ಇಂದಿನಿಂದ ಹೊಸ ಸಂಚಾರ ನಿಯಮ ಜಾರಿ, ಬೈಕ್ ಸವಾರರೇ ಎಚ್ಚರ..! ಈ ರೂಲ್ಸ್ ಬ್ರೇಕ್ ಮಾಡಿದ್ರೆ ₹5,000 ದಂಡ ಫಿಕ್ಸ್!

ಜೀವದ ಸುರಕ್ಷತೆಗಾಗಿ ಹೊಸ ಟ್ರಾಫಿಕ್(Traffic) ಕಾನೂನು: ಮದ್ಯಪಾನ, ಅತಿವೇಗ ಚಾಲನೆಗೆ ಗಂಭೀರ ಶಿಸ್ತು ಕ್ರಮ

ಪ್ರತಿ ವರ್ಷ ಭಾರತದಲ್ಲಿ ಲಕ್ಷಾಂತರ ವಾಹನಗಳು ರಸ್ತೆಗಳ ಮೇಲೆ ಸಂಚರಿಸುತ್ತಿದ್ದು, ವೇಗ ಮತ್ತು ನಿಯಮ ಉಲ್ಲಂಘನೆಯ(Violation of rules) ಕಾರಣದಿಂದ ಸಾವಿರಾರು ಅಪಘಾತಗಳು(Accidents) ಸಂಭವಿಸುತ್ತಿವೆ. ಈ ಅಪಘಾತಗಳಲ್ಲಿ ಅನೇಕರು ಪ್ರಾಣ ಕಳೆದುಕೊಳ್ಳುತ್ತಾರೆ ಅಥವಾ ಗಂಭೀರವಾಗಿ ಗಾಯಗೊಂಡು ಕುಟುಂಬದ ಮೇಲೆ ಆರ್ಥಿಕವಾಗಿ ಹಾಗೂ ಮಾನಸಿಕವಾಗಿ ಹೊರೆಯಾಗುತ್ತಾರೆ. ಸಂಚಾರ ನಿಯಮಗಳನ್ನು ನಿರ್ಲಕ್ಷಿಸುವುದು ಹಾಗೂ ಸುರಕ್ಷತಾ ಮಾನದಂಡಗಳನ್ನು ಪಾಲಿಸದಿರುವುದೇ ಇದರ ಪ್ರಮುಖ ಕಾರಣ ಎಂದರೆ ತಪ್ಪಾಗಲಾರದು. ಈ ಕುರಿತು ಸಂಪೂರ್ಣ ಮಾಹಿತಿ ಕೆಳಗೆ ಕೊಡಲಾಗಿದೆ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಈಗ, ಈ ತೊಂದರೆಗಳಿಗೆ ಶಾಶ್ವತ ಪರಿಹಾರವೊಂದನ್ನು ರೂಪಿಸುವ ದೃಷ್ಟಿಯಿಂದ, ಭಾರತ ಸರ್ಕಾರ 2025ರಿಂದ ನೂತನ ಹಾಗೂ ಕಠಿಣ ಸಂಚಾರ ನಿಯಮಗಳನ್ನು(Traffic rules) ಜಾರಿಗೆ ತಂದಿದೆ. ಈ ನಿಯಮಗಳ ಮುಖ್ಯ ಉದ್ದೇಶ ರಸ್ತೆ ಸುರಕ್ಷತೆ, ಅಪಘಾತಗಳ ನಿಯಂತ್ರಣ, ಮತ್ತು ವಾಹನ ಸವಾರರಲ್ಲಿ ನಿಯಮಾನುಸಾರ ಸಂಚರಿಸುವ ಶಿಸ್ತನ್ನು ರೂಡಿಸುವುದು. ಹಾಗಿದ್ದರೆ ಯಾವೆಲ್ಲ ನಿಯಮಗಳನ್ನು ಜಾರಿಗೆ ತಂದಿದೆ ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ. 

2025ರಲ್ಲಿ ಜಾರಿಗೆ ಬರುವ ಪ್ರಮುಖ ಸಂಚಾರ ನಿಯಮಗಳು ಹಾಗೂ ದಂಡದ ವಿವರಗಳು ಹೀಗಿವೆ:

ಮದ್ಯಪಾನ(drinking alcohol) ಮಾಡಿ ವಾಹನ ಚಾಲನೆ:
ಮೊದಲು ಬಾರಿ ತಪ್ಪು ಮಾಡಿದರೆ: ₹10,000 ದಂಡ ಅಥವಾ 6 ತಿಂಗಳ ಜೈಲು ಶಿಕ್ಷೆ ಎರಡನೇ ಬಾರಿ ತಪ್ಪು ಮಾಡಿದರೆ: ₹15,000 ದಂಡ ಮತ್ತು 2 ವರ್ಷವರೆಗಿನ ಜೈಲು ಶಿಕ್ಷೆ.

ಟ್ರಾಫಿಕ್ ಸಿಗ್ನಲ್ ಉಲ್ಲಂಘನೆ(Traffic signal violation): ₹5,000 ದಂಡ (ಹಳೆಯದರಲ್ಲಿ ₹500).

ಅತಿವೇಗ ಚಾಲನೆ : ₹5,000 ದಂಡ.

ವಾಣಿಜ್ಯ ವಾಹನದಲ್ಲಿ ಹೆಚ್ಚಿನ ಸಾಮಾನು ಸಾಗಾಟ: ₹20,000 ದಂಡ.

ಚಾಲನಾ ಪರವಾನಗಿ(Driving license) ಇಲ್ಲದಿರುವುದು : ₹5,000 ದಂಡ. ಡಿಜಿಲಾಕರ್ ಅಥವಾ M-Parivahan ಆಪ್‌ನ ಡಿಜಿಟಲ್ DL ತೋರಿಸಿದರೆ ಮಾನ್ಯ.

ಮಾಲಿನ್ಯ ಪ್ರಮಾಣಪತ್ರ (PUC) ಇಲ್ಲದಿರುವುದು : ₹10,000 ದಂಡ, 6 ತಿಂಗಳ ಜೈಲು ಮತ್ತು ಸಮುದಾಯ ಸೇವೆ.

ಸೀಟ್ ಬೆಲ್ಟ್(seat belt) ಧರಿಸದಿರುವುದು : ₹1,000 ದಂಡ (ಚಾಲಕ ಮತ್ತು ಎಲ್ಲಾ ಪ್ರಯಾಣಿಕರಿಗೆ ಕಡ್ಡಾಯ).

ದ್ವಿಚಕ್ರ ವಾಹನದಲ್ಲಿ ಮೂವರು ಪ್ರಯಾಣ: ₹1,000 ದಂಡ.

ಹೆಲ್ಮಟ್ ಧರಿಸದಿರುವುದು : ₹1,000 ದಂಡ (ಹಿಂದಿನ ₹100 ನಿಂದ ಹೆಚ್ಚಳ), ಜೊತೆಗೆ 3 ತಿಂಗಳು ಚಾಲನಾ ಪರವಾನಗಿ ಅಮಾನತು.

ಅಪ್ರಾಪ್ತ ವಯಸ್ಕರಿಂದ(minors) ವಾಹನ ಚಾಲನೆ: ₹25,000 ದಂಡ, ಪೋಷಕರಿಗೆ 3 ವರ್ಷ ಜೈಲು, ವಾಹನ ನೋಂದಣಿ 1 ವರ್ಷಕ್ಕೆ ರದ್ದು, 25 ವರ್ಷದವರೆಗೆ ಅಪ್ರಾಪ್ತನಿಗೆ DL ನಿಷೇಧ.

ವಾಹನ ಚಾಲನೆಯ ವೇಳೆ ಮೊಬೈಲ್ ಬಳಕೆ : ₹5,000 ದಂಡ.

ಈ ನಿಯಮಗಳ ಅಗತ್ಯತೆ ಏನು?:

ರಸ್ತೆ ಅಪಘಾತಗಳನ್ನು ತಡೆಯುವುದು: ಈ ಕಠಿಣ ನಿಯಮಗಳು ಅವ್ಯವಸ್ಥಿತ ಚಾಲನೆ, ನಿರ್ಲಕ್ಷ್ಯ ಮತ್ತು ಮದ್ಯಪಾನದಿಂದ ಚಾಲನೆ ಮಾಡುವವರ ವಿರುದ್ಧ ತೀವ್ರ ಕ್ರಮ ಕೈಗೊಳ್ಳಲಿವೆ.
ಪ್ರಜ್ಞೆ ಮೂಡಿಸುವುದು: ಸಾರ್ವಜನಿಕರಲ್ಲಿ ಸಂಚಾರ ಸುರಕ್ಷತೆಯ ಬಗ್ಗೆ ಜಾಗೃತಿ ಮೂಡಿಸಲು ಇದು ಉತ್ತಮ ಹೆಜ್ಜೆ.
ಇನ್ನು, ಅಪ್ರಾಪ್ತ ವಯಸ್ಕರಿಂದ ವಾಹನ ಚಾಲನೆ ಮಾಡಿದರೆ ಪೋಷಕರ ಮೇಲೆಯೇ ಜವಾಬ್ದಾರಿಯನ್ನು ಹಾಕಿರುವುದು, ಕುಟುಂಬವನ್ನು ನಿಯಮ ಪಾಲನೆ ಮಾಡುವಂತೆ ಮಾಡುತ್ತದೆ.

ಸುರಕ್ಷತೆಗಾಗಿ ಏನು ಮಾಡಬೇಕು?:

1. ನಿಮ್ಮ ವಾಹನದ ಎಲ್ಲ ದಾಖಲೆಗಳನ್ನು (DL, RC, PUC, ಇನ್ಸೂರೆನ್ಸ್) ನಿಯಮಿತವಾಗಿ ನವೀಕರಿಸಿ.
2. ಹೆಲ್ಮೆಟ್, ಸೀಟ್ ಬೆಲ್ಟ್ ಬಳಸುವುದು ಕಡ್ಡಾಯವಾಗಿ ಪಾಲಿಸಿ.
3. ಮೊಬೈಲ್ ಬಳಕೆ, ವೇಗದ ಚಾಲನೆ, ಮದ್ಯಪಾನದಿಂದ ಚಾಲನೆ ತಕ್ಷಣ ನಿಲ್ಲಿಸಿ.
4. ನಿಮ್ಮ ಮಕ್ಕಳಿಗೆ ಸೂಕ್ತ ವಯಸ್ಸಾದ ಮೇಲೆಯಷ್ಟೇ ವಾಹನ ನೀಡುವ ಜವಾಬ್ದಾರಿ ನಿರ್ವಹಿಸಿ.

ಒಟ್ಟಾರೆಯಾಗಿ, 2025ರಿಂದ ಜಾರಿಯಲ್ಲಿರುವ ಈ ಹೊಸ ಸಂಚಾರ ನಿಯಮಗಳು(Traffic rules) ಕೇವಲ ಕಠಿಣವಾಗಿರುವುದಿಲ್ಲ, ಅವು ನಮಗೆ ಜೀವದ ಬೆಲೆಯ ಅರಿವನ್ನೂ ಮೂಡಿಸುತ್ತವೆ. ದಂಡಗಳ ಭಯವಲ್ಲ, ಜೀವನದ ಹಂಗು ನಮ್ಮ ಚಾಲನೆಯ ಶಿಸ್ತು ನಿರ್ಧಾರ ಮಾಡಬೇಕು. ನಿಯಮ ಪಾಲಿಸಿ,  ಸುರಕ್ಷಿತವಾಗಿ ಸಂಚರಿಸಿ.

ಹೆಚ್ಚುತ್ತಿರುವ ವಾಹನಗಳ ಸಂಖ್ಯೆಗೆ ಅನುಗುಣವಾಗಿ ಶಿಸ್ತು ಮತ್ತು ಪ್ರಜ್ಞೆಯೂ ಅವಶ್ಯಕವಾಗಿದೆ. ಇದರ ಭಾಗವಾಗಿ ಪ್ರತಿಯೊಬ್ಬ ನಾಗರಿಕನು ಸಂಚಾರ ನಿಯಮಗಳನ್ನು ಗೌರವದಿಂದ ಪಾಲಿಸುವುದು ನಿಜವಾದ ರಾಷ್ಟ್ರಭಕ್ತಿಯ ಸೂಚಕವಾಗುತ್ತದೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.