ಜೀವನದಲ್ಲಿ ಎಲ್ಲಾ ದಾರಿ ಮುಚ್ಚಿದೆ ಎನ್ನಿಸಿದಾಗ ಈ 5 ಸಾಲಿನ ಮಂತ್ರ ಹೇಳಿಕೊಳ್ಳಿ; ನಿಮ್ಮ ಕಷ್ಟಗಳೆಲ್ಲಾ ಮಂಜಿನಂತೆ ಕರಗುತ್ತೆ.

ಕಷ್ಟಗಳು ಬೆಂಬಿಡದೆ ಕಾಡುತ್ತಿದೆಯೇ? ಕಣ್ಣೀರು ಹಾಕುವ ಬದಲು ಈ 5 ಮಂತ್ರ ಪಠಿಸಿ, ನಿಮ್ಮ ಜೀವನದಲ್ಲಿ ಪವಾಡವೇ ನಡೆಯುತ್ತೆ!

ಜೀವನವು ಎಲ್ಲೋ ಮುಳ್ಳಿನ ಹಾದಿಯಲ್ಲಿ ಸಿಲುಕಿಕೊಂಡಿದೆ ಎನ್ನಿಸಿದಾಗ, ದುಃಖಗಳು ಜೀವನವನ್ನು ಆಳಲು ಪ್ರಾರಂಭಿಸಿದಾಗ, ನಾವು ಅಂದುಕೊಂಡ ಯೋಜನೆಗಳೆಲ್ಲಾ ಕೈತಪ್ಪಿ ಹೋಗುತ್ತಿರುವಾಗ ಮತ್ತು ಧೈರ್ಯವು ಸಂಪೂರ್ಣವಾಗಿ ಮರೆಯಾದಾಗ ನಮಗೆ ಆಸರೆಯಾಗುವುದೇ ದೇವರ ನಾಮ.

ಮಂತ್ರಗಳಿಗೆ ನಮ್ಮ ಸಮಸ್ಯೆಗಳನ್ನು ಸರಿಪಡಿಸುವ, ಸರಿಯಾದ ಮಾರ್ಗವನ್ನು ತೋರಿಸುವ ಅದ್ಭುತ ಶಕ್ತಿಯಿದೆ. ಕಷ್ಟದ ಸಮಯದಲ್ಲಿ ನಾವು ಅಳುತ್ತಾ ಕೂರುವ ಬದಲು, ಕೆಲವೊಂದು ಶಕ್ತಿಶಾಲಿ ಮಂತ್ರಗಳನ್ನು ಪಠಿಸಿದರೆ ಅದು ನಮ್ಮ ಜೀವನದಲ್ಲಿ ಪವಾಡವನ್ನೇ ಸೃಷ್ಟಿಸಬಲ್ಲದು. ನಿಮ್ಮ ಕಷ್ಟದ ಸಮಯದಲ್ಲಿ ಸ್ನೇಹಿತರಂತೆ ಬಂದು ಸಹಾಯ ಮಾಡುವ, ಮಾನಸಿಕ ಶಾಂತಿ ತಂದುಕೊಡುವ 5 ಪ್ರಮುಖ ಮಂತ್ರಗಳು ಇಲ್ಲಿವೆ.

1. ಮಾನಸಿಕ ಧೈರ್ಯವನ್ನು ತಂದುಕೊಡುವ ಮಂತ್ರ

ನೀವು ಆರ್ಥಿಕ ಒತ್ತಡ, ವೃತ್ತಿಪರ ಸಮಸ್ಯೆ ಅಥವಾ ಭಾವನಾತ್ಮಕ ಮುರಿತವನ್ನು ಅನುಭವಿಸುತ್ತಿದ್ದರೆ ಈ ಮಂತ್ರ ಪಠಿಸಿ:

“ಯದ್‌ ಭಾವಂ ತದ್‌ ಭವತಿ”

ಅರ್ಥ: ನಿಮ್ಮ ಮನಸ್ಸಿನಲ್ಲಿ ನೀವು ಹೇಗೆ ಆಲೋಚಿಸುತ್ತೀರೋ, ಹಾಗೆಯೇ ಆಗುತ್ತೀರಿ.

ಪ್ರಯೋಜನ: ನಿಮ್ಮ ಮನಸ್ಸಿನಲ್ಲಿ ಸಮಸ್ಯೆಗಳನ್ನು ದೊಡ್ಡದೆಂದು ಭಾವಿಸಿದರೆ ಅದು ದೊಡ್ಡದಾಗಿಯೇ ಇರುತ್ತದೆ. ಚಿಕ್ಕದೆಂದು ಭಾವಿಸಿದರೆ ಎಷ್ಟೇ ದೊಡ್ಡ ಕಷ್ಟವಾದರೂ ಚಿಕ್ಕದಾಗಿಯೇ ಕಾಣಿಸುತ್ತದೆ. ಈ ಮಂತ್ರವು ನಿಮಗೆ ಆಂತರಿಕ ಶಕ್ತಿ ಮತ್ತು ಧೈರ್ಯವನ್ನು ತುಂಬುತ್ತದೆ.

2. ಇತರರ ಒಳಿತಿನಲ್ಲಿ ನಮ್ಮ ಸಮಸ್ಯೆಗಳಿಗೆ ಪರಿಹಾರ

ಜನರು ವೈಯಕ್ತಿಕ ಸಮಸ್ಯೆಗಳಲ್ಲಿ ಸಿಲುಕಿಕೊಂಡಾಗ ಜಗತ್ತೇ ಕತ್ತಲೆಯಾದಂತೆ ಭಾಸವಾಗುತ್ತದೆ. ಆ ಭಯವನ್ನು ಹೋಗಲಾಡಿಸಲು ಈ ಮಂತ್ರ ಪಠಿಸಿ:

“ಸರ್ವೇ ಭವಂತು ಸುಖಿನಃ | ಸರ್ವೇ ಸಂತು ನಿರಾಮಯಾಃ | ಸರ್ವೇ ಭದ್ರಾಣಿ ಪಶ್ಯಂತು | ಮಾ ಕಶ್ಚಿದ್ ದುಃಖಭಾಗ್ಭವೇತ್‌ ||”

ಅರ್ಥ: ಎಲ್ಲರೂ ಸಂತೋಷವಾಗಿರಲಿ, ಎಲ್ಲರೂ ಅನಾರೋಗ್ಯದಿಂದ ಮುಕ್ತರಾಗಲಿ. ಎಲ್ಲರೂ ಶುಭವಾದದ್ದನ್ನು ನೋಡಲಿ, ಯಾರೂ ದುಃಖದಿಂದ ಬಳಲದಿರಲಿ.

ಪ್ರಯೋಜನ: ನೀವು ಇತರರಿಗೆ ಒಳಿತನ್ನು ಬಯಸುವ ಮೂಲಕ ಜಗತ್ತು ಮತ್ತು ದೇವರು ನಿಮಗೆ ಅನುಕೂಲತೆಯನ್ನು ಕರುಣಿಸುತ್ತಾರೆ.

3. ಉದ್ಯೋಗದಲ್ಲಿನ ಸಮಸ್ಯೆಗಳನ್ನು ದೂರ ಮಾಡುವ ಮಂತ್ರ

ಉದ್ಯೋಗದಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿರುವವರು, ಮಾನಸಿಕ ಒತ್ತಡಕ್ಕೆ ಒಳಗಾದವರು ಹಾಗೂ ಸಾಮಾಜಿಕ ಸಮಸ್ಯೆಗಳಿಗೆ ಗುರಿಯಾಗಿರುವವರು ಈ ಮಂತ್ರವನ್ನು ಪಠಿಸಬೇಕು:

“ನಾಹಂ ದೇಹೋ ನಮೇ ದೇಹೋಜೀವೋ | ನಾಹಂ ಚಾಹಂದರೂಪಃ ಶಿವೋಹಂ ಶಿವೋಹಂ ||”

ಅರ್ಥ: ನಾನು ದೇಹವೂ ಅಲ್ಲ, ಮನಸ್ಸೂ ಅಲ್ಲ. ನಾನು ಅಹಂಕಾರಕ್ಕೆ ಬದ್ಧನಾದವನಲ್ಲ. ನನ್ನ ಸ್ವಭಾವ, ಪ್ರಜ್ಞೆ ಮತ್ತು ಆನಂದ ಅರಿವು ಮಾತ್ರ ನಾನು.

ಪ್ರಯೋಜನ: ಈ ಮಂತ್ರವನ್ನು ಪದೇ ಪದೇ ಪಠಿಸುವುದರಿಂದ ಭವಿಷ್ಯದಲ್ಲಿ ಎದುರಾಗುವ ಸಮಸ್ಯೆಗಳ ಬಗ್ಗೆ ನಿಮಗೆ ಮೊದಲೇ ಊಹೆ ಸಿಗುತ್ತದೆ ಮತ್ತು ಒತ್ತಡ ನಿವಾರಣೆಯಾಗುತ್ತದೆ.

4. ಏಕಾಂಗಿತನ ದೂರಮಾಡಿ, ದೃಢವಾದ ಭರವಸೆ ನೀಡುವ ಶ್ಲೋಕ

ಅನಾರೋಗ್ಯ, ಬಳಲಿಕೆ ಅಥವಾ ದೀರ್ಘಕಾಲದ ಕಷ್ಟದ ಸಮಯದಲ್ಲಿ, “ನಾನೊಬ್ಬನೇ ಒಂಟಿ” ಎನ್ನಿಸಿದಾಗ ಈ ಶ್ಲೋಕ ಪಠಿಸಿ:

“ತ್ವಮೇವ ಮಾತಾ ಚ ಪಿತಾ ತ್ವಮೇವ | ತ್ವಮೇವ ಬಂಧುಶ್ಚ ಸಖಾ ತ್ವಮೇವ | ತ್ವಮೇವ ವಿದ್ಯಾ ದ್ರವಿಣಂ ತ್ವಮೇವ | ತ್ವಮೇವ ಸರ್ವಂ ಮಮ ದೇವ ದೇವ ||”

ಅರ್ಥ: ಓ ದೇವ.. ನೀನೊಬ್ಬನೇ ನನ್ನ ತಾಯಿ ಮತ್ತು ತಂದೆ. ನೀನೊಬ್ಬನೇ ನನ್ನ ಬಂಧು ಮತ್ತು ಸ್ನೇಹಿತ. ನೀನೊಬ್ಬನೇ ಜ್ಞಾನ ಮತ್ತು ಸಂಪತ್ತು. ನೀನೊಬ್ಬನೇ ನನಗೆ ಎಲ್ಲವೂ.

ಪ್ರಯೋಜನ: ಸಂಬಂಧಗಳು ದೂರಾಗುವ ಅಂಚಿನಲ್ಲಿದ್ದಾಗ ಈ ಸ್ತೋತ್ರವು ಸಂಬಂಧಗಳನ್ನು ಬಲಗೊಳಿಸುತ್ತದೆ. ಸಮಸ್ಯೆಗಳ ಹೊರೆಯಿಂದ ನಾನು ಏಕಾಂಗಿಯಾಗಿದ್ದೇನೆ ಎನ್ನುವ ಭಾವನೆಯನ್ನು ಇದು ತೆಗೆದುಹಾಕುತ್ತದೆ.

5. ಕತ್ತಲೆಯಿಂದ ಬೆಳಕಿನೆಡೆಗೆ ಕೊಂಡೊಯ್ಯುವ ಶಾಂತಿ ಮಂತ್ರ

ಶಬ್ದ ಮತ್ತು ಗೊಂದಲಗಳ ಮಧ್ಯೆ ನಿಮ್ಮ ಮನಸ್ಸಿಗೆ ಅತೀವ ಶಾಂತಿ ಬೇಕಾಗಿದ್ದರೆ ಇದನ್ನು ಜಪಿಸಿ:

“ಅಸತೋ ಮಾ ಸದ್ಗಮಯ | ತಮಸೋ ಮಾ ಜ್ಯೋತಿರ್ಗಮಯ | ಮೃತ್ಯೋರ್ಮಾ ಅಮೃತಂಗಮಯ ||”

ಅರ್ಥ: ಓ ದೇವರೇ, ನನ್ನನ್ನು ಅಸತ್ಯದಿಂದ ಸತ್ಯದತ್ತ, ಅಜ್ಞಾನವೆಂಬ ಕತ್ತಲೆಯಿಂದ ಜ್ಞಾನವೆಂಬ ಬೆಳಕಿನತ್ತ, ಮತ್ತು ಮೃತ್ಯುವಿನಿಂದ ಅಮರತ್ವದ ಕಡೆಗೆ ಮುನ್ನಡೆಸು.

ಪ್ರಯೋಜನ: ಇದು ನಿಮ್ಮ ಜೀವನಕ್ಕೆ ದಿಕ್ಸೂಚಿಯಂತೆ ಕಾರ್ಯನಿರ್ವಹಿಸುತ್ತದೆ. ಸ್ಪಷ್ಟ ಮನಸ್ಸನ್ನು ಪಡೆದುಕೊಳ್ಳಲು, ಗುರಿಯತ್ತ ದೃಢವಾದ ಹೆಜ್ಜೆಯಿಡಲು, ಮತ್ತು ಸಕಾರಾತ್ಮಕ ಚಿಂತನೆಯನ್ನು ಬೆಳೆಸಿಕೊಳ್ಳಲು ಈ ಮಂತ್ರ ಪಠಿಸಬೇಕು.

ವಿಶೇಷ ಸಲಹೆ

“ಈ ಮಂತ್ರಗಳನ್ನು ಪಠಿಸಲು ದೇವಸ್ಥಾನಕ್ಕೇ ಹೋಗಬೇಕೆಂದಿಲ್ಲ. ಮನೆಯಲ್ಲೇ ಅಥವಾ ಯಾವುದಾದರೂ ಪ್ರಶಾಂತವಾದ ಸ್ಥಳದಲ್ಲಿ ಕುಳಿತು ಕಣ್ಣುಮುಚ್ಚಿ, ಭಕ್ತಿಯಿಂದ ಈ ಮಂತ್ರಗಳನ್ನು ಜಪಿಸಿ. ನಿಮ್ಮ ಮನಸ್ಸಿನ ಭಾರವೆಲ್ಲಾ ಇಳಿದು, ಎಷ್ಟೊಂದು ಶಾಂತಿ ಸಿಗುತ್ತದೆ ಎಂಬುದನ್ನು ನೀವೇ ಸ್ವತಃ ಅನುಭವಿಸುವಿರಿ.”

ಫುಡ್ ಟ್ರಕ್ ಬ್ಯುಸಿನೆಸ್; ಪ್ರವಾಸೋದ್ಯಮ ಇಲಾಖೆಯಿಂದ ಸಿಗ್ತಿದೆ ಭರ್ಜರಿ 5 ಲಕ್ಷ ಸಹಾಯಧನ; ಇಂದೇ ಅರ್ಜಿ ಹಾಕಿ.

ಈ ಮಾಹಿತಿಗಳನ್ನು ಓದಿ

ದಯವಿಟ್ಟು ಗಮನಿಸಿ: ನೀಡ್ಸ್ ಆಫ್ ಪಬ್ಲಿಕ್ ತನ್ನ ಓದುಗರಿಗೆ ನಿಖರವಾದ ಮತ್ತು ಅಧಿಕೃತ ಮಾಹಿತಿಗಳನ್ನು ಮಾತ್ರ ಪ್ರಕಟಿಸುತ್ತದೆ. ಇಲ್ಲಿ ನಾವು ಯಾವುದೇ ಅನಧಿಕೃತ ಮತ್ತು ಸುಳ್ಳು ಮಾಹಿತಿಯನ್ನು ಬಿತ್ತರಿಸುವುದಿಲ್ಲ.