ಈ ವರ್ಷ ಪಿಯುಸಿ ಮುಗಿಸಿ ಡಿಗ್ರಿ ಸೇರೋ ಮುನ್ನ, ಪ್ಯಾನ್ ಕಾರ್ಡ್ ಸೇರಿ ಈ 4 ಸರ್ಕಾರಿ ದಾಖಲೆಗಳನ್ನು ಕಡ್ಡಾಯವಾಗಿ ಮಾಡಿಸಿಕೊಳ್ಳಿ!

ನಿಮಗೆ ಈಗತಾನೇ 18 ವರ್ಷ ತುಂಬಿದೆಯಾ? ಅಥವಾ ನಿಮ್ಮ ಮನೆಯಲ್ಲಿ 18 ವರ್ಷದ ಆಸುಪಾಸಿನ ಮಕ್ಕಳಿದ್ದಾರಾ? ಹಾಗಾದರೆ ಈ ಲೇಖನ ನಿಮಗಾಗಿಯೇ! 18 ವರ್ಷ ಅಂದರೆ ಕೇವಲ ವಯಸ್ಕರಾಗುವುದಲ್ಲ, ಅದು ಜವಾಬ್ದಾರಿಯ ಆರಂಭ. ನೀವು ಭವಿಷ್ಯದಲ್ಲಿ ಕಾಲೇಜು ಪ್ರವೇಶಕ್ಕೆ, ಉದ್ಯೋಗಕ್ಕೆ, ಬ್ಯಾಂಕ್ ಕೆಲಸಗಳಿಗೆ ಅಥವಾ ವಿದೇಶಕ್ಕೆ ಹೋಗಬೇಕಾದರೆ, ಈ 4 ಪ್ರಮುಖ ಸರ್ಕಾರಿ ದಾಖಲೆಗಳು ನಿಮ್ಮ ಬಳಿ ಇರಲೇಬೇಕು. ಇಲ್ಲದಿದ್ದರೆ ಮುಂದೊಂದು ದಿನ ನೀವು ಕಷ್ಟಪಡಬೇಕಾಗಬಹುದು.

ಹೌದು, ಈಗ ತಾನೇ ಪಿಯುಸಿ ಮುಗಿಸಿ ಡಿಗ್ರಿಗೆ ಸೇರಿಕೊಳ್ಳುತ್ತಿರುವ ಎಲ್ಲಾ ವಿದ್ಯಾರ್ಥಿಗಳಿಗೆ ಈ ಕೆಳಗಿನ ನಾಲ್ಕು ದಾಖಲೆಗಳು ಮುಂಬರುವ ದಿನಗಳಲ್ಲಿ ಕಡ್ಡಾಯವಾಗಿ ಬೇಕಾಗುತ್ತವೆ. ಆದ್ದರಿಂದ ಈ ರಜೆ ಸಮಯದಲ್ಲಿ ಸಮಯವನ್ನು ವ್ಯರ್ಥ ಮಾಡದೆ, ಈ 4 ದಾಖಲೆಗಳನ್ನು ಸ್ವತಃ ನೀವೇ ಮೊಬೈಲ್ ಫೋನ್ ಅಥವಾ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಿ ಪಡೆಯಬಹುದು. ಇಲ್ಲವಾದರೆ ಮುಂದೊಂದು ದಿನ ಅರ್ಜೆಂಟಾಗಿ ಈ ದಾಖಲೆಗಳು ಬೇಕಾದಲ್ಲಿ, ಏಜೆಂಟರಿಗೆ ಹೆಚ್ಚಿನ ಹಣ ಕೊಟ್ಟು ದಾಖಲೆಗಳನ್ನು ಮಾಡಿಸಿಕೊಳ್ಳುವ ಪರಿಸ್ಥಿತಿ ಎದುರಾಗಬಹುದು.

18+ ಆದವರು ಮಾಡಿಸಲೇಬೇಕಾದ 4 ಪ್ರಮುಖ ದಾಖಲೆಗಳು:

1. ಪಾಸ್‌ಪೋರ್ಟ್ (Passport):

ಅನೇಕರು “ನಾನೇನು ಈಗಲೇ ವಿದೇಶಕ್ಕೆ ಹೋಗಲ್ಲ, ಪಾಸ್‌ಪೋರ್ಟ್ ಯಾಕೆ ಬೇಕು?” ಎಂದು ಅಂದುಕೊಳ್ಳುತ್ತಾರೆ. ಆದರೆ ಇದು ತಪ್ಪು. ಪಾಸ್‌ಪೋರ್ಟ್ ಮಾಡಿಸಲು ಕನಿಷ್ಠ 1 ರಿಂದ 2 ತಿಂಗಳು ಹಿಡಿಯುತ್ತದೆ. ಭವಿಷ್ಯದಲ್ಲಿ ನಿಮಗೆ ವಿದೇಶದಲ್ಲಿ ಓದಲು ಅಥವಾ ಕೆಲಸ ಮಾಡಲು ಹಠಾತ್ತನೆ ಅವಕಾಶ ಸಿಕ್ಕಾಗ, ಪಾಸ್‌ಪೋರ್ಟ್ ಇಲ್ಲದೆ ಆ ಅವಕಾಶವನ್ನು ಕಳೆದುಕೊಳ್ಳಬೇಕಾಗಬಹುದು.

ಅಪ್ಲೈ ಮಾಡುವುದು ಹೇಗೆ?: passportindia.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ. ಕೇವಲ ₹1500 ಆಸುಪಾಸಿನ ಶುಲ್ಕ ಪಾವತಿಸಿ ಅರ್ಜಿ ಸಲ್ಲಿಸಬಹುದು.

2. ವೋಟರ್ ಐಡಿ (Voter ID):

ಇದು ಕೇವಲ ಮತದಾನ ಮಾಡಲು ಮಾತ್ರವಲ್ಲ, ಭಾರತ ಸರ್ಕಾರದ ಅಧಿಕೃತ ಗುರುತಿನ ಚೀಟಿಯಾಗಿಯೂ (Government ID) ಕೆಲಸ ಮಾಡುತ್ತದೆ.

ಅಪ್ಲೈ ಮಾಡುವುದು ಹೇಗೆ?: voters.eci.gov.in ವೆಬ್‌ಸೈಟ್‌ಗೆ ಹೋಗಿ ಕೇವಲ 5 ನಿಮಿಷದಲ್ಲಿ ಅರ್ಜಿ ತುಂಬಬಹುದು. ಅರ್ಜಿ ಸಲ್ಲಿಸಿದ 5 ರಿಂದ 7 ದಿನಗಳಲ್ಲಿ ವೋಟರ್ ಐಡಿ ನಿಮ್ಮ ಮನೆ ಬಾಗಿಲಿಗೆ ಬರುತ್ತದೆ.

3. ಡ್ರೈವಿಂಗ್ ಲೈಸೆನ್ಸ್ (Driving License – DL):

ಇತ್ತೀಚಿನ ದಿನಗಳಲ್ಲಿ ವಾಹನ ಚಾಲನೆ ಪ್ರತಿಯೊಬ್ಬರಿಗೂ ತಿಳಿದಿರಲೇಬೇಕಾದ ಕೌಶಲ್ಯ. ನೀವು ವಾಹನ ಓಡಿಸಲು ಕಲಿಯುವ ಮುನ್ನ ‘ಲರ್ನಿಂಗ್ ಲೈಸೆನ್ಸ್’ (LLR) ಪಡೆಯುವುದು ಕಡ್ಡಾಯ.

ಅಪ್ಲೈ ಮಾಡುವುದು ಹೇಗೆ?: parivahan.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ ಆನ್‌ಲೈನ್ ಲರ್ನಿಂಗ್ ಲೈಸೆನ್ಸ್‌ಗೆ ಅಪ್ಲೈ ಮಾಡಿ. ಒಂದು ಸಣ್ಣ ಆನ್‌ಲೈನ್ ಟೆಸ್ಟ್ ಪಾಸ್ ಮಾಡಿದರೆ, ಅಂದೇ ನಿಮಗೆ ಲೈಸೆನ್ಸ್ ಸಿಗುತ್ತದೆ. ಇದರ ಶುಲ್ಕ ಸುಮಾರು ₹300 ಇರುತ್ತದೆ.

4. ಪ್ಯಾನ್ ಕಾರ್ಡ್ (PAN Card):

ಬ್ಯಾಂಕ್ ಖಾತೆ ತೆರೆಯಲು, ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು (Investment) ಅಥವಾ ಭವಿಷ್ಯದಲ್ಲಿ ಯಾವುದೇ ಆರ್ಥಿಕ ವ್ಯವಹಾರ ಮಾಡಲು ಪ್ಯಾನ್ ಕಾರ್ಡ್ ಅತ್ಯಂತ ಮುಖ್ಯ.

ಅಪ್ಲೈ ಮಾಡುವುದು ಹೇಗೆ?: NSDL ಅಥವಾ UTIITSL ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ ಅಪ್ಲೈ ಮಾಡಬಹುದು. ಇದಕ್ಕೆ ಸುಮಾರು ₹150 ಶುಲ್ಕವಿದ್ದು, ಕೇವಲ 5 ರಿಂದ 7 ದಿನಗಳಲ್ಲಿ ಪ್ಯಾನ್ ಕಾರ್ಡ್ ನಿಮ್ಮ ಮನೆಗೆ ತಲುಪುತ್ತದೆ.

ಕೃಷ್ಣಸಾಗರಿ

ಕೃಷ್ಣಸಾಗರಿ ಅವರು NeedsOfPublic.in ನ ‘ಉದ್ಯೋಗ ಮತ್ತು ವೃತ್ತಿ ಮಾರ್ಗದರ್ಶನ’ (Job Updates & Career) ವಿಭಾಗದ ಮುಖ್ಯಸ್ಥರಾಗಿದ್ದಾರೆ. ತುಮಕೂರಿನ ಸರ್ಕಾರಿ ನರ್ಸಿಂಗ್ ಕಾಲೇಜಿನಿಂದ B.Sc (Nursing) ಪದವಿ ಪಡೆದಿರುವ ಇವರು, ಸಾರ್ವಜನಿಕ ಜಾಗೃತಿ ಮತ್ತು ಮಾಹಿತಿ ನೀಡುವ ಆಸಕ್ತಿಯಿಂದಾಗಿ ಡಿಜಿಟಲ್ ಪತ್ರಿಕೋದ್ಯಮ ಕ್ಷೇತ್ರವನ್ನು ಆಯ್ದುಕೊಂಡಿದ್ದಾರೆ. ಡಿಜಿಟಲ್ ಮಾಧ್ಯಮ ರಂಗದಲ್ಲಿ 3 ವರ್ಷಗಳ ಅನುಭವ ಹೊಂದಿರುವ ಇವರು, ಸರ್ಕಾರಿ ಉದ್ಯೋಗದ ಅಧಿಸೂಚನೆಗಳು (Govt Job Notifications), ಖಾಸಗಿ ನೇಮಕಾತಿಗಳು ಮತ್ತು ಶೈಕ್ಷಣಿಕ ಅಪ್‌ಡೇಟ್‌ಗಳನ್ನು ಒದಗಿಸುವಲ್ಲಿ ಪರಿಣತಿ ಹೊಂದಿದ್ದಾರೆ. ನಿರುದ್ಯೋಗಿ ಯುವಕ-ಯುವತಿಯರಿಗೆ ಯಾವುದೇ ಗೊಂದಲವಿಲ್ಲದೆ, ಕೇವಲ ಅಧಿಕೃತ ಮೂಲಗಳಿಂದ ಪರಿಶೀಲಿಸಿದ (Verified) ನಿಖರ ಮಾಹಿತಿಯನ್ನು ಸಕಾಲದಲ್ಲಿ ತಲುಪಿಸುವುದೇ ಇವರ ಬರವಣಿಗೆಯ ಶೈಲಿಯಾಗಿದೆ.