SBI ಬ್ಯಾಂಕ್ ಅಕೌಂಟ್ ಇದ್ದವರಿಗೆ ಹೊಸ ಅಪ್ಡೇಟ್, ಬ್ಯಾಲೆನ್ಸ್ ಮತ್ತು ಸ್ಟೇಟ್‌ಮೆಂಟ್ ಈಗ ವಾಟ್ಸಾಪ್‌ನಲ್ಲೇ ಚೆಕ್ ಮಾಡಿ.

ದೇಶದ ಅತಿದೊಡ್ಡ ಸರ್ಕಾರಿ ಸ್ವಾಮ್ಯದ ಬ್ಯಾಂಕ್ ಆದ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ತನ್ನ ಕೋಟ್ಯಂತರ ಗ್ರಾಹಕರಿಗೆ ಡಿಜಿಟಲ್ ಕ್ರಾಂತಿಯ ಉಡುಗೊರೆ ನೀಡಿದೆ. ಈಗ ಎಸ್‌ಬಿಐ ಗ್ರಾಹಕರು ತಮ್ಮ ಬ್ಯಾಂಕ್ ಬ್ಯಾಲೆನ್ಸ್ ಪರಿಶೀಲಿಸಲು, ಮಿನಿ ಸ್ಟೇಟ್‌ಮೆಂಟ್ ಪಡೆಯಲು ಅಥವಾ ಲೋನ್ ವಿವರಗಳನ್ನು ತಿಳಿಯಲು ಬ್ಯಾಂಕ್ ಶಾಖೆಗೆ ಅಥವಾ ಎಟಿಎಂಗೆ ಅಲೆಯುವ ಅಗತ್ಯವಿಲ್ಲ.

ಕೇವಲ ಒಂದು ವಾಟ್ಸಾಪ್ ಸಂದೇಶದ ಮೂಲಕ ಮನೆಯಲ್ಲೇ ಕುಳಿತು ಎಲ್ಲಾ ಬ್ಯಾಂಕಿಂಗ್ ಸೇವೆಗಳನ್ನು ಪಡೆಯಬಹುದಾದ ‘ಎಸ್‌ಬಿಐ ವಾಟ್ಸಾಪ್ ಬ್ಯಾಂಕಿಂಗ್’ (SBI WhatsApp Banking) ಸೌಲಭ್ಯವನ್ನು ಬ್ಯಾಂಕ್ ವಿಸ್ತರಿಸಿದೆ. ಈ ಸೇವೆಯನ್ನು ನಿಮ್ಮ ಫೋನ್‌ನಲ್ಲಿ ಆಕ್ಟಿವೇಟ್ ಮಾಡುವುದು ಹೇಗೆ? ಮತ್ತು ಏನೆಲ್ಲಾ ಸೌಲಭ್ಯಗಳು ಸಿಗಲಿವೆ ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ವಾಟ್ಸಾಪ್‌ನಲ್ಲಿ ಏನೆಲ್ಲಾ ಸೇವೆಗಳು ಸಿಗಲಿವೆ?

ಈ ಹಿಂದೆ ಕೇವಲ ಬ್ಯಾಲೆನ್ಸ್ ಮತ್ತು ಮಿನಿ ಸ್ಟೇಟ್‌ಮೆಂಟ್ (ಕೊನೆಯ 10 ವಹಿವಾಟು) ಮಾತ್ರ ಸಿಗುತ್ತಿತ್ತು. ಆದರೆ ಇದೀಗ ಸೇವೆಗಳನ್ನು ವಿಸ್ತರಿಸಲಾಗಿದ್ದು, 250 ವಹಿವಾಟುಗಳ ಫುಲ್ ಸ್ಟೇಟ್‌ಮೆಂಟ್, ಪೆನ್ಷನ್ ಸ್ಲಿಪ್, ಗೃಹ ಮತ್ತು ಶಿಕ್ಷಣ ಸಾಲದ ಬಡ್ಡಿ ಪ್ರಮಾಣಪತ್ರಗಳನ್ನು ನೇರವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಇದರ ಜೊತೆಗೆ ಡೆಬಿಟ್ ಕಾರ್ಡ್ ಕಳೆದುಹೋದರೆ ಬ್ಲಾಕ್ ಮಾಡುವುದು, ಬ್ಯಾಂಕಿಂಗ್ ಫಾರ್ಮ್‌ಗಳು ಮತ್ತು ಹತ್ತಿರದ ಎಟಿಎಂ ಮಾಹಿತಿಯನ್ನು ಕೂಡ ಪಡೆಯಬಹುದು.

ಎಸ್‌ಬಿಐ ವಾಟ್ಸಾಪ್ ಬ್ಯಾಂಕಿಂಗ್ ಶುರು ಮಾಡುವುದು ಹೇಗೆ?

ಇದನ್ನು ಬಳಸಲು ನಿಮ್ಮ ಮೊಬೈಲ್ ನಂಬರ್ ಕಡ್ಡಾಯವಾಗಿ ಬ್ಯಾಂಕ್ ಖಾತೆಗೆ ಲಿಂಕ್ ಆಗಿರಬೇಕು. ಈ ಕೆಳಗಿನ ಎರಡು ಸುಲಭ ಹಂತಗಳನ್ನು ಅನುಸರಿಸಿ:

• ಹಂತ 1 (SMS ರಿಜಿಸ್ಟ್ರೇಷನ್): ನಿಮ್ಮ ಮೊಬೈಲ್‌ನ ಮೆಸೇಜ್ ಆ್ಯಪ್ ಓಪನ್ ಮಾಡಿ. WAREG ಎಂದು ಟೈಪ್ ಮಾಡಿ ಸ್ವಲ್ಪ ಜಾಗ (Space) ಬಿಟ್ಟು ನಿಮ್ಮ ಅಕೌಂಟ್ ನಂಬರ್ ಟೈಪ್ ಮಾಡಿ. ಇದನ್ನು +917208933148 ಸಂಖ್ಯೆಗೆ SMS ಕಳುಹಿಸಿ. (ಉದಾಹರಣೆಗೆ: WAREG 123456789).
• ಹಂತ 2 (ವಾಟ್ಸಾಪ್ ಬಳಕೆ): SMS ಕಳುಹಿಸಿದ ತಕ್ಷಣ ರಿಜಿಸ್ಟರ್ ಆಗುತ್ತದೆ. ಈಗ ನಿಮ್ಮ ಮೊಬೈಲ್‌ನಲ್ಲಿ +919022690226 ಈ ಸಂಖ್ಯೆಯನ್ನು ಸೇವ್ ಮಾಡಿಕೊಳ್ಳಿ. ವಾಟ್ಸಾಪ್ ಓಪನ್ ಮಾಡಿ ಈ ನಂಬರ್‌ಗೆ ಕೇವಲ “Hi” ಎಂದು ಮೆಸೇಜ್ ಕಳುಹಿಸಿ. ಆಮೇಲೆ ಅಲ್ಲಿ ಬರುವ ಆಯ್ಕೆಗಳನ್ನು ಒತ್ತಿ ಸೇವೆಗಳನ್ನು ಪಡೆಯಬಹುದು.

ಸಂಪಾದಕರ ವಿಶೇಷ ಸಲಹೆ: ವಾಟ್ಸಾಪ್‌ನಲ್ಲಿ ಬ್ಯಾಂಕಿಂಗ್ ಮಾಡುವಾಗ ಹುಷಾರ್! ನೀವು “Hi” ಎಂದು ಮೆಸೇಜ್ ಕಳುಹಿಸುವ ಎಸ್‌ಬಿಐ ನಂಬರ್‌ನ ಪಕ್ಕದಲ್ಲಿ ಅಧಿಕೃತ ಎಂಬುದನ್ನು ಸೂಚಿಸುವ ‘Green Tick’ (ಹಸಿರು ಬಣ್ಣದ ಟಿಕ್ ಮಾರ್ಕ್) ಇದೆಯಾ ಎಂದು ಖಚಿತಪಡಿಸಿಕೊಳ್ಳಿ. ಸೈಬರ್ ವಂಚಕರು ಬೇರೆ ಬೇರೆ ನಂಬರ್‌ಗಳಿಂದ “ನಿಮ್ಮ ಅಕೌಂಟ್ ಬ್ಲಾಕ್ ಆಗಿದೆ, ಬ್ಯಾಲೆನ್ಸ್ ಚೆಕ್ ಮಾಡಲು ಈ ಲಿಂಕ್ ಒತ್ತಿ” ಎಂದು ವಾಟ್ಸಾಪ್‌ಗೆ ಲಿಂಕ್ ಕಳುಹಿಸಿದರೆ, ದಯವಿಟ್ಟು ಕ್ಲಿಕ್ ಮಾಡಬೇಡಿ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿ ಬಿತ್ತರಿಸುವುದಿಲ್ಲ.

ಲಿಂಗರಾಜ ರಾಮಪುರ

ಲಿಂಗರಾಜ ರಾಮಪುರ (Lingaraj Ramapur) ಅವರು NeedsOfPublic.in ನ ಸಂಸ್ಥಾಪಕರು ಮತ್ತು ಪ್ರಧಾನ ಸಂಪಾದಕರಾಗಿದ್ದಾರೆ. ಕರ್ನಾಟಕ ವಿಶ್ವವಿದ್ಯಾಲಯ ಧಾರವಾಡದಿಂದ ಐಟಿ (BCA, MCA) ಹಾಗೂ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನದಲ್ಲಿ ಸ್ನಾತಕೋತ್ತರ (M.A) ಪದವಿ ಪಡೆದಿರುವ ಇವರು ತಾಂತ್ರಿಕ ಮತ್ತು ಮಾಧ್ಯಮ ರಂಗದ ಅಪರೂಪದ ಸಂಗಮವಾಗಿದ್ದಾರೆ. ಡಿಜಿಟಲ್ ಪತ್ರಿಕೋದ್ಯಮಕ್ಕೆ ಕಾಲಿಡುವ ಮುನ್ನ ಬೆಂಗಳೂರಿನ ಪ್ರಖ್ಯಾತ ಬಹುರಾಷ್ಟ್ರೀಯ ಕಂಪನಿಗಳಾದ Infosys ಮತ್ತು Concentrix ನಲ್ಲಿ ತಾಂತ್ರಿಕ ಹುದ್ದೆಗಳಲ್ಲಿ ಕೆಲಸ ಮಾಡಿದ ಜಾಗತಿಕ ಅನುಭವ ಇವರಿಗಿದೆ. 2017 ರಿಂದ ಮಾಧ್ಯಮ ರಂಗದಲ್ಲಿದ್ದು, ಕಳೆದ 9 ವರ್ಷಗಳಿಂದ ಡೇಟಾ-ಆಧಾರಿತ ವರದಿಗಾರಿಕೆ, ನಿಖರವಾದ ಫ್ಯಾಕ್ಟ್-ಚೆಕಿಂಗ್ ಮತ್ತು ಸಾರ್ವಜನಿಕರಿಗೆ ವಿಶ್ವಾಸಾರ್ಹ ಮಾಹಿತಿಯನ್ನು ತಲುಪಿಸುವ ಸಂಪಾದಕೀಯ ಜವಾಬ್ದಾರಿಯನ್ನು ಯಶಸ್ವಿಯಾಗಿ ಮುನ್ನಡೆಸುತ್ತಿದ್ದಾರೆ.