ದೇಶದಲ್ಲಿ ₹200 ನೋಟು ಬ್ಯಾನ್‌ ಕುರಿತು  RBI ಸ್ಪಷ್ಟನೆ ಇಲ್ಲಿದೆ, ನಕಲಿ ನೋಟು ಹೀಗೆ ಪತ್ತೇ ಮಾಡಿ.!

₹200 ನೋಟುಗಳ ರದ್ದತಿ ಕುರಿತು RBI ಸ್ಪಷ್ಟನೆ: ನಕಲಿ ನೋಟು(Fake note) ಗುರುತಿಸುವ ಮಾರ್ಗಗಳು

ಇತ್ತೀಚೆಗೆ ಸಾಮಾಜಿಕ ಮಾಧ್ಯಮಗಳಲ್ಲಿ(social media) ಮತ್ತು ಮಾರುಕಟ್ಟೆಯಲ್ಲಿ ₹200 ನೋಟುಗಳನ್ನು ರದ್ದುಗೊಳಿಸಲಾಗುತ್ತಿದೆ ಎಂಬ ವದಂತಿಗಳು ವ್ಯಾಪಕವಾಗಿ ಹರಡುತ್ತಿವೆ. ಈ ಹಿನ್ನೆಲೆಯಲ್ಲಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (RBI) ಈ ಬಗ್ಗೆ ಸ್ಪಷ್ಟನೆ ನೀಡಿದ್ದು, ಯಾವುದೇ ನೋಟುಗಳನ್ನು ಹಿಂಪಡೆಯುವ ಉದ್ದೇಶವಿಲ್ಲ ಎಂದು ತಿಳಿಸಿದೆ. RBI ಜನರಿಗೆ ನಕಲಿ ನೋಟುಗಳ ಕುರಿತು ಎಚ್ಚರಿಕೆ ವಹಿಸುವಂತೆ ಸಲಹೆ ನೀಡಿದ್ದು, ನಕಲಿ ನೋಟುಗಳನ್ನು ಗುರುತಿಸುವ ಪ್ರಮುಖ ಲಕ್ಷಣಗಳನ್ನೂ ಹಂಚಿಕೊಂಡಿದೆ. ನಕಲಿ ನೋಟುಗಳನ್ನು ಹೇಗೆ ಗುರುತಿಸುವುದು ಎಂಬ ಸಂಪೂರ್ಣ ಮಾಹಿತಿಯನ್ನು ತಿಳಿದುಕೊಳ್ಳೋಣ ಬನ್ನಿ. ಇದೇ ರೀತಿಯ ಎಲ್ಲಾ ಮಾಹಿತಿಗೆ ನಮ್ಮ ಟೆಲಿಗ್ರಾಂ ಚಾನೆಲ್ ಗೆ ಈ ಕೂಡಲೇ ಜಾಯಿನ್ ಆಗಲು ಇಲ್ಲಿ ಕ್ಲಿಕ್ ಮಾಡಿ

₹200 ನೋಟು ರದ್ದತಿ ನಿಜವೇ?:

ಇತ್ತೀಚೆಗೆ ಹಲವಾರು ಮಾಧ್ಯಮಗಳು ₹200 ನೋಟುಗಳನ್ನು ಮಾರುಕಟ್ಟೆಯಿಂದ ಹಿಂತೆಗೆದುಕೊಳ್ಳಲಾಗುತ್ತಿದೆ ಎಂಬ ಮಾಹಿತಿ ಪ್ರಕಟಿಸಿದ್ದವು. ಇದರ ಪರಿಣಾಮವಾಗಿ ಜನರಲ್ಲಿ ಗೊಂದಲ ಮತ್ತು ಆತಂಕ ಮೂಡಿತ್ತು. ಈ ಹಿನ್ನೆಲೆಯಲ್ಲಿ RBI ಅಧಿಕೃತ ಹೇಳಿಕೆ ನೀಡಿದ್ದು, ₹200 ನೋಟುಗಳ ರದ್ದತಿ ಕುರಿತು ಯಾವುದೇ ನಿರ್ಧಾರ ಕೈಗೊಳ್ಳಲಾಗಿಲ್ಲ ಎಂದು ಸ್ಪಷ್ಟಪಡಿಸಿದೆ. ಹೀಗಾಗಿ, ಜನರು ಈ ರೀತಿಯ ವದಂತಿಗಳಿಗೆ ಒಳಗಾಗದೆ, ಅಧಿಕೃತ ಮಾಹಿತಿಯನ್ನೇ(Official information) ನಂಬಬೇಕೆಂದು RBI ಸೂಚಿಸಿದೆ.

ನಕಲಿ ₹200 ನೋಟುಗಳ ಹೆಚ್ಚಳವಾಗಿರುವುದರಿಂದ ಎಚ್ಚರಿಕೆ ಇಂದ ಇರುವುದು ಅನಿವಾರ್ಯವಾಗಿದೆ :

₹200 ಹಾಗೂ ₹500 ನಕಲಿ ನೋಟುಗಳ ಚಲಾವಣೆ ಹೆಚ್ಚುತ್ತಿದೆ ಎಂಬ ವರದಿಗಳ ನಡುವೆಯೇ RBI ಈ ಕುರಿತು ಜನರನ್ನು ಎಚ್ಚರಿಸಿದೆ. ನಕಲಿ ನೋಟುಗಳ ಬಳಕೆಯಿಂದ ಆರ್ಥಿಕವಾಗಿ ಸಮಸ್ಯೆಗಳು ಉಂಟಾಗುವ ಸಾಧ್ಯತೆ ಇದ್ದು, ಪ್ರತಿಯೊಬ್ಬರೂ ತಮ್ಮ ಕೈಯಲ್ಲಿರುವ ನೋಟುಗಳ ಪರಿಶೀಲನೆ ಮಾಡಿಕೊಳ್ಳುವಂತೆ ಸಲಹೆ ನೀಡಿದೆ.

ನಕಲಿ ₹200 ನೋಟುಗಳನ್ನು ಗುರುತಿಸುವುದು ಹೇಗೆ?:

ನಿಮ್ಮಲ್ಲಿರುವ ₹200 ನೋಟು ನಕಲಿಯೇ ಅಥವಾ ಅಸಲಿಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು, ನೀವು ಕೆಳಗಿನ ಲಕ್ಷಣಗಳನ್ನು ಗಮನಿಸಬಹುದು:

ನೋಟಿನ ಎಡಭಾಗದಲ್ಲಿ ದೇವನಾಗರಿ ಲಿಪಿಯಲ್ಲಿ “200” ಎಂದು ಬರೆಯಲಾಗಿದೆ.
‘RBI’, ‘Bharat’ (ಭಾರತ), ‘India’ (ಇಂಡಿಯಾ), ‘200’ ಎಂಬ ಸೂಕ್ಷ್ಮ ಅಕ್ಷರಗಳ ಮುದ್ರಣ ಇರುತ್ತದೆ.
ನೋಟಿನ ಮಧ್ಯದಲ್ಲಿ ಮಹಾತ್ಮ ಗಾಂಧೀಜಿಯವರ(Mahatma Gandhi) ಚಿತ್ರವಿರುತ್ತದೆ.
ಬಲಭಾಗದಲ್ಲಿ ಅಶೋಕ ಸ್ತಂಭದ ಚಿತ್ರಣವಿರುತ್ತದೆ.
₹200 ನೋಟು ಪ್ರಾರಂಭದಲ್ಲಿ ಹಳದಿ-ನಾರಂಗಿ ಬಣ್ಣದ ಸಂಯೋಜನೆಯಲ್ಲಿ ಮುದ್ರಿತಗೊಂಡಿತ್ತು.
ಬೆಳಕಿನ ವಿರುದ್ದ ನೋಡುವಾಗ ನೋಟಿನ ಮೂಲಭಾಗದಲ್ಲಿ ರೇಖೆಗಳು ಕಾಣಿಸುತ್ತವೆ.
ನೋಟನ್ನು ಸ್ವಲ್ಪ ತಿರುಗಿಸಿದರೆ ಬಣ್ಣ ಬದಲಾವಣೆಗೊಳ್ಳುವ ಸುರಕ್ಷಾ ದಾರಗಳು ಕಾಣಿಸಿಕೊಳ್ಳುತ್ತವೆ.
ಅಲ್ಟ್ರಾವಯೊಲೆ (UV) ಬೆಳಕಿನಲ್ಲಿ ನೋಟಿನ ಮೇಲೆ ವಿಶಿಷ್ಟ ಗುರುತುಗಳು ಪ್ರಕಾಶಿಸುತ್ತವೆ.
ಈ ರೀತಿಯ ಎಲ್ಲಾ ಮಾಹಿತಿ ನೋಟಿನಲ್ಲಿ ಕಾಣಿಸಿಕೊಂಡರೆ ಆ ನೋಟು ಅಸಲಿ ಎಂದರ್ಥ.

RBI ನೀಡಿರುವ ಸೂಚನೆ ಏನು?:

RBI ಈ ವಿಷಯದ ಬಗ್ಗೆ ಸ್ಪಷ್ಟನೆ ನೀಡಿದ್ದು, ದೇಶದಲ್ಲಿ ಯಾವುದೇ ನೋಟುಗಳ ಹಿಂಪಡೆಯುವ ಪ್ರಕ್ರಿಯೆ ನಡೆಯುತ್ತಿಲ್ಲ ಎಂದು ಖಚಿತಪಡಿಸಿದೆ. ಆದರೆ, ನಕಲಿ ನೋಟುಗಳ ಹರಡುವಿಕೆಯನ್ನು ತಡೆಯಲು ಸಾರ್ವಜನಿಕರು(public) ಎಚ್ಚರಿಕೆಯಿಂದ ಇರಬೇಕು ಮತ್ತು ನಕಲಿ ನೋಟು ಪತ್ತೆಯಾದರೆ ತಕ್ಷಣದ ಮಟ್ಟಿನಲ್ಲಿ ಸಂಬಂಧಪಟ್ಟ ಅಧಿಕಾರಿಗಳಿಗೆ ಮಾಹಿತಿ ನೀಡಬೇಕೆಂದು RBI ಸೂಚಿಸಿದೆ.

₹200 ನೋಟುಗಳ ರದ್ದತಿ ಬಗ್ಗೆ ಹರಿದಾಡುತ್ತಿರುವ ವದಂತಿಗಳಿಗೆ ಸತ್ಯಾಸತ್ಯತೆ ಇಲ್ಲ. RBI ಯಾವುದೇ ಅಧಿಕೃತ ಸೂಚನೆ ನೀಡದ ಹಿನ್ನೆಲೆಯಲ್ಲಿ, ಸಾರ್ವಜನಿಕರು ಭಯಪಡುವ ಅಗತ್ಯವಿಲ್ಲ. ಆದರೆ, ನಕಲಿ ನೋಟುಗಳ ಸಮಸ್ಯೆ ಗಂಭೀರವಾಗುತ್ತಿರುವುದರಿಂದ, ಪ್ರತಿಯೊಬ್ಬರೂ ನೋಟುಗಳನ್ನು ಪರಿಶೀಲಿಸುವ ಅಭ್ಯಾಸ ಬೆಳಸಿಕೊಳ್ಳಬೇಕು. ವಂಚನೆಗಳನ್ನು ತಪ್ಪಿಸಲು, ಬ್ಯಾಂಕುಗಳು ಮತ್ತು ವ್ಯಾಪಾರ ಸಂಸ್ಥೆಗಳು RBI ಮಾರ್ಗಸೂಚಿಗಳನ್ನು(RBI guidelines) ಕಟ್ಟುನಿಟ್ಟಾಗಿ ಪಾಲಿಸಬೇಕು.

ಈ ಮಾಹಿತಿಗಳನ್ನು ಓದಿ

 

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.