ನಕಲಿ ₹500 ನೋಟು ಗುರುತಿಸಲು ಸ್ಮಾರ್ಟ್‌ಫೋನ್‌ ಸಾಕು: MANI ಆಪ್ ಮೂಲಕ ನೈಜತೆ ಪರೀಕ್ಷೆ ಮಾಡುವ ಸುಲಭ ವಿಧಾನ!

ನಕಲಿ ನೋಟುಗಳ (Fake note) ಪ್ರಮಾಣ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವುದರಿಂದ, ಸಾಮಾನ್ಯ ಪ್ರಜೆಗಳು ನೋಟು ನಕಲಿಯೇ ಅಥವಾ ನಿಜವೇ ಎಂಬುದನ್ನು ಗುರುತಿಸುವುದು ಬಹುಮುಖ್ಯವಾಗಿದೆ. ಇತ್ತೀಚೆಗಿನ ವರದಿಗಳ ಪ್ರಕಾರ, ನಕಲಿ ₹500 ನೋಟುಗಳು ಮಾರುಕಟ್ಟೆಯಲ್ಲಿ ಚಲಾವಣೆ ಆಗುತ್ತಿರುವ ಬಗ್ಗೆ ಕೇಂದ್ರ ಗೃಹ ಸಚಿವಾಲಯ, ಸಿಬಿಐ, ಸೆಬಿ ಮತ್ತು ಎನ್‌ಐಎಗೆ ಎಚ್ಚರಿಕೆ ನೀಡಿದೆ. ನಕಲಿ ನೋಟುಗಳನ್ನು ಸುಲಭವಾಗಿ ಗುರುತಿಸಲು ಸಾಧ್ಯವಿಲ್ಲವಾದ್ದರಿಂದ, ಸಾರ್ವಜನಿಕರಿಗಾಗಿ ಸುರಕ್ಷತಾ ಕ್ರಮಗಳ ಜಾಗೃತಿ (Awareness of safety measures for the public) ಅಗತ್ಯವಾಗಿದೆ. ಸಾರ್ವಜನಿಕರು ಯಾವೆಲ್ಲಾ ಸುರಕ್ಷಿತ ಮಾರ್ಗಗಳಿಂದ ನಕಲಿ ನೋಟುಗಳ ಬಗ್ಗೆ ತಿಳಿದುಕೊಳ್ಳಬಹುದು ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ. .ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

ಇದೀಗ, ಸ್ಮಾರ್ಟ್‌ಫೋನ್‌ (Smart phone) ನಿಮ್ಮ ಕೈಯಲ್ಲಿದ್ದರೆ ಸಾಕು ನಕಲಿ ನೋಟುಗಳನ್ನು ಗುರುತಿಸಲು ಇದು ಬಹುಪಯುಕ್ತ ಸಾಧನವಾಗಬಲ್ಲದು. ತಂತ್ರಜ್ಞಾನ (Technology) ಬಳಸಿ ನೋಟು ನಕಲಿಯೋ ಅಥವಾ ನಿಜವೋ ಎಂಬುದನ್ನು ಸುಲಭವಾಗಿ ತಿಳಿಯಬಹುದಾಗಿದೆ. ಈ ನಿಟ್ಟಿನಲ್ಲಿ ಭಾರತೀಯ ರಿಸರ್ವ್ ಬ್ಯಾಂಕ್ ಬಿಡುಗಡೆ ಮಾಡಿದ ‘MANI’ (Mobile Aided Note Identifier) ಅಪ್ಲಿಕೇಶನ್ ಬಹುಮುಖ್ಯ ಸಾಧನವಾಗಿದೆ.

MANI ಅಪ್ಲಿಕೇಶನ್ ನಕಲಿ ನೋಟುಗಳ ಶತ್ರು:

MANI ಅಪ್ಲಿಕೇಶನ್ ಅನ್ನು ಗೂಗಲ್ ಪ್ಲೇ ಸ್ಟೋರ್ ಅಥವಾ ಆಪ್‌ಲ್ ಸ್ಟೋರ್‌ನಿಂದ (Google play store or apple store) ಉಚಿತವಾಗಿ ಡೌನ್‌ಲೋಡ್ ಮಾಡಬಹುದು. ಇದನ್ನು ಬಳಸುವುದು ಬಹಳ ಸುಲಭ. ಅಪ್ಲಿಕೇಶನ್ ಇನ್‌ಸ್ಟಾಲ್ (Application install) ಮಾಡಿದ ನಂತರ, ನಿಮ್ಮ ಫೋನ್‌ನ ಕ್ಯಾಮೆರಾವನ್ನು ಆನ್ ಮಾಡಿ ನೋಟಿನ ಮೇಲೆ ಇರಿಸಿದರೆ ಸಾಕು ನೋಟು ನಿಜವೋ ಅಥವಾ ನಕಲಿಯೋ ಎಂಬುದನ್ನು ತಕ್ಷಣವೇ ತಿಳಿಸುತ್ತೆ. ಈ ಅಪ್ಲಿಕೇಶನ್‌ಗೆ ಇಂಟರ್‌ನೆಟ್‌ (Internet) ಅಗತ್ಯವಿಲ್ಲದೆ ಕೆಲಸ ಮಾಡುವ ವಿಶೇಷತೆ ಇದೆ. ನೋಟು ಕೊಳಕಾಗಿದ್ದರೂ, ಹರಿದಿದ್ದರೂ ಸಹ ನಿಖರವಾಗಿ ಗುರುತಿಸಲು ಇದನ್ನು ವಿನ್ಯಾಸಗೊಳಿಸಲಾಗಿದೆ.

ನೋಟಿನ ಭದ್ರತಾ ಲಕ್ಷಣಗಳನ್ನು ಗುರುತಿಸಿ:

ನಿಜವಾದ ₹500 ನೋಟಿನಲ್ಲಿ ಕೆಲವು ವಿಶಿಷ್ಟ ಭದ್ರತಾ ಲಕ್ಷಣಗಳಿವೆ, ಅವುಗಳನ್ನು ನಿಮ್ಮ ಫೋನ್‌ನ ಕ್ಯಾಮೆರಾ ಅಥವಾ ಟಾರ್ಚ್‌ನ ಸಹಾಯದಿಂದ ನೀವು ತಿಳಿದುಕೊಳ್ಳಬಹುದು:

ಸಿಕ್ಯುರಿಟಿ ಥ್ರೆಡ್ (Security Threat): ₹500 ನೋಟಿನಲ್ಲಿ ‘500’ ಎಂಬ ಸಂಖ್ಯೆಯು ಬೆಳಕಿನಲ್ಲಿ ಬಣ್ಣ ಬದಲಾಯಿಸುತ್ತದೆ.
ವಾಟರ್‌ಮಾರ್ಕ್ (Watermark) : ಗಾಂಧೀಜಿಯ ಚಿತ್ರ ಮತ್ತು ಸಂಖ್ಯೆಗಳು ನೋಟು ಬೆಳಕಿನಲ್ಲಿ ಹಿಡಿದಾಗ ಸ್ಪಷ್ಟವಾಗುತ್ತವೆ.
ಮೈಕ್ರೋ ಲೆಟರಿಂಗ್(Micro lettering): ನೋಟಿನಲ್ಲಿ ಬಹುಚಿಕ್ಕ ಅಕ್ಷರಗಳಲ್ಲಿ RBI ಮತ್ತು 500 ಎಂಬ ಶಬ್ದಗಳು ಮುದ್ರಿತವಾಗಿರುತ್ತವೆ. ಫೋನ್ ಜೂಮ್ ಮೂಲಕ ಈ ವಿವರಗಳನ್ನು ನೋಡಬಹುದಾಗಿದೆ.

ಯುವಿ ಲೈಟ್ ಪರೀಕ್ಷೆ (UV light Exam) ಇದೊಂದು ಸರಳ ಪರ್ಯಾಯ ವಿಧಾನ:
ನಿಮ್ಮ ಫೋನ್‌ನ ಫ್ಲ್ಯಾಶ್ ಲೈಟ್ ಮತ್ತು ನೀಲಿ ಪ್ಲಾಸ್ಟಿಕ್ ಫಿಲ್ಟರ್‌ನೊಂದಿಗೆ ಯುವಿ ಪರೀಕ್ಷೆ ಮಾಡಬಹುದು. ನೋಟಿನಲ್ಲಿ ಯುವಿ ಲೈಟ್‌ಗೆ ಪ್ರತಿಕ್ರಿಯೆ ನೀಡುವ ಶಾಯಿ ಬಳಕೆಯಾಗಿರುವುದರಿಂದ, ನೋಟಿನ ಮೇಲೆ ನೀಲಿ ಬೆಳಕು ಹರಿಸಿದಾಗ ಕೆಲವು ಅಂಶಗಳು (Some elements) ಹೊಳೆಯುತ್ತವೆ. ಇದರ ಮೂಲಕ ನಕಲಿ ನೋಟುಗಳನ್ನು ತಕ್ಷಣವೇ ಗುರುತಿಸಬಹುದು.

ಹಾಗಿದ್ದರೆ ಈ ಪ್ರಕ್ರಿಯೆಯಲ್ಲಿ ಸಾಮಾನ್ಯ ನಾಗರಿಕರ ಜವಾಬ್ದಾರಿ ಏನು?:

ಪ್ರತಿಯೊಬ್ಬರೂ ತಮ್ಮ ಕೈಯಲ್ಲಿರುವ ನೋಟುಗಳ ನೈಜತೆ ಬಗ್ಗೆ ಎಚ್ಚರಿಕೆ ವಹಿಸಬೇಕು. MANI ಅಪ್ಲಿಕೇಶನ್ ಅಥವಾ ನಿಮ್ಮ ಫೋನ್‌ನ ತಂತ್ರಜ್ಞಾನ (Mobile technology) ಬಳಸಿ ಸರಿಯಾದ ತಪಾಸಣೆ ಮಾಡಿದರೆ, ನಕಲಿ ನೋಟುಗಳನ್ನು ತಡೆಯುವಲ್ಲಿ ಪ್ರಾಮುಖ್ಯ ಪಾತ್ರ ವಹಿಸಬಹುದು. ಸರ್ಕಾರ ಹಾಗೂ ನಾಣ್ಯ ನಿಯಂತ್ರಣ ಸಂಸ್ಥೆಗಳ ಕಡೆಯಿಂದ ಈ ರೀತಿಯ ಉಪಾಯಗಳನ್ನು ಕೈಗೊಂಡು ಸಾರ್ವಜನಿಕರಿಗೆ ತಿಳುವಳಿಕೆ ನೀಡಲು ಪ್ರಯತ್ನಿಸಲಾಗುತ್ತಿದೆ.

ಪ್ರತಿದಿನ ಇದೇ ರೀತಿಯ ಉಪಯುಕ್ತ ಮಾಹಿತಿ ಮತ್ತು ನ್ಯೂಸ್ ಅಲರ್ಟ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ ? WhatsApp Channel ನೀಡ್ಸ್ ಆಫ್ ಪಬ್ಲಿಕ್ ವಾಟ್ಸಾಪ್ ಚಾನೆಲ್ ಸೇರಿಕೊಳ್ಳಿ

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.