆನೋಪಾಸ್ ನಂತರ ಅಂಡಾಶಯದ ಕ್ಯಾನ್ಸರ್ ಅಪಾಯ ಹೆಚ್ಚಾಗುತ್ತದೆ. ವಿಶೇಷವಾಗಿ 50 ವರ್ಷಕ್ಕಿಂತ ಹೆಚ್ಚಿನ ವಯಸ್ಸಿನ ಮಹಿಳೆಯರಲ್ಲಿ ಇದು ಸಾಮಾನ್ಯ.

ಹೊಟ್ಟೆ ಉಬ್ಬುವುದು, ಅಜೀರ್ಣ, ಹೊಟ್ಟೆ ನೋವು, ಅತಿಯಾದ ಮೂತ್ರ ವಿಸರ್ಜನೆ, ತೂಕದಲ್ಲಿ ಏರಿಕೆ ಅಥವಾ ಕುಸಿತ – ಇವುಗಳಿದ್ದರೆ ತಕ್ಷಣ ತಪಾಸಣೆ ಮಾಡಿಸಿಕೊಳ್ಳಬೇಕು.

ಅಮೆರಿಕನ್ ಕ್ಯಾನ್ಸರ್ ಸೊಸೈಟಿ ಪ್ರಕಾರ, ಅಂಡಾಶಯದ ಕ್ಯಾನ್ಸರ್ ಪ್ರಕರಣಗಳ ಅರ್ಧಕ್ಕಿಂತ ಹೆಚ್ಚು 63 ವರ್ಷ ಮೇಲ್ಪಟ್ಟ ಮಹಿಳೆಯರಲ್ಲಿ ಕಂಡುಬರುತ್ತದೆ.

ಮೆನೋಪಾಸ್ ಮಹಿಳೆಯ ಜೀವನದ ಸಹಜ ಹಂತವಾದರೂ, ಅದರ ನಂತರದ ಆರೋಗ್ಯ ಕಾಳಜಿ ನಿರ್ಲಕ್ಷ್ಯ ಮಾಡಿದರೆ ದೀರ್ಘಕಾಲೀನ ಸಮಸ್ಯೆಗಳು ಎದುರಾಗಬಹುದು. ಸಮತೋಲಿತ ಆಹಾರ, ನಿಯಮಿತ ವ್ಯಾಯಾಮ, ವೈದ್ಯಕೀಯ ತಪಾಸಣೆ ಮತ್ತು ಮಾನಸಿಕ ಆರೋಗ್ಯದ ಆರೈಕೆ—ಇವೆಲ್ಲವನ್ನು ಜೀವನಶೈಲಿಯಲ್ಲಿ ಅಳವಡಿಸಿಕೊಂಡರೆ ಮೆನೋಪಾಸ್ ನಂತರವೂ ಮಹಿಳೆಯರು ಆರೋಗ್ಯಕರ, ಸಂತೋಷಕರ ಜೀವನವನ್ನು ನಡೆಸಬಹುದು.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.